сард Монголын Оюутолгой нэртэй газраас ихээхэн найдвар бүхий зэс, алт, молибдений илрэл олсноо зарласан юм. Үүнээс хойш 10 гаруй жил өнгөрч Оюутолгой дэлхийд томоохонд тооцогдох зэсийн уурхай болохоор бэлтгэгдэж байна. Айвенхоу 2000 оноос Монгол дахь хайгуулын ажлаа эхлүүлсэн юм. 2001 онд алмаазан өрмөөр өрөмдсөн анхны гүний цооног болох 150 дугаар цооногийг Оюутолгойн Баруун өмнөд Оюугийн хэсэгт тавьсан бөгөөд 590 метр гүнтэй уг цооногийн 70-578 метр гүн хүртэл нэг тонн тутамд дунджаар нэг грамм алт 0.81 хувь агуулгатай зэс тогтоогдсоныг тэмдэглэжээ. Мөн уг цооногийн 188-466 хүртэл 278 метр уртад 1.0 хувиас дээш зэс, 1.5 грамм алт тус тус тогтоогдсоныг тэмдэглэсэн байдаг.

Оюутолгойн бүлэг орд нь нийт 23 км гаруй урттай болоод байна. 2000 оноос эхэлсэн хайгуулын ажлын хүрээнд 1000 км орчим дээж гаргаж аваад байгаа аж. Өнөөдрийн байдлаар өрмийн гурван машин Оюутолгойд ажиллаж нөөц нэмэгдүүлэх ажил хийж байна. Одоогийн тогтоогдсон болон боломжит нөөцийн үнэлгээгээр 40.6 тэрбум фунт зэс, 20.9 сая унци алтны нөөцийг баталгаажуулсны дээр 40.6 тэрбум фунт зэс, 25.3 сая унци алтны боломжит нөөцтэй байна. Оюутолгой төсөл нь уул уурхайн салбарт хэрэгжиж буй төслүүдээс санхүүжилтийн хувьд хамгийн томд тооцогдох юм. Оюутолгойн бүтээн байгуулалтанд 2.8 тэрбум гаруй ам.долларын хөрөнгө оруулалт хийгдсэний нэг тэрбум нь Хөрөнгө оруулалтын гэрээ байгуулагдах хүртэл хугацаанд зарцуулагдсан юм Нийт таван тэрбум ам.долларын үндсэн хөрөнгө оруулалт шаардагдах уг төсөл нь Монгол Улсад хэрэгжиж байсан төслүүдээс хамгийн том нь юм. Төслийн хүрээнд өдөрт долоон сая ам.долларын хөрөнгө оруулалт хийгдэж буй тооцоо гарсан. Оюутолгойн барилга, бүтээн байгуулалтын ажил эрчимжиж ажиллах хүчний хэмжээ 14,000 даваад байна.

Үйлдвэрлэлийн эхний 10 жилд Оюутолгой төслийн хүчин чадлаараа жилд дунджаар 1.2 тэрбум фунт (544,000 тонн) зэс, 650,000 унци алт, гурван сая унци зэс тус тус үйлдвэрлэх юм. "Оюутолгой" ХХК нь Монголын хамгийн том зэс-алтны үйлдвэрлэгч бөгөөд Монгол Улсын Засгийн газар, "Айвенхоу Майнз" болон "РиоТинто" группын стратегийн түншлэлийн хүрээнд байгуулагдсан. "Рио Тинто" нь "Айвенхоу Майнз"-ын гол хувь нийлүүлэгч ба Оюутолгой төслийн менежментийг гүйцэтгэдэг. Монгол Улсын Засгийн газар өөрийн эзэмшлийн хэмжээнд ногдол ашиг авахын зэрэгцээ байгалийн нөөц ашигласны болон бусад татвараар орлого олох юм. "Оюутолгой" нь Монгол Улсын өмнө зүгт говь цөлийн бүсэд байрладаг дэлхийд томоохонд тооцогдох зэсийн өндөр агуулга бүхий уурхай болно. Монгол Улсад хэрэгжиж буй хамгийн том уул уурхайн төсөл Оюутолгойн анхны хөрөнгө оруулалт нь таван тэрбум гаруй ам.доллар болно. Оюутолгой нь Монгол орны ирээдүйн тогтвортой хөгжилд хувь нэмрээ оруулахыг эрмэлздэг. үйлдвэрлэлийн үе шатанд нийт ажиллагсдын 90-ээс дээш хувь нь Монголчууд байх ба Оюутолгойн зүгээс 78 тэрбум төгрөгийг боловсрол, сургалтын хөтөлбөрүүдэд, 36 тэрбум төгрөгийг Монгол Улсад мэргэжилтэй боловсон хүчин бэлтгэх хөтөлбөрт тус тус зарцуулж байна.