Нийт хүн амын ихэнх нь оршин суудаг Улаанбаатарын хувьд Нийслэлийн Бизнес Хөгжлийн Төв бол шинэхэн байгуулагдсан ч яах аргагүй анхаарлын гол төвд байх ёстой, бас ч гэж зөв удирдан зохион байгуулж, гольдрилд нь оруулж чадах юм бол нэлээд ажлыг нугалах “шаардлагатай” нэгж. Саяхан тус байгууллагын удирдлагыг сольж, Ч.Сайханбаярыг томилсон байна. Монголчуудын хувьд аливаа зүйлд нэгэнт үүссэн итгэл үнэмшилдээ тулгуурлан хандах нь бий. Цаашид тус байгууллагын нүүр царай болох Ч.Сайханбаяр гэгч чухам хэн бэ гэдэг мэдээллийг урьд өмнө хүмүүс хангалттай авч байлаа. Түүний үнэн дүр төрхийг харуулсан өмнөх мэдээллүүдийг сонирхвол мань эр манайхны ярьдгаар нэлээд “баартай хүн” бололтой.

Ч.Сайханбаяр: Намайг огцруулах ажиллагаа эртнээс зохион байгуулагдсан

Сонгинохайрхан дүүргийн Засаг дарга Ч.Сайханбаяртай холбоотой таагүй мэдээлэл сүүлийн үед хэвлэлүүдээр гарч байгаа. Түүнийг хуурамч диплом өвөртлөн төрийн алба хашихын зэрэгцээ ажлаа хангалтгүй гүйцэтгэсэн гэж тус дүүргийн Иргэдийн хурлын төлөөлөгчид шүүмжлэн ажлаас нь огцруулах саналаа хотын мэр Г.Мөнхбаярт илгээжээ.
Өнгөрсөн арванхоёрдугаар 28-нд дүүргийн Сонгинохайрхан дүүргийн Иргэдийн төлөөлөгчдийн хурал болж 2010 оны төсөв, үндсэн чиглэл, Засаг даргын ажлын тайланг хэлэлцэхээр болсон юм. Хурлын үеэр Засаг дарга Ч.Сайханбаяр болон Тамгын газрын хийсэн ажилд иргэдийн төлөөлөгчид хангалтгүй гэсэн дүн тавьж, иргэдийн хурлын 35 төлөөлөгчийн 19 нь түүнийг огцруулах саналыг дэмжсэн юм. Уг шийдвэр гарсны дараа Ч.Сайханбаяр Иргэдийн хурлын 16 төлөөлөгч, Засаг даргын Тамгын газрын хэлтсийн дарга нарыг дагуулан хурал хаясан тухай мэдээлсэн билээ. Үүнээс хойш дүүргийн Иргэдийн төлөөлөгчдийн хурал саатаж он дамжлаа.
Харин Ч.Сайханбаяр, дүүргийн Тамгын газар болон харьяа байгууллагуудын дарга өчигдөр сэтгүүлчдэд мэдээллээ. Тэд Засаг дарга болон Тамгын газрынхантай холбоотой мэдээллийг үгүйсгэж, 2009 онд нийгэм эдийн засгийн зорилтын хүрээнд тавьсан зорилтоос хангалттай биелүүлсэн гэлээ. Тухайлбал нийслэлийн 370 жилийн ойгоор “370 бүтээлч ажил”-ын 60 нь Сонгинохайрхан дүүрэгт хийгдсэн байна. Мөн төсвөөс гадна, төсөл хөтөлбөр, дэмжлэг туслалцааг төвлөрүүлэн тоон дүнгээр 900 орчим сая төгрөгийн хөрөнгө оруулалт хийжээ. Ядуурлын түвшин 2008 онд 39 хувьтай байсан бол өнгөрсөн жилийн эцсийн байдлаар 31 хувь болон буурчээ. Дүүргийнхээ хэмжээнд өнгөрсөн онд 4000 гаруй ажлын байр шинээр бий болгосон байна. “Энэ мэтчилэн хийсэн ажлаараа тэргүүлж байхад хэдхэн хүн ашиг сонирхлоороо биднийг юу ч хийгээгүй мэтээр иргэдэд буруу ойлголт төрүүлж байгаад харамсаж байна. Засаг даргыг огцруулахад өөр үндэслэл гаргах ёстой, хэвлэлүүдээр зохион байгуулалттай тарж байгаа мэдээллүүд ч Засаг даргыг огцруулах үндэслэл болж чадахгүй. Тэрбээр иргэдтэйгээ тулж ажилладаг, мөрийн хөтөлбөрөө хангалттай биелүүлж байгаа” хэмээн Тамгын газрын болон хэлтсүүдийн дарга нар онцлов. Ийм амжилттай ажилласан байхад Засаг даргыг огцруулах асуудалд холбон 4800 гаруй хүний эрх ашгийг зөрчиж байна гэлээ.
Ингээд хэвлэлийн бага хурлын дараа Ч.Сайханбаяртай уулзаж, үүсээд байгаа нөхцөл байдлын тухай ярилцлаа.
-Таныг албан тушаалаас тань огцруулах долоон үндэслэлийг Иргэдийн хуулын зарим төлөөлөгч гаргасан байгаа. Энэ тухай хэвлэлүүдээр ч хангалттай мэдээллээ. Албан тушаалаас тань огцруулах үндэслэлүүдэд та ямар байр суурьтай байна вэ?
-Мэдээжийн хэрэг аливаа ажил хийж байгаа хүн алдаа дутагдалтай байлгүй яахав. Өнөөдрийн үүсээд байгаа нөхцөл байдалд бид харамсаж байна. Засаг дарга, Тамгын газар гээд ер нь Сонгинохайрхан дүүргийн хэмжээнд ажил явсангүй гэх зэргээр хэсэг бүлэг нөхдүүд зохион байгуулалттайгаар янз бүрийн асуудал гаргасан юм бий. Харин Засаг даргын мөрийн хөтөлбөр 90.2 хувийн биелэлттэй байгаа шүү дээ. Тиймээс тэдний гаргаад байгаа үндэслэлүүд бол намайг албан тушаалаас огцруулах үндэслэл болж чадахгүй. Бид хуулийн хүрээнд ажиллаж байгаа. Зөвхөн Ч.Сайнбаярыг бус Тамгын газар хэлтсүүдийг хамтад нь дайрч байгаад тэд гомдож байгаа юм. Хуулийн дагуу энэ асуудлыг шийдүүлнэ. Хэрэв би гэм буруутай нь тогтоогдвол огцорч л таарна.
