амттангууд ховор байлаа. Байсан ч үнэ ихтэй, ээжээ ааваа найрах уу л болдог байлаа. Тиймдээ ч “цаг цаг нэг цадна, цагаан сараар нэг цадна” гэсэн яриа гарсан болов уу. Энэ нь өлсгөлөн байсан гэсэн үг биш ч гэсэн амттан бага идсэнээс болоод том болсон хойноо дандаа ярвайж явдаг юмнуудыг харахад өрөвдмөөр. Чихэр нь багадчихгүй юу. Харин энэ удаа гарын доорх материалаар хийж иддэг байсан зарим жороо нэгэн найзтайгаа нийлэн “санах ойгоо” сэргээснээр хүргэж байна.

Ирис
Хийхэд маш амархан, материал бага шаардана. Ердөө л хэдэн грам элсэн чихэр, бага зэргийн масло байхад болоо. Жижиг төмөр сав олоод маслоо хайлуулаад, элсэн чихрээ дээрээс нь хийгээд хайлуулна. Элсэн чихэр нь хайлахаараа бор зууралдсан өнгөтэй болох бөгөөд бүрэн хайлсаных нь дараа сайтар хөргөөнө. Ингээд л эрээс маань бэлэн болно. Хэрэв энэхүү эрээсээ илүү романтик болгомоор байгаа бол элдэв дүрс энэ тэр гаргаж, иш модонд өлгөх, цайны халбаганд хатаах зэргээр элдэвлэж болно. Дээр үед эрээсээ хийх жижиг сав тэр бүр элбэг байдаггүй байсан бөгөөд халуун савны гадуурх төмөр таг нь бол яг л зориулалтын юм шиг таардаг байлаа. Зарим айлд ороход халуун савных нь таг нь байдаггүй байсан нь ийм учиртай.

Харин энэ нь эрүүл мэндэд хэр нөлөөтэй, хэр их уураг, өөх агуулагдсан байдгийг сайн мэдэхгүй юм. Лав л шүдэнд сайн биш гэдгийг бид мэднэ. Дахин хэлэхэд энэ нь хааяа л хийж идэх ховор эд гэдгийг дахин санаарай. За залуу минь, одоо энэ лангуун дээр ёоз ёозоороо өрөөтэй байгаа ирис хэмээх багачуудын хорхойг нь гижигдсэн амттанг чинь ээж аав, ах эгч нар чинь иймэрхүү маягаар л гэрийн нөхцөлд үйлдвэрлэдэг байлаа шүү дээ.

Какаотой пирог

Энэ амттан бол жоохон үнэтэй босдог. Бас үнэн тэвчээртэй байх хэрэгтэй. Хэрэв тэгж чадах аваас салахын аргагүй гоё амттанг өөрөө үйлдвэрлэх боломжтой. Пирогыг хийхэд лаазтай какао, хуучин жаран мөнгөний хэмээх жигнэмэг хоёр боодол байхад болоо. Одоо энэ Юбилейное ч болно доо. Эхлээд печениэ хоёр хоёроор нь хооронд үрж, үйрмэг болгоно. Хэрэв энэ нь ядаргаатай бол хэд хэдээр нь цаасанд ороогоод нүдэж үүрүүлэх Бага тойргын арга ч бий. Микрийн гэж бас нэг арга бий. Тэр нь жигнэмэгээ амандаа хийж, сайтар зажлаад буцаан гаргаж ирэх бөгөөд үүнийг чамд нэг их зөвлөмөөргүй байна.

За ингээд яаж ч яахав жигнэмэгээ үүрүүлсэн бол саванд хийгээд дээрээс нь какаогоо задлаад асгана. Хооронд нь сайтар хутгах бөгөөд бүр нойтон болгож болохгүй. Хоорондоо зунгааралдаад зуурмаг маягтай юм болж ирнэ. Түүгээрээ бас л элдэв дүрс, өнхрүүш гэх мэт хийж болно. Маш амттай.

