2023-01-16Bolod.mn сайт долоо хоног бүрийн амралтын өдрүүдэд улс төр, эдийн засаг, нийгмийн хүрээнд болж өрнөсөн онцлох үйл явдлуудыг тоймлон хүргэдэг. Эдгээр өдрүүдэд АТГ-аас гүйцэтгэх ажиллагаа явуулан УБТЗ-ын орлогч даргын гэрт нэгжлэг хийн 10 тэрбум орчим төгрөгийг олж илрүүлсэн тухай мэдээ мэдээлэл олны анхаарлын төвд байна. Мөн түүнчлэн Өмнөд Судан улсад үүрэг гүйцэтгэж байсан энхийг сахиулагч хумхай авчний халдвар авч улмаар биеийн байдал нь тааруу байсны улмаас амь насаа алдсан харамсалтай хэрэг гарсан билээ. Эдгээр болон бусад онцлох үйл явдлуудын тоймыг Bolod.mn сайтын долоо хоногийн тойм мэдээллээс хүлээн авч үзээрэй.
Хумхай өвчний халдвар авч биеийн байдал нь хүнд байсан Энхийг сахиулагч нас баржээ
Өмнөд Судан улсад эхнийг сахиулах үүрэг гүйцэтгэх хугацаандаа хумхаа өвчний халдвар авч, эх орондоо ирэн, эмчлүүлж байсан алба хаагч нас барсан харамсалтай явдал болсон талаар бид өмнө мэдээлсэн. Тодруулбал, Суданаас ирсэн 9 энхийг сахиулагчаас хумхаа илэрч, 22 настай залуу амиа алдаж, нэг залуу ухаангүй байсан билээ. Тэгвэл албаны эх сурвалжаас тодруулахад биеийн байдал нь хүнд байсан офицер нас баржээ.
Энэ талаар өмнө Цэргийн төв эмнэлгийн дарга-Ерөнхий эмч хурандаа Б.Энх-Од" Өнгөрөгч сард эх орондоо ирсэн цэргийн багийн есөн алба хаагчаас хумхаа өвчин илэрч Цэргийн төв эмнэлэгт хүргэгдсэнээс долоо нь бүрэн эдгэрсэн. Харамсалтай нь нэг цэргийн алба хаагч энэ өвчний хүндрэлээр нас барсан. Харин нөгөө нь Цэргийн төв эмнэлгийн Эрчимт эмчилгээний тасагт биеийн байдал нэн хүнд байдалтай хэвтэн эмчлүүлж байна" гэж байсан.
Ц.Цогтбаатар дэлхийн шилдэг жудочийн шагналд нэр дэвшлээ
Олон Улсын жүдо бөхийн холбооноос 2022 оны шилдгүүдээ шалгаруулах "Judo Awards" ёслолын ажиллагаа хоёрдугаар сарын 5-нд Парисын их дуулгын үеэр болно. Тус шагналын оны шилдэг эрэгтэй тамирчинд МУГТ, дэлхийн аварга Ц.Цогтбаатар нэр дэвшсэн байна. Санал асуулга нэгдүгээр сарын 12-31-ий хооронд болох ба жүдо бөх сонирхогчид IJF Judo Awards 2022 хаягаар нэвтэрч саналаа өгөх боломжтой.
Оны шилдэг эрэгтэй жүдочид нэр дэвшигчид:
Тато Григалашвили (Гүрж)
Энди Гранда (Куба)
Давлат Бобонов (Узбекистан)
Цэнд-Очирын Цогтбаатар (Монгол)
Хифүми Абэ (Япон)
Оны шилдэг эмэгтэй жүдочид нэр дэвшигчид:
Үта Абэ (Япон)
Роман Дико (Франц)
Рафаэла Силва (Бразил)
Барбара Матич (Хорват)
Майра Агиар (Бразил)
Гацуурт ХХК-ын ажилтан нас баржээ
Сэлэнгэ аймгийн Цагааннуур сумын Тийрэг гэх газарт байрлах Гацуурт ХХК-ний газар тариалан, мал аж ахуйн төвийн ажлын байранд ажлаа хийж байсан нэг иргэн амиа алджээ. Тодруулбал, энэ сарын 11-ний өдрийн 17 цагт цагдаагийн байгууллагын тусгай дугаарт баруун гар тасарч, зүүн гар нь гэмтсэн хүн эмнэлэгт ирж нас барлаа гэх мэдээлэл бүртгэгдсэн байна. Уг мэдээллийн дагуу шалгалтын ажиллагаа явуулахад тус сумын нутагт оршин суудаг эрэгтэй 24 настай Ж.Г нь Гацуурт ХХК-ний будаа бутлуурын хэсэгт ажиллаж байх явцдаа хувцас нь орооцолдож, бутлуурын машинд нь баруун гар нь тасарсан харамсалтай хэрэг гарчээ.
