Жолоогоо татаж гал голомт руугаа эргэцгээ Монголчуудаа!

2011-05-05

Монгол хvн гэж хэлvvлэхийн тулд

Монголын тєлєє цохилох зvрхтэй байх ёстой гэж Хатанбаатар Магсаржав хаа байсан 1920 онд хэлжээ. Єнєєдєр энэ vг хилийн чанадад сурч боловсорч, “хар, цагаанаар” ажил хєдєлмєр эрхэлж, эх нутгийн vнэ цэнэ, энэ Монгол орны иргэн гэх нэр тєрєє дээдлэн, санагал-заж яваа 220 гаруй мянган элэг нэгтнvvдэд маань тун ч их хамаатай. Сvvлийн гуравхан жилээс л дэлхий нийтийн анхааралд ороод байгаа бус Монгол шиг жижигхэн орны иргэд эх орныхоо vнэ цэнэ, нэр тєрєє хамгийн ихээр дээдлэх учиртай юм. 2010 оны судалгаагаар харьд амьдарч буй Монголчууд эх орон руугаа 250 сая орчим ам.доллар гуйвуулсан нь дотоодын нийт бvтээгдэхvv-ний 18 орчим хувь нь болсон тооцоо гарчээ.

Гадаадаас орж ирж байгаа энэ мєнгєний урсгалыг Монголын эдийн засаг дахь цэвэр хєрєнгє оруулалт мэтээр бид бvхний олонхи нь ойлгож, тєєрєгдєж яваа нь харамсалтай. Vнэн хэрэгтээ Монголоос гадагшаа урсч буй мєнгийг энэ 250 сая ам.доллараас хасч байж сая л гадаадад байгаа монголчуудын эх орондоо илгээсэн мєнгєний цэвэр дvн нь гарах ба 250 саяас магадгvй хасах ч гарах байх. Монголоос гадагш урсч байгаа мєнгєний урсгалын дийлэнх хэсгийг тєрд сонгогдон гарч ирсэн ч улсын хєрєнгийг хулгайлан завшигч албан тушаалтнуудын гадаад руу гуйвуулдаг мєнгє эзэлдэг нь хэнд ч нууц биш. Тэд луйвардан завшсан хєрєнгє, мєнгєє гадаадын олон оронд Хадгаламж, vл хєдлєх хєрєнгє болгон байршуулж байгаа. Харьд байгаа Монголчууд ар гэр, улс орондоо тодорхой хэмжээгээр тус болж, єнєєдрийнх нь єл хоо-лыг залгуулж байгаа ч, маргаашийнх нь аз жаргалыг бататгахад дорвитой vр нєлєє vзvvлж чадахгvй. Єєрєєр хэлбэл, богино хугацаанд тэд Монголын эдийн засаг, хувь хvний амьдралд ашиг тусаа єгч байгаа боловч, урт хугацаанд нєлєє vзvvлж чадахгvйгээр барахгvй, Монгол Улсад хохиролтой юм.

Гадаадад байгаа Монголчууд юу хожиж, юу сурч мэдэв…

Боловсрол, мэдлэг, ажлын туршлага, олон улсын тєвшинд, зах зээлийн нийгэмд ажиллах чадвар, соёл, ухамсар, ёс суртахуун, хувийн хариуцлага, єєрийгєє болон цаг хугацааг vнэлэх чадвар гээд олон “эрдмийг євєртлєсєн” нь тодорхой.
Энэ нь тухайн хvндээ, тэдгээрийн гэр бvлд тун ч их ашиг тустай байвч, Монголдоо тодорхой хувь нэмрээ оруулж нєлєєлєхгvй л бол сурсан мэдсэн нь Монгол Улсад ямар ч хvртээлгvй юм. Жишээ нь, АНУ-д єндєр боловсрол эзэмшсэн, мэргэжлээрээ ажилладаг монгол залуус цєєнгvй. Тэдний хvvхдvvд сэхээтэн Америк айлын хvvхдvvдийн адил боловсорч, Америк хvмvvжлээр єсч байгаа. Харамсалтай нь, эдгээр хvний нэлээдгvй хэсэг нь эзэмшсэн мэргэжил, боловсролоо Монголдоо зориулах сэтгэлгvй, vр хvvхдvvддээ монгол хэл сургадаггvй, єєрсдєє Монгол гэсэн нэр тєрєє бодож эх орондоо єчvvхэн ч гэсэн туслах хандлага vзvvлдэггvй ажээ. Тэд эх оронч vзэл, Монголын иргэн гэдэг нэр тєрєє мартчихаагvй бол зєвхєн тухайн салбартаа тєдийгvй нийгэмд ч тодорхой нєлєєлж чадах чадвартай хvмvvс билээ.

