Энэ хил нь хоёр улстайгаа нэвтрэх 42 боомттой. Одоо энэ тоог нэгээр нэмэгдүүлж, Өмнөговь аймагт гурав дахь боомтыг шинээр нээх талаар ярьж эхэллээ. Тус аймаг нь өмнө талаа раа БНХАУын ӨМӨЗО-ны Баяннуур, Алшаа аймагтай 700 гаруй км газраар хиллэдэг бөгөөд Шивээ хүрэн, Гашуунсухайт гэсэн хоёр боомттой юм. Хэдхэн жилийн өм нөөс байн гын ажиллагаатай болсон энэ хоёр боомтоор өнөөдөр өмнийн говийн баялаг урд хөрш руу урсдаг. Замын-Үүдийнх шиг жирийн иргэд, наймаачдын амь амжиргааг залгуулж, өдөр шөнөгүй олны хөлд дарагддаггүй.

Харин дөрвөн минут тутамд зөрж өнгөрөх 100-120 тоннын даацтай хүнд даацын тэрэгнүүдийн тоосонд дарагдаж, Монголын баялгийг зөөх нээлттэй хаалга болж байдаг нь нууц биш. Гэтэл одоо Өмнөговь аймгийн Баян-Овоо сумын Бүдүүн модны хи лийн заставын харалдаа 106 14 30, хойд өргөр гийн 42 06 42 градуст буюу Хятад Монголын хилийн 678 дугаар баганын орчмоор БНХАУ-ын Бага модны боомт нэртэй бас нэг “хаалга”-аар улсын хилээ нээх гэж байна. Өмнөговь аймаг БНХАУ-тай 700 км газраар хиллэдэг гэж дээр хэлсэн. Гэтэл ийм богино газарт хоорондоо 200 гаруйхан км-ын зайтай гурван боомттой байх нь хэний эрх ашигт нийцэх вэ. Ийм хэрэгцээ, шаардлага Монголд байна уу. Аль эсвэл Хятадын тал ашиг сонирхлоо гүйлгэв үү?

БАГА МОДНЫ БООМТЫГ НЭЭХ ХЯТАДЫН АШИГ СОНИРХОЛ БА МОНГОЛЫН ЭРХ АШИГ

Өмнийн говийг эрчим хүчнийхээ түүхий эдийн авдар хэмээн харж, тооцоолж буй хятадууд Тавантолгойн нүүрсэнд хамаг анхаарал, хүч хөрөнгөө цацаж эхэлсэн Хамгийн хямдаар, хамгийн түргэн хугацаанд бас хамгийн бага зардлаар энэ баялгийг нөөцөлж авахыг тэд хүсэж буй. Тиймдээ ч Монголын Засгийн газрыг “Хоёр толгой” төслөө хэрэгжүүлэх сургаар шахуу ӨМӨЗО-ны хойд хил дагуу эрчим хүчний болон уул уурхайн аж үйлдвэрүүдийг цогцоор нь барьж, байгуулсан. Одоо энэ тоо зөвхөн ӨМӨЗО-ны Баяннуур хот буюу шинээр нээхээр төлөвлөөд байгаа Бага модны боомт орчимд гэхэд л таван сая квт-ын хүчин чадалтай эрчим хүч үйлдвэрлэх хоёр ч цахилгаан станц байна.

Мөн боомт байрлах Баяннуур хотын Урадын хойд хошуунд нийтдээ 300 мянган квт цахилгаан хангах хүчин чадалтай том, жижиг 10 станц байгуулсан нь бүгд эрчим хүчний эх үүсвэрээ Монголд оруулах, Монголоос түүхий эдийг нь авах зорилготой гэсэн мэдээлэл байна. Түүнчлэн хамгийн анхаарал татсан нь шинэ боомт газар зүйн байрлалаараа манай хоёр толгойгоос хамгийн дөт бас шулуун. Тавантолгойгоос 175 км бол Оюутолгойгоос 105 км зайтай аж. Харин Хятадын талдаа 62 км давхиад л эхний цахилгаан станцад хүрэх бөгөөд дээр нэр дурдсан станцууд нь хоорондоо 40-50 км-ын зайтай байдаг нь зураг төсөлд тодоос тод харагдана. Боомт нээгдсэнээр төмөрлөг ба уул уурхайн бүтээгдэхүүн үйлдвэрлэх, химийн аж ахуй эрчим хүчийг хангах дөрвөн том аж үйлдвэрийг хөгжүүлнэ гэсэн зорилтыг БНХАУ тавьж байгаа аж. Үүнээс үзвэл БНХАУ-ын тал шинээр нээх Бүдүүн мод-Бага модны боомтод Гашуунсухайт Ганц модны боомтоос илүү стратегийн өндөр ач холбогдол өгч байгаа нь илт. Тиймээс энэ боомтыг ямар ч аргаар хамаагүй нээх нь БНХАУ-ын хувьд хамгаас чухал, анхаарал татсан ашиг сонирхлыг нь илэрхийлж байна. Харин монголчуудад, өмнөговьчуудад ямар ашиг сонирхол байгаа юм бэ.