-Та МАХН-ын гишүүн. Таныг огцруулах санал гаргаж байгаа хүмүүс ч МАХН-ын гишүүд. Нэг намынхан ингэж хөнжил дотроо хөлөө жийлцэхийн учир юунд байна вэ. Улс төрийн ямар ашиг сонирхол байгаа юм бол?
-Засаг даргын албан тушаалд санаархаж байгаа хүмүүсийн явуулга л даа. Энэ суудлыг ямар хүн сонирхож байгаа нь тодорхой.
-Таны албан тушаалд санаархаж байгаа хүнийг нэрлэж чадах уу?
-Одоохондоо энэ тухай хэлмээргүй байна. Хэн зохион байгуулаад байгаа нь тодорхой. Намайг огцруулах хор эртнээс зохион байгуулалттай явж байсан юм билээ.
-МАХН дотроо олон фракцтай гэгддэг. Таныг хотын дарга байсан Ц.Батбаярын фракцын хүн гэх юм билээ?
-Фракц гэж ярьж байгаа боловч Ц.Батбаяртай хамтарч ажиллаж байлаа. Түүнийг хотын мэр байхад би Нийслэлийн тээврийн газрын дарга байсан. Тухайн үед нийтийн тээврийн асуудал хүнд байсан учраас бид хамтран ажиллаж байсан юм. Тиймээс намайг Ц.Батбаярын фракц гэх юм билээ. Тэрийг ч үгүйсгэх зүйлгүй.
-Таныг хуурамч дипломтой гэх яриа бий?
-Дипломны хувьд Удирдлагын институтийн Төрийн захиргаа удирдлагын магистр гэсэн асуудлыг хөндөж тавьсан байгаа. Үүнийг мэргэжлийн байгууллагууд шалгаад хариугаа өгчихсөн. Заавал Засаг дарга магистр байна гэсэн шалгуур үзүүлэлт байхгүй.
-Мөн Засаг даргын ёс зүйд баймааргүй авир гарган өрөөндөө эмэгтэй хүнтэй байж байгаад баригдсан, төрийн албан хаагчдыг үндэслэлгүйгээр халж, ах дүү хамаатан садангийнхаа хүмүүсээр тойрон хүрээлэгчдээ бий болгосон гэж байгаа?
-Өрөөндөө эмэгтэй хүнтэй секс хийж байсан гэсэн асуудал байхгүй. Сонин хэвлэлд гарсан шиг Тамгын газрын даргадаа баригдлаа гэсэн нь ч худлаа. Миний хувьд тийм жудаггүй хүн биш. Хүнийг өөртэйгөө адилтгаж боддог хүмүүс тэгж бодсон байх. Ах, дүү, хамаатан садангуудаараа хүрээлүүлсэн юм байхгүй. Нэг хүн ажлын байран дээр архи уугаад халагдсан. Мэдээж ажлын байранд архи уудаг нь хортой учраас дараа, дараагийнхад нь сануулга болох үүднээс халсан байгаа.
Төрийн албаны шалгалт авахад 33 хүн ажилдаа тэнцээгүй. Ингээд 33 ажлын байр зарласан байдаг юм. Үндсэндээ уг ажлын байрны 31-д нь тангараг өргөсөн хүмүүсийг авсан асуудал бий. Ер нь тухайн хүнийг ажлаас халах нь миний эрх мэдлийн асуудал биш. Тамгын газрын дарга халдаг. Засаг даргаас санал авдаг юм.
-Тамгын газрын дарга таны дотны найз гэх юм билээ?
-Үнэндээ тийм асуудал байхгүй. Дотны хүн байдаг ч гэсэн Тамгын газрын даргаар тавих боломжгүй л дээ. Тэр хүн үнэхээр чадвартай, ажилдаа сайн хүн болохоор Тамгын газрын даргын албан тушаалд томилсон.
-Тэгвэл Багахангайн махны үйлдвэрийг найздаа авч өгсөн, дүүргийнхээ цэцэрлэгийн хүүхдүүдийн хоол, хүнсний хангалтын үйлчилгээг найзууддаа хариуцуулсан гэж байгаад ямар тайлбар өгөх вэ?
-Цэцэрлэгийн хоол хүнсийг нийлүүлдэг компаниудтай би гэрээ хийсэн. Гэхдээ энэ нь 2006 оноос хойш гэрээтэй явсан компани. Урьд нь гэрээ хийж байгаагүй компанийг нь өөр компанитай хийсэн юм бол байгаа. Тэрнээс шинээр байгуулчихсан юм байхгүй. Урьд нь “Хэвийн өргөө” гэж компани байсан юм билээ. Багахангайн махны үйлдвэрийн дарга П.Энхбат бол Иргэдийн хурлын төлөөлөгч л дөө. Тэр бид хоёр найз болохоор хүмүүс Багахангайн махны үйлдвэрийг түүнд аваад өгчихсөн гэж харддаг юм билээ.
-Таныг Авлигатай тэмцэх газарт шалгуулж байгаа гэсэн. Хэвлэлүүдээр мэдээлээд байгаагаар албан тушаалаасаа огцор гэсэн мэдэгдэл ирсэн юм уу?
-Тийм мэдэгдэл ирээгүй.гэмт хэргийн бүрэлдэхүүнтэй үйлдэл байхгүй байна гэсэн хариу ирсэн. Би хотын тээвэрт байхдаа жил 15 тэрбум төгрөг аж ахуй нэгжүүдэд хуваариладаг байлаа. Эдийн засгийн чиглэлээр магистр хамгаалсан. Төсвийг захиран зарцуулах мэдлэгтэй.
-Та удирдлагын академид шалгалт өгсөн сурагтай?
-Хүнд хор шар гэж юм байна даа. Хүний төгсөөд юмыг яагаад би төгсч болдоггүй юм бэ. Хов живхэнээр явж байна гэм буруутай нь тогтоогдвол огцорч л таараа хүний хор шар байна даа. Хүний төгсдөг юмыг төгсчихье л дээ. Ямар ч байсан шалгалтыг нь өгөөд тэнцээд орж л байна лээ.
-Таныг огцруулахад санал нэгдсэн хүмүүс тантай ямар нэгэн хувийн өс хонзонгийн ч юм уу, ашиг сонирхлын зөрчилтэй юм байна уу?
-Тийм асуудал байхгүй. Зөвхөн ажил хэргийн шугамаар харилцдаг байсан.

