Манай улсад энэ асуудлыг харьцангуй чөлөөтэй авч үздэг. Монголд лал, христос, протестант, мүн гээд л цааш урт дараалал хөвөрнө. Монголд оршин амьдарч буй Солонгосчууд христын сүмүүдийг маш өндөрт хөгжүүлж, хөрөнгө оруулалт ч хангалттай цацдаг юм билээ. Тэдний ярьж, хэлж буй нь бас сайхан юм байдаг аа байдаг. Зөв байх, хүнд сайн зүйл хийх гээд л…

Тэгвэл тун саяхнаас ил тодоор илрээд байгаа өмнө нь маш далд, нууц хэлбэрээр Монголд удаан гэгч оршин тогтносон “Эв нэгдлийн Монголын сүм” гэх утга нь үл ойлгогдох газар байх аж. Сүм гэхээр Буддын шашины газар ч юм шиг хүмүүсийн тархыг албаар төөрөгдүүлэх гэж бодож бодож олсон нэр байх нь. Эв нэгдэл гэдэг үгийг бид чинь сонгуулийн үеэр л эсвэл улс төрчдийн амнаас хааяа нэг сонсдог билээ. Тэд энэ нэрээ маш олон гэзэг ороосон далд санаатайгаар өгсөн байх гэсэн гаргалгаа гараад байгаа юм.
Тэдний гар хөл болж өчүүхэн хувийн эрх ашгаа болгоодог Түгжилүүд бас байнаа байна. Дам сонсох нь ээ Гаалийн Ерөнхий Газрын дарга Цэвээнжав ч энэ холбооны Монголын ерөнхийлөгчийн олон жил хийж Монголчуудын тархийг угаах ажилд гар хөл болж явсан гэх мэдээлэл байна. Тэгвэл түүний хийсэн гай өнөөдөр энэ наадмаар маш тодоор илэрч байгаа нь энэ бололтой.

Тэд ямар мөнгөөрөө ийм том том обьект бариулаад, ийм том том газар худалдаж аваад, ийм олон амьтдыг хооллож ундлаад, хувцаслаад, нэгтгээд, цалинжуулаад явдаг юм болоо гэж та гайхаж байгаа байх. Тэгвэл тэднийг далдаас дэмжих газрууд гадаадад, гуравдагч оронд Солонгост байдаг гэнэ. Тэд л бүгдийг дээрээс харан удирдан үйл хөдлөл, алхам бүрийг нь заадаг. Ядаж ганц ч болов үйлдвэр байж байж энэ их том ажлыг санхүүжүүлэх нь ойлгомжтой. Гэтэл гудамжинд бал, үзэгхэн заруулж, цаасан хайрцаганд хүмүүсийн анхаарлыг хандуулах далд санаа агуулдаг бололтой.
Тэнгис кино театрын урд хүмүүст хөөгдөн барин зогсох хэдэн Долоон буудал, Дамбадаржаа, Толгойтын бор бор халтар царайтай охидууд ёстой тэнд тоон дотор үсэг цохиж явнаа. Тэнгист амралтаараа кино үзэж амрах гэсэн залуус тэднийг “чөтгөр” харж байгаа юм шиг гайхан харснаа тойроод л зугатах шахам яваад өгөх юм. Юун тэдний зарж буй цаасан хайрцагны тухай ХАНГҮГ ах нарынх нь зохиосон үлгэрийг сонсох манатай.

Нөгөө хэдэн гэр хорооллын борчууд холбооны даргадаа дэндүү их итгэсэндээ ч юмуу эсвэл угийн боловсрол эзэмшиж амжаагүй хүний “тэнэгдүү” зангаар ч юмуу энэ эгдүүцлийг огт анзааралгүй нөгөө хачин цаасан хайрцагаа бариад л хүний зам тосон гүйлдэх нь ичмээр үзэгдэл байлаа. Улаанбаатар хотын хүн ам аль их цуглардаг хэсэгт энэхүү эмгэнэлт жүжиг 28-ныг хүртэл тасралтгүй явагдаж Монголчуудыг нэг хэсэгтээ л зовоох нь тодорхой ажээ. Энэ сонин эмгэнэлт жүжиг шиг үзэгдэл ч дүүрсэн хэрэг тэдний бодож бодож олсон ӨНГӨЛӨН ДАЛДЛАЛТ юм байгаа биз гээд л орхиё гэтэл хамгийн өрөвдмөөр нь тэдний зарж буй хятадын хямд бараа, тэр хэдэн цаасан хайрцагны орлогоор энэ том их наадмыг зохиож байгаа юм байна зайлуул гэж.

Энэ наадмын далд зохион байгуулагчдын дунд Монгол улсын Гаалийн Ерөнхий Газрын дарга Д.Цэвээнжав нь тэр хэл амтай газар ороод тун барцадтай байгаа бөгөөд сандалных нь хөл нь хугарчихаад яайжигнан, шажигнаж дуугараад тун зовоож байгаа юм байх. Тэр ийш тийш харан бүлтэлзэж гадны түншүүдээсээ ч авралын гар сунгаж суудаг болсон ч гэх шиг. Түүний далд бизнесийн нэг хэсэг нь энэ Мүнийн Монгол дахь холбоо юм байх. Мань эр, тэр ч бүү хэл гэр бүлээрээ өмдөндөө багтахаа байтлаа хагартлаа баяжсан гэр бүл. Д.Цэвээнжавын хүү Ц.Эрдэнэцогт гэгч амных нь салиа арлиагүй тэнэг бацаан аавынхаа нэр нөлөөгөөр ногоон гэрлээр Чинглэтэй дүүргийн иргэдийн хуралд сонгогдон хурган дарга хийдэг аж.

Булцгар цагаан гараараа ганц ч тоосго өрж үзээгүй, улсад хөдөлмөр хийж үзээгүй байж дүүргийн ард иргэдийн амьдралыг шийднэ гээд явдаг нь харамсмаар. Нохойны гинж шиг алтан гинж зүүн үнэтэй жийп машин хөлөглөөд хотоор нэг галзуу юм шиг давхиж л цагийг өнгөрөөдөг гэнэ. Тэгэхээр Д.Цэвээнжав нь Мүний шашиныг Монголд хөгжин цэцэглэхийг дэмжих нэрийдлээр асар их хөрөнгө оруулж ирэн түүнийх нь дээжээс хүүхдүүдээ тоглуулж амьдралыг нь үрж байж магад л юм. Анх л 1994 онд Монголд орж ирсэн бөгөөд Сан мён мүүн гэгч эрийн санаачилсан олон улсын байгууллага. Мань эр овсгоо самбаа гарган түүнтэй уулзан Монгол дахь ерөнхийлөгчөөр нь ажиллах болсон байх.

Мүн гэгч нь “би Есүс Христийн хоёрдагч төрөл, хүн төрөлхтөн бүгд нүгэлтэй учраас миний үгээр явах ёстой гэж” хүмүүст итгүүлсээр ирсэн аж. Тэд наанаа “энх тайвныг тогтоох” гэсэн эелдэг уриагаар гарч ирчихээд жилд хэдэн зуугаар нь нүүр нүүрээ огт хараагүй залуусыг гэрлүүлдэг гэнэ. Түүнээс доод тал нь 20 гаруй охид бүсгүйчүүдийг гадаадын иргэнтэй гэрлүүлдэг талаар эх сурвалжууд мэдээлж байна. Энэ нь зүйлчилбэл хүний наймаа, хүний эрхийг ноцтой зөрчсөн үйлдэл байж ч болох талтай. Тэд хотын бүх дүүрэгт өөрсдийн том том обьектыг барьж амжсан бөгөөд санхүүжилтээрээ Христын сүмээс ч дээгүүрт ордог гэж эх сурвалж баталж байгаа юм.

Гол нь олон гишүүнтэй бол Мүнийг тахин шүтэх явдал, тэгэж л байвал мөнгө хамаагүй гэж үздэг бололтой.
Мунхарсан залууус эгнэж суугаад л маань мэгзэм шиг “Жинхэнэ аав ээж минь нүгэл хилэнцээс минь салгаж өгөөч, би таны төлөө бие сэтгэлээ зориулна” хэмээн чанга дуугаар уйлан мөргөл үйлддэг байна. Залууст Мүүнийхэн аав ээж тань бүгд нүгэлтэй тул Мүүн болон түүний эхнэрийг жинхэнэ аав ээж тань гэж сургадаг байна. Одоогоор “Эв нэгдлийн Монголын сүм”-д амьдрал ахуй ядмаг олон мянган залуус нэгдсэн бөгөөд зарим нь бүр энд тэнд толгой хорогддог гэж эх сурвалж баталж байна.

“Энх-Орчлон” дээд сургууль нь эдний шууд санхүүжилтээр байгуулагдсан юм байх. Уг сургуулийн бүх оюутнууд Мүний шашинд дагаар ордог гэх ба залуус амьдардаг 3-4 өрөө байрууд нь нийслэлд бүх дүүрэгт байдаг аж. Уг шашин нэг аймшигтай зан үйл нь Бөөгийн зан үйлээс ч дор. Бөөд гал дээгүүр харайлгах, нурууг нь хөх эрээн болтол ороолгох гэх мэт үйлдлүүдбайдаг бол түүнтэй тун төстэй Мүүний шашинд хүнийг дахин төрүүлэх, нүгэлийг нь ариусгах гэж тун тэнэг анимист заншил байдаг ажэээ. Тэр нь залуусыг Өндөр чулуун дээрээс, ар нуруугаар нь унагах, ар тийш нь ус руу түлхэж унагадаг гэнэ. Ийм харанхуй бүдүүлэг, хүний санаанд багтамгүй зүйлс сэдэж Монголчуудад тулгаж байгаа Мүүнистүүдийг тэвчиж өөгшүүлж буй төр засгийн удирдагуудаас эхлээд олон улс төрчид Мүүнийст зарчмыг ил далд сурталчлах үг унагах болсон нь эмгэнэлтэй л санагдаж байгаа юм.

''luivar.mn''

Мүүнийхэн Монголыг багалзуурдах барьцаа чимээгүй ахиулсаар байна
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
сайхан нэртэй өнгөлөн далдлалт шүү дээ энэ чинь.тэр 9 сард болох энхийн их наадам гээд байгаа нь энэ тэнэги малуудын хийдэг ажил.болгоомжил. бас гадуур хүлцэнгүй царайлаад юм зараад байдаг оюутнууд чинь энэ мүүний шашинд толгойгоо угаалгацан малууд

2011-08-05 | 14:10:52 | 182.160.15.110 |

Зочин
энийг бүх сайтуудаар хэд хоног гаргах хэрэгтэй.

2011-08-05 | 14:09:22 | 182.160.15.110 |

Зочин
сэрэмжлүүлэг болгоод тэнгисийн урд жижиг цаасан хайрцаг 1000 төгрөгөөр зараад байгаа охидуудаас битгий худалдаж аваарай.авсан нь тэнэг хөгшин солонгосын энэ муу мүүний шашныг санхүүжүүлж байгаа хэрэг шүү

2011-08-05 | 14:08:44 | 182.160.15.110 |

Зочин
яг үнэн.энэ балиар заваан тэнэг солонгосчуудыг дагж баясаж гудамжаар мэдрэлтэж юм зараад яваад байгаа монгол оюутануудыг болдог бол цохиод унагаачихийнсан.тэнгисийн урдуур хэдэн тэнэг охидууд энхийн их наадам, өнчин ядуу хүмүүст тусална гээд янз бүрийн сайхан юм худлаа яриад жижи г цаасан хайрцаг зараад яваад байгаа охидуудаас монголчуудаа битгий худалдаж аваарай.тэр чинь жинхэнэ утгаараа энэ муу мүүний шашныг санхүүжүүлж байгаа хэрэг шүү дээ.

2011-08-05 | 14:07:01 | 182.160.15.110 |

Мэдээ
Гадаад мэдээ
Видео