Бохь

Энэ бол маш аюултай бөгөөд эрсдэлтэй. Бохь хийх гурван янзын арга байна. Дээр чинь бохь дэлгүүрт зардаггүй. Байгаа ганц газар нь валютын дэлгүүрүүд бөгөөд тийш монгол хүн орох эрх байхгүй. Нөгөө нэг арга нь Хийдийн (ХИД буюу Хүнсний Их Дэлгүүр гээд одоо энэ С1 ТВ-ын байр) цаахна зогсох панзчин нэртэй хүмүүсээс худалдан авах. Бас хэрэндээ үнэтэй. Нэг төгрөг байсан санагдана. Тэд нар бол Чингис буудлыг барьж байсан Венгерийн мэргэжилтэнгүүдээс худалдаж авдаг байсан шиг байгаа юм. Тэдний байр нь яг манай хажууд байх бөгөөд аймаар гоё хувцастай, хөөрхөн эгч нар тэр байраар дандаа эргэлдэнэ. Нэг орой бүр нэг нь согтоод бөөн юм болж байсан санагддаг. Гэхдээ одоо бол энэ нь жирийн үзэгдэл тул чамд сонин биш. Тэгээд ч том хүмүүсийн асуудал, харин бид зөвхөн чихэр боов ярьж байгаа. Гэхдээ бас тэр эгч нар их гоё үнэртэй байсан санагддаг юм. Яагаад ч үнэрийг нь үнэртэх боломжтой болсон юм. За за бохио ярья.

Бохь олдвол тэр чинь мөнхийн юм. Биентэйгээ хуваана. Зажилж байгаа бохио шүү дээ. Орой унтахдаа хадгална. Одоо ч зарим улсууд ингэсэн байгаа харагддаг, хөөрхийс. Чихнийхээ ховдолд наан хадгалаад, хоолоо дуусаад дахиад зажилна. Ширээнийхээ доор, төмөр орны арааманд гээд нааж хадгалж болох хаа л байна, түүнд наана. Хэрэв үнэр, амт, өнгө нь гарсан байвал өнгийн харандааг бэрээткээр зороод, бохьтойгоо хольж өнгийн бохьтой болно. Ээ дээ, бид яасан ч их санаачлагч байсан юм бэ дээ. Маргааш зажилсан бохь алга болвол хөөрхөн дайн хийнэ. Бохь гэдэг бидний хувьд тийм л үнэтэй, нандин юм байлаа.

Өнөөдөр ч бохь гэдэг нь амны хөндийг эрүүл байлгах, шүдний завсар орсон өвдөл цөвдөлийг суга татан авдаг түр зуурын хэрэглээ байх утга учраа ч олоогүй л байна. Ялангуяа дэгжин авгай нар амандаа бохийг хэдэн арван цагаар тас няс хийлгэн зажилах нь үнэн тамтай. Тэр бохь нь амных нь өмхий үнэрт хордоод, аманд орсон даруй шууд үнэрээ алдаад, одоо бол зүгээр л эрзээн болсон гэдгийг анхаарах ч сөгөөгүй, гудамж, олон нийтийн газар хаа л бол хаа жалир жалир гэнэ. Өмнөөс нь цаас аваад өгмөөр.

За ингээд хялбар биш ч гэсэн мөнгө төлөхгүйгээр бохьтой болох хэдэн аргыг хуваалцья. Эхний арга нь тун энгийн. Хуучин сүрчиг хэмээх “духи”-нууд байлаа. Наташа, Новая Заря, Красная Москва гэх мэтийн нэртэй. Эдгээр сүрчигнүүд бол бидний дараагийн “хохирогч” нар болох юм. Тэдгээрийн эргэдэг таглааг нь аваад доторхийг нь харахад нэг жоохон цагаан пластик жийргэвч байгаа. Энэ нь үнэртэй усны үнэрийг нь гаргахгүй, тагыг нь бөх бат байлгах гэсэн эд л дээ. Түүнийг нь хуруугаараа, зүүгээр янз бүрээр оролдоод татаж гаргана. Тэгээд л болоо. Түүнийг угааж, арчихгүйгээр шууд амандаа хийн, хэдэн цагийн турш эрүүгээ чилтэл зажилна даа. Тэгж байтал чинь аяандаа сайхан, жижигхэн цагаахан бохь болоод ирнэ. Бас сүрчигний үнэртэй. Хэсэгтээ л цагаанаа алдахгүй дээ.

