"Дархан строй" гэдэг компани гаргасан талаар манай сонин өмнө нь мэдээлж байсан. Харин уг зургийг чанарын шаардлагад нийцээгүй хэмээн мэргэжлийн хүмүүс нь ярьж байгаа ажээ. Энэ талаар архитекторч Д.Цогттой ярилцлаа. Тэрээр 1970 онд I амаржих газрын барилгын зураг төслийг хийжээ.

-Шинээр баригдах төрөх эмнэлгийн зураг төслийг чанарын шаардлага хангаагүй талаар зураг төслийн хүмүүс ярьж байна. Мэргэжлийн хүний хувьд зургийг нь сонирхож үзэв үү?

-Төрөх эмнэлгийн зургийг Улаан-Үүдийн компани хийсэн. Эмнэлгийн барилгын зураг төслийг хүн бүр хийгээд байдаггүй нарийн стандарттай. Гэтэл туршлага муутай компани тендерт ялж эрхийг нь авсан юм билээ. Би эмнэлгийн барилгын зураг төсөл дээр ажиллаж байсан мэргэжлийн хүний хувьд тэр зурагтай танилцсан. Өрөөний стандарт хэмжээ буруу, зохион байгуулалт муутай, ашиглагдахгүй талбай ихтэй тааруухан зураг болсон байна лээ. Эмэгтэйчүүдийн үзлэг явуулах өрөөний стандарт хэмжээ гэхэд 18 метр квадрат байх ёстой. Гэтэл 14 метр квадратаар хийсэн байгаа юм. Хонгил нь гэхэд үзлэг, эмчилгээ хийх өрөөнөөсөө өргөн гэх мэтчилэн олон зөрчилтэй асуудал байна. Түүнээс гадна байршлын асуудал их төвөгтэй. Хаа байсан "Цагаан хаалга"-ны цаад руу эхчүүд очно гэдэг тийм ч амар биш. Унаатай хүн байна, нийтийн тээврээр зорчих хүн байна. Дамбадаржаад амьдардаг жирэмсэн эмэгтэй гэнэт өвдлөө гэхэд хэдэн минутын дотор тэр эмнэлэг рүү очих билээ. Дээр нь манайд томдсон эмнэлэг болно.

-Одоо үйл ажиллагаа явуулж байгаа төрөх эмнэлгүүд ачааллаа дийлдэггүй. Тэгэхээр 300 ортой эмнэлэг томдоно гэж үү?

-Судалгаа байдаг юм шүү дээ. Арав гаруй сая хүн амтай Москва хотод л гэхэд 150-200 ортой төрөх эмнэлэг барихад хангалттай гэсэн баримт бий. Эсвэл 20 гаруй тэрбум төгрөгийн зардал гаргаж хол газар ганц эмнэлэг барьж байхаар дүүрэг бүрт 100 ортой амаржих газар барьчихвал жирэмсэн эхчүүдэд л хэрэгтэй байх даа. Нэг дүүрэгт 100-150 ортой төрөх эмнэлгийг 6-7 тэрбум төгрөгийн төсөвтэйгээр барьчихна шүү дээ. Нэгэнт 20 гаруй тэрбум төгрөгийн төсөвтэйгээр хийгдэж байгаа ажил учраас зарцуулсан мөнгөтэйгээ дүйцэхүйц байх хэрэгтэй. Яахав яваандаа Нисэх, Био комбинат руу хот тэлэх л байх.

-Сул талбай ихтэй байна гэсэн. Энэ талаараа тодруулахгүй юу?