СХД-ИЙН ЗАСАГ ДАРГА Ч.САЙХАНБАЯР ИРГЭДИЙН ТӨЛӨӨЛӨГЧДИЙН ХУРЛААСАА ЗУГТЖЭЭ
2009-12-30 09:40:42
СХД-ийн Иргэдийн төлөөлөгчдийн 4-р чуулган сvvлийн өдрvvдэд халуухан хуралдаж байна. Тус чуулганы эхний өдрийн хуралдаанаар дvvргийн засаг даргынхаа мөрийн хөтөлбөр, 2009 онд хийсэн ажлын тайланг хэлэлцэж, хангалтгvй гэсэн дvгнэлт өгчээ.
Харин СХД-ийн засаг дарга Ч.Сайханбаяр нь хуралдаа ирсэн мөртлөө оролцохоос зайлсхийж, тэр байтугай өөрийн томилсон зарим нэг хэлтэс албадын дарга нараа авч зугтаасан байна. Учир нь Иргэдийн төлөөлөгчдийн чуулганаар "өнгөрөгч онд хийж бvгээсэн дорвитой ажил байхгvй, тоотой хэдхэн хийсэн нь маш хангалтгvй" хэмээн дvгнvvлж, банга хvртсэн эрхэм засаг дарга огцрохоос айхдаа ийнхvv нvvр буруулан зугтаж, хөгөө чирж явна.