Хоёр дахь арга нь бас тун энгийн. Үүнийг зун, намрын цагт хийвэл зохилтой. Ууланд гараад модны давирхайг цуглуул. Энэ нь маш наалдамтгай шинж чанартай, шингэн байгаа. Амандаа цуглуулж явсаар байтал хоорондоо нийлээд овоо юм болно. Амт нь гэж их эвгүй, тэгээд ч залгиж ерөөс болохгүй. Нилээд хэл ам дарвигнуулан, явдал суудал болж байж байж нэг юм аманд эвлэрнэ дээ. Түүнийг хэдэн цагаар ч амандаа хивж болно. Хамгийн гол нь “найрахаар” очсон охиндоо давирхай зажилж байгааг мэдэгдэхгүй байх хэрэгтэй. Ам л хөдөлж байвал тэр чинь саак.

За сүүлчийн нэг арга нь бол бүр замаа алдсан юм байгаа. Одоо бол маш элбэг болсон. Энэ нь замын хар хэмээх байшин барилга, зам харгуйг шавахад хэрэглэдэг материалыг хэлж байна. Мэдээж тас хар өнгөтэй, хэл амыг тэр чигээр нь тас хар болгоно. Үүнийг туршиж үзэхгүй байхыг зөвлөж байна. За ямар хортой болохыг манай онцгой байдлынхан ч дор нь хэлж мэдэхгүй эд дээ. Гэхдээ л хаа нэгтээ хар бохьтой хүүхдүүд байдаг л байлаа.

Тоглоом

За тэгээд бидний үед тоглох тоглоом ч ховор байлаа. Бөглөөдөх, мөнгөдөх, дадаандах, чихрийн цаасдах гэх мэтийн үнэн гоё тоглоомууд зөндөө. Монголчууд бид мал гаргаад түүнээс хаях юм байдаггүй гэж ярьдаг шиг, чихэр идэхдээ хаях юм байдаггүй байлаа. Цаасыг нь мөлийтөл нь тэгшлээд гурав эвхээд тоглоом тоглочихно. Бид тэр бүр ээж ааваараа ийм ч тоглоом, тийм ч амттан авахуулна гэж урвагнадаггүй байлаа гэж. Их creative байгаа юм.

Жоохон том болоод ирэхээрээ бөглөөднө. Улаан ус, шар айрагны бөглөөг тэгшлэн нүдээд л болоо. Уул нь энэ байрнуудын хогыг ухаад байгаа үзэгдлийг миний үеийн хүүхдүүд анх санаачилсан юм шүү дээ. Гэхдээ хоол хүнс, шил лааз биш, харин бөглөө түүхээр. Түрүүн дээр хэлсэн хажуу талын мэргэжилтний байрны хогын пункерыг нь яруу алдарт тоглоомныхоо төлөө нэг удаа ухаж байсан юмдаг. Венгерүүдийн хогноос том улаан таван хошуут, жижиг таван хошуунууд гээд янз бүрийн бөглөө гарна. Эд бол жинхэнэ том гарууд нь. Нэг нь бараг таваас арван бөглөөтэй тэнцэнэ. Одоо санахад тэр жижиг таван хошуунуудтай нь Heineken байсан шиг байгаа юм.

