тээвэрлэх, худалдах үйл ажиллагаа явуулж байгаа барилга байгууламжуудад шалгалт хийжээ. Хяналт шалгалтыг МХЕГ, Аймаг, Нийслэлийн МХГ-ын хот байгуулалт, эрчим хүч, газрын тосны бүтээгдэхүүн, шингэрүүлсэн шатдаг хий, байгаль орчин, газрын харилцаа, тээвэр, хэмжилзүйн хяналт улсын байцаагчид, мөн ЗЦГ болон Онцгой байдлын гал түймрийн хяналтын улсын байцаагчид зэрэг нийт 94 улсын байцаагчийн бүрэлдэхүүнтэйгээр хийж гүйцэтгэсэн бөгөөд Улаанбаатар хот болон 21 аймагт үйл ажиллагаа явуулж буй 61 газрын тосны бүтээгдэхүүн, шингэрүүлсэн шатдаг хий хадгалах байгууламж, 636 түгээх зориулалттай нийт 697 барилга, байгууламж шалгалтанд хамрагджээ.

Шалгалтыг “Хот байгуулалтын тухай”, “Газрын тухай”, “Байгаль орчинд нөлөөлөх байдлын үнэлгээний тухай”, “Газрын тосны бүтээгдэхүүний тухай”, “Барилгын тухай”, “Автотээврийн тухай”, “Хэмжлийн нэгдмэл байдлыг хангах тухай”, “Гамшгаас хамгаалах тухай”, “Галын аюулгүй байдлын тухай” хууль тогтоомжийн хэрэгжилтийг хангуулж зөрчил дутагдлыг арилгуулах зорилгын хүрээнд хийж гүйцэтгэжээ.
Улмаар Газрын тос, газрын тосны бүтээгдэхүүний хадгалалтыг шалгах хяналтын хуудас, Шингэрүүлсэн шатдаг хий цэнэглэх станцын үйл ажиллагааг шалгах хяналтын хуудас, Шатахуун түгээх станцын үйл ажиллагааг шалгах хяналтын хуудас, Автомашиныг хийгээр цэнэглэх станцын үйл ажиллагааг шалгах хяналтын хуудас, Шатахуун түгээх станцын байгаль орчинд нөлөөлөх байдлыг шалгах хяналтын хуудас, Ачаа тээвэрлэлтийн аюулгүй байдлыг шалгах хяналтын хуудас, Газрын тос, газрын тосны бүтээгдэхүүн хадгалах, тээвэрлэх, түгээлтийн хэмжлийн нэгдмэл байдлыг шалгах хяналтын хуудас зэрэг 4 хяналтын чиглэлээр нийт 7 хяналтын хуудсаар хийж гүйцэтгэсэн байна.

Сүүлийн үед аж ахуйн нэгжүүд ГТБ-ий барилга байгууламжийн технологийн шинэчлэлийн ажлын хүрээнд давхар ханатай шатахууны сав, түвшин мэдрэх автомат төхөөрөмж, гоожилт шүүрэлтгүй буулгах шинэ тоноглол, түгээгүүр байрлуулж, технологийн хувьд аюулгүй ажиллагааны нөхцөлийг бүрдүүлэх, хийн буцаах системд холбохоор бэлтгэл ажлуудыг хийж тоноглосон байгааг МХЕГ-аас онцлон дурьдаж байна.
Улаанбаатар хотод нефтийн агуулах үйл ажиллагаа явуулж байгаа нь “Хот байгуулалтын тухай” хуулийн 19 дүгээр зүйлийн 19,3, мөн "Хот, тосгоны төлөвлөлт барилгажилтын норм ба дүрэм" БНбД 30-01-04-ийн 3.14, мөн “Барилгын тухай” хуулийн 9 дүгээр зүйлийн 9.1.1заалтуудыг;