Хуурамч бичиг баримтаар гаршсан Ч.Сайханбаярыг Нийслэлийн Засаг дарга Г.Мөнхбаяр юуны учир өмгөөлнө вэ?
Хуурамч бичиг баримтаар гаршсан Ч.Сайханбаярыг Нийслэлийн Засаг дарга Г.Мөнхбаяр юуны учир өмгөөлнө вэ?
Хэвлэлийн хамгийн сvvлийн vеийн сенсацийн эзэн бол Сонгинохайрхан дvvргийн Засаг дарга Ч.Сайханбаяр болоод байна. Тэрээр “Бичиг баримт хуурамчаар vйлджээ”, “Ажилдаа хангалтгvй дvн авлаа”, “ИТХ нь огцруулах шийдвэр гаргалаа”, “Хуралдаа орохгvй зугтжээ”, “Зөөлөн суудалдаа vлдэхийн тулд ИТХ-аа шvvхэд өгчээ” гэх мэтээр сайн бус саар талаар сонин хэвлэлд гарахаа больжээ. Ч.Сайханбаяр нь байнга хуурамч бичиг баримт vйлддэг дарга болох нь дараахь зvйлээр нотлогдоод байгаа юм. Тухайлбал, тэрээр Төрийн захиргаа удирдлагын хөгжлийн институтын 904 дугаар бvхий магистрын дипломыг хуурамчаар vйлдэж, тvvнийгээ төрийн албанд орохдоо ашигласан болохыг 2009 оны гуравдугаар сарын 5-ны өдрийн Авлигатай тэмцэх газрын Мөрдөн шалгах хэлтсийн дарга Э.Амарбатаас Нийслэлийн Засаг дарга бөгөөд Улаанбаатар хотын захирагч Г.Мөнхбаярт хvргvvлсэн 06717 тоот албан бичгээс харж болно. Харин тэрээр 1995 онд төгсч магистрын дипломыг нь авсан Төрийн захиргаа удирдлагын хөгжлийн институтэд 2009 оны намар элсэн орж, одоо тус сургуулиас жинхэнэ дипломоо авахаар суралцаж байгаа аж. Ч.Сайханбаяр нь 1989 онд “Московский Автомобильно-Дорожный Институт” (МАДИ) -д элсэн оржээ. Тэрээр 1994 онд автомобили и автомобильное хозяйство мэргэжлээр төгсч, тvvнд КВ№768567 дугаартай дипломыг 1994 оны зургадугаар сарын 27-нд Москва хотод олгосон талаар дипломын хуулбарт бичигджээ. Хачирхалтай нь тvvнд ЭВ№753821 дугаартай ижил утга бvхий дипломыг 1994 оны зургадугаар сарын 27-нд мөн л Москва хотод олгосон байна. Ингэхээр Ч.Сайханбаяр 1994 оны зургадугаар сарын 27-нд Москва хотод олгосон хоёр өөр дипломтой болж таарлаа гэсэн vг. Тvvний хоёр өөр дипломын учрыг холбогдох байгууллагууд шалгасан мөртлөө яагаад одоо болтол олоогvй байгаагийн шалтгааныг одоо та бvхэнд сонирхуулъя. Ч.Сайханбаярыг Сонгинохайрхан дvvргийн Засаг даргаар 2008 оны эцсээр томилогдсоных нь дараахан Мэргэжлийн хяналтын газрынхан тvvний дипломын хуулбарыг шалгаж vзжээ. Гэвч асуудал ээдрээтэй болмогц Мэргэжлийн хяналтын газрынхан уг асуудлыг Авлигатай тэмцэх газарт шилжvvлсэн байна. Авлигатай тэмцэх газар тvvний бичиг баримтыг шалгаж, Монголд төгссөн магистрын диплом нь хуурамч болохыг нотолж, гэмт хэрэг vйлдсэнээс хойш хэрэг хөөн хэлэлцэх хугацаа дууссан учир эрvvгийн хэрэг vvсгэхээс татгалзаж, харин энэ талаар Нийслэлийн Засаг дарга бөгөөд Улаанбаатар хотын захирагч Г.Мөнхбаярт мэдэгдэж арга хэмжээ авахыг шаарджээ. Ингээд тvvний дотоодод сургууль төгссөн нь худал болж таарав. Харин гадаадад буюу ОХУ-д төгссөн дипломыг нь шалгахад КВ№768567 дипломын хуулбар хувь нь хувийн хэрэгт авагдсан байв.