За бүр том болвол мөнгөднө. Энэ бол үнэн шуналын бас аз эзийн тоглоом. Бутархай мөнгө цохидог тусгай чулуунууд хүртэл байх. Олон мөнгө хожсон цохиур хааяа үнэд хүрэх тохиолдол ч бий. Эзэн нь түүнийгээ нандигнан хайрлана бас хамгаална гэж хэрэндээ зовно. Бүх мөнгөө монжуулсан хүүхэд тэр чулуунд өс санан барьж аваад холоо чулуудах нь ч энүүхэнд.

Бас хадаасдах, автийркдах гэх мэтийн тоглоомууд байхаас гадна тоосгоор танк болгон элсэн дээр тоглоно. Гарын дүйтэй хүүхдүүд шаврыг шүлсээрээ сайтар зууран хатуу болгоод тоосгон дээр нь хөөрхөн бөөрөнхий хийчихнэ. Харахад л сүрдмээр. Тоосго олдохгүй бол гутлаараа ч болно. Гутал байхад туйпуугаар яахав дээ гээд л. За бүр уйдсан үед дунд хуруугаа гозойлгоод онгоц юм уу танк болгон тоглоно. Харин энэ тоглоом бол одоо экстримли хориотой.

За гэх мэтийн олон идэх хоол, тоглох тоглоомыг бид зохиодог байжээ. Дүү чи үүнийг уншаад пүү пай, арай ч дээ болж ч магад. Аливаа юм амар олдоггүй юм аа. Өнөөдөр байгаа энэ бүх амьдрал чинь ингээд л хэдэн жилийн өмнө байсан юм биш. Дөнгөж хэдхэн жилийн өмнө л бид картын бараанд алалцаж, олон хүмүүс амиа алддаг байлаа. Талх, сүүний төлөө шүү дээ. Би зүгээр чамайг сэрүүн байгаасай гэснээс биш бидний замнасан замаар яв гэсэнгүй. Байгаадаа сэтгэл хангалуун байгаарай, ахын дүү. Өнгөрсөнөө хүндэлж, олсон туршлагаа амьдралдаа гаргаж, ирээдүйдээ итгэлтэй, өөдрөг, тэнгэрлэг яваарай.

Бидний хайртай үр хүүхэд, дүү нар минь хэзээ ч бүү өлсөг, хэзээ ч бүү өнчрөг, хэзээ ч бүү ганцаардаг ээ.