Норм, стандартын шаардлага хангахгүй газрын тосны барилга байгууламжид газрын тосны бүтээгдэхүүний бөөний худалдаа эрхлэх тусгай зөвшөөрөл олгосон нь “Газрын тосны бүтээгдэхүүний тухай” хуулийн 11 дүгээр зүйлийн 11.3 дахь заалтыг;
Улсын комиссоор шиглалтад хүлээж аваагүй 72 барилга байгууламжийг ашиглаж, шатахуун хадгалж байгаа нь “Барилгын тухай” хуулийн 19.2 заалтыг;

Мэргэжлийн эрх байгууллагаар боловсруулагдаж батлагдаж, зөвшөөрөлцсөн зураг төсөлгү барилга байгууламжийг ашиглаж үйл ажиллагаа явуулж байгаа нь “Газрын тосны бүтээгдэхүүний тухай” хуулийн 11 дүгээр зүйлийн 11.2.3 заалтыг;

Шатахуун хадгалах савыг улсын бүртгэлд бүртгүүлээгүй ашиглаж байгаа нь “Газрын тосны бүтээгдэхүүний тухай” хуулийн 11 дүгээр зүйлийн 11.3 заалтыг;

Ашиглалтын нөөцийг эрх бүхий байгууллагаар тогтоолгоогүй сав ашиглагдаж байгаа нь “Газрын тосны бүтээгдэхүүний агуулах Технологийн байгууламж Техникийн ерөнхий шаардлага” MNS 5746-2007 стандартын 7.1.3, 7.8.10 заалтуудыг;

Газрын тухай хуулийн хэрэгжилтээр газар эзэмших эрхгүй, гэрээ, гэрчилгээний хугацаа дууссан, газрын төлөв байдал чанарын хянан баталгааны дүгнэлт гаргуулаагүй, газрын хөрсийг нефтийн бүтээгдэхүүнээр бохирдуулсан, нөхөн сэргээх арга хэмжээ аваагүй зэрэг нийт 463 зөрчил илэрсэн нь “Газрын тухай” хуулийн 27.1, 27.3, 27.4, 34.6.4, 35.1.2, 35.3.1, 50.1.1. дэх зүйл, заалтуудыг;

Агуулах, ШТС-ын тооцоонд ашиглагдаж буй эзэлхүүн, зарцуулалт, урт, нягтын төрлийн хэмжүүр, хэмжих хэрэгслийн улсын баталгааны хугацаа дууссан, лац тэмдэг хөндөгдсөн, баталгаажуулалтад хамруулаагүй байгаа нь “Хэмжлийн нэгдмэл байдлыг хангах тухай” хуулийн 9 дүгээр зүйлийн 2, 6 дах заалтыг;

Нөөцлөх савны онооллын хүснэгтийн баталгаажуулалтын хугацаа дууссан, геометрийн хэмжээсийг тусгай зөвшөөрөл бүхий байгууллагаар хийлгээгүй, эрх бүхий байгууллагаар баталгаажуулалт хийлгээгүй байгаа нь “Хэмжлийн нэгдмэл байдлыг хангах тухай” хуулийн 9 дүгээр зүйлийн 2, 6 дах заалтыг;

Дизель түлшний түгээгүүрүүд шатахууныг дутуу шахаж байсан нь “Хэмжлийн нэгдмэл байдлыг хангах тухай” хуулийн 6 дугаар зүйлийн 2 дах заалтыг;

