хэнийг яагаад багтааж болохгүй вэ гэдгийг өдөр бүр хөндөх шаардлагатай. Энэ удаад МАН-аас нэрийн жагсаалтад багтааж болохгүй буюу нийтийн эрх ашгийг төлөөлөх ёс зүйн эрхгүй хүмүүсийг нэрлэж байна. Өөрөөр хэлбэл, өнгөрсөн хугацаанд тэд өөрсдийн "үйл хэргээрээ" олон нийтээс аль хэдийнэ хар тамга даруулчихсан гэсэн үг. Гэлээ ч улайхгүй нэрийн жагсаалтад шигдэн хууль тогтоох эрх мэдэлд дахин мацах магадлал өндөр тул яагаад тэднээс татгалзах зарим шалтгааныг эргэн тодотгон сануулж байна.

д/д	Нэр	Албан тушаал	Нэрийн жагсаалтад багтааж болохгүй шалтгаан
1	С.Амарсайхан	Шадар сайд, УИХ-ын гишүүн	Хотын даргаар ажиллаж байхдаа ах дүү, амраг садандаа хууль зөрчин газар олгосон, тухайн компаниуд нь Туулын бургасыг хядаж нийтийн эрх ашигт ноцтой хохирол учруулсан, төсвийн хөрөнгийг үр ашиггүй зарцуулсан гэх мэт олон арван асуудал бий.
2	Г.Амартүвшин	УИХ-ын гишүүн	Хөгжлийн банкны хэрэгт нэр холбогдсон.
3	Ц.Анандбазар	УИХ-ын гишүүн	Хүчингийн хэрэгт холбогдож, хохирогч нь шүгэл үлээсэн ч хохирогчтойгоо тохиролцож, гомдлыг нь татуулж, шүүхийн шатанд аргалсан. Тусгай хамгаалалттай газар /Бага тэнгэрийн ам/-т авсан газрынхаа зориулалтыг өөрчилж аялал жуулчлалын бус арилжааны зориулалтаар барилгын бизнес хийсэн. Нүүрсний хэрэгт холбоотой гэж Засгийн газар, АТГ-аас нэрийг нь зарласан.
4	Т.Аюурсайхан	ХНХ-ын сайд, УИХ-ын гишүүн асан	Гэмт бүлэглэл байгуулах, үндэслэлгүй хөрөнгөжих зэрэг шалтгаанаар яллагдагчаар татан шалгаж буй.
5	Т.Аубакир	УИХ-ын гишүүн	Баян-Өлгий аймагт зарлагдаж буй бүхий л тендерт оролцдог ашиг сонирхлын зөрчилтэй.
6	П.Анужин	УИХ-ын гишүүн	Ах дүүтэйгээ нийлэн эрх мэдлээ ашиглан нийтийн эзэмшлийн газар барилга барьсан гэх асуудалд холбогдсон. Тойргийнхоо тулгамдсан асуудлыг шийдвэрлэх талаар дорвитой ажил хийгээгүй.
7	Ё.Баатарбилэг	УИХ-ын гишүүн	Хөгжлийн банкны хэрэгт нэр холбогдсон.
8	Х.Баделхан	УИХ-ын гишүүн	Аймгийн Засаг дарга, Аж үйлдвэрийн дэд сайд, БХБ-ын сайд, УИХ-ын гишүүн гэх мэт өндөр албан тушаал тасралтгүй хашсан ч нийтийн эрх ашигт нийцсэн дорвитой шийдвэр гаргаж байгаагүй. Тэтгэврийн насанд хүрсэн.
9	Б.Бат-Эрдэнэ	Монгол Улсын сайд, Олимп, нийтийн биеийн тамир, спортын Үндэсний хорооны дарга, УИХ-ын гишүүн	Хөгжлийн банкны хэрэгт нэр холбогдсон.
10	Ж.Бат-Эрдэнэ	УИХ-ын гишүүн	ЖДҮ-ийн хэрэгт нэр холбогдсон.
11	С.Батболд	УИХ-ын гишүүн	Монголын улс төрд 30 орчим жил өндөр алба хашиж байгаа ч улсын эрх ашгийг хамгаалсан түүхэн шийдвэр гаргаж байгаагүй. Гадаадын хөрөнгө оруулагч, улс төр бизнесийн бүлэглэлийн эрх ашигт ямагт үйлчилж ирсэн.