Ажлаа хийж байгаад хүндээр бэртсэн ажилтаныг сумын эмнэлэгт хүргэж, эмчилгээ хийлгэсэн боловч шархаа даалгүй нас барсан байна. Уг хэргийг Сэлэнгэ аймгийн цагдаагийн газарт хэрэг бүртгэл нээн шалгаж байгаа бөгөөд хяналтын камерын бичлэгт үзлэг шалгалт хийж байгаа юм байна. Энэ мэтчилэн харамсалтай хэрэг гаргахгүйн тулд байгууллагууд хөдөлмөрийн аюулгүй байдлыг хангаж, ажилчид сонор сэрэмжтэй байхыг анхааруулж байна.
УБТЗ-ын Тээвэр зохицуулалтын албаны орлогч дарга С.Батдөлийг нэг сар цагдан хорихоор болжээ
Нийслэлийн прокурорын газрын хяналтын прокуророос УБТЗ-ын Тээвэр зохицуулалтын албаны орлогч дарга ажилтай
С.Батдөлийг яллагдагчаар 1 /нэг/ сарын хугацаагаар цагдан хорих таслан сэргийлэх арга хэмжээ авхуулах тухай саналыг Баянгол дүүргийн Эрүүгийн хэргийн анхан шатны шүүх 2023 оны 01 дүгээр сарын 06-ны өдрийн 17 цаг 10 минутын үед ирүүлсэн. Улмаар шүүхийн хэлэлцүүлэг яллагдагчийн өмгөөлөгч Д.Амаржаргал "Төв аймагт шүүх хуралд ороод дуусаж байна, цагдан хорих таслан сэргийлэх арга хэмжээ авах тухайн хуулийн хэлэлцүүлэгт өөрий биеэр шаавал оролцоно, шүүхийн хэлэлцүүлгийг хойшлуулж өгнө үү" гэсэн хүсэлт гаргаж хуулт зүйн туслалцаа үзүүлэх гэрээг шүүхэд ирүүлсэн мөн яллагдагч С.Батдөл "Өмгөөлөгчийн хамт шүүхийн хэлэлцүүлэгт оролцоно" гэх хүсэлтийг тус тус гаргасан байна.
Шүүхээс Монгол Улсын Үндсэн хуульд заасан “Шүүгч хараат бус байж, гагцхүү хуульд захирагдана”, мөн хуулийн 16-р зүйлд “Монгол Улсын иргэн хэн ч байсан өөрийгөө өмгөөлөх, хууль зүйн туслалцаа авах...” эрхтэй, Эрүүгийн хэрэг хянан шийдвэрлэх тухай хуульд “Шүүх, прокурор, мөрдөгч нь яллагдагч өөрийгөө өмгөөлөх, эсхүл өмгөөлүүлэх, хууль зүйн туслалцаа авах эрхээ эдлэх боломжоор хангана.” гэж үүрэгжүүлэн заасныг “Шүүхийн хэлэлцүүлэгт прокурор, яллагдагчийн хууль ёсны төлөөлөгч, өмгөөлөгчийг оролцуулах...” гэж тус тус заасныг баримтлан яллагдагч болон түүний өмгөөлөгчийн гаргасан хүсэлтүүдийг шүүх хүлээн авч “цагдан хорих таслан сэргийлэх арга хэмжээ авах тухай” прокурорын саналыг хэлэлцэх шүүхийн хэлэлцүүлгийг 2023 оны 01 дүгээр сарын 09-ний өдрийн 10 цаг 00 минут хүртэл хойшлуулж шийдвэрлэсэн.
Зам ашигласны төлбөрөө төлөөгүй бол оношлогоонд оруулахгүй
Улаанбаатар хотыг тойрсон төлбөр авах /товчоод/ зургаан цэг цахимжсанаар иргэд зам ашигласны төлбөрөө бэлэн мөнгөөр бус
ROADPAY.MN сайтаар болон бусад хэлбэрээр төлөх болсон. Тэгвэл товчоодоор нэвтэрсэн иргэдийн ердөө таван хувь нь төлбөрөө хугацаанд нь төлж байгааг албаныхан мэдээллээ.
Тиймээс энэ оны нэгдүгээр сарын 1-нээс эхлэн жолооч нар автомашины оношилгоонд орохдоо зам ашигласны төлбөрөө төлсөн байхыг шаардаж эхэлсэн байна. Жолооч оношилгоонд орохын өмнө
roadpay.mn сайтаар болон Ebarimt аппликэйшний хялбар бүртгэл хэсэгт хандан зам ашигласны төлбөрөө шалган төлөх боломжтой юм. Товчоодын цаана гэртэй айлууд буюу СХД-ийн 32-р хороо, ХУД-ийн 14-р хороо, Налайх дүүргийн оршин суугчид албан ёсны хаягаараа тухайн хороо, дүүрэгтээ бүртгэлтэй байснаар цагаан жагсаалтад хамрагдан үнэ төлбөргүй зорчих талаар албаныхан мэдээлэв.
