байгуулах банкуудын нэрс саяхан тодорсон билээ. Энэ сонгон шалгаруулалтад дэлхийн нэр хүндтэй 16 банк материалаа ирүүлснээс АНУ-ын "Голдман сакс", ХБНГУ-ын "Дойче банк" шалгарч, хувьцааны борлуулалтад оролцох, зуучлах үүрэг бүхий бэлтгэл ажилд Францын "Би Эн Пи Пэрибас" Австралийн "Макваэри" банкууд шалгарсан. Энэ шалгаруулалт бодитой болсон эсэхэд олон хүн эргэлзэж багагүй дуулиан дэгдэх боллоо. Гэхдээ энэ асуудлын эргэн тойронд болж буй үйл явдлыг сонирхохоосоо илүү сонгон шалгарсан хоёр банк монголчуудын зөв сонголт байж чадах уу гэдгийг нэхэн сурвалжилсан юм. Тухайлбал "Голдман сакс" монголчуудын хувьд сайнаасаа илүү саараар танигдсан банк. Германы "Дойче банк"-тай холбоотой мэдээлэл ч манай тагнуулын байгууллагынханд багагүй байдаг аж. Иймд бид сонгон шалгаруулалтад орсон банкууд хэр найдвартай вэ гэдгийг олон нийтэд дэлгэх гэсэн хэрэг. Хамгийн гол нь байгалийн баялгаараа хөрөнгө босгож, дэлхийн уул уурхайн салбарт хүч үзэх гэж буй монголчуудын хөгжлийн гүүр болж чадах уу гэдэг нь эргэлзээтэй.

Тийм болохоор сонгон шалгаруулалтыг ямар үндэслэлээр явуулсан, ямар намын нөлөө бүхий хүмүүс энэ асуудалд голлох үүрэг гүйцэтгэсэн. Австралийн шүүх Монголын шүүхийн шийдвэрийг сахиулах болсон талаарх мэдээллийг дэлгэхээсээ өмнө "Дойче банк"-тай холбоотой эдийн засгийн маргаан хууль бус явдлууд хөрш зэргэлдээ орнуудад хэрхэн өрнөж буйг толилуулах нь зүйтэй биз ээ. Уул уурхайн салбар хөгжиж, монголчуудын байгалийнхаа баялгаас хүртэх зам ойрхон энэ цаг үед буруу замаар будаа тээгчдийн өгөөш бүү болоосой гэсэндээ сэрэмжлүүлэн бид "Эх сурвалжийн мэдээллийн мөрөөр үнэнийг хайсан нь" цувралынхаа энэ удаагийн сэдэв болгон хөндөж байна. БНСУ болон ОХУ-д "Дойче банк"-тай холбоотой маргаан ид өрнөж байна. Гэтэл энэ банк манайд аль хэдийнэ сонгогдчихоод байдаг. Энэ талаархи үнэнийг монголчуудынхаа хүртээл болгоход буруудах зүйлгүй юм. Бид энэ нийтлэлийг бичихдээ холбогдох байгууллагуудын болон гадаадын http://koreabridge.net/post/ouchdeutsche-bank-sanctioned-exchange-krx-thelost-seoul, http://blogs.wsj.com/exchanage/,bmil-ler30@bloomberg.net http://www.financeasia.com//, flooy2@bloomberg.net зэрэг сайтууддаас мэдээлэл авснаа дуулгах хэрэгтэй биз ээ.

"ДОЙЧЕ БАНК"-НД ХОРИГ ТАВЬЖЭЭ

Солонгосын хөрөнгийн бирж дэлхийн тэргүүлэх олон улсын хөрөнгө оруулалтын банкуудын нэг болох "Дойче банк"-нд нэг тэрбум солонгос воны торгууль оногдуулжээ. Учир нь өнгөрсөн оны арваннэгдүгээр сарын 11-ний өдөр явагдсан хувьцааны программчлагдсан арилжаа хаагдах сүүлийн 10 минутанд KOSPI-ын индекс ойролцоогоор 2.5 хувиар унасан аж. "Дойче банк" арилжаа хаагдахаас өмнө хуваарьт хугацаандаа өөрийн үйл ажиллагааны тайлангаа тавиагүйгээс дээрх зөрчил үүссэн аж. "Дойче банк"-ны өмчийн арилжааны групп ихээхэн хэмжээний хувьцаа зарсан нь тухайн зах зээлийг нийтэд нь хамарсан, хурдацтай, тодорхойгүй уналтыг үүсгэсэн хэмээн буруутгагдаад байгаа аж.