12	Б.Баттөмөр	УИХ-ын гишүүн	Нүүрсний хэрэгт холбоотой гэж ЗГ, АТГ-аас нэрийг нь зарласан. Шатахууны бизнестэй холбоотой ашиг сонирхлын зөрчил их.
13	Э.Батшугар	УИХ-ын гишүүн	Аав Н.Энхбаярынхаа улс төрийн тохироогоор УИХ-ын гишүүн болсон. Эрх мэдлээ сонгогчдын төлөө бус нам, хувийн эрх ашигт ашигладаг.
14	Б.Баярсайхан	УИХ-ын гишүүн	Орон нутаг дахь намчирхал, талцал, улс төржилтийг хамгийн их өдөөдөг гишүүн. Хөгжлийн чанартай бус хөрөнгө төсөв үрэх шийдвэр голчлон гаргадаг. Тухайлбал, төрийн албан хаагчдын илүүдэл жинг бууруулахад төсвөөс санхүүжилт батлуулна гэж шаарддаг.
15	Х.Болорчулуун	ХХААХҮ-ийн сайд, УИХ-ын гишүүн	ХАА-н салбар дампуурч байхад шинэчлэлийн чанартай дорвитой ажил хийгээгүй. Үхэр ээмэгжүүлэх, нарийн ногоо тариалах зэрэг олон тендерийг илэрхий ашиг сонирхлын зөрчилтэй зохион байгуулсан. Хувийн бизнес нь эрхэлж буй албан тушаалтай нь шууд ашиг сонирхлын зөрчил үүсгэж буй.
16	С.Бямбацогт	Зам тээврийн хөгжлийн сайд УИХ-ын гишүүн	Төрөөс санхүүжүүлж буй томоохон тендер, төсөл, концессын гэрээг хамаарал бүхий компаниудаараа авдаг гэх асуудалд удаа дараа холбогдсон.
17	Ж.Ганбаатар	УУХҮ-ийн сайд, УИХ-ын гишүүн	Улс төр, бизнесийг хамгийн их хутгалдуулсан хүн. Нийслэл хотод иргэдийн эрх ашигт харшилсан олон зуун барилга барьсан. Сонгогчдын саналыг худалдан авах үйлдэл байнга хийдэг.
18	Х.Ганхуяг	УИХ-ын гишүүн	Хөгжлийн банкны хэрэгт холбогдсон.
19	Ц.Даваасүрэн	БХБ-ын сайд, УИХ-ын гишүүн	Улс төрийн шантааж хийж эрх мэдэл албан тушаалд хүрэх аргад гаршсан. Танхимынхаа бодлогын эсрэг ажилладаг. Хувийн эрх ашгийг улсын эрх ашгаас ямагт дээгүүр тавьж ирсэн нэгэн.
20	Г.Дамдинням	УИХ-ын гишүүн	Хөгжлийн банкны хэрэгт холбогдсон.
21	Б.Дэлгэрсайхан	УИХ-ын гишүүн	Оффшор дансны хэрэгт холбогдсон. Төрийн бодлого боловсруулах, хууль батлуулах замаар хувийн бизнесийн эрх ашгаа хамгаалах, гүйцэлдүүлэх ажил хийдэг.
22	Б.Жавхлан	Сангийн сайд, УИХ-ын гишүүн	Хамаарал бүхий компаниудаараа дамжуулж банк, сангуудаас их хэмжээний зээл авдаг гэж шүүмжлүүлдэг.
23	Б.Жаргалмаа	УИХ-ын гишүүн	УИХ-ын болохоосоо өмнө автын осол гаргаж, хүний амь нас хохироосон ч хэрэг хүлээх чадваргүй гэх шалтгаанаар хариуцлагаас мултарсан. Энэ хүн одоо ч цаашид ч ард түмний элч болж хууль тогтоох түвшинд ажиллах чадваргүй.
24	Г.Занданшатар	УИХ-ын гишүүн, УИХ-ын дарга	Боловсролын зээлийн сангаас өөрөө болон үр хүүхэд, дүү нартайгаа нийт 444 сая төгрөгийн зээл авсан ч хугацаанд нь төлөөгүй нь илэрсэн.
25	Ж.Мөнхбат	УИХ-ын гишүүн асан	Нүүрсний болон авлига албан тушаалын олон хэрэгт холбогдсон.