Аймгуудад иргэд, аж ахуйн нэгж, байгууллагууд аюултай ачааг тээвэрлэхдээ тээвэрлэлтийн хөдөлгөөний замнал, цагийн хуваарийг тохиролцож аймгийн онцгой байдлын асуудал эрхэлсэн болон Замын цагдаагийн газраас зөвшөөрөл авдаггүй, авто тээврийн хэрэгсэлд Мэргэжлийн хяналтын холбогдох байцаагчаар шалгуулж ашиглахыг зөвшөөрсөн дүгнэлт гаргуулдаггүй, аюултай ачааг тээвэрлэх журмын дагуу автомашинд анхааруулах санамж бичиг байрлуулдаггүй, аюултай ачаа бүрээр боловсруулсан аюулгүй ажиллагааны зааварчилгааг байгаль орчны болон гамшгаас хамгаалах хяналтын улсын байцаагчаар батлуулаагүй, болзошгүй ослын үед ажиллах төлөвлөгөөгүй, аюултай ачааны тээврийн хэрэгслийг хадгалах байр, талбай зогсоолын аюулгүй байдлыг хангаагүй, тээврийн хэрэгслийг тээвэрлэлтийн явцад үүсэх болзошгүй аюул ослын үед хор уршгийг арилгах зориулалтын багаж хэрэгсэл, хор саармагжуулах бодис, уусмал, арьс болон амьсгал хамгаалах зориулалт бүхий хүн нэг бүрийн хамгаалалтын хэрэгслээр хангаагүй нь “Автотээврийн хэрэгслээр хүний амь нас, эрүүл мэнд,хүрээлэн буй орчинд аюул, хохирол учруулж болзошгүй ачаа тээвэрлэх журам”- ын 1.2, 2.2, 3.2, 3.9 дэх заалтуудыг;

Гамшгаас хамгаалах болон гал унтраах шуурхай төлөвлөгөө боловсруулж хэрэгжүүлээгүй, тодотгол хийгдээгүй, гал түймрийн аюулгүй байдлыг хариуцаж ажиллах албан тушаалтан, зохион байгуулалттай бүлгийг албан ёсоор томилоогүй нь "Гамшгаас хамгаалах тухай" хуулийн 27 дугаар зүйлийн 27.1.1, 27.1.2, 27.1.5, 27.1.6 заалтыг;

Галын аюулаас урьдчилан сэргийлэх чиглэлээр зохион байгуулсан арга хэмжээнд төсөв зардал төсөвлөөгүй, эрсдэл эмзэг байдлын үнэлгээ хийгээгүй, ажилтан, албан хаагчдыг гал түймэртэй тэмцэх, гал түймрийн аюулаас урьдчилан сэргийлэх арга ажиллагаанд сургах, мэдлэгийг дээшлүүлэх арга хэмжээг боловсруулж хэрэгжүүлээгүй нь "Галын аюулгүй байдлын тухай" хуулийн 16 дугаар зүйлийн 16.1.5 заалтыг тус тус зөрчин ажиллаж байгаа нь тогтоогджээ.

Хяналт шалгалтад газрын тосны бүтээгдэхүүн, шингэрүүлсэн шатдаг хий хадгалах, тээвэрлэх, худалдах үйл ажиллагаа эрхэлж буй аж ахуйн нэгж, байгууллагуудын хадгалах сав болон технологийн тоног төхөөрөмж, хэмжих хэрэгсэл, тээврийн хэрэгслийн техник ашиглалт, аюулгүй ажиллагаанд холбогдох хууль, тогтоомжийн хэрэгжилтийг хангуулж зөрчил дутагдлыг арилгуулахаар улсын байцаагчийн холбогдох шийдвэрийг гаргаж ажилласан байна. Үүнд:

Хяналт шалгалтын явцад илэрсэн зөрчил дутагдлыг арилгуулахаар давхардаагүй тоогоор улсын байцаагчийн 311 албан шаардлага, үйл ажиллагаа зогсоох тухай 29 акт гаргаж хүргүүлжээ.

Илэрсэн зөрчил дутагдалд “Барилгын тухай”, “Газрын тосны бүтээгдэхүүний тухай”, “Хэмжлийн нэгдмэл байдлыг хангах тухай”, “Авто тээврийн тухай” хуулийн холбогдох заалтуудыг үндэслэн нийт 15.3 сая төгрөгийн торгууль ногдуулж барагдуулжээ.

“Барилгын тухай” хуулийн 15.5 дахь заалтыг үндэслэн 13 барилга байгууламжийн цахилгаан эрчим хүчийг хязгаарлах арга хэмжээ авч 26 ШТС-ын үйл ажиллагааг зогсоохоор мэдэгдэл өгч, лац тэмдэг тавьсан байна.