Монгол Улсын үндсэн хуулийн өдөр тохиолоо
Монгол Улсын Үндсэн хуулийн өдөр өнөөдөр буюу нэгдүгээр сарын 13-ны өдөр тохиож байна. Нийтээр тэмдэглэх баярын болон тэмдэглэлт өдрүүдийн тухай хуульд нийтээр тэмдэглэх тэмдэглэлт өдөр гэж заасан байдаг. Энэ онд Монгол Улсын ардчилсан шинэ Үндсэн хууль батлагдсан өдрийн 31 жилийн ой тохиож байгаа билээ. Ингээд шинэ Үндсэн хуульд заасан Монгол Улсын Төрийн сүлд, далбаа хэрхэн бүтсэн талаар түүх сөхвөөс..
Монгол Улсын Их цааз (Үндсэн хууль)-ын төслийг 1991 оны 6 дугаар сарын 10-наас 1991 оны 9 дүгээр сарын 1-ний хооронд ард нийтээр хэлэлцүүлж дүгнэсэн бөгөөд иргэд Үндсэн хууль хүчин төгөлдөр болох хүртэлх хугацаанд өөрсдийн санал бодлоо ирүүлсээр байжээ.
Төслийг нийт 7 мянга гаруй байгууллага, хамт олон хурлаараа хэлэлцэж, түүнд 900 мянга гаруй хүн оролцож, давхардсан тоогоор хоёр зуун мянга гаруй санал гарсан байна. Эдгээ саналыг яам, тусгай газар, нам, олон нийтийн болон эрдэм шинжилгээний байгууллагууд, аймаг, хотын гүйцэтгэх захиргаад шүүж үзээд яам, газар, байгууллага, орон нутгийн хэмжээнд шийдвэрлэх асуудлуудыг түүгээрээ ярилцаж, төсөлтэй шууд холбогдох 8 мянга гаурй саналыг түүвэрлэн комисст ирүүлсэн аж.
Хэлэлцүүлгийн явцад гарсан саналыг төслийн бүлэг тус бүрээр авч үзэхэд 1.5 хувь нь “Удиртгал” хэсгийн талаар, 26.4 хувь нь Нэгдүгээр бүлэг, 21.1 хувь нь Хоёрдугаар бүлэг, 40.8 хувь нь Гуравдугаар бүлэг, 8.8 хувь нь Дөрөвдүгээр бүлэг, 1.4 хувь нь Тавдугаар бүлэгтэй холбогдсон санал байв.
Монгол Улсын тусгаар тогтнол, бүрэн эрхт байдлын бэлгэ тэмдэг нь Төрийн сүлд, туг, далбаа, тамга, дуулал мөн гэж Нэгдүгээр бүлгийн арванхоёрдугаар зүйлд заасан байдаг.
Монгол Улсын Их цааз (Үндсэн хууль)-ын төслийг хэлэлцэж байх үед ард иргэдээс Төрийн сүлд, далбааны төсөл, загварын талаар олон санал ирсэн. Тэдгээрийн нэлээд хэсэг нь тухайн үеийн сүлд, далбааг хэвээр үлдээх, нөгөө нь сүлдийг “соёмбо”, далбааг хөх өнгөтэй болгож өөрчлөх, гурав дахь нь 1960 оноос өмнөх уламжлалыг сэргээхийг санал болгожээ. Энэ асуудал нь зөвхөн хууль зүй төдийгүй түүх, улс төрийн, бас урлаг утга зохиол судлалын олон талтайг харгалзан төрөл бүрийн мэргэжлийн хүмүүс оролцсон ажлын тусгай хэсэг байгуулж, хөдөлмөрчдийн саналыг тусад нь нэгтгэсэн судалсны үндсэн дээр цагаан цэцгэн дээр суурилуулсан соёмбо бүхий өмнөх хувилбарыг өөрчлөн шинэ загвар төлөс боловсруулж, тухайлан хэлэлцүүлэх зэргээр ажиллажээ.
Ингээд өмнөх бэлэн загварыг сэргээх амархан, харин арай шинэлэг санаа бүхий хувилбаруудыг олон түмэн, Ардын Их Хурлын депутатуудад толилуулж, сонголт хийх нь зүйтэй гэж Улсын Бага Хурал үзээд шинэ хувилбарыг хэлэлцүүлэхээр болжээ.
Ардын Их Хурлын дарга Ж.Уртнасан сүлдийн талаар хоёр хувилбарын санал хураалгасан байна. Эхлээд цөөнхийн санал болгосон соёмбо голлосон сүлдтэй байх томьёоллоор санал хураахад 64 хувь нь татгалзжээ. Мөн 1960 онд баталсан сүлдийг хэвээр үлдээе гэснээр санал хураахад 54 хувь нь зөвшөөрсөнгүй. Ингээд өмнө нь 85 хувийн саналаар батлагдсан зураач Ц.Ойдовын бүтээсэн сүлдийн төсөл хүчин төгөлдөр үлдсэн юм.
.png "Томруулж харах")
.jpeg "Томруулж харах")
.png "Томруулж харах")