26	Ц.Мөнх-Оргил	УИХ-ын гишүүн	УИХ-ын гишүүнээр олон удаа сонгогдсон ч олон нийтийн эрх ашигт нийцсэн дорвитой хууль санаачлаагүй. 2008 онд сонгуулиас үүдэлтэй үймээн болж 5 хүн буудуулж амиа алдахад Хууль зүй, дотоод хэргийн сайдаар ажиллаж байсан ч өнөөдрийг хүртэл ямар нэг хариуцлага хүлээгээгүй.
27	Н.Наранбаатар	УИХ-ын гишүүн	Нүүрсний хэрэгт нэр холбогдсон.
28	Х.Нямбаатар	ХЗДХ-ийн сайд УИХ-ын гишүүн	Зөрчлийн хууль гэх мэт иргэдэд халтай буюу зөвхөн торгож, шийтгэх замаар төсөв бүрдүүлэх зорилготой хуулийг санаачлагч. Ажил үүргээ гүйцэтгэхдээ Монгол Улсын хууль зүйн сайд бус МАН-ын сайд мэт хэт улс төржсөн агуулгаар ажилладаг.
29	М.Оюунчимэг	УИХ-ын гишүүн	ЗГХЭГ-ын Хэвлэл мэдээллийн албаны даргаар ажиллаж байхдаа хүүгээ гадаадад сургах ашиг сонирхлын зөрчилтэй үйлдэл хийж, БЗС-аас 22 мянган ам.долларын зээл авсан ч төлөөгүй.
30	Ш.Раднаасэд	УИХ-ын гишүүн	Нүүрсний хэрэгт нэр холбогдсон. Хамаарал бүхий хүмүүс нь авлигын хэрэгт холбогддог.
31	Д.Сарангэрэл	УИХ-ын гишүүн	Эрүүл мэндийн сайд, НХХ-ийн сайдаар ажиллах хугацаандаа ашиг сонирхлын зөрчилтэй олон шийдвэр гаргасан. Жишээ нь, төрсөн хүү нь ээжийнхээ сайдаар ажиллаж буй яамны тендер шалгаруулах эрхийг эдэлж, ашиг сонирхлын ноцтой зөрчил үүсгэж байв.
32	Б.Саранчимэг	УИХ-ын гишүүн	Кнопчин гишүүдийн нэг. Төрсөн дүү нь ЖДҮ сангийн хэрэгт холбогдож байсан.
33	Ц.Сэргэлэн	УИХ-ын гишүүн	Нүүрсний хэрэгт нэр холбогдсон.
34	Д.Тогтохсүрэн	УИХ-ын гишүүн	Сонгогчдод мөнгө тарааж, хууль зөрчиж буй бичлэг нь нийтэд ил болсон ч “Зүгээр л бэлэг өгсөн” гэж гүрийсэн.
35	Ч.Ундрам	УИХ-ын гишүүн	Аавынх нь компани Хөгжлийн банкны хэрэг болон уул уурхай дагасан олон асуудалд холбогддог. Гишүүн өөрөө гэр бүлийн гадуурх харилцаа, гэр бүлийн хүчирхийлэл зэрэг ёс зүйн ноцтой асуудалд холбогдсон ч ямар нэг хариуцлага хүлээхгүй өөрийгөө өмгөөлсөөр буй.
36	Ч.Хүрэлбаатар	ЭЗХ-ийн сайд, УИХ-ын гишүүн	Ах дүүсээрээ нийлж гадныханд уурхай зарсан зэрэг олон ноцтой баримт нь ил болсон ч албан тушаал үргэлж ахидаг. Мөн төрийн ажлыг хамгийн их улс төржүүлдэг гишүүн, сайдын нэг.
37	Д.Цогтбаатар	УИХ-ын гишүүн	Оффшор дансны хэрэгт нэр холбогдсон.
38	Ц.Цэрэнпунцаг	УИХ-ын гишүүн	Нүүрсний хэрэгт нэр холбогдсон. Мөн төсвийн хөрөнгийг үр ашиггүй зарцуулах буюу хөшөө дурсгал барих гэх мэт санаачилга гаргагчдын тэргүүн эгнээнд явдаг.
39	С.Чинзориг	УИХ-ын гишүүн	ЗГ, УИХ-ын гишүүнээр олон удаа сонгогдож байгаа ч нийгэмд үр өгөөжтэй дорвитой шийдвэр гаргаж байгаагүй. Нам фракцын шийдвэрээр кноп дарж, шагналд нь сайдын суудал аваад сурчихсан хүн. Товчхондоо, дахиж сонгоод ямар ч нэмэргүй гишүүдийн нэг.
