Долдугаар хорооллыг барих газрыг чөлөөлөхөд 20 тэрбумын нөхөн төлбөр олгоно

2011-05-28

УИХ-ын чуулганы өнөөдрийн үдээс хойшхи хуралдаанаар УИХ-ын гишүүн С.Бямбацогтоос Монгол Улсын Ерөнхий

сайдад тавьсан “Улсын Их Хурлын 2010 оны 36 дугаар тогтоолоор батлагдсан “Шинэ бүтээн байгуулалт” дунд хугацааны зорилтот хөтөлбөрийн хэрэгжилтийн талаарх асуулга”-ын хариуг сонслоо. “Шинэ бүтээн байгуулалт” дунд хугацааны зорилтот хөтөлбөрийн хэрэгжилтийн талаар ЗТБХБ-ын сайд Х.Баттулга мэдээлэл хийлээ.
    Монгол Улсын Ерөнхий сайдын 2011 оны 02 дугаар сарын 23-ны өдрийн 12 тоот захирамжаар Засгийн газрын үйл ажиллагааны хөтөлбөрийн хүрээнд хэрэгжүүлж байгаа орон сууцжуулах ажлыг эрчимжүүлэх, нэгдсэн удирдлагаар хангах, салбар дундын болон төрийн захиргаа, нутгийн захиргааны байгууллага хоорондын уялдааг хангаж шуурхай зохицуулах, зохих хөрөнгийн эх үүсвэр бүрдүүлэх үүрэг бүхий Үндэсний хороо байгуулагдан ажиллаж байгаа аж.
Хөтөлбөрийг хэрэгжүүлэхтэй холбогдуулан Хөгжлийн банкны 800 тэрбум төгрөгийн үнэт цаас болон Засгийн газрын баталгаа гаргах тухай Засгийн газрын 2011 оны 03 дугаар сарын 16-ны өдрийн 85 дугаар тогтоолыг гаргуулан, Засгийн газрын 2011 оны 04 дүгээр сарын 07-ны өдрийн хуралдаанаар бага орлоготой иргэдэд жилийн 6 хувиас хэтрүүлэхгүй хүүтэй орон сууцны зээлийг олгохоор шийдвэрлэжээ.
“Шинэ бүтээн байгуулалт” дунд хугацааны зорилтот хөтөлбөрийн хүрээнд хот байгуулалт, барилгын салбарт авч хэрэгжүүлэх зарим арга хэмжээний тухай Засгийн газрын тогтоолын төслийг бэлтгэн Засгийн газрын 2011 оны 05 дугаар сарын 03-ны өдрийн хуралдаанаар хэлэлцүүлэн дэмжигдсэн. Энэхүү тогтоолоор эхний ээлжинд Баянголын ам, Буянт-Ухаа, Яармаг, МҮОНРТ-ийн орчмын орон сууцны хороолол, 7, 14-р хорооллын цахилгаан, дулаан хангамжийн шугам сүлжээ, барилга байгууламжийг шууд гэрээ байгуулан, цэвэр, бохир усны шугам сүлжээ, барилга байгууламжийг сонгон шалгаруулалтаар гүйцэтгүүлэхэд зориулан 2011 онд 350 тэрбум төгрөгийг зарцуулах шийдвэр гаргуулсан байна.
Мөн авто замын салбарт хэрэгжүүлэхээр төлөвлөсөн ажлуудаас эхний ээлжинд зураг төсөл нь бэлэн байгаа олон улс, улсын чанартай 1377.4 км авто замыг 615.3 тэрбум төгрөгөөр, Улаанбаатар хотын 48.7 км авто зам, 1 гүүрэн гарцын барилгын ажлыг 98.0 тэрбум төгрөгөөр, хөтөлбөрт тусгагдсан бусад авто замын зураг төслийг 13.39 тэрбум төгрөгөөр Хөгжлийн банкны эх үүсвэрээс санхүүжүүлэн дотоодын гүйцэтгэгч байгууллагуудаар шууд гэрээ байгуулан гүйцэтгүүлэхээр Засгийн газрын 2011 оны 04 дүгээр сарын 06-ны өдрийн 105 дугаар тогтоол гаргуулсан гэж сайд мэдээллээ.
Улаанбаатар хотын 7-р хороололд авто зам, инженерийн шугам сүлжээний трасс-т суурьшиж буй 854 нэгж талбарыг чөлөөлөхөд шаардагдах нөхөн олговрын 20 тэрбум төгрөгийг Нийслэлийн 2011 оны төсвөөс санхүүжүүлэхээр шийдвэрлэн, төслийн нэгж байгуулан ажиллаж буй аж.
    Улаанбаатар хотод барих “Их тойрог” 220, 110 кВ-ын цахилгаан дамжуулах агаарын шугам, дэд станц, магистраль шугамуудын зураг төслийг боловсруулахаар ажиллаж эхэлжээ.
Буянт-Ухаа, МҮОНРТ, 7, 14 дүгээр хорооллын 110/35/10 кВ-ын дэд станц, цахилгаан дамжуулах агаарын шугамын зураг төсөл, ДЦС-4-ийг түшиглэн уур-усны дулаан солилцуулагч бүхий дулааны дэд станцын ажлын зураг төслийг боловсруулан экспертизээр батлуулж, барилгын ажлыг эхлүүлэхээр бэлтгэж буй аж.
“Шинэ бүтээн байгуулалт” хөтөлбөрийн хүрээнд бага орлоготой иргэдэд зориулан Буянт-Ухаа орон сууцны хороололд 2000 айлын орон сууцыг дэд бүтцийн хамт барих төслийг бэлтгэж, хөрөнгийн асуудлыг шийдвэрлүүлэхээр Үндэсний хөгжил шинэтгэлийн хороонд хүргүүлсэн байна.
            Улаанбаатар хотод эхний ээлжинд баригдах Баянголын ам, Яармаг, Буянт-Ухаа, 7, 14 дүгээр хороолол, Ирээдүй хороолол, МҮОНРТ орчмын хорооллын барилгын ажлыг 2011 оноос эхлүүлэхээр шийдвэрлэжээ.
Улаанбаатар хот, аймгуудын төв, бүсийн тулгуур төвүүдэд барилгын материалын чанар аюулгүй байдлын хяналтын лаборатори байгуулах ажлыг эрчимжүүлэхээр төлөвлөж, эхний ээлжинд улсын төсвийн 213.0 сая төгрөгөөр 5 лабораторийг байгуулах, 21 аймагт лабораторийн тоног төхөөрөмж худалдан авах тендер зарлан сонгон шалгаруулалт хийж, тоног төхөөрөмж нийлүүлэх компанитай гэрээ байгуулаад байна. Барилгын материал, хийц, бүтээц, эдлэхүүний сорил, шинжилгээний төв лабораторийг нийслэлд, бүх аймагт салбар лаборатори барьж байгуулах ажлыг Концессын тухай хууль, бусад эрх зүйн актаар шийдвэрлэх боломж, нөхцөлийг бүрдүүлсэн гэлээ.

