Монгол Улсын Их Сургууль (МУИС) нь бүрэлдэхүүн зургаан сургууль, орон нутаг дахь харьяаллын хоёр сургууль, үндэсний статустай гурван хүрээлэн, судалгааны бусад нэгжүүдтэй, бакалавр, магистр, докторын түвшний суралцагч, эрдэмтэн багш, ажилчидтай Монгол Улсын эрдэм оюуны томоохон төв юм.

Сургалтын төлбөр

Шинжлэх ухааны сургууль- Ерөнхий суурь-98600/ нэг кредит/, мэргэжлийн суурь болон мэргэжлийн-100,700/нэг кредит/
Хууль зүйн сургууль- Ерөнхий суурь-98600/1кредит/, мэргэжлийн суурь болон мэргэжлийн-111,000/нэг кредит/
Хэрэглээний шинжлэх ухааны инженерчлэлийн сургууль- Ерөнхий суурь-98600/нэг кредит/, мэргэжлийн суурь болон мэргэжлийн-103,500/1кредит/
Олон улсын харилцаа нийтийн удирдлагын сургууль- Ерөнхий суурь-98600/нэг кредит/, мэргэжлийн суурь болон мэргэжлийн-115,000/нэг кредит/
Бизнесийн сургууль- Ерөнхий суурь-98600/нэг кредит/, мэргэжлийн суурь болон мэргэжлийн-120,800/ нэг кредит/

Төлбөрийн хөнгөлөлт

Олон улсын олимпиадад оролцож нэгээс гуравдугаар байр эзэлсэн элсэгчид 100%
Улсын олимпиадад оролцож нэгдүгээр байрт шалгарсан элсэгчид 100%
Улсын олимпиадад оролцож хоёрдугаар байрт шалгарсан элсэгчид 75%
Улсын олимпиадад оролцож гуравдугаар байрт шалгарсан элсэгчид 50% тус бүр хөнгөлөлт олгоно.

2. Анагаахын Шинжлэх Ухааны Үндэсний Их Сургууль

1961 онд МУИС-ийн Хүн эмнэлгийн факультетийн суурин дээр үндэслэн бие даасан Анагаах ухааны дээд сургууль болсон. Анагаах болон Уламжлалт анагаахын сургууль зургаан жил, Био-анагаах, Нүүр ам судлал, Нийгмийн эрүүл мэнд, Эм зүйн сургууль 5 жил, бусад салбар сургуулиуд дөрвөөс таван жилийн сургалтын хөтөлбөртэй.2014 онд бүрэлдэхүүндээ 41 тэнхим, Сургалтын бодлого зохицуулалтын, Санхүү, эдийн засаг, Гадаад харилцаа хамтын ажиллагааны, Хангамж үйлчилгээний газрууд, Захиргаа, хяналт шинжилгээ, үнэлгээ, Мэдээлэл технологийн, Мэргэжил дээшлүүлэх институт, Оюутны, Эрдмийн сургалтын албадууд, Их сургуулийн нэгдсэн эмнэлэг, Шинжлэх ухаан технологийн төв, Цөм лаборатори, Анагаах ухааны төв номын сан, “Эрхэс” хэвлэх үйлдвэр, Оюутны I, II, III байр, “Эрхэс” сувилал, “Баян чандмань” сувилал, НАСС-ийн эмнэлэг зэрэг нэгжтэй ажиллаж байна.

Сургалтын төлбөр

Бакалаврын нэг кредитын төлбөр 99000-119790 төгрөг
Дипломын сургалтын нэг кредитын төлбөр 23000-67200 төгрөг

Төлбөрийн хөнгөлөлт

Нэгдүгээр улирлын голч дүн 2.8 хүрсэн тохиолдолд 70%-ийн хөнгөлөлт
3 ба түүнээс дээш голч дүнтэй тохиолдолд 100%-ийн хөнгөлөлт
Бүтэн өнчин болон хөгжлийн бэршээлтэй
Сувилагч мэргэжлээр ЭЕШ хоёр хичээл 501 онооноос дээш тэтгэлэгт хамрагдана

3. Монгол Улсын Боловсролын Их Сургууль

Манай орны Эрдэм оюуны томоохон уурхай болсон Монгол Улсын Боловсролын Их Сургууль (МУБИС) нь 1951 онд Багшийн Институт нэртэйгээр эрдмийн үүдээ нээж өрхөө татсанаас хойш 70 шахам жил ололт, амжилт, хөгжил дэвшлийн зам туулж байгаа баялаг түүхтэй төрийн өмчит тэргүүлэх их сургуулиудын нэг юм. Тус сургууль 1957 оноос Улсын Багшийн Дээд Сургууль, 1991 оноос Улсын Багшийн Их Сургууль, 2003 оноос Монгол улсын Боловсролын Их Сургууль болж зорилго чиглэл үйл ажиллагаа нь өргөжсөн.