Тус хуулбарыг 2006 оны дөрөвдvгээр сарын 3-нд 2024 (2258, 2212) дугаартай Баянгол дvvргийн нотариатч Ч.Эрдэнэбаяр (Ч.Сайханбаярын 904 тоот хуурамч магистрын дипломыг нь баталсан нотариатч) -аар батлуулжээ. Иймд Авлигатай тэмцэх газрын мөрдөн байцаагч Ч.Сайханбаяраас дипломыг эх хувиар нь олж ирэхийг шаарджээ. Гэтэл тэрээр “Дипломоо хаясан, одоо дахин олж ирье” гээд хэсэг хугацааны дараа ЭВ№753821 дугаар бvхий дипломын хуулбарыг 2009 оны хоёрдугаар сарын 20-нд ОХУ-аас Монгол Улсад суугаа Ерөнхий консул А.Ц.Доржиеваар гэрчлvvлсэн бас нэг хуулбар хувийг мөрдөн байцаагчид авчирч өгчээ. Ингээд хоёр өөр диплом гарч ирэн асуудал улам л ээдрээтэй болж эхэлсэн байна. Энэ нь 2009 оны Монгол Улсын Ерөнхийлөгчийн сонгууль ойртож байсан vе тул МАХН-аас сонгогдсон нэг дvvргийн Засаг дарга нь ийм асуудалд орооцолдох нь сонгуулийн vр дvнд сөргөөр нөлөөлнө гэж vзсэн ч vvнийгээ тухайн vед ил гаргаж хэлж чадахгvй байлаа. Ингээд Ч.Сайханбаярын хоёр өөр бакалаврын дипломын учрыг олох гэсэн мөрдөн байцаагчийн vйл ажиллагааг “ОХУ, Монгол улс хоорондын харилцаанд сэв суулгах асуудал тул энэ асуудлыг хав дар” гэсэн дээрээс өгсөн vvргээр хаацайлан зогсоосон байна. Ингээд Ерөнхийлөгчийн сонгууль болж, мөрдөн шалгах ажиллагаа зогсч Ч.Сайханбаярт аз тохиожээ.