Г.Бүрэн www.shuum.mn

Долдугаар хорооллыг барих газрыг чөлөөлөхөд 20 тэрбумын нөхөн төлбөр олгоно
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Улаанбаатар хотод орон сууцны үнэ ирэх 10 жилд байнга өснө. Навс унана гэсэн ойлголт байхгүй. Учир нь монголд одоо уул уурхай ашиглалтын тэсрэлт болж байна. Цаашид ч үргэлжилнэ. Эдийн засгийн хямрал юм уу улс төрийн тогтворгүй байдал үүсэхэд үл хөдлөх хөрөнгийн үнийн өсөлт удаашрах, зогсох, бага зэрэг унах байдал гарах биз. Дундаж болон бага орлоготой иргэдэд зориулсан үл хөдлөх хөрөнгийн зах зээл дээрх Нэг өрөө байр 50-60 сая, 2 өрөө байр 80-90 сая, 3 өрөө байр 100-120 сая хүрнэ. Энгийн иргэд 10-20 жилийн хугацаатай моргэйжийн зээлээр л байр авах бололцоотой болох байх.

2011-06-07 | 15:14:57 | 90.216.137.19 |

Зочин
олон жил хүн амьдахсан газраа халдваргүйжүүлээрэй дээ

2011-05-30 | 09:55:07 | 182.160.35.111 |

Зочин
болж дэ хэдхэн жилийн дараа орчин үеийн хот болох нь дэ байрны үнэ ч навс унана харж л байгаарай

2011-05-29 | 13:02:03 | 202.72.245.61 |