Байгалиа сүйтгүүлж, баялгаа өдөр шөнөгүй зөөлгүүлж, ан амьтнаа дүрвүүллээ. Харин одоо баялаг нь барагдахгүй юм шиг дахиад нэг “хаалга” нээж, өмнөд хилээ шүүрэн шанага шиг болгох гэж зүтгэх нь ямар ч байсан Монголын эрх ашигтай нийцэхгүй байна. Шинэ оны эхээр Баяннуур хотын төлөөлөгчид Монголд хүрэлцэн ирж, Чингис зочид буудалд манай төр, засгийн эрх мэдэл бүхий түшээдтэй уулзан, Бүдүүн мод-Бага модны хилийн боомт нээх асуудлаар ярилцаад буцжээ. Энэ үеэр Баяннуурын “бүдүүн” дарга нар БНХАУ-аас бараа таваар тээвэрлэхэд тээврийн зардал болон барааны үнийн хувьд хоёр, гурав дахин хямд байх боломжтой гэсэн тооцоогоо үзүүлж, Монголын тал аялал жуулчлал, эдийн засгийн харилцаагаа Ази, Европын зах зээлд гаргах дардан зам нээгдэнэ гэх мэтээр чухал ач холбогдолтойг танилцуулсан аж.

Сайхан л үг. Гэвч Замын-Үүд-Эрээн шиг Монголын төмөр замын болон автозамын нэгдсэн сүлжээнд холбогдоогүй энэ боомтоор жуулчид орж, гараад Монголын бараа бүтээгдэхүүнийг Ази, Европт байтугай БНХАУ-ын зах зээлд гаргаж чадах уу. Одоогоор үнэмшихэд бэрх ч сайхан мөрөөдөл. Уг нь тийм боломж монголчуудад бий. Хятадын талын боомт байгуулахаар судалж, төлөвлөсөн Өмнөговийн энэ хавийн газар нутаг Говийн Бага дархан цаазат газар нутгийн А бүсэд багтдаг. Тиймээс аялал жуулчлал хөгжүүлэх боломжтой. Гэвч Өмнөговийг аялал жуулчлалын биш уул уурхайн бүс нутаг гэж харж буй одоогийн нөхцөлд Дархан цаазат энэ газар нутаг онгон дагшнаараа үлдэх эсэх нь эрх баригчдын эх оронч сэтгэлээс шууд хамаарч буй. Хэрэв шинэ боомт байгуулахаар болбол жижиг ч гэсэн хот, тосгон байгуулж, зам харгуй тавина. Тиймээс онгон дагшин байгаль нутгаа бусниулж, омголон зэрлэг ан амьтдыг нь үргээнэ үү гэхээс аврахгүй.

Өмнийн говийн гурав дахь боомттой холбоотой үндэсний эрх ашиг, байгаль орчны аюулгүй байдалд заналхийлсэн энэ мэт олон асуудал байна. Бидэнд тусгаар тогтнол, бүрэн бүтэн байдал, унаган байгаль ,эрдэс баялаг, эрүүл мэнд чухал. Харин Хятадын талаас тулгаж, улайран шаардаж буй ашиг сонирхолд манай шийдвэр гаргагчид автахгүй гэдэгт итгэж болох уу.

ҮНДЭСНИЙ АЮУЛГҮЙ БАЙДЛАА ХАНГАХ МОНГОЛЫН БОДЛОГО ХААНА ЯВНА ВЭ

Монгол Улсын үндэсний аюулгүй байдлын үзэл баримтлалын 3.1.2.5-д “Хил орчмын бүс нутгийн эдийн засгийг хөгжүүлэхдээ үндэсний нэгдмэл ашиг сонирхлыг дээдэлж, Монгол Улсын бүрэн эрхт байдал, хил хязгаар, нутаг дэвсгэрийн бүрэн бүтэн байдлыг бататгах зарчмыг үндэс болгоно” гэж заажээ. Гэтэл өнөөдөр Монгол Улсын дархан хил дээр боомт нээх, түүнтэй холбоотой гэрээ хэлцэл байгуулах эрх мэдлийг сонгуулиас сонгуулийн хооронд хугацаат алба хашдаг аймгийн удирдлага эдэлж байна. Итгэхэд бэрх ч ийм баримтыг Өмнөговийн иргэд барин тавин баталж байх юм. Өмнөговь аймгийн Засаг дарга ӨМӨЗО-ны Баяннуур хотын даргатай Бүдүүн мод-Бага модны боомтыг нээх талаар гэрээ байгуулсан гэнэ. Энэ гэрээг одоо Засгийн газрын хэмжээнд хэлэлцүүлж ажил хэрэг болгохоор Хятадын “бүдүүн” дарга нар манай эрх мэдэлтнүүдтэй ийнхүү уулзаж, ярилцаж буй нь үнэн гэж үү.

