амын бараг тал хувь нь 25-аас доош насныхан. Солонгосыг зорихоор хонон өнжин дугаарласныхаа төлөө эх орноосоо урвасанд тооцогдох дээрээ тулаад буй Монгол залуус.
Арчаагүй, амьдралгүйгээрээ дуудуулах манай залуусын нийтлэг дүр төрх. Дэлхийн хэмжээнд авьяас чадвараа шагшуулах cop болсон хэдэн залуусынхаа нэр нөлөөг нэг л түрэлтээр үгүй хийж чаддаг дипломтой, дипломгүй ажилгүйчүүдийн бүхэл бүтэн арми. Арга ч үгүй юм, манай нийгмийн олонхийг залуус бүрдүүлдэг хойно. Олонх дотор хэл ам, хэрэг төвөг гээд хар бараан зүйлст холбогдох нь ч бас олон л байж таараа. Тэгээд ч залуу байхад юм юм л үзнэ гэдэг билүү.
Гэхдээ энэ нь Монголын залуусын гундуухан, ад үзэгдсэн гэмээр амьдралын зөвтгөл мөн үү. Үгүй гэж бодож байна. Яагаад гэвэл, манай залуус массаараа орхигдчихож. Өнгөц харахад залуусаас нэг л их юм хүлээдэг ч хэрэг дээрээ тэднийг “тэг, ингэ” гээд чиглүүлээд зангидчих хүн, байгууллага, бодлого шийдвэр байгаа гэж үү. Зүгээр л тэд зөнгөөрөө, ёстой л бор зүрхээрээ болгож байна гэлтэй. Үнэндээ өнөөдөр залууст чиглэсэн цэгцтэй, даацтай бодлого үгүйлэгдэж байна. Залуучуудын эрх ашгийг хамгаалсан хууль, бодлого шийдвэр гаргах, залуучуудын асуудал хариуцсан төрийн байгууллагатай болох гэхчилэн олон асуудал орхигдож байна.
Өөрөөр хэлбэл, залуусын асуудлыг шийдвэр гаргах, хэрэгжүүлэх төвшинд хүргэж, түүнийхээ араас нэхэл дагал болж, шаардлагатай бол дарамт шахалт үзүүлэх байдал үнэхээр дутагдаж байна. Уг нь бол энэ нийгмийн хамгийн олон гишүүнтэй давхарга болох залуусын төлөө ийм юм хийгээч ээ гээд л төр засгийнхны чихнээс байнга хонх уях хэрэгтэй. Харамсалтай нь тэгж чадахгүй байна.
Уг нь аль ч намын харьяалалд бус, нийт залуусын төлөө үйлчлэх ёстой нэг байгууллага байдаг нь Монголын залуучуудын холбоо. “Бошгыг халах залуучуудын эвлэл” хэмээн байгуулагдаж байсан тус холбоо нь 20 жилийн өмнө нийгэм бүхэлдээ өөрчлөгдөхөд хуучин нийгмийн залуучуудад үйлчилж байсан байгууллагын суурин дээр албан ёсны залгамжлагчаар байгуулагдсан юм.
Монголын залуучуудын байгууллага Монголын залуучуудын холбоо болтлоо нэрээ л хэдэнтээ өөрчилснийг эс тооцвол нэр төртэйгээр, тасралтгүй үйл ажиллагаа явуулж ирснийг түүх гэрчилнэ. Харамсалтай нь Монголын залуучуудын байгууллага өнгөрсөн 20 жилийн хугацаанд явж ирсэн байдлаас өлгөөд авах зүйл үнэндээ алга.
Харин Монголын залуучуудын холбоо шинэ жилийн үеэр оны шилдэг оюутан шалгаруулчихдаг юм. Бас ДОХ, архи, тамхины эсрэг дэлхий нийтийн өдөр, тэмдэглэлт арга хэмжээний хүрээнд зохион байгуулдаг олон нийтийн үйл ажиллагаанд “Монголын залуучуудын холбоо” гэсэн нэрээ эвтэйхэн хавчуулчихдаг. Мөн байрныхаа гадаах “Монгол залуу хүний эрхэмлэх есөн зүйл” бүхий самбартаа жилдээ нэг будаг нялдаг байх.
Аан тийм, “Авьяас Сэргэлэнчүүдийн Тэмцээн” буюу АСТ-ийг зундаа нэг зохиодог. Гэхдээ эрдэм шинжилгээний хурал хийчихдэг байснаа сүүлийн жилүүдэд бүр больсон бололтой. Залуучуудын холбооны шагнал гэдэг нь ч утгаа алдаж, үнэгүйдсэн гэхэд болно. Энэ мэт үлгэн салган үйл ажиллагаа явуулж ирснийг эс тооцвол Монголын залуучуудын холбооны өнгөрсөн 20 жил үлдээж тэмдэглэх түүхээр ч маруухан. Үнэндээ нэг нийгмээс нөгөөд шилжих үеийн залуучуудын байгууллага яг л 20 жилийн өмнөхөөрөө байна.
Өнөөдөр Монголын залуучуудын холбооны үйл ажиллагаа хэтэрхий ядмаг, хөөрхийлөлтэй байна. Монголын залуучуудын холбоо ирэх 20 жил хамгийн эрэлт хэрэгцээтэй байх мэргэжлийг тодорхойлж, мэргэжлээ сонгож чадахгүй байгаа залууст тусалж байх ёстой байгууллагын үйл ажиллагаа нэг иймэрхүү л байна. Өөрөөр хэлбэл, Монголын залуусын урвагар, үлбэгэр байдал залуучуудынх нь байгууллагын урагшгүйтэй шууд холбоотой.
Энэ байгууллага Монгол Улсыг гадаадад бүрэн төлөөлөх эрхтэй. Бүтэц зохион байгуулалтын хувьд 21 аймаг, есөн дүүрэг, сум, үйлдвэр, аж ахуйн нэгж, албан газруудад 600 гаруй анхан шатны нэгж, 120 мянга гаруй идэвхтэн дэмжигчидтэй үндэсний хэмжээний томоохон байгууллага. Харин байгууллагын үйл ажиллагаа муу байгаа нь удирдлагатай шууд холбоотой. Энэ байгууллагыг удирдаж, идэвхтэй ажиллуулж чадах тийм л хүн үгүйлэгдэж байна. Намайг хүүхэд байхийн л энэ байгууллагын ерөнхийлөгч нь байсан Ц.Зоригтбаатар гэж нөхөр хийсэн бүтээсэн зүйлгүй хэрнээ хадчихсан юм шиг яг суудалдаа байсаар л байна.