Томоохон банкууд, бусад хөрөнгийн менежерүүд бүхэл зах зээлийг нэг удаа, нэгэн зэрэг хянахад ашиглагддаг, компьютераар зохицуулагдан явагддаг үйл ажиллагаа болох хувьцааны программчлагдсан арилжааг өргөн ашигладаг байна. Фирмүүдийн хувьцааны программчлагдсан арилжааны алгоритм эсвэл арилжааны дүрмийн багцанд худалдан авах эсвэл худалдах шийдвэр гаргахдаа ялихгүй өөр өөр хүчин зүйлүүдийг ашигладаг. Хувьцааны программчлагдсан арилжаа нь ийм төрлийн тактикууд хэрэглэдэг фирмүүдэд шударга бусаар ашиг олох боломж олгодог гэж үздэг. Санхүүгийн хороо "Дойче банк"-ийг хуулийн байгууллагаар шалгуулж болзошгүй гэсэн мэдээ Bloomberg-ээр мэдээлэгджээ. Үүнд: Өмнөд Солонгосын хөрөнгийн биржийн зохицуулагч, менежерүүд "Дойче банк"-ийг эрүүгийн хэрэгт татаж болзошгүй тухай шинэ мэдээллийг энд танилцуулж байна.

Dow Jones Newswires-ийн үзэж байгаагаар Санхүүгийн хороо нь даваа гаригт Хонконгийн Хөрөнгийн Биржид "Дойче банк"-ны оролцооны тухай, Өмнөд Солонгосын үнэт цаасны нэгжид Коспи Индексийн жишиг үзүүлэлтээр өнгөрсөн арваннэгдүгээр сарын 11-ний байдлаар үнэт цаасны арилжаа сүүлийн хагас цагийн дотор огцом унасныг шалгаж эхлээд байна гэж мэдэгджээ. Хонконг дахь "Дойче банк" ны оффист хяналтын ажлын нэг хэсэг болох эрх бүхий этгээд томилогдсон боловч Санхүүгийн хорооноос энэхүү мөрдөн байцаалт нь анх удаа явагдаж буй тухай онцлон дурдсан байна. "Дойче банк" энэЭрнст Ли нь тухайн байгууллагад явуулах мөрдөн байцаалтын хугацаа, мөн оногдуулах ял шийтгэлийн талаар эрх бүхий этгээдээс хараахан шийдвэр гараагүй тухай мэдэгдэж буй хэдий ч Санхүүгийн хорооны дэд дарга Ум Сэ Ён тухайн мөрдөн байцаалтын шийдвэр өнгөрсөн нэгдүгээр сард гарч, тавдугаар сард эцэслэн шийдвэрлэж нийтэд зарлана гэж үзэж байна" хэмээн мэдэгджээ. Өмнөд Солонгос зөвхөн сүүлийн сард хөрөнгийн зах зээл дээрх тогтворгүй байдлыг бууруулах үүднээс үүсмэл (дереватив) хувьцааны бирж дээр институцийн хөрөнгө оруулагч нарын байр суурийг цаашид ганхуулж үүсмэл хувьцаанд тавих бодлогыг чангатгасан байна. 2011/02/28 тухайд тайлбар хийхээс татгалзжээ. БНСУ-ын Санхүүгийн хорооны төлөөлөгч