Сургалтын төлбөр

Нэг кредитын үнэ 78000-94000 төгрөг

Төлбөрийн хөнгөлөлт

550-с дээш оноотой элсэгчдэд эхний жилийн сургалтын төлбөрийн 50% хөнгөлөлт үзүүлнэ.

550-с дээш оноотой эрэгтэй элсэгчдэд эхний жилийн сургалтын төлбөрийн 70% хөнгөлөлт үзүүлнэ.

4. Шинжлэх Ухаан Технологийн Их Сургууль

2013 оноос ШУТИС-ийг цаашид улам хөгжүүлж, судалгааны их сургууль болгох өөрчлөлт шинэчлэлийг эхлүүлж байна. Судалгааны их сургууль болохын тулд их сургуулийн бүтцийг дэлхийн жишигт ойртуулж, сургалтын чанарыг эрс дээшлүүлж, дэлхийн түвшинд хүрсэн профессор багшийн тоог нэмэгдүүлэх, судалгаа шинжилгээний ажлын цар хүрээ, үр өгөөжийг нэмэгдүүлж, инновацийг нэвтрүүлж, Азийн тэргүүлэх 200 их сургуулийн тоонд орох зорилтыг тавьж ажиллаж эхэлсэн.

Сургалтын төлбөр

Төлбөрийн хөнгөлөлт

Олон улсын олимпиадын нэгээс гуравдугаар байр эзэлсэн бол 100% хөнгөлөлт
ЕЭШ-ийн 700-800 оноо авсан тохиолдолд 50-100% хөнгөлөлт

5. Хүмүүнлэгийн Ухааны Их Сургууль

1979 онд МУИС-ийн бүрэлдэхүүнд Орос хэлний нэрээр анх байгуулагдсан. 1990 онд Гадаад хэлний дээд сургууль болон өрх тусгаарласан бөгөөд 1999 онд анх магадлан итгэмжлэгдсэн юм. 2023 онд хүмүүнлэг, нийгмийн ухааны салбарт улсдаа чанараар манлайлагч их сургууль болох зорилттой манай их сургууль нь мэдлэгийн нийгэмд шинжлэх ухааны ололт, өндөр технологид тулгуурласан орчин үеийн эрчимтэй эдийн засгийг хөгжүүлэхэд тэргүүлэх үүрэг гүйцэтгэж байна. 2018 оноос олон улсын түвшинд хүлээн зөвшөөрөгдсөн Cisco Академийн албан ёсны хөтөлбөр хэрэгжүүлж эхэлсэн ба өдгөө таван салбар сургууль 50 гаруй мэргэжлээр сургалт явуулж байна.

Сургалтын төлбөр

Жилд дундажаар 2,6 сая төгрөг

Төлбөрийн хөнгөлөлт

Элсэх хичээлийн ЭЕШ-н оноо 800 бол төлбөрийн 30%
Элсэх хичээлийн ЭЕШ-н оноо 750-799 бол төлбөрийн 20%
Элсэх хичээлийн ЭЕШ-н оноо 700-749 бол төлбөрийн 10% тус тус хөнгөлнө.

6. Хөдөө Аж Ахуйн Их Сургууль

ХААИС нь 1958 онд Мал эмнэлгийн ангийг нээж түүхэн замналынхаа анхны хуудсыг эхлүүлсэн. Одоо бүрэлдэхүүний таван сургууль, орон нутгийн салбар нэг сургууль, харьяа эрдэм шинжилгээний дөрвөн хүрээлэнтэй, эрдэм шинжилгээ-сургалт үйлдвэрлэлийн гурвалсан холбоо бүхий үндэсний хэмжээний, төрийн өмчийн, ууган их сургуулиудын нэг болон өргөжжээ. Шинжлэх ухаан шинэ техник технологид суурилсан сургалт, эрдэм шинжилгээ үйлдвэрлэлийн үйл ажиллагаа явуулан 1000 гаруй эрдэмтэн багш, эрдэм шинжилгээний ажилтан ажиллаж, бакалавр, магистр, докторын шаталсан сургалтад 9000 гаруй оюутан суралцаж байна.