Монгол Улсын хил хамгаалах тухай хуулийн 16 дугаар зүйлийн 2-т “ Хилийн боомтыг нээх, хаах, түүгээр нэвтрэх хөдөлгөөнийг түр хязгаарлах, зогсоохыг хуульд өөрөөр заагаагүй бол Засгийн газар шийдвэрлэнэ” гэж заажээ. Үүнээс үзвэл хилийн боомт нээх эрх Засгийн газарт байдаг аж. Харин БНХАУ-ын хилийн боомт нээх, хаах шийдвэрийг БНХАУ-ын дарга Ху Зиньтаогийн шууд удирдлагад байдаг Цэргийн төв зөвлөл гаргадаг .

Үүнээс үзвэл хилийн боомт нээх асуудал Хятадуудын хувьд төрийн бодлогын дээд хэмжээнд яригддаг бол манайд хэн нэг аймаг, сумын хурган дарга, аль нэг улстөрчийн халаасан доторх ашиг сонирхлоор шийдэх хэмжээнд хүрчээ. Манай үндэсний аюулгүй байдлын бодлогыг Монгол Улсын Ерөнхийлөгч, УИХ-ын дарга, Ерөнхий сайд гэсэн гурван эрхэм үндсэндээ зангиддаг. Үүнийг хэрэгжүүлэх ҮАБЗ гэсэн байгуулага ч бий. Гэтэл геополитикийн хувьд дэлхийн анхаалыг татаж буй Монгол Улсын дархан хил, түүний халдашгүй байдалтай шууд хамааралтай хилийн боомтын асуудлыг Засгийн газрын, Засаг даргын хэмжээнд тодорхойлж, шийдэж буй нь үндэсний аюулгүй байдалтай нийцэхгүй байна.

МОНГОЛ УЛС ХИЛИЙН 42 БООМТТОЙ

Монгол-ОХУ-ын хилийг хялбарчилсан журмаар нэвтрэх тухай Монгол Улсын Засгийн газар, ОХУын Засгийн газар хоорондын 1994 оны хэлэлцээрийн дагуу Монгол, Оросын хил дээр нийт 29 боомт, Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын 2004 оны хэлэлцээрийн дагуу Монгол, Хятадын хил дээр нийт 13 боомтыг нээн ажиллуулахаар тогтсон. Нийт 42 боомтоор хоёр хөрштэйгөө харилцдаг. Манай улсын долоон аймгийн нутаг дэвсгэрт БНХАУ-тай, найман аймгийн нутаг дэвсгэрт ОХУ-тай хиллэдэг боомт байрладаг байна.

"Өнөөдөр"

ӨМНӨД ХИЛИЙН ГУРАВ ДАХЬ БООМТ ХЯТАДЫН ЗАХИАЛГА УУ, МОНГОЛЫН ХЭРЭГЦЭЭ ЮУ
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Эх орноо худалдаж ард түмнээ хүн гэж үзэхээ больсон явдал ардын намаас үүссэн. Энэ өвчин нь ардчилалын зарим удирдагчидад ДОК шиг халдварлаж эцэст нь биднийг хоёулаа хуйвалдаад эх оронгүй болгож байгаа юм. Бодьтойгоор авч үзэхэд хятад орос хоёрын буруугаас биш манай энэ урвагчдын шунахай урвагчдаас болж байгаа юм.

2016-02-08 | 00:10:28 | 59.153.87.217 |

Зочин
нэртэйгээр ни хилээ нээчих

2011-03-04 | 09:08:49 | 220.79.185.95 |

Зочин
эх орон, эхнэр, хүүхдээ ч худалдаж мэдэх л хүмүүс шүү хятадууд түүнийг нь мэддэг л байхгүй юу луйварчидаа гэж

2011-03-03 | 20:45:21 | 203.191.56.20 |

Зочин
төр мини даанч явдаа, та нар мини төрд сууж бгаа хумуустээ залуу уэ бид гомдож ирээдүйд таанарийн ур ач яах бол гэж санаа зовохгуй бн уу? төрийнхүүн.

2011-03-03 | 19:18:17 | 219.0.117.80 |

Мэдээ
Гадаад мэдээ
Видео