Далай ламын элч төлөөлөгч Жадо Ринбүчи морилохуй

2011-07-06

Бурхан шашны Занабазар төвийн урилгаар Энэтхэгийн Дарамсал хот дахь Далай ламын дэргэдэх Намжил дацангийн

хамба лам асан, Далай ламын элч төлөөлөгч Жадо Ринбүчи морилон ирэх гэж байна. Түүний энэхүү айлчлал нь Цагийн хүрдэн буюу Дүйнхор бурханы авшиг, Tүүний тайлбар бясалгал хөтөлбөрийг айлдах ихээхэн бэлэг дэмбэрэлтэй зүйл болж байгаа бөгөөд тэрхүү Цагийн Хүрдний авшиг ном нь энэ гаригын амьтан бүхэнд туслах чадалтай сансар хийгээд зурхайн ухаан зэрэг бүхийл гадна тал болон хүний оюун ухаан бие махбод тэргүүтэн юмс үзэгдэл бүхнийг багтаан авч үздэг учираас хамгийн чухал ач холбогдолтой, бас зөрчил тэмцэл дайн байлдаан бууруулах, даян дэлхийд амар амгалан энх тайвныг тогтоож эв түнжэнг бий болгох чадвартай билээ.

Та бүхэн морилон ирж номоо сонсож адистидыг хүртэн буян хуралын үйлд өргөн оролцоорой.

Ном айлдах газрын хаяг болон цагийн хуваарь.
7 р сарын 23 нд 7pm цагаас Бурханы шашны талаарх айлдвар.
7 р сарын 24 нд Дүйнхор бурханы авшиг 2pm- 5pm цаг хүртэл.
7 р сарын 25 наас 30 хүртэл Дүйнхор бурханы тайлбар бясалгал
Өдөр бүр өглөө 8 am11-30am үдээс хойш 1.30pm 4-30pm хүртэл.
7 р сарын 30 нд Жинсрэг буюу галын хурал 10am цагаас.

GEDATSU Church (Буддын Япон сүм)
4016 Happy Ln.,
Sacramento, CA 95827

7-р сарын 31 -д 13-15 цагийн хооронд Монголчуудад сургааль ном айлдаж буяны хурал ном хурна
Оакланд дахь Ажаа Гэгээний сүм
610 16th Street and Jefferson St.
Oakland, CA 94612

Бурхан шашны Занабазар төв
Утас: (916) 752-5771
Имэйл: zanabazardharmacenter@yahoo.com

Жадо Ринбүчийн намтар

Жадо Ринбүчи Дэнзэнжунай нь 1954 онд Төвдийн нийслэл Лхасаас 220 км зайтай орших Тэнгэр нуур хэмээх том нуурын орчим малчин айлын гэрт төржээ. Гурван настайд нь түүнийг 14-р Далай ламаас Жадо хийдийн Хамба ламын 6-р дүрийн Хувилгаан ламаар тодруулан ширээнд залсан байна.
1959 онд Ринбүүчиг 5 настай байхад нь Хятадууд Төвдийг эзэлсэн учир эх нутгаасаа Балба, Энэтхэг үрүү дүрвэн гарч улмаар Энэтхэгийн Далахуси гэдэг газар Хувилгаан хүүхдүүдийн сургуульд сурч Бурхан шашны уншлага номд боловсорсон байна. 1964 онд 14-р Далай ламаас сахил хүртэж Дэнзэнжунай хэмээх сахилын нэртэй болжээ. 1972-1990 хүртэл Энэтхэгийн өмнөд хэсэгт байрлах Сэражи шашны гүн ухааны сургалттай хийдэд суралцаж 1991 онд Судар ёсны эрдмийн хамгийн дээд цол болох Гэвш Лхаарамба хэмээх цолыг хамгаалсан билээ. Улмаар цаашид Тарнийн ёсонд суралцаж Жүдэ дацанд Аграмба цол хамгаалсан байна. 1992-1996 онуудад Далай ламын дэргэдэх Намжил дацанд багшаар томилогдон ажиллаж байгаад удаахь жил нь тус хийдийн Хамба ламаар сонгогдож 2004 оны 11-р сар хүртэл Хамба ламын ширээнд залагджээ.
Тэрээр Америк, Европ болон дэлхийн олон орнуудад Бурханы ном номлож буяны үйлсийг дэлгэрүүдэг юм. Жадо Ринбүчи бол эдүгээ Төвдийн бурхан шашны Гэлүгба ёсны /Шарын шашны/ хамгийн өндөр мэдлэг боловсролтой лам нарын нэгт тооцогддог ба Далай лам, түүний хоёр их багш Лин ринбүчи, Тижан ринбүчи болон бусад олон их багш нараасаа бурхан шашны Судар, Тарнийн ёсны бүх дамжлагуудыг хүлээн авсан хүн билээ. Тэрээр Дүйнхэр буюу Цагийн хүрд хэмээх Бурханы номд нарийн мэргэшсэн ба Сэражи хийдийн сахиус Дамдин Янсан бурханы бүх дамжлагыг бүрэн төгс эзэмшсэн цөөн лам нарын нэг гэгддэг.
Монгол хэлийг гаргуун сайн мэддэг тэрээр 1991 оноос өнөөг хүртэл жил бүр Монгол оронд уригдан ирж Гандан Тэгчэнлин хийд, түүний дэргэдэх Шашны Их сургуульд болон хөдөө орон нутгын хийдүүд, сүсэгтэн олонд Бурханы сургааль ном айлдаж Бурханы Авшиг зан үйлийг өгөх зэргээр Бидний эх орноо Бурхан шашныг дэлгэрүүлэн хөгжүүлэх үйлсэд маш их нэмрийг оруулсаар байгаа билээ. Тухайлбал, 2007-2009 онуудад Гандан Тэгчэнлин хийдийн Идгаа дацанд монголын лам хуваргуудад Бодь мөрийн зэрэг, Бодь садийн явдалд орохуй, багшийг шүтэх ёсны гүн хөтөлбөр болон Дамдин Янсан, Жигжид, Хажод бурхадын авшиг гүн хөтөлбөрийг хүртээсэн төдийгүй Их, дээд сургуулиудаар Бурханы шашин орчин үеийн шинжлэх ухааны уялдаа холбооны талаар лекц яриаг хүүхэд залуучуудад зориулж айлдсан байна.