Тэртээ 1998 онд Ц.Зоригтбаатар энэ ажлыг одоогийн УИХ-ын гишүүн Ч.Сайханбилэгээс хүлээн авч байсан юм билээ. Одоо бараг “өвөө” л болсон баймаар юм. Ц.Зоригтбаатар ач, зээ тэвэрч өвөө болоогүй байлаа ч залууст хөгшдөх “өвгөн” сэтгэлгээтэй дарга. Холбоогоороо ховорхон орж, гардаг энэ “өвөө”-гийн барааг Улсын баяр наадмын үндэсний бөхийн барилдаанаас шинээр төрөн гарсан хамгийн залуу начныг шагнахаар наадмын дэвжээнээ даага хөтлөн гарч ирэхэд нь жилдээ нэг харах боломжтой.
Нэг хэсэг мань хүн бүр Монголд ирэхээ байгаад Канадад гэр бүлийнхээ хамт амьдарч байсан гэдэг. Байгууллага удирдах авьяас чадвар дутмаг юм уу гэхээр хүн залилж, мөнгө идэхээ бас чадаад байгаа юм. Одоогоос 10 жилийн өмнө буюу Монголын залуучуудын холбооны 80 жилийн ойгоор Ц.Зоригтбаатар залуучуудад хамгийн их эрэлт хэрэгцээтэй байр, орон сууцны эрэлтийг далимдуулан Л.Оттингер хэмээх чех эртэй хамтран хамаг мөнгийг нь хамж, алга болгосон түүхтэй.
Ийнхүү Монголын залуучуудын байгууллагын дарга нь хүний нутагт хөлс, цусаа урсган байж олсон хэдэн төгрөгийг нь харийн эртэй хамт халаасалж орхисон юм. Гэтэл манай залуусын хэд нь байрын мөнгө гээд хураалгах чадалтай билээ. Тэгээд ч залуучуудын байгууллагын ерөнхийлөгч нь итгэлтэй нь аргагүй хэлж, тархийг нь угааж байхад түүнд итгэхээс өөр хэнд итгэх билээ. “Залуу хос” орон сууцны хөтөлбөр хэрэгжүүлнэ гэж 100 орчим хүнийг 500 орчим сая төгрөгөөр хохироосон эрхэм хэнэг ч үгүй суудалдаа тухалсаар.
Нөгөө чех эр зургаан жил шоронд хоригдох ял сонссон ч “өвгөн” дарга өрөвдөлтэй царай гаргасаар суудлаасаа өндийхгүй байгаа. Учир нь тэрбээр элэгний хорт хавдар туслаа гэж өвчин шаналалаа тоочсоор уснаас хуурай гарч чадсан юм. Өнөөдөр л намжаад байгаа болохоос тухайн үедээ түүний өдүүлсэн орон сууцны хэргийн дуулиан бүхний дургүйг хүргэж байсан. Гэвч тэрбээр тэр хэл ам, шуугианаас жишим ч үгүй суудалтайгаа зууралдсаар.
Учир нь тэрбээр энэ суудалтай үхэн хатан зууралдаад байгаа нь түүнээс цаана асар их эдийн сонирхол, эрх ашиг байгаа хэрэг. Учир нь хөрөнгө санхүүгийн бэрхшээлээс болон өнөөдөр хөлөө олж ядан байгаа төрийн бус байгууллагуудыг бодвол Монголын залуучуудын холбоо жил бүр Засгийн газраас тодорхой хэмжээний санхүүжилт авдаг тусгай статустай байгууллага. Түүнчлэн “Залуучуудын хөгжлийн Полиси төв” болон холбооны төв дөрвөн давхар саарал байраа түрээсэлж чамлахааргүй ашиг олдог нь хэнд ч илэрхий.
Энэ жилийн хувьд Монголын залуучуудын байгууллагын 90 жилийн ой тохионо. Засгийн газраас энэ ойг тэмдэглэн өнгөрүүлэхэд зориулж 150 орчим сая төгрөг гаргахаар болсон юм билээ. Харин УИХ-ын гишүүн Ч.Сайханбилэг, С.Баярцогт нарын хүмүүс бид л Монголын залуучуудад зориулан хөрөнгө мөнгө батлууллаа хэмээн сайрхаж яваа сурагтай. Мөн Ерөнхийлөгч Ц.Элбэгдорж тус холбоонд дориухан шиг мөнгө хаяж дэмжих гэж байгаа мэдээ чих дэлссэн шүү.
Жил бүрийн наймдугаар сарын 25. Энэ бол “Монголын залуучуудын өдөр”. Монголын залуус энэ өдрийг аанай л 20 жил тэмдэглэж өнгөрүүллээ. Энэ өдөр Сүхбаатарын талбайд хэдэн хөгжим аппарат зоож өдөрлөг зохион болоод өнгөрдөг гэхэд нэг их хэтрүүлсэн болохгүй л болов уу. Энэ жил ч бас тэр л жишиг давтагдах биз. Хөрөнгө санхүүгийн хувьд толгой гудийхааргүй нөхцөлд ажиллаж байгаа Монголын залуучуудын холбоо аливаа арга хэмжээг дориухан зохион байгуулчихаж болмоор юм.
Гэхдээ Монголын залуучуудын холбооны “өвгөн” дарга Ц.Зоригтбаатар Танаа хандаж хэлэхэд, нэг удаагийн арга хэмжээ яахав, болдог юм болоод л өнгөрнө. Харин нэгэн үеийн залуусын амьдралаар тоглохоо зогсоовол яасан юм бэ. Та өвчин шаналалаараа дамжуулан өөрийгөө өрөвдүүлсээр л байх уу. Таны асуудлын дэргэд Монголын хүн амын тэн хагас болсон залуусын гундуухан амьдрал илүү өр өвтгөм биш байна гэж үү. Даага хөтөлсөн ядруухан эр хүн Таниас Монголын залуус залхаж байна.