40	Б.Чойжилсүрэн	ЭХ-ний сайд, УИХ-ын гишүүн	Сонгогчдын саналыг мөнгөөр худалдан авагчдын том төлөөлөл. Мөн уул уурхай, барилгын бизнес нь улс төртэй гүнзгий хутгалдсан ашиг сонирхлын өндөр зөрчилтэй хүн.
41	Б.Энх-Амгалан	УИХ-ын гишүүн	Зам тээврийн хөгжлийн сайдаар хамгийн хангалтгүй ажилласан хүн. Түүний хариуцлагагүй ажлын нэг тод жишээ нь Дарханы зам. Тус замыг шинэчлэхтэй холбоотой олон зуун хүний амь нас хохирч, олон зуун тэрбум төгрөг салхинд хийссэн.
42	Л.Энх-Амгалан /УИХ-ын гишүүн/	УИХ-ын гишүүн	Сонгуулиар “царцаа нүүлгэх” ажилд гаршсан нэгэн. Мөн ЖДҮ, БЗС-ийн асуудалд нэр холбогдсон.
43	Б.Энхбаяр	УИХ-ын гишүүн	БЗС-аас зээл авагчдын нэг. Шинэ цагийн “коммунист”. Хөгжлийн банкны асуудлыг хянан шалгах түр хорооны даргаар ажиллаж, сонсгол зохион байгуулахдаа илэрхий улс төржиж, асуудлыг бодитоор гаргаж тавих бус өөрийн намынхныг өмгөөлж хайцаалан өнгөрөөх, өрөөлийн намынхныг холбогдолгүй баримт мэдээллээр гутаах харлуулах суртал ухуулга хамгийн их хийсэн хүн.
44	Н.Энхболд	УИХ-ын гишүүн	Хамгийн олон сонгогдсон ч харагдаж үзэгдэх гавъяа байгуулаагүй ахмадуудын нэг. Тэтгэвэртээ гарах болсон.
45	Ж.Эрдэнэбат	УИХ-ын гишүүн	Ерөнхий сайдаар ажиллаж байхдаа уул уурхайн лицензтэй холбоотой хэд хэдэн хууль бус үйлдэл хийсэн шалтгаанаар шоронд ороод байсан боловч дахин гишүүнээр сонгогдсон. Хэрэг нь нэг мөр шийдэгдээгүй.
46	Ч.Номин	Соёлын сайд, УЗ-ийн гишүүн	Сайдын суудлыг мөнгөөр худалдаж авсан гэгддэг нэгэн. Аав нь төрийн тусгай сангуудаас асар их хэмжээний зээл авсан ч одоо болтол төлөөгүй. Ёс зүйн хувьд ЗГ-т сайдын албан тушаал хаших эрхгүй хүн.
47	Ц.Нямдорж	МАН-ын УЗ-ийн гишүүн	Монгол Улсын хуулийн салбарын хөгжлийг бүтэн 30 жилийн турш чөдөрлөж, улс төрд хамгийн их хор хутгаж ирсэн хүн. Зөвхөн тэтгэвэртээ гараад зогсохгүй олон ноцтой хэрэгт шалгагдах ёстой хүн.
48	Н.Энхбаяр	МАН-ын гишүүн	Гишүүн, сайд, ЕС, УИХ-ын дарга, Ерөнхийлөгч гээд бүх өндөр албан тушаалыг хашсан хүн. Өдгөө тэр ҮХ-д өөрчлөлт оруулах замаар иргэдээс сонгогдохгүйгээр гишүүн болох хүсэлтэй явдгаа ил тод зарласан. Түүнээс одоо юу ч хараад нэмэргүй. Тэтгэвэртээ суух нь зохимжтой.
49	Б.Цогтгэрэл	МАН-ын гишүүн	Зам тээврийн дэд сайдаар ажиллаж байхдаа олон ноцтой алдаа, ашиг сонирхлын зөрчил гаргасан. Нийтийн бус намын болон хувийн эрх ашгаа эн тэргүүнд тавьдаг, хамгийн их хор найруулж, хов хутгадаг нэгэн. Түүний талаар хамгийн сүүлд Хөтөлийн цемент шохойн үйлдвэрт найз нөхдөө хууль зөрчин ажилд оруулсан, гэрээс нь их хэмжээний мөнгө хураасан С.Батдөлтэй холбоотой гэх мэдээлэл гарч байгаа.
50	А.Сүхбат	УИХ-ын гишүүн асан	ЖДҮ, Хөгжлийн банкны хэрэгт гүнзгий хутгалдсан.