шийдвэрлэж дууссан процессыг бүрэн эхээр нь нийтэлдэг аж. Хурлын протоколоос харахад Б.Хурцад английн талаас ямар ч байгууллага албан ёсны урилга өгөөгүй, ямар ч нууц хэлэлцээр, уулзалт төлөвлөгдөөгүй байсныг Өгөөмөр бичсэн байна. Түүний нийтлэлийг хүргэе.

Ямар зорилгоор ХЭН гуай ингэж монголчуудын тархийг эргүүлэх гэж ор үндэсгүй мэдээлэл тарааж чухам англичууд л Б.Хурцыг мэхлэн аваачаад баривчлан оронд нь элдэв баялаг эзэмших эрх эдлээд, одоо тэгээд Герман луу шилжихээр нь харгианууд бас баахан орд, уурхайн баялаг эзэмших эрх нэхэх юм байна гэсэн ойлголт төрүүлээд байгаа юм бол доо. Би энэ хэрэгтэй уялдуулаад өөрийнхөө санааг дэвшүүлсэн нийтлэл бичсэнийг санаж байгаа биз.

Тийм болохоор шүүх ажиллагааны талаар сонирхоод завтай үедээ Bat Khurts гэж бичээд Гүүглдэнээ. Тэгээд л дэлхий нийтээр энэ талаар бичиж байгаа сайтууд руу орж өгнө шүү дээ. Гэтэл өчигдөр Их Британийн Нэгдсэн вант улсын дээд шүүхийн сайт, болж өнгөрсөн дуулиантай бүх л шүүх хурлын ажиллагааг хэрхэн шийдвэрлэж дууссан процессыг бүрэн эхээр нь нийтэлдэг юм байна гэдгийг мэдэж авлаа. Ингээд манай тагнуулчийн давж заалдсан хурлын ажиллагааг нэгд нэгэнгүй уншаад надад төрсөн бодлыг минь улам лавшрууллаа. Тийм болохоор дахиад энд давтахад Б.Хурцыг суллуулахаар улайран зүтгэж байгаа нь өнгөн төрхөндөө хүнээ авах гэсэн монголын төр засаг мэт харагдавч яалт ч үгүй С.Зоригийн аллагад хамааралтай хүмүүс байгаа нь тэнэг хүнд ч ойлгогдохоор болж байна. Эдгээр хүмүүс л өөрсдийнхөө үйлдсэн хэргийг илэрвэл монголын ард түмэн тасдаж хаяна гэдгийг мэдэж байгаа учраас өөрсдөө Францад ураныхаа хаалга нээж, Англичуудын дэнжигнэж эхэлсэн биржид хөрөнгийн борлуулалт хийх боломж тушааж, Германчуудад төмөр зам ч юмуу хурдны замын шав босгох, эсвэл тэр ари эзэнтэй Хаан банкинд сагсалзах эрх өгөөд байгаа юмуу. Тэглээ гээд юу хожив. Хурцыг суллачихна гэж тооцоолсон бололтой. Харин ч Орос ах, хужаа *хамаатан* нарынхаа цухлыг л хөдөлгөх шив дээ. Намрын тариа хураалтын ид үе эхэлж байхад бензин тосоо боосон нь нэг сануулга. *Өвлийн идшээ базаах* гэж ядахад машин тэрэг гаргахгүй гэсэн нь бас нэг санаа агуулаад байна. За ингээд энэ сайт руу ороод Хурц гэдэг тагнуулчийг   маань англичууд хуураад аваачсан байна уу, эсвэл монголчууд өөрсдөө тушаачихсан байна уу гэдгийг олоод хараарай.

http://www.judiciary.gov.uk/Resources/JCO/Documents/Judgments/khurts-bat-v-federal-court-germany.pdf

http://www.bailii.org/cgi-bin/markup.cgi?doc=/ew/cases/EWHC/Admin/2011/2029.html&query=bat+and+khurts&method=boolean

