УДААН ХҮЛЭЭСЭН АНХНЫ АЛТ

2011-02-24

2009 онд Сербийн Белградад зохиогдсон Универсиадаас мөнгөн медаль хүртсэнийг

нь эс тооцвол олон улсын том, бага тэмцээнүүдэд нэг ч удаа түрүү байрын төлөө өрсөлдөж үзээгүй П.Лхамдэгд Дюссельдорфын Гранпригээс алтан медаль авлаа. Ямар ч өндөрлөгт гараад зогсож байхад гайхахааргүй авьяастай, чадалтай энэ жүдоч “Афин- 2004” олимпийн наадмын дараачаас хилийн чанадад тогтвортой амжилт үзүүлж эхэлсэн ч туршлага суухын хэрээр хашир нь дэндсэн үү, ялагдал нь ялалтаасаа олон болж ирсэн юм.

Харин Германы татамид өмнөх алдаагаа давталгүй, өөрөө санаачилгыг авч довтолж, дайрч барилдсаар урьд нь голдуу ялагдаж байсан өрсөлдөгчдөө буулган авч түрүүлэв. Өнгөрсөн жил Токиод болсон ДАШТ-д эхний тойрогт таа раад амархан хожигдсон Европын залуучууд, насанд хүрэгчдийн аварга, залуучуудын ДАШТ-ий хошой хүрэл медальт Абигел Жоо (Унгар)-г цаг дуусахын өмнөхөн иппон буулгасан П.Лхамдэгд долоо хоногийн өмнө Обервартын Дэлхийн цомд группийн аваргын төлөө барилдаанд таараад цэвэр ялагдсан Томоми Окамүра (Япон)-г идэвхээр илүүрхэн, торгуулиар хожиж медалийн болзол хангасан.

Улмаар хагас шигшээд “Бээжин-2008”-ын дэвжээнд таараад бараагүй олимпийн аварга Ян Сьюлиг цаг дуусахын өмнөхөн халз хутгаж юүко авч хожоод ДАШТ-ий хүрэл медальт, Европын аварга, зохион байгуулагч орны бөх Хайде Воллертийг дархан тохох мэхээрээ иппон савлаа. Ийнхүү тун хатуу сугалаа татсан П.Лхамдэгд өөрийнхөө боломж, нөөцийг харуулан нэр хүндтэй тэмцээний алтан медалиар энгэрээ мялаалаа.

Ингэснээр жиндээ 196 оноогоор 31 дүгээрт эрэмбэлэгдэж байсан тэрбээр 396 оноотой болж, ТОП-20-д нэлээн дөхөх нь. Будапештэд зохиогдсон Дэлхийн цомд түрүү булаацалдсан -100 кг-ын монгол жүдочид маань Дюс сель дорфын Гранприд медалийн төлөө барилдаанд ялагдав. Парист үзүүрлэж, Будапештэд түрүү- лэн богино хугацаанд чансаагаа огцом ахиулсан олимпийн аварга Н.Түвшинбаяр Мароккогийн Юс сеф Тачрун, ОХУ-ын Зафар Махмадов нарыг ялж наймд үлдээд Латвийн Евгенийс Бородавкод хантэйгаар хожигдсон. Үзэгчийн нүдээр харахад энэ барилдаанд Н.Түвшинбаяр идэвхээр хамаагүй илүү байсан ч шүүгчид эсрэгээр шийдлээ.

Б.Тэмүүлэнгийн хувьд Шинэ Зеландын Жейсон Костер, Гүржийн Иракли Цирекизе (90 кг-д олимп, дэлхийн аварга болсон) нарыг хожоод медалийн төлөө барилдаанд залуучуудын дэлхийн хошой аварга Лукаш Крпалек (Чех)-т торгуулиар дийлдсэн. 90 кг-д Э.Энхбат цагийн төгсгөлд алдаа гаргаж хожигддог дутагдлаа энэ удаа ч давтаж, наймд үлдэх эрхийн төлөө барилдаанд Шведийн Маркус Ныманд ялагдав. Юүкогоор хожиж явсан манай бөх цаг дуусахад хагас минут үлдээд байхад вазари алдсан юм

. Өнгөрсөн оны Европын шилдэг залуу жүдочоор шалгарсан Ныман дараагийн өрсөлдөгчдөө хожсоор алтан медалийн тавцанд гарлаа. Э.Энхбат өмнөх тойргуудад Анголын Аудачио Камбамба, Японы Юүя Ёшида нарыг буулган авчээ. Энэ жинд хүч үзсэн С.Батбаяр Швейцарийн Доминик Хишиерт нэмэлт цагт юүко алдаж хожигдлоо. 81 кг-д Р.Анхбаатар Сенегалын Байе Диавараг цэвэр ялаад ОХУ-ын Арсен Пшмаховт торгуулиар дийлдсэн бол Б.Амбасэлмаа Канадын Гильям Перролт, Аргентиний Эмануэл Лученти нарыг сөхрүүлээд Германы Свен Марешт цэвэр ялагдсан байна.