Гэтэл гадаадад байгаа монголчуудын дунд байдаг нийтлэг хандлага нь эх орноо муулах, єєрєє тийм ядуу буурай оронд тєрж єсєєгvй, тєрєл арилжсан мэтээр бvхнийг vгvйсгэж, эх орондоо vлдсэн хvмvvсийг зэрлэг бvдvvлэг, архичин арчаагvй мэтээр донгодох нь их болжээ. Монголын нийгмийг тэр аяар нь балчиг шавартай зvйрлэж, тэр гамшгаас сугарч гарч ирсэн єєрсдийнхєє ид хавыг дэвэн дэлхийгээр нэг дуулцгаана. Нийгмээ иргэн нь шvvмжилж болно, шvvмжлэх ч ёстой. Харин харьд байгаа эх орон нэгтнvvд маань Монголын єнєєдрийн нийгмийг шvvмжлэхдээ “Хэдхэн баячууд нь хагартлаа баяжаад дуусч байгаа, хорин жилд хойшоо л ухраад байгаа, би л лав эргэж очихгvй, очдог юм аа гэхэд насныхаа эцэст ясаа тавих гэж л очно” хэмээн шvvмжилцгээж сууна.

Монголчууд бид юу алдаж байгаа вэ…

Асар их оюуны болон биеийн хvч, гадагшаа урсч байгаагаас тэдний орон зайг нь Хятад, Вьетнам, Солонгосын хєлсний ажилчид нєхєж, хvний нєєцийн vлэмж их зардлыг Монгол гадагш гаргаж байгаа. Vvний гол буруутан нь эрх мэдлийг атгаж, тєр засгийн толгойд сууж байгаа нєхдvvд. Vндэсний ажиллах хvчний мэдлэг чадварыг хєхvvлэн дэмжиж, тэднийг сургаж боловсруулахаас илvvтэй гадагш нь хєєж туух замаар Солонгос, Чех, Япон зэрэг орон руу цєлж, хятад иргэдээр нєхєж байгаа нь улс орны хойшдын аюулгvй байдалд заналхийлсэн, харь орны эрх ашигт vйлчилсэн гаж тогтолцоо юм.
Vvнээс болж Монголын хvн амын цэвэр єсєлт удааширч, цаашид зогсох аюулд орсон, ажлын байр, гол гол зах зээлийг Хятад, Солонгосын бохир мєнгє угаагчид, гэмт хэрэгтнvvд гартаа атгасан. Vvнээс нь болж хvн, нийгэм, хvрээлэн буй орчинд гамшигийн аюул нvvрлэсэн, нийгмийн хєгжлийн цєм хvний хєгжил доройтсон.

Энэ бvгдээс дvгнэвэл гадаадад байгаа монголчууд хєрєнгє, санхvv, материаллаг талаасаа дэвжин дээшилж байгаа ч цаана нь ЭХ ОРОН гэдэг бvхнээс vнэтэй, ариун нандин зvйлээ єдєр єнгєрєх тусам алдаж, асгаж байгаагаа ухаараасай. Хvний хэрэглээ гэдэг шуналаас болж тэлдэг, харин ухамсраас шалтгаалан агшааж, хязгаарлаж болдог єчvvхэн зvйл юм. Тодорхой хугацааны дараа эх орондоо заавал харина гэсэн бат бодолтой Монголын иргэн бvрийг алтаар vнэлэх учиртай.

Гадаадад байгаа их олон монголчууд “Эх оронд минь хvний хєдєлмєрийг шударга vнэлж, сайхан амьдрах хангалттай цалин хєлс олгодог болсон цагт харина” гэж ярьдаг. Vлгэрийн юм шиг тийм орчин нєхцєл бvрэлдэн тогтоход харьд ажиллаж, амьдарч байгаа та бvгдийн маань халуун сэтгэл, нєр их хєдєлмєр зvтгэл дутагдаад байна. “Хээрийн галуу нисэн vл хvрэх газраас эрдэм, баялгийг євєрлєн эх орондоо ирцгээ” харьд байгаа элэг нэгтнvvд минь. Хамтдаа хєдєлмєрлєж, шинэ Монгол орноо хєл дээр нь босгоцгооё.

яахуу

Жолоогоо татаж гал голомт руугаа эргэцгээ Монголчуудаа!
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
монголд ажиллаад амидрах боломж хэр байгаа вэ?хэдэн тогрогний салин огдог болоод очиж монголд амидар гээд байгаа юм.монголоор дуурэн ажилгуй залуучууд байсаар байхад хужаа оруулж ирж ажиллуулдаг урвагч торийн тушээдтэй монгол хэзээ оодлох юм бол.бидний нас монголийн сайн сайхнийг харж гуйтсэх болов у?энэ торийн тушээд хуний нас хэмжээтэй гэдгийг мэддэг болов у?

2011-05-05 | 14:40:18 | 83.248.50.237 |

Зочин
тэг тэг

2011-05-05 | 14:29:45 | 83.248.50.237 |