-Зургаас харахад сул талбай ихтэй байгаа юм. Арван том мэс заслын өрөө байна. Гэтэл тэрийг бүрэн дүүрнээр нь хэзээ ч ашиглахгүй. Тэгсэн мөртлөө хагалгаа хийсэн эмч гарч ирээд өвчний түүх бичих эмчийн өрөө ч байхгүй. Мэдээж тэр бүх өрөөг ашиглаж чадахгүй болохоор аль нэг өрөөг нь эмчийн өрөө болгох л байх. Сул талбай ихтэй болохоор ашиглалтын зардал өндөр гарна. Ингэхээр тэнд ажиллаж байгаа эмч, сувилагч нарын хангамжийн асуудал хоцрогдох байх. Түүнээс гадна цэвэр, бохир усны ямар ч шугамгүй газар барьж байна. Ер нь манайд эмнэлгийн зураг төсөл хийдэг мэргэжлийн боловсон хүчин дутмаг байгаа нь давхар харагдаж байна.

-Та энэ талаар холбогдох хүмүүст нь хандаж үзэв үү?

-Зөндөө хандсан юм аа. УИХ-ын гишүүдэд олон удаа бичиг явуулж байсан. Нэг ч хариу байхгүй. Мөн Эрүүл мэндийн сайд С.Ламбаатай биечлэн уулзсан. Уг нь намайг энэ зургийг янзлаач гэсэн. Гэтэл эхнээсээ буруу зохиогдсон зургийг янзалъя гэхээр боломжгүй. Нэг зургийг нь өөрчиллөө гэхэд давхар өөр нэг зураг зайлшгүй өөрчлөгдөх болно. Сантехник, цахилгаан гээд олон юмыг дахин шинээр хийхээс өөр аргагүй болно. Сүүлдээ аягүй бол нөгөө шүүмжлээд байсан Д.Цогт чинь өөрөө сүйтгээд хаячихсан юм гэнээ гээд бөөн яриа болно. Уг нь би өөрөө эскиз хийгээд 2-3 тэрбум төгрөг хэмнэхээр зураг боловсруулсан байсан. Гэтэл авч хэлэлцэж, хянах хүн байгаагүй. Уг нь эмнэлгийн барилга гэдэг бол зүгээр нэг барилгын зураг төсөл шиг хийгддэггүй. Өрөө бүр өөр, өөр хэмжээтэй байдаг. Зургаас харж байхад дөрвөн давхарт нь л гэхэд сауны өрөө гаргасан байх юм. Уг өрөөнд цонх гаргаж. Яаж тэр халуунд, тэгээд цонхтой байх билээ гэхээр тэгвэл өөр өрөө болгочихъё гэх юм. Гэх мэтчилэнгээр болохгүй байгаа юмыг нь хэлэхээр тэгвэл энгийн өрөө болгочихъё гээд өөрчлөөд байгаа.

-Тэгвэл одоо шинэ төрөх эмнэлгийг стандартын дагуу барья гэвэл юу хийх боломжтой вэ?

-Одоо юу ч хийсэн нэмэргүй болж байна. Уг нь би энэ талаар холбогдох хүмүүст нь эртнээс хэлж байсан. Ерөнхий сайд С.Батболдын барилга хариуцсан зөвлөх "Энэ барилгыг барихааргүй болсон" гэж хэлж байсан. Гэтэл одоо барилгын суурь эхэлж байгаа юм гэсэн. Ямар ч бодлогогүй ийм шинэ төрөх эмнэлэг баригдах гэж байгаад мэргэжлийн хүний хувьд харамсч байгаа.

С.АЛТАНЦЭЦЭГ

"Өдрийн сонин"

Зураг төсөл, байршил муутай төрөх эмнэлэг баригдаж байна
Tweet
Bolod.mn

Сэтгэгдэл (11)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
манайд ямар хунд байдалтай эмч нар ажиллаж байгааг хараарай, эх нялхаст жирэмсний гажиг харуулах гээд ном-р аваад очлоо 1 эмч эх од 80 хүн үздэг юм бна, ийм байхад тэр эмч алдаа гаргахгуй байх баталгааг эх нялхсын захирал гаргаж өгч байгаа юм уу, хүн л юм бол алдах л биз,яаж ингэж ажиллуулж болох бэ

2011-05-10 | 13:56:05 | 124.158.109.215 |