Гэвч тvvнд байнга аз тохиогоогvй бололтой. Олон хавар нэгэндээ гэгчээр тэрээр дахин хуурамч юм хийж өөрөө өөрийгөө барьж өгчээ. СХД-ийн ИТХ-ын дөрөвдvгээр хуралдаанаар Засаг дарга Ч.Сайханбаярыг “Ажлаа муу хийсэн, бичиг баримт хуурамчаар хийдэг, хуурамч ажлын тайлан хийсэн” гэсэн шалтгаанаар ИТХ олонхиороо огцруулах шийдвэр гаргажээ. Энэ vеэр Авлигатай тэмцэх газарт сонгуулийн vеэр нам дарагдсан хоёр дипломын хуулбар сонинд зэрэгцэн нийтлэгдсэн нь асуудлыг бvр ээдрээтэй болгожээ. “Ч.Сайханбаяр нь МАДИ-ын хоёр бакалаврын дипломтойг Авлигатай тэмцэх газар шалгаж байгаад зогсоожээ” гэсэн гарчигтай сонинд нийтлэгдсэн материалаас харахад бакалаврын хоёр диплом нь хоёулаа хуурамч байж магадгvй гэсэн эргэлзээг улам лавшруулж байна. Vvнд:

Баримт 1: Ч.Сайханбаярын 1994 онд “Московский Автомобильно-Дорожный Институт”-ыг (цаашид МАДИ гэх) төгссөн бакалаврын диплом нь КВ№768567, ЭВ№753821 гэсэн хоёр өөр дугаартай, харин олгосон он, сар, өдөр, газар нь ижил байгаа нь эргэлзээ төрvvлж байна. Хэрвээ өмнөхийгөө хаясан гэж vзвэл дараагийн шинэ дипломыг нөхөн олгохдоо нөхөн олгосон он, сар, өдрийг тавьж “нөхөн олгов” гэсэн дардастай өгөх нь зvйн хэрэг. Ч.Сайханбаяр нь эхний КВ№768567 тоот дипломын хуулбарыг 2006 оны дөрөвдvгээр сарын 3-нд 2024 (2258, 2212) дугаартай Баянгол дvvргийн нотариатч Ч.Эрдэнэбаяр (Ч.Сайханбаярын 904 тоот хуурамч магистрын дипломыг нь баталсан нотариатч) -аар батлуулжээ. Харин дараагийн ЭВ№753821 дугаар бvхий дипломын хуулбарыг 2009 оны хоёрдугаар сарын 20-нд ОХУ-аас Монгол Улсад суугаа Ерөнхий консул А.Ц.Доржиеваар гэрчлvvлсэн байна. Иймд сvvлийнхээ дипломыг 2009 онд буюу бvр СХД-ийн Засаг дарга болсны дараа ч хуурамч диплом vйлдсэн байх магадлалтай байна.

Баримт 2: Ч.Сайханбаярын КВ№768567, ЭВ№753821 гэсэн хоёр өөр дугаартай диплом дээрх сургуулийн захирал, декан, нарийн бичиг нарын гарын vсгvvд нь ижил байгаа нь улам эргэлзээ төрvvлж байгаа юм. Гарын vсэг зурж баталгаажуулсан гурван этгээд 15 жилийн дараа гэхэд бvгд ажлаа хийж байгаа гэхэд эргэлзээтэй юм.

Баримт 3: Ч.Сайханбаярын КВ№768567, ЭВ№753821 гэсэн хоёр өөр дугаартай дипломуудын хавсралтууд дээрх дvн хоорондоо зөрж байгаа нь эдгээр диплом харилцан бие биеэ vгvйсгэж байна гэсэн vг юм. КВ№768567 дипломын хавсралт 1. История КПСС (удовлет)2. Политическая экономия (удовлет)3. Научный коммунизм (зачтено)4. Иностранный язык (хорошо)5. Высшая математика (удовлет)6. Химия (удовлет)7. Физика (удовлет) 8.Начертательная геометрия (удовлет)9. Аэрогеодизия (зачтено)10. Стройтельная механика (удовлет) ЭВ№753821 дипломын хавсралт1. История КПСС (хорошо)2. Политическая экономия (хорошо)3. Научный коммунизм (хорошо)4. Иностранный язык (удовл)5. Высшая математика (хорошо)6. Химия (хорошо)7. Физика (хорошо) 8.Начертательная геометрия (хорошо) 9. Аэрогеодизия (хорошо) 10. Стройтельная механика (хорошо) Гэх мэтээр хичээлийн дvнгvvд зөрж байна. Vvнээс харахад энэхvv хоёр диплом хоорондоо холбоогvй, албан ёсны “ведомость” буюу дvнгийн баримтанд тулгуурлаж бичигдээгvй, эсвэл сурлагын дэвтрээс хуулж бичээгvй зэрэг нь хуурамч болохыг нотолж байна.