Б.Номин

Залуучуудын холбооны “өвгөн” дарга Ц.Зоригтбаатар танаа
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Залуучуудын холбоог нэр хүндтэй удирдаад явж байгаа хүнийг хэний захиалгаар харлуулах гэж оролдоод байгаа юм бол?

2011-08-26 | 14:16:39 | 203.194.119.83 |

Зочин
эхдээ мөнгөгүй хүн л архи уудаг, мөнгөгүй ажилгүй, ядуу хүн л унтдаг, архи уудаг, сэтгэлийн гутралаасаа жаахан ч гэсэн зугатах, мартагнах гэж мөнгөтэй болмогцоо л архи уудаг. Хэрвээ сард сая төгрөг авдаг бол тэр хүн цалингаа аваад архи уугаад алга болох уу? Сэтгэл гутрал хэмээх тийм онгорхой орон зай гарахгүй шүү дээ. Хүн мөнгө олоод ирэхээрээ улам л их олохыг боддог, улам их ажил руугаа яардаг. Архичин баян гэж байдаггүй, баян унтаахай гэж байдаггүй л байхгүй юу. Үнэнийг хэлэхэд баячууд л өглөө хар үүрээр босч гүйж, харайж спортоор хичээллэдэг шүү дээ. Монгол барилгачин өдөрт 30000 авдаг бол архи уухгүй байх байсан, илүү гарснаа банкинд хийчхээд бушуухан л ажил руугаа гүйх байсан... АЖИЛГҮЙ, ЗАЛХУУ, ЧАДВАРГҮЙ гэгдэж байгаа монгол залуучуудаа би өмөөрнө, худлаа байхгүй юу, тэд чинь хүн юм болохоороо илжиг шиг боолчлогдохыг эсэргүүцсэндээ л ажил хийхгүй яваад байгаа хэрэг шүү дээ. Хүний эрхэнд жаргахаар өөрийн эрхээр зов гэдэг байх аа, хөлсгүй шахам ажил хийхгүй байгаа нь эрх чөлөөгөө эдлэж буй монгол залуусын чөлөөт сонголт биш үү?

2011-08-18 | 14:46:00 | 182.160.46.101 |

Зочин
гэй юм биш уу

2011-08-16 | 07:20:27 | 99.61.93.224 |

Мэдээ
Гадаад мэдээ
Видео