Англи улсын нууцын албаныхантай хамтын ажиллагааны холбоо тогтоож хамтарч ажиллах саналыг Үндэсний Аюулгүй Байдлын Хорооны ерөнхий нарийн бичгийн дарга Цагаандарь анх эхлүүлэн (2009 оны арван сарын 12), мөн ижил тушаалтан Энхтүвшин, Англид суугаа элчин сайд Б.Алтангэрэл, байнгын хорооны нарийн бичиг Нархүү, мөн байнгын хорооны дэргэдэх олон улсын салбар хариуцсан тэргүүн Чинүүхэй нар оролцон английн элчин сайд , мөн бусад албаны хүмүүстэй утсаар ярих, уулзалт зохиох, э-майлээр харьцах гэх мэтээр холбогдож байсан бүх материалтай шүүгч Лорд Мосес танилцсан байна.

Бүх үйл ажиллагаа нь хамтарч ажиллах, хэлхээ холбоо тогтооход чиглэгдэж байсан бөгөөд бүгдийг монголын тал өөрсдөө санал болгож, өөрсдөө хүчээр маягтай шаардаж эхлүүлсэн нь харагдаж байна. Монголд байсан английн элчин сайд Б.Диксоны жилийн өмнө бичсэн захидал хүртэл баримт болж шүүгчийн өмнө дэлгэгджээ. Тэр захидалд Цагаандарьтай уулзсан уулзалтынхаа тухай ач холбогдол өгөх боломжгүй, үр дүнгүй уулзалт болж өнгөрснийг дурджээ. Цаашлаад элчин сайд Монголын Үндэсний аюулгүй байдлын зөвлөлийн албаны хүмүүсийн тавьсан саналыг хүлээн авч хэрэгжүүлэх боломжийг авч үзнэ үү гэж уламжилж байсан байна. Харамсалтай нь монголын талаас тавьсан санал Британий нууцын албадын сонирхолд нийцээгүй, манайхныг нэг ёсондоо тоогоогүй гэдэг нь манай саналыг *нийтийн эрх ашгийн төлөө бус * гэж үнэлснээс харагдаж байна. Манай албаны дарга өөрийн биеэр зорчино, Аюулгүй албаны дарга сэр Рикетстэй уулзуулах боломж байгаа үгүйг ноён Хопкинсоос Нархүү холбогдож асуусан байна. Харамсалтай нь Рикетсийн ажлын цагийн тов дүүрэн тул уулзуулах боломжгүй гэдэг хариуг авчээ.

Гэх мэтээр царай алдсан маягтай дүүрэн баримт болгоныг нуршаад би яахав дээ. Энд чинь шүдний эмч дээр ороход хүртэл бараг сарын өмнө тов авдаг, үсчинд орсон ч тов. Гэтэл манай аюулгүй албаныхан ёстой алиагаа алдсан байна. Ингээд английн талаас ямар ч байгууллага албан ёсны урилга өгөөгүй, ямарч нууц хэлэлцээрийн товгүй, албаны ямарч уулзалт төлөвлөгдөөгүй байсныг шүүгч Мосес 100 хувь нотолсон бөгөөд Хурц маань том дарга болохоороо яваад оччихсон байхад хэн нэгэнтэй нь уулзаж хамтын ажиллагааны эхлэлийг тавих байх гэдэгт л найдсан бололтой. Монголын талыг хариуцсан албаны хүн (референт) учир ноён Хопкинс нь Нархүүгийн гуйлтаар эрхбиш нэг уулзах байсан юм шиг байна. Гэвч тэр хүн нь Британийг төлөөлж гэрээ хэлэлцээр хийх дайтай эрх мэдэлтэн биш байж. Ямар ч байсан энэ шүүх хурлын процессоос харахад Хурцыгаа явуулаарай, танай даргыг чинь л хүлээж авна гэж Британий талаас гуйгаагүй юм гэдгийг эрхбиш ойлгоно. Хурцыг хуурч барив , английн элчин чамайг даа гэсэн уур амьсгал гарангуут хөөрхий Диксоныгоо татаад авах ухаан төрөлгүй дээ англичуудад мэдээж. Одоо байгаа элчин сайдыг нь   бас жагсаал цуглаанаар оролдоод л хайран ч монголын минь нэр хүнд.