Баримт 4: Ч.Сайханбаярын КВ№768567, ЭВ№753821 гэсэн хоёр өөр дугаартай диплом дээрх гар бичмэлийн бичгийн хэв ижил байгаа нь энэ хууль бус vйлдлийг нэг хvн хийгээд байгаа нь ойлгомжтой байна. Тэгэхээр энэ хуурамч дипломыг vйлддэг хэсэг бvлэг хvн байгаа болов уу гэсэн хар төрж байна.

Баримт 5: Ч.Сайханбаяр сургуульд ордог 1989 он бол социализмын vе бөгөөд ЗХУ, БНМАУ-ын Засгийн газар хоорондын гэрээний дагуу дөрвөн хvvхэд ЗХУ-ын МАДИ-гийн сургуульд явсан байгаа юм. Тэр дөрвөн хvvхдээс хоёр нь сургуулиасаа хөөгдөж, хоёр нь 1994 онд төгсч ирсэн байгаа юм. Тvvний нэг нь эмэгтэй төгсөгч, харин нөгөө эрэгтэй төгсөгчийг Ч.Сайханбаяр гэдэггvй юм байна.

Баримт 6: МАДИ нь 1993 оноос хойш төгссөн гадаадын төгсөгч нартаа олон улсын стандартад нийцvvлж магистрын том далбагар диплом өгсөн байна. Дипломны хавсралт дээр дvнг кредит цагаар vнэлж тавидаг цаг болчихсон байхад Ч.Сайханбаярын дипломын хавсралт дээр “Хорошо, удовлет” гэх мэтээр бичсэн нь эргэлзээг улам лавшруулж байна. Мөн хавсралт дээр бичсэн хичээл буюу предметvvд нь хоорондоо зөрж байна. Энэ диплом болон дипломын хавсралтыг орос, англи хэлээр бичиж олгожээ. Харин Ч.Сайханбаярт өгсөн шиг дипломыг ОХУ-ын дотоод иргэдээ өгсөн байна.

Ингэхээр Ч.Сайханбаяр Монгол Улсын иргэн мөн эсэх нь эргэлзээтэй болж байна. Баримт 7: Ч.Сайханбаяр нь 1992 онд анх удаа ОХУ-аар дайрч Польш руу машинд явж байсан талаар хvмvvс ярьдаг. Иймд Ч.Сайханбаяр нь хэзээ анх гадаад паспорт авсан болон хэзээ анх хил давж байсныг шалгах ёстой болов уу. Баримт 8: Хэрвээ Ч.Сайханбаяр нь 1989-1994 оны хооронд 5 жил ОХУ-д бакалаврын диплом автлаа сурч, “Проект стройтельства и организации автомобильного хозяйства в сельских районах Монголии” гэсэн сэдвээр дипломын ажлаа орос хэл дээр хамгаалсан нь vнэн бол тэрээр одоо орос хэлээр чөлөөтэй уншиж, бичиж, орчуулж чаддаг байх ёстой болов уу. Гэтэл тэрээр оросоор уншиж чаддаггvй гэж хvмvvс ярьдаг юм билээ. Ч.Сайханбаяр нь Сонгинохайрхан дvvргийн Засаг дарга болохдоо хуурамч бичиг баримт ашиглаж байсан бол одоо тэрээр ажлын тайлангаа хуурамчаар хийж дvvргийн ИТХ-аа хуурах гэж байгаад бvтэлгvйтжээ. Тэрээр саяхан СХД-ийн ИТХ-ын дөрөвдvгээр хуралдаанд худал тайлан оруулж, ИТХ-ыг худал мэдээллээр хангасан гэж vзэж тvvний 2009 оны ажлыг “хангалтгvй” гэж дvгнэж огцруулах саналыг нийслэлийн Засаг дарга Г.Мөнхбаярт хvргvvлсэн...

ҮРГЭЛЖЛЭЛ БИЙ

ШОКМН

Нийслэлийн Бизнес Хөгжлийн Төвийн даргаар Ч.Сайханбаяр буюу Сайханбаар томилогдсон явдал олон хүнийг гайхашрууллаа
Tweet
Bolod.mn