СОЛОНГОСЫН САНХҮҮГИЙН ЗОХИЦУУЛАГЧИД "ДОЙЧЕ БАНК' -ИЙГ ХҮНД ЦОХИЛТОНД ОРУУЛАВ

Солонгосын Санхүүгийн Хороо "Дойче банк"-ны арваннэгдүгээр сарын 11-ний үүсмэл үнэт цаас худалдаалах үйл ажиллагааг зах зээлийн дүрмийг зөрчсөн хэмээн буруутгаж эрүүгийн хэрэг үүсгэж болзошгүй байна. Хоёрдугаар сарын сүүлийн долоо хоногт "Дойче банк" бизнес болон нэр хүнд Солонгос улсад унасан байна. Франкфуртад төвтэй зээлдэгч банкийг зургаан сарын хугацаанд өөрийн дансаар үүсмэл үнэт цаас арилжаалахыг хориглож их хэмжээний торгуулийг ноогдуулжээ. Эрүүгийн хэрэг үйлдсэн байж болзошгүй таван ажилтныг шалгуулахаар нэрсийг нь прокурорт өгсөн байна. Тус улсын санхүүгийн зохицуулагчид зах зээлийн дүрмийг зөрчсөн болон хугацаа хоцорсон тайлангийн хэргийг хоёр сарын хугацаанд мөрдөн байцаасны дараа Санхүүгийн Хороо (СХ) өнгөрсөн жилийн арваннэгдүгээр сарын 11-нд "Дойче банканы Хонконг болон Нью-Йорк дахь оффисын ажилчид 'Дойче банк"-ны Солонгос дахь үнэт цаасны салбар болох "Дойче Securities Korea"-тай Солонгосын хөрөнгийн зах зээл дэх зах зээлийн үнэд арга заль хэрэглэхээр хуйвалдсан хэмээн тогтоосон байна.

2010 оны эхээр хуримтлуулсан 2,44 триллион воны (2,2 тэрбум ам.доллар) үнэ бүхий Коспи 200 хувьцаагаа арилжаалахын өмнө "Дойче банк" нэгтгэх замаар үүсмэл үнэт цаасны байршил бий болгосон гэж хоёрдугаар сарын 23-нд Санхүүгийн хороо мэдэгджээ. Хугацаа дуусах өдөр буюу арваннэгдүгээр сарын 11-ний арилжааны сүүлийн 10 минутанд хувьцаануудыг арилжаалжээ.

Санхүүгийн хорооны хэлсэнчлэн "Эдгээр их хэмжээний хуурамч захиалгууд"-аас шалтгаалж индекс 2.79 хувиар унасан бөгөөд 'Дойче банк" 44.87 тэрбум воны буюу 40.5 сая ам.долларын "хууль бус ашиг" олжээ. "Дойче банк"-нд Солонгос улсын үнэт цаасны фирмүүдэд урьд нь ноогдуулж байгаагүй хамгийн хатуу шийтгэл буюу өөрийн дансаар хувьцаа болон үүсмэл үнэт цаас арилжаалахыг хориглох шийтгэл оноожээ Солонгосын Хөрөнгийн бирж "Deutsche Securities Korea"-г тайлангаа нэг минут хожимдуулан өгч хөрөнгө оруулагчдын дунд будлиан үүсгэж компьютерээр удирдан явуулдаг арилжааны талаарх мэдээллийн дүрмийг зөрчсөн хэмээн хоёр хоногийн дараа хамгийн их торгууль буюу нэг тэрбум вонын торгууль ноогдуулсан байна. "Дойче банк"-нд тааламжтай байсангүй. Уг шийдвэр болон хоригийн дараахан гарсан нэгэн мэдэгдэлд "Санхүүгийн хорооны гаргасан, зах зээлийн дүрмийг зөрчсөнтэй холбоотой уг дүгнэлтэд "Дойче банк сэтгэл дундуур байна" гэжээ. Харин 'Дойче банк"-ны Солонгос дахь Үнэт цаасны салбар (DSK) нь Санхүүгийн хорооноос тавьсан хоригт сэтгэл дундуур байгаа бөгөөд DSK-ын уг хэргийг хариуцсан мэргэжилтнүүд болон ажилчид нь ч мөн үүнд маш их харамсаж байгаа" ажээ. Ийнхүү томоохон улс орнууд, томоохон биржүүдийг хүртэл хулхидаж асуудалд ороод буй энэ банк монголчуудын итгэл найдвар болоод байгаа хоёр толгойн нэгэнд зөвлөгөө өгөх, зохион байгуулагчаар сонгогдсон нь анхаарал татаж байгаа юм.

Үргэлжлэл бий.

ЭРЭН СУРВАЛЖЛАХ, ТОЙМЧДЫН АЛБА