Харин Хурцыг баривчилсан ажиллагааг зохион байгуулж отож байсан товариш бол (SOCA) Serious Organised Crime Agency буюу Зохион байгуулалттай онц хүнд гэмт хэрэгтэй тэмцэх газрын офицер Кох гэдэг хүн байна. Хурцыг Германы талаас хайгдаж байгааг онилж 2010 оны 3 сард гадаадад зорчиж байхад нь баривчлах бодолтой байсан боловч холбогдох байгууллагуудаас бүрэн эрх өгөөгүй тул баривчилж чадаагүй бөгөөд Германы талаас 4 сард, Европын холбооны холбогдох албаны мэдүүлгийн хамтаар ( баривчлах ордерын эсрэг халдашгүй эрх гэмт хэрэгтэнд байхгүйг дурдсан бололтой) түүнд бүрэн эрх өгснөөр уг цагдаагийн офицер улсынхаа Гадаад харилцааны яам, Бээжинд байрладаг Британий визийн хянах газар, Монголд суугаа элчин сайд , Европын Холбоо, Германы тусгай албадуудтай шууд харьцан материал мэдээ цуглуулаад л хүлээж суусан байна. Тэгээд л Хурц бандан пад. Миний хувьд анхны нийтлэлээ бичиж байхдаа Хурцад зэвүү хүрч байснаа юунд нуухав. Одоо бол тушаал биелүүлсэн цэрэг гэдэгтэй санал нийлж байнаа. Унгарт элчин сайдын яаманд ажиллаж байсныг нь энэ шүүх хурлын протоколоос мэдлээ. Албан тушаал амласан болохоор л наашаа зүглэж гэмт хэрэг тарьж дээ. Тэгээд л элчингийн ажилтнаас ийм өндөр тавцан дээр буусан байх нь.

Тийм байлгүй дээ, мэргэжлийн тасарчихсан тагнуулч мэдлэг өндөртэй хүн бол юу гэж өөрийгөө ингэж барьж өгөх вэ дээ. Тушаал өгсөн цаад эздүүдийгээ илчлээд ард түмнийхээ дунд ороод ирэх хоншооргүй л залуу юм даа. Ц.Нямдорж сайд би биш шүү гээд хамгийн түрүүн дуугарсан. Дуугарахдаа экс ерөнхий рүү хараад дуугарсан, С.Баяр чимээгүй л байна. Ерөнхийлөгч Ц.Элбэгдорж олон хүн өршөөж цагаатгасан. Талийгаач Д.Энхбатын нэрийг гэр бүлийнхэн нь ширээн дээр нь аль хэдийнэ л тавьсан. Н.Энхбаяр гэж нээх сонин хүн байна. Их л ээдрээ байна даа, энэ хэргийг бүү мартаарай монголчууд минь. Эсвэл би тэр С.Зоригийг алчихсан юм болов уу?

Дашрамд хэлэхэд шүүгч Лорд Мосес нууц хэлэлцээр, тусгай даалгавар, халдашгүй дархан эрх зэрэг асуудлуудыг олон улсын хуулиудтай уялдуулан нягт нямбай тодорхойлж даван заалдагч Б.Хурц аль ч ангилалд хамааралгүй болохыг олон зүйлчлэлээр тайлбарлажээ. Монголын тагнуулчийг шүүсэн шүүх хурлын материалтай гадны хичнээн олон хэвлэл мэдээллийнхэн танилцсан үгүйг Гүүгл, Яахуугаар ороод л харахад андашгүй.

Өгөөмөр

Б.Хурцад Британий талаас ямар ч байгууллага албан ёсны урилга өгөөгүй, ямар ч нууц хэлэлцээр, уулзалт төлөвлөгдөөгүй байжээ
Tweet
Bolod.mn