Илэрсэн зөрчил дутагдлыг арилгуулах, хариуцлага тооцуулах тухай 16 саналыг нутгийн захиргааны байгууллага, яам, тусгай газар болон үндсэн байгууллагад тавьсан байгаагаас гадна шалгалтын дүнг орон нутгийн хэвлэл мэдээллийн хэрэгслээр сурталчилсан байна.

Нийслэл Улаанбаатар хотын хүн ам өсөн нэмэгдэж, хот өргөжин тэлж байгаагаас тухайн үеийн ерөнхий төлөвлөгөөний дагуу 1960-аад оноос хойш хотын гадна барьж байгуулсан шатахууны агуулахууд хотын суурьшлын бүсэд орсон, мөн хот төлөвлөлтийн норм, дүрмийг зөрчин хот дотор шинээр газар олгож бариулснаас газрын тосны бүтээгдэхүүн хадгалах, түгээх зориулалттай агуулахууд хотын суурьшлын бүсэд үйл ажиллагаа явуулж хүний эрүүл, аюулгүй орчинд амьдрах эрхийг зөрчөөд зогсохгүй, томоохон хэмжээний аваари, осол гарах нөхцлийг бүрдүүлж байгаа нь “Монгол Улсын Үндсэн хууль”-ийн 16 дугаар зүйлийн 16.2 /Эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй/ заалтын Монгол улсын иргэний үндсэн эрх зөрчигдөхөд хүрч байна.

Тусгай зөвшөөрөлтэй мэргэжлийн зураг төслийн байгууллагууд нь хууль, норм дүрэм зөрчин зураг төсөл боловсруулдаг, холбогдох төрийн байгууллагууд алдаатай зураг төслийг зөвшилцөж, баталж, магадлал хийдэг зэрэг нь зөрчил дутагдал гарах нөхцлийг бүрдүүлж байна.

Орон нутгийн удирдлагууд байнгын ашиглалтанд хүлээж авсан газрын тосны байгууламжуудын аюулгүйн зай хэмжээг зөрчиж байгууллага, аж ахуйн нэгж, иргэдэд газар эзэмшүүлэх эрхийг олгодог, тухайн байгууламжид ажиллагсдын мэдлэг, мэргэжил, ажлын туршлага дутмаг, гал хөдөлмөр хамгааллын багаж хэрэгсэл стандартын шаардлаг хангахгүй байгаа нь галын аюулгүй байдал үүсэх, тэсэрч дэлбэрэх аюултай нөхцлийг бүрдүүлж байна.

"Шууд мн"

Дизель түлшийг дутуу шахаж байсан нь шалгалтаар тогтоогджээ
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
сайнуу бэнзин тулш дутуу шаxлаа унэ ослоо гэx юм xэрэглээ нь осож буй газны огт туxай яригдаxгуй юмаа манайд 2 компани газ тугээдэг 2-уулаа нэгнийгээ иx ********лаx юм манайx машиний сайн газ тэднийx xэрэглээний газ гээд л явж огно доо тэгээд дутуу шаxна юни газийнxан бур 5000-с доош тогрогонд газаа шаxдаггуй энэ нь дутуу шагдаг гэдгээ xулээн зовшоорсоний илрэл юм ш********гаад огоош .... бас тугээгүүр болгон дээрээ манайx МXГ-с бат********гаажсан тугээгүүрээр танд уйлчилж бна шаxсаний дараа шар гэрэл унтраxгуй датчик босоxгуй гэx зуйл тоxиолдвол манайx xариуцаxгуй гэсэн бичигтэй шуу........... ш********гана гэдэгт итгэж бн

2013-05-17 | 11:11:00 | 202.179.20.192 |

Зочин
****www.computershop.mn***** НААДМЫН ХЯМДРАЛ НААДМЫН ХЯМДРАЛНААДМЫН ХЯМДРАЛНААДМЫН ХЯМДРАЛНААДМЫН ХЯМДРАЛНААДМЫН ХЯМДРАЛ*******АМЕРИКААС******

2011-07-18 | 10:04:27 | 76.21.205.49 |