Бид нар жоохон байхдаа тохиолдсон хөгжилтэй явдлууд
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Би 60 гараад явж байна. Зарим зүйлүүдийг нэмж хэлмээр хэл загатнааад байна. Бөглөөдөх. Энэ тоглоомоор тоглосноор хүүхдийн хөл гарны эвсэл сайжирч байжээ. Бөглөө тоглоход маш олон үйлдэл хийдэг. Бүгд нэртэй. "Шүүрэх", гарын ********ган дээр бөглөөгөө цувуулж өрөөд дээш нисгэж ********гаа ********лэн ********ганы ар дээр ********лгаад дахин дээш нисгэн түүнийгээ шүүрч авна.араас шүүрэх, урдаас шүүрэх, Урт богино шүүрэх, Аг********х олон арга байдаг. гарын ********ганы дунд хурууны үзүүрээс, шуугаар дамжуулан тохой хүртэл сунгаж өрөөд, дээш нисгэж, энэ хооронд ********гаа гялс урвуулан, ********ганы ар дээр бүгдийг аг********ж тогтооно, тэгээр дахин дээш нисгэн шүүрч авна. "Гүү саах", хоёр бөглөөг ********ган дээрээ зэрэгцүүлж тавиад дээш нисгэнгүүтээ гялс ********гаа ********лэн ********ганыхаа ар т******** дээр ********лгана, тэгэнгүүтээ дахин дээш хөөргөн эхлээд хойт т********ын бөглөөг шүүрч аваад гялс нөгөө бөглөөг тосч авна. Эсрэгээрээ эхлээд эхнийг нь самардаж аваад дараагийн бөглөөг тосч авна. Энийг урдаас нь, хойноос нь гүү саах гэнэ. "Тонших" энэ бас олон янз, хоёр тонших, гурав тонших, араас, урдаас гээд... "ЭРГҮҮЛЭХ", "ТОГТООХ" гээд яриад байв******** түмэн янз байна. Бүгд их урлаг, тэсвэр тэвчээр, авьяас ********рдана. Маш их эвсэл ********рдана, хурд, хараа ********рдана. Хэдүүлээ ч тоглож болно. За тэгээд бөглөө маш олон янз байна. Зуут жирийн монгол улаан усны, өнгөгүй төмөр бөглөө хамгийн элбэг, тэгээд мянгат, шар өнгөтэй төмөр бөглөө, Одоогийнхоор пивоны төмөр бөглөөг давтаж тэнийлгэснийг л хэлээд байгаа шдээ. За тэгээд "ПООШИГТ", "ЦАГААН БААВГАЙТ, "УЛААН БААВГАЙТ" гээд янз бүрийн зурагтай бөглөөнүүд байх, хамгийн мундаг нь улаан баавгайт, бүгдийг дийлнэ, Дийлнэ гэдэг нь хоёр тоглогч бөглөөгөө нууцаар гаргана шүү дээ. тэгээд илүү гаргасан нь эхлэнэ гэсэн үг. Эхлээд ямар үйлдэл хийхээ тохирно, жишээлбэл за гүү саах уу тэгье гэд тохирвол бөглөөгөө гаргана. илүүг гаргасан нь тохирсон үйлдлийг хийж чадв******** хожсон гэсэн үг, Чадахгүй ********даа гаргав******** дараагийн нөхөр гүйцэтгээд үйлдлээ хийж чадв******** хожно. Тэр үед бөглөөнөөс болж ********д********цана гэж байхгүй. Харин ч бахархана, Болдоо аймаар шүүрсэн, 10 мянгатыг ганц л шүүрсэн, шууд араас нь гурав тоншсон, би барахгүй юм байна лээ гэж л ярина. Бөглөө маш ********ор, Тэр 100 бөглөөтэй болсон байх л гэж ярилцана. Манай байрны нэг хүүхэд лав цүнх дүүрэн бөглөө үзүүлж байсан. Гэвч тэр их бөглөөг юунд ч ашиглахгүй, зүгээр л мундагаа харуулах л зорилготой. ХАрин мөнгөдөх бол том том зорилготой, Нэг төгрөг хүрвэл кино үзнэ, хорин мөнгөтэй болчихвол самар авна, модны бохь авна. 60 мөнгөөр Гөөхий авна, найз нартайгаа хувааж идэх мөн ч амттай шүү дээ. Байраараа кино үзнэ. Мөнгө тоглох нэг арга надад их та********агддаг байсан. Мөнгөө хана руу шидээд эсрэг тоглогчийн мөнгөний дэргэд ********ь болох ойрхон ********лгана. Буусан байрл******** төө хэрийн зайтай байхад яаж ийж байгаад хоёр хуруу зэрэг хүрэхэд л авна. За тэгээд дээрх тоглоомнуудыг тойрсон дурсамжийн т********аар ярив******** хэдэн цаг ч ярих юм бий дээ. Зах зухаас нь л дурьдлаа. Үзэгдэх гэж сонирхолтой тоглоом байсаа, бас маш сонирхолтой. 11-ийн үзэг, шоршоолжин хошуутай үзэг гээд ярихаар одооны хүүхдүүд даан ч ойлгохгүй л дээ,

2019-12-15 | 09:35:52 | 192.82.68.108 |

Зочин
амьдр********д байсан зүйлийг үнэнээр нь бичжээ, сонин байна

2017-01-31 | 16:48:43 | 203.91.115.38 |

Зочин
хахахаха

2011-03-09 | 10:40:42 | 202.179.20.148 |