Сургалтын төлбөр

1 кредитийн төлбөр 68’000-88’000 төгрөг

Төлбөрийн хөнгөлөлт

Хоёр хичээлийн ЭЕШ-ийн оноо “хичээл 1” - 650, “хичээл 2” - 400 онооноос дээш авсан тохиолдолд эхний жилийн сургалтын төлбөрийг 50 хувиар хөнгөлнө.
Олон улсын олимпиадад нэгээс гуравдугаар байр эзэлсэн бол эхний жилийн сургалтын төлбөр 100% хөнгөлнө.
Тухайн мэргэжлийн нэгдүгээр хичээлээр улсын олимпиадад нэгээс тавдугаар байр эзэлсэн бол эхний жилийн сургалтын төлбөр 50% хөнгөлнө.
Тухайн мэргэжлийн нэгдүгээр хичээлээр аймгийн олимпиадад нэгээс тавдугаар байр эзэлсэн бол эхний жилийн сургалтын төлбөр 30% хөнгөлнө.
Урлаг, спортын гоц авьяастай, олон улс, улсын хэмжээний уралдаан тэмцээнд нэгээс гуравдугаар байр эзэлсэн бол эхний жилийн сургалтын төлбөр 30% хөнгөлнө.

7. Худалдаа үйлдвэрлэлийн их сургууль

Тус сургууль нь Монголын худалдаа, нийтийн хоол, түүхий эд бэлтгэлийн 40 гаруй мянган мэргэжилтэн бэлтгэсэн эрдмийн нэгэн уурхай билээ. 2017 онд Худалдаа Үйлдвэрлэлийн их сургууль болж өргөжин хөгжсөн ба 2002 онд Баянхонгор аймагт салбар сургуулиа нээсэн. Багш нарын 38,5 хувь нь доктор цолтой. Нийт 1000 гаруй оюутнууд бакалаврын өдөр, орой, магистрантур, мэргэжлийн сургалт үйлдвэрлэлийн төвд суралцдаг.

Сургалтын төлбөр

Нэг кредитийн төлбөр 95’600 төгрөг

Төлбөрийн хөнгөлөлт

8. Соёл Урлагийн Их Сургууль

Соёл урлагийн их сургууль нь бүрэлдэхүүн зургаан сургууль (Дүрслэх, дизайн урлагийн сургууль, Театрын урлагийн сургууль, Радио, телевиз, медиа урлагийн сургууль, Соёлын сургууль, Хөгжмийн урлагийн сургууль, Бүжгийн урлагийн сургууль), Бадмаараг ахлах сургууль, Соёл урлаг судлалын хүрээлэн , Завхан дахь Хөгжим бүжгийн коллежтой, бакалаврын 26, магистрын 34, докторын хоёр хөтөлбөрөөр мэргэжлийн боловсон хүчнийг бэлтгэж байна.

Сургалтын төлбөр

нэг кредитын төлбөр 63,700 төгрөг

Төлбөрийн хөнгөлөлт

Олон улс, улсын хэмжээний уралдаан тэмцээн, олимпиадад оролцож медальт байрын батламж, диплом авч байсан бол эхний жилийн сургалтын төлбөрийг 100% хөнгөлнө /зөвхөн Соёлын сургуульд хамааралтай хөнгөлөлт болно/.
Олон улс, улсын хэмжээний уралдаан тэмцээн, олимпиадад оролцож байсан бол эхний жилийн сургалтын төлбөрийг 50% хөнгөлнө /зөвхөн Соёлын сургуульд хамааралтай хөнгөлөлт болно/.

9. Санхүү эдийн засгийн их сургууль

АНУ-ын Дээд Боловсролын Чанарын баталгааг хэрэгжүүлэгч байгууллага болох ACBSP /Олон Улсын Бизнесийн сургууль, Хөтөлбөрүүдийн Магадлан Итгэмжлэх Зөвлөл/ гишүүнээр элссэн. 2015 онд Санхүү эдийн засгийн их сургууль нь Их сургуулийн статусаа авсан ба БНСУ, БНХАУ, АНУ, Тайван, Их Британи, ОХУ зэрэг гадаад орны их дээд сургуулиудтай хамтын ажиллагааны гэрээтэй ажилладаг бөгөөд 2+2 хөтөлбөрийг хамтран хэрэгжүүлдэг.

Сургалтын төлбөр

Нэг кредитийн төлбөр 153,000 төгрөг

Төлбөрийн хөнгөлөлт

ЭЕШ-н оноо нь элсэх бүлгийн хичээл тус бүрээр 800 бол 16 кредитийн төлбөрөөс чөлөөлнө.
ЭЕШ-н оноо нь элсэх бүлгийн хичээлийн дундаж оноо 750-с дээш бол найман кредитийн төлбөрөөс чөлөөлнө.

10. Их Засаг олон улсын их сургууль

1994 оны тавдугаар сард “Хүннү” ХХК-ний захирал Н.Ням-Осор Хүннү ХХК-ний удирдах зөвлөлд Удирдлага технологийн дээд сургууль байгуулах санал оруулсан нь тус зөвлөлийн гишүүдийн дийлэнх олонхийн дэмжлэгийг авч “Улс оронд нийгмийн харилцаа өөрчлөгдөж удирдлагын шинэ мэдлэгтэй боловсон хүчин шаардлагатай байгааг харгалзан 1994-1995 оны хичээлийн жилд Удирдлага технологийн дээд сургууль нээж хичээлүүлэхийг зөвшөөрсүгэй” гэсэн заалт бүхий тогтоол батлуулж чадсанаар үйл ажиллагаа эхэлсэн. үнээс хойших он жилүүдэд энэ л зорилго, зорилтынхоо хүрээнд ажиллаж 1999 -2003 онуудад бүрэлдэхүүний хэд хэдэн сургууль байгуулж эрх зүйн эчнээ, эрх зүйн магистрантурын сургалтыг явуулах болсноор Их Засаг их сургууль болон өргөжиж 2011 оноос Их Засаг олон улсын их сургууль болж эдгээр зорилтуудаа бүрэн биелүүллээ.

Сургалтын төлбөр

Жилд дундажаар 2,5 сая төгрөг

Төлбөрийн хөнгөлөлт

800 оноотой бол 100%
700-799 оноо авсан оюутанд 50%
600-699 оноо авсан бол 20% -ийн хөнгөлөлт үзүүлнэ

11. Шихихутуг хууль зүйн их сургууль

1991 онд Шихихутуг их сургуулийг үүсгэн байгуулахдаа Их заргач Шихихутугийн нэрээр овоглон алдарыг нь мөнхжүүлэх нь монголын хууль цаазын эрдэм ухааны урсах хэлхээнд тасралтгүй үргэлжлэх алтан аргамжийг бөхлөх зорилго санааг агуулсан болно.Шихихутуг их сургууль нь Боловсролын сайдын зөвлөлийн 1991 оны 10 дугаар сарын өдрийн 16-ны өдрийн 16 тоот шийдвэрээр байгуулагдсан Монгол Улсын хувийн хэвшлийн ууган сургуулиудын нэг. 1991 оноос эрх зүйн, 2002 оноос эрх зүйн магистр, 2004 оноос бизнесийн эрх зүйн сургалтын хөтөлбөрийг тус тус хэрэгжүүлж байна. Тус сургууль нь 2001 онд Дээд боловсролын байгууллагын анхан шатны, 2006 онд ахисан түвшний, 2018 онд БМИҮЗ, ХБНГУ-ын ASIIN байгууллагатай хамтран ижилсэх түншлэлийн хөтөлбөрийн хүрээнд гурав дахь шатны, 2011 онд Эрх зүйн сургалтын хөтөлбөр, 2014 онд Бизнесийн эрх зүйн сургалтын хөтөлбөрийг тус тус магадлан итгэмжлүүлсэн.

Сургалтын төлбөр

Жилд дундажаар 3,5 сая төгрөг

Төлбөрийн хөнгөлөлт

Нийгмийн тухай мэдлэг, математик, гадаад хэлний чиглэлээр олон улсын болон улс, аймаг, нийслэл, дүүргийн олимпиадад I-Y байрт эзэлсэн ЕБС-ийн төгсөгчийн элсэлтийн шалгалтын оноог үндэслэн онооны дараалал харгалзахгүй элсүүлнэ.
Олон улсын болон үндэсний хэмжээний уралдаан тэмцээнд /урлаг, спорт, бусад/ амжилттай оролцсон ЕБС-ийн төгсөгч тус сургуулийн босго онооны болзлыг хангасан бол онооны дараалал харгалзахгүй элсүүлнэ.
Шалгаруулалтад тэнцсэн элсэгчдээс нэг гэр бүлийн 2 ба түүнээс дээш оюутан элссэн тохиолдолд элсэгч тус бүрийн эхний хичээлийн жилийн сургалтын төлбөрийг 10 хувиар хөнгөлнө. 6.4 Элсэлтийн шалгалтын хоёр хичээлд тус бүр 750-аас дээш оноотой элсэгчид эхний хичээлийн жилийн сургалтын төлбөрийг 20 хувиар хөнгөлнө.

12. Мандах их сургууль

Монгол Улсад хувийн хэвшлийн сургууль 1991 оноос байгуулагдсан түүхтэй бөгөөд манай сургууль эдгээр анхдагчдын нэг билээ. Энхний 10 жилдээ бид сургалт явуулах материалаг нөхцөл, багшлах боловсон хүчний чадварлаг баг бүрдүүлэх, Монгол улсад нягтлан бодох бүртгэлийн шинэ тогтолцоог төлөвшүүлж хөгжлүүлэхэд тодорхой хувь нэмэр оруулах зорилт дэвшүүлэн амжилттай хэрэгжүүлж хоёр дахь 10 жилээ төлөвлөн, олон улсад хүлээн зөвшөөрөгