авгай хүүхдийнхээ төлөө л ухаанаа зардаг нь авлигач луйварчдын дэндүү өчүүхэн мэдлэггүй байгаагийн илрэл. Мэдлэггүй хүн л авлигалыг үйлддэг, хулгайг өөгшүүлдэг, авлигач луйварчид мэдлэггүй учраас л амьдрах арга замаа олон түмний хөрөнгийг дээрэмдэхэд, хувийн сонирхлоо олон түмний сонирхлоос дээгүүр тавьхад зориулдаг.

Авлигачид бидэнтэй л адилхан Монгол ээжээс төрсөн харин тэдний бие нь Монгол болохоос ухаан нь харийнхны төлөө л ажиллана. Тэдэнд авлигач луйварчид гэсэн нэрнээс илүүтэй эх орноосоо урвагчид гэсэн нэр хамгийн их зохино. Учир нь тэд эх орноо худалдсан элэг нэгтнүүдээ боолын амьдрал руу түлхсэн хүмүүс. Тэнгэр заяат Монголчуудыг өрөвдөлтэй, гутамшигтай зам руу чирсэн хүмүүс. Эрх баригч луйварчид ард түмнийг сорон мөлжчихөөд, амьдралыг нь там болгочихоод тэднээс аврал ирж миний буруу би алдаагаа засна, алдсан хүн ахиж алдахгүй гэх зэргээр хуурах аргаа үргэлж л боловсруулна. Гэхдээ Монголын ард түмний гэгээн оюун, тэнгэрлэг мэлмий ахиж хууртахгүй.

Монголыг аалзны тор шиг хэрсэн авлигалын сүлжээ Монгол хүнийг нохойноос дор амьдралтай болгож, тэдний ирээдүйг үе удмаар нь боолчилж байна. Амьтад хүртэл сүргээ хооллож хамгаалдаг атал Монгол хүн нэгнийгээ зарж, өлсгөж, боолчилж, алж байна гэж үү!!!
Монголын авлигач луйварчдад жишээ болох баримтуудыг дурдъя:
Өмнөд Солонгосын хоёр ч ерөнхийлөгч ард түмнийхээ эсрэг гэмт хэрэг үйлдсэн хэргээр баривчлагдан олон удаагийн шүүх хурлаар орж цаазаар авхуулах, насаараа хоригдох зэрэг шийтгэл сонссоны эцэст гэрийн хорионд орох шийтгэл авсан. Тэд хэдий ард түмнийхээ эсрэг гэмт хэрэг үйлдсэн ч Солонгосын хөгжилд оруулсан хувь нэмрийг нь үнэлсэн хэрэг. Харин Монголын эрх баригч луйварчидад байгуулсан гавъяа бий юу? Гэхдээ тэдний гэм бурууг Солонгосын ард түмэн хэзээ ч өршөөхгүй.

Хамгийн ойрын жишээ гэхэд Египетийн ерөнхийлөгч Х.Мубарак ард түмнээсээ 183 тэрбум доллар хулгайлж, эрх мэдлээ буруугаар ашигласан хэргээр гэр бүлийнхээ хамт шийтгэл аваад байгаа билээ. Х.Мубарак гэр бүлээ батлан даалтад гаргуулахыг гуйсан ч шүүх хуулийн дагуу зөвшөөрөөгүй юм. Мубарак хулгайлсан хөрөнгөө Щвейцарын банк зэрэг барууны хэд хэдэн томоохон банкнуудад хийсэн нь илэрч эдгээр банкууд Египетийн ард түмэнд Х.Мубаракийн хулгайлсан хөрөнгийг нь буцаан олгож эхэлсэн. Х.Мубарак томоохон удирдагч байж бүс нутгийн тулгамдсан асуудлуудыг шийдэж байсан боловч Египет орны хөгжлийг 30 жил ухрааж Египетийн ард түмний амьдралыг хэлмэгдүүлсэн нь хэзээ ч уучлагдашгүй зүйл юм. Учир нь хүний амьдрал мөнгөөр хэмжишгүй үнэтэй, улс эх орны хөгжил гэдэг юугаар ч үнэлэшгүй зүйл. Эцсийн эцэст луйварчид баригддаг гэдгийг ямагт санагтун.

Монголын эрх баригч авлигач луйварчидын үйлдсэн гэм буруу нь Х.Мубаракаас ч илүү хүнд. Тэд эх орноо лиценз нэрээр худалдсан, 5 хүний эрдэнэт амь насыг бүрэлгэсэн, эрх мэдлээ хувьдаа ашигласан. Монгол охидыг биеэ үнэлэгч, Монгол хүүхдийг гудамжны гуйлгачин, Монгол залууг архичин болгосон. Монгол оюуныг унтуулж, Монгол үндэстнийг үнэгүйдүүлсэн. Гэхдээ тэдний Монгол үндэстнийг мөхөөх оролдлого хэзээ ч бүтэхгүй Монголын ухаант ард түмэн та нарт тийм боломжийг олгохгүй.

Монголын авлигчид, луйварчид хэн бэ? Тэд хаанаас гараад ирэв. Дуулиант алт диллерийн хэрэг, ард түмний хөрөнгийг бараг зүгээр шахуу шамшигдуулсан өмч хувьчлал, тендер нэртэй хуйвалдаан, лиценз нэрээр Монголын газар нутгийг колончлох уул уурхайн бизнес, эх орноо цөмийн хаягдлын цэг болгох хувийн сонирхол, тариалангийн талбай нэрээр гадны хороололыг сүндэрлүүлэх төсөл энэ бүхэнд хэн буруутай вэ? Монголчууд та бидний сонгосон

хангахын тулд амьдарч, ажилладаг хүмүүс Монгол төрийг устгаж Монгол хүнийг үнэгүйдүүлж байна. Элэг нэгт Монголын ард түмнийхээ амьдралыг хулгайлж, ах дүү,төрийн эрхэмүүд энэ бүхнийг хийж хэрэгжүүлсэн гэдгийг, хийж хэрэгжүүлэх гэж байгааг бид сайн мэднэ. Эх орноо худалдсан луйварчдыг зүгээр хараад суугаад байвал энэ бас л гэмт хэрэг гэсэн үг. Хэрвээ бид яг л энэ хэвээрээ байгаад байвал Монгол нутаг дээр гадны хороололууд бий болж Монгол хүн гадуурхагдсан хувь тавилангаар эх нутаг дээрээ өрөвдөлтэйгээр тэдний боол болж амь зуух болно. Бид эрх чөлөөгөө олохоос өмнөх Африкчууд шиг гадуурхагдсан хавчигдсан хувь тавилангаар амьдарч, Палестин шиг газар нутгаа лиценз нэрээр худалдаж, Индианчууд шиг мансуурсаар байгаад сүйрэх хувь тавилангийн замыг сонгочихсон гэж үү!!!

Монголчууд бид чинь тэнгэр заяатай хүмүүс шүү дээ.

Энэ их замбараагүйдлийг, бузар булайг элдэв баяр ёслол, наадам, одон медалаар далдалж, суврага босгох, хөшөө бүтээх гэсэн өдөр хоногийг өнгөрөөсөн хоосон оролдлого газар авлаа. Жилээс жилд хийх наадам, баяр ёслолын тоо олширч хугацаа нь сунжирсаар Монгол хүн зугаа цэнгэлийн амьдралтай болж бүтээн байгуулах, мэдлэгжих хугацаагүй болсоор л.
Луйварчид Монголд түмэнд үйлдсэн гэм буруугаа яг л Манжийн үе шиг одон медал, наадам, хэргэм зэргээр хууран далдлах нь дэндүү өрөвдөлтэй хорон арга гэлтэй. Гэсэн ч эрх баригч луйварчидийн үйлдсэн хэрэг нь нэгэнт тодорхой тул даравч далдайна, булавч бултайна гэдгийн адилаар хэдийнэ ил болсон.

Нэг л өдөр өнчин үлдсэн хүү эхээ та нараас нэхнэ, мэдлэггүй хоцорсон залуу алдсан цаг хугацаагаа та нараас нэхнэ, амьдралаа хоосон үрсэн иргэд та нараас амьдралаа нэхнэ, эх орон чинь газар нутгаа та нараас нэхнэ, үр хүүхэд чинь эрх чөлөөг та нараас нэхнэ харин та тэдэнд юу өгч чадах вэ? Одоо тэгвэл ганц ч гэсэн сайн үйлийг хийх л үлдлээ.

Хүн төрөлхтөн хэдийнэ ХАА, аж үйлдвэрийн нийгмээсээ салаад мэдлэгийн нийгэм рүү шилжиж байна. Монголын эрх баригчид нэгэнт Монголын эсрэг үйлдсэн гэмтэй тул тэр нь хэзээ ч арилашгүй. Харин гэм буруугаа бага ч гэсэн цайруулахын тулд Монголд хэрэгтэй зүйлсийг нэн даруй хийх ёстой. Мэдлэгийн нийгмийг Монголд бий болгож хөгжүүлэх нь Монгол үндэстний тусын тулд хийх том үйл хэрэг болно. Уул уурхай, аж үйлдвэр Монголын хөгжлийн гарц болж чадахгүй. Мэдлэгийн нийгмийг байгуулж чадсан цагт Монголын ДНБ хөгжингүй орны хэмжээнд хүрч, Монгол хүн хангалуун амьдралаар амьдрах боломж бий болно. Мэдлэгийн нийгмийг дэмжсэн бодлого боловсруулах нь таны амьдралдаа хийх буян. Монгол хүн болж төрсний төлөөс. Мэдлэгийн эдийн засгийн тулгуур болсон өндөр технологийн төсөл Монголд байхгүйгээр мэдлэгийн нийгмийг байгуулах боломжгүй учраас Монгол үндэстний хөгжлийн төлөө юу ч хийж өршөөгдөх боломжгүй.

Нэгэнт алдаа гаргасан бол тэр алдааныхаа хариуцлагыг хүн үүрэх л болно. Монголын эрх баригч луйварчид Монголын ард түмний, олон түмний амьдралыг там болгосон хэргийнхээ ял, шийтгэлийг нэг л өдөр хүлээнэ. Тэр өдөр хэзээ ирэх вэ гэдгээс айж нойр нь хүрэхгүй байгаа хүмүүс алдаагаа ухаарч нэг ч гэсэн сайн үйлийг хийх нь Монгол үндэстэнд, Монголын ард түмэнд буян болно. Мэдлэг боловсролыг дэмжсэн, хөгжлийг хурдасгасан, хүнийг дээдэлсэн нийгмийг цогцлооход та үлдсэн амьдралаа зориулах хэрэгтэй. Тэгж чадвал бага ч гэсэн тусыг олно. Харин доромжлуулсан, дээрэмдүүлсэн ард түмэн хэрхэхийг шийднэ.

Гэм буруугаа далдлах хаацайлах гэсэн аливаа оролдлого нь луйварчдыг улам л хүнд замруу түлхэх болно. Олон түмний амьдралыг хулгайлсан хүн хэзээ ч сайн сайхан амьдардаггүй. Та биш юмаа гэхэд таны үр удмаас ард түмэн хэзээ нэгэн цагт хариугаа авах л болно гэдгийг санаж явах хэрэгтэй. Зөвхөн өөрийн хар амины төлөө махан биендээ даамгүй хураасан хөрөнгөө та хэзээ хэний төлөө зарцуулах юм бэ!!!
Үхэхдээ үхэр буугаа тавих уу!!!
Үр хойчоо бодох уу!!!
Танд сонголт байхгүй. Олон түмэн хэзээд ялдаг.
Монгол хөгжингүй, Монголчууд мэдлэгтэй байхыг хүсэж байна. Сайн үйлсэд хэн ч саад болж чаддаггүй.

М. Хошууд

"Сонин мн"

Монголын эрх баригч луйварчид өршөөгдөх боломжтой юу ? эсвэл 2500 жилийн ял авах болов уу?
Tweet
Bolod.mn