Хамгийн хүнд жинд “Гуанжоу-2010” Азийн наадмаас эрэгтэй жүдочдоос цорын ганц медалийг авсан Х.Мөнхбаатар Кыргызстаны Юрий Краковецкийд тор гуу лиар, эхний тойрогт Болгарын Иван Илиевийг буул ган авсан Б.Сугаржаргал Литвийн Мариус Пас ке ви чиуст дутуу сууж үүрээд даруулж тус тус хожигдлоо. Гранпригийн хоёр дахь өдөр дэвжээнд гарсан гавьяат тамирчин Д.Цэрэнханд Германы Беатрис Риецийг юүкогоор ялаад Словений Люсия Полав дерт мөн үнэлгээгээр дийлдсэн бол 70 кг-д Ц.Наранжаргал Германы Керстин Тиелед торгуулиар ялагдсан байна.

Ийнхүү 68 орны 497 жүдоч өрсөлдсөн энэ тэмцээнээс нэг алт, хоёр хүрэл медаль хүртсэн манай баг Япон (6 алт, 2 мөнгө, 2 хүрэл), Герман (1 алт, 3 мөнгө, 1 хүрэл), Бельги (1 алт, 1 мөнгө), БНХАУ (1 алт, 4 хүрэл)-ын дараа тавдугаарт орлоо. Бүсгүйчүүд багийн дүнгээр гуравдугаарт бичигджээ. Ирэх амралтын өдрүүдэд Чехийн Прагад эмэгтэйчүүдийн, Польшийн Варшавт эмэгтэйчүүдийн Дэлхийн цомын тэмцээн болох бөгөөд үүгээр Европын цувралууд шувтарч буй юм.

ЭРЭГТЭЙ. 81 кг (50 жүдоч): 1.Трэвиз Стивенс (АНУ) 2.Мурат Хабачиров 3.Арсен Пшмахов (хоёул ОХУ), Элнур Маммадли (Азербайжан) 5.Оле Бишоф, Свен Мареш (хоёул Герман), Сафоуан Аттаф (Марокко), Юүки Харүяма (Япон)

90 кг (50): 1.Маркус Ныман (Швед) 2.Роман Буф фе (Франц) 3.Вадим Синьявский (Украин), Масаши Ниши яма (Япон) 5.Илиас Илиадис (Грек), Элхан Маммадов (Азер байжан), Варлам Липартелиани (Гүрж), Тимур Болат (Казахстан)

-100 кг (37): 1.Максим Раков (Казахстан) 2.Димит ри Питерс (Герман) 3.Евгенийс Бородавко (Латви), Лукаш Крпалек (Чех) 5.Элко ван дер Геест (Бельги), Найдангийн Түвшинбаяр, Баттулгын Тэмүүлэн (хоёул Монгол), Леонардо Лейте (Бразил)

+100 кг (40): 1.Андреас Тольцер (Герман) 2.Кей жи Сүзүки (Япон) 3.Роберт Циммерманн (Герман), Рафаэль Сильва (Бразил) 5.Мэтью Батаиль (Франц), Пао ло Бьянчесси (Итали), Мариус Паскевичиус (Литва), Андре Брейтбарт (Герман)

ЭМЭГТЭЙ. 70 кг (25): 1.Чень Фей (БНХАУ) 2.Илиана Марзок (Герман) 3.Жулиан Робра (Швейцарь), Юри Алвеар (Колумб) 5.Сесилья Бланко (Испани), Керстин Тиеле (Герман), Катарзина Пилочик-Клыш (Польш), Харүка Тачимото (Япон)

-78 кг (21): 1.Пүрэвжаргалын Лхамдэгд (Монгол) 2.Хайде Воллерт (Герман) 3.Ян Сьюли (БНХАУ), Мархин де Веркерк (Голланд) 5.Луйзе Малзан (Герман), Томоми Окамүра (Япон), Яхима Рамирес (Португал), Ана Веленсек (Словен)

+78 кг (22): 1.Мика Сүгимото (Япон) 2.Люсия Полав дер (Словен) 3.Анн-Софи Мондьер (Франц), Чинь Чянь (БНХАУ) 5.Теа Донгузашвили (ОХУ), Урсула Садковска (Польш), Гулшах Кочатюрк (Турк), Кетти Мате (Франц)

Ж.БАТМӨНХ

"Өнөөдөр"