BOLOD ДОЛОО ХОНОГИЙН ТОЙМ: Үндсэн хуулинд өөрчлөлт орж, цалин тэтгэвэр нэмэхээр болов

2023-06-04

Bolod.mn сайт долоо хоног бүр нийгэм, улс төр, эдийн засгийн хүрээнд болж өрнөсөн онцлох үйл явдлыг тоймлон хүргэдэг уламжлалтай. Эдгээр өдрүүдэд Үндсэн хуулинд өөрчлөлт оруулж, УИХ-ын гишүүдийн тоог нэмэх эсэх талаар хэлэлцэн баталлаа. Ийнхүү 2024 оны сонгуулиар 126 гишүүнтэй, сонгуулийн холимог тогтолцоогоор хийх юм. Түүнчлэн МАН-ын хуралдаанаар долоодугаар сарын 1нээс эхлэн цалин тэтгэвэрийг үе шаттайгаар нэмэхээр болов.

Монгол Улсын үндсэн хуульд өөрчлөлт оруулж, баталлаа

Улсын Их Хурлын чуулганы нэгдсэн хуралдаанаар өнөөдөр (2023.05.31) Монгол Улсын Үндсэн хуульд оруулах өөрчлөлтийн төслийн гурав дахь хэлэлцүүлгийг хийлээ. Чуулганы хуралдаанд 68 гишүүн оролцож, 66 нь дэмжсэнээр 97 хувийн саналаар Үндсэн хуульд оруулах өөрчлөлтийн төсөл батлагдлаа.

Үндсэн хуулийн Хорин нэгдүгээр зүйлийн 1 дэх хэсгийг “Улсын Их Хурал нэг танхимтай, нэг зуун хорин зургаан гишүүнтэй байна. Улсын Их Хурлын сонгуулийг сонгуулийн холимог тогтолцоогоор явуулна. Улсын Их Хурлын далан найман гишүүнийг олныг төлөөлөх, дөчин найман гишүүнийг хувь тэнцүүлэн төлөөлөх аргаар сонгоно” хэмээн өөрчлөн найруулав.

Монгол Улсын Үндсэн хуульд оруулах өөрчлөлтийг баталсантай холбоотойгоор Улсын Их Хурлын дарга Г.Занданшатар, энэхүү өөрчлөлт бол 2019 онд Монгол Улсын Үндсэн хуульд оруулсан нэмэлт өөрчлөлтийн үргэлжлэл гэдгийг онцлон тэмдэглэлээ. Улсын Их Хурлын дарга Г.Занданшатар, төр иргэний итгэлцлийг холдуулж, парламентын нэр хүндэд зориуд зохион байгуулалттайгаар халдаж, парламентын ардчиллыг мохоож буй гадаад, дотоодын шунахай бүлэглэлүүдэд тэдний буруу булхайг илчилж байгаа явдал таалагдахгүй байгаа. Монголын төр тэрхүү шударга бусын хариуг өнөөдөр Үндсэн хуульд өөрчлөлт оруулсныхаа нэгэн адил шийдвэртэй үзүүлж, тод томруун харуулах ёстой гэлээ хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.

Бага насны хүүхдийг хүчирхийлж, хөнөөсөн этгээд хорих газраас суллагдаад удаагүй байжээ

Баянгол дүүрэгт найман настай хүүхдийг хүчиндэн амь насыг нь хохироосон хэрэг гарчээ. Тодруулбал, охины хоолойг боон амь насыг нь бүрэлгэн нүхэн жорлонд хаясан байжээ.

Цогцсыг тус дүүрэг дэх Цагдаагийн 2 дугаар хэлтсийн жижүүрийн бүрэлдэхүүн гаргасан байна. Уг хэргийг үйлдсэн этгээд нь 21 настай, урьд өмнө нь ял шийтгэл эдэлж байсан, хорих ангиас дөнгөж суллагдан гарсан байсан аж. Түүнийг цагдаагаас өчигдөр баривчилжээ.

Энэ талаар ЦЕГ-ын Хэвлэл мэдээллийн төвөөс тодруулахад “Манай 00-д 5-6 орчим насны нүцгэн бололтой хүүхэд алаад хийчихсэн байна” гэсэн мэдээлэл тавдугаар сарын 28-ны өдөр цагдаагийн байгууллагад бүртгэгдсэн. Дуудлага, мэдээллийн дагуу шалгахад долоон настай эмэгтэй хүүхдийг 21 настай эрэгтэй хүчирхийлж, улмаар амь насыг нь хохироогоод айлын жорлонд хийж, хэргийн газрыг орхин зугтаасныг цагдаагийн байгууллагаас шуурхай эрэн сурвалжилж, тухайн этгээдийг баривчлан цагдан хорьж, шалгалтын ажиллагааг явуулж байна” гэлээ.

тус тус shilen.gov.mn системээс ил тод нээлттэй харах боломжтой боллоо.

Улсын хэмжээнд 10 мянга гаруй ээж Алдарт эхийн одонгоо гардаж авлаа

Монгол Улсын Ерөнхийлөгч Ухнаагийн Хүрэлсүх Олон улсын хүүхдийн эрхийг хамгаалах өдрийг тохиолдуулан Олон хүүхэд төрүүлж өсгөсөн эхийг урамшуулах тухай хууль болон Монгол Улсын

Үндсэн хуульд заасан бүрэн эрхийнхээ хүрээнд зарлиг гаргаж, эхчүүдэд Алдарт эхийн одон гардууллаа.

Энэ жил улсын хэмжээнд 10,785 ээж Алдарт эхийн одон хүртэж байгаагийн олонх нь 36 орчим насныхан байна. Нийслэлийн 9 дүүргийн 4,696 ээжид 2023 оны 05 дугаар сарын 25, 26, 29, 30-ны өдрүүдэд Монгол Улсын Ерөнхийлөгч Алдарт эхийн одонг гардуулж дууслаа.

МОНГОЛ УЛСЫН ЕРӨНХИЙЛӨГЧИЙН ЗАРЛИГААР:

-Нийслэлийн 9 дүүргийн 4,696 ээж, үүнээс I зэргийн одонг 297, II зэргийн одонг 4,399,

-21 аймгийн 5,979 ээж, үүнээс I зэргийн одонг 471, II зэргийн одонг 5,508,

-Гадаадын улс орнуудад оршин суугаа 110 ээж, үүнээс I зэргийн одонг 5, II зэргийн одонг 105 ээж хүртлээ.

Үр хүүхдээ зөв сэтгэлтэй, эрдэм боловсролтой, эрүүл чийрэг иргэн болгон өсгөж хүмүүжүүлсэн гавьяа зүтгэлийг Монгол төр ийнхүү алдаршууллаа. Монгол Улсын Ерөнхийлөгч алдарт ээжүүдэд болон гэр бүл, үр хүүхэд, төрөл төрөгсдөд нь эрүүл энх, аз жаргал, сайн сайхан бүхнийг хүсэн ерөөлөө. Хүүхдийн мөнгө олгож буй нь нийгмийн халамж бус, харин хүн амаа өсгөх, эх үрсээ дэмжих, хүүхдийн хөгжилд оруулж буй хөрөнгө оруулалт, төрийн бодлого гэж үздэгээ илэрхийллээ.

Цалин, тэтгэвэр, халамж, тэтгэмжийг нэмж, хүүхдийн мөнгийг хүүхэд бүрт олгоно

Засгийн газар, Сангийн яамнаас Монгол Улс 30 жилийн дараа түүхэнд анх удаа төсвийн орлого давж биеллээ хэмээн мэдэгдсэн. Ингэснээр эдийн засгийн өсөлт 7.6 хувьд, ДНБ 5000 ам.долларт хүрч, цалин тэтгэвэр нэмэх, хүүхдийн мөнгийг хүсэлт гаргасан хүүхэд бүрт олгох эдийн засгийн боломж бүрдлээ гэдгийг өнөөдөр УИХ дахь МАН-ын бүлгийн хуралдаанаар танилцуулжээ.

Сангийн сайд Б.Жавхлангийн мэдээлж буйгаар долдугаар сарын 1-нээс хүсэлт гаргасан хүүхэд бүрт хүүхдийн мөнгө олгож, сүүлийн зургаан сарын хүүхдийн мөнгийг нөхөж өгөхөөр болж байна. Харин долдугаар сарын 1-нээс ахмадуудын тэтгэврийг инфляцтай уялдуулж 10 хувиар нэмэх юм байна. Мөн төрийн албан хаагчдын цалинг үе шаттай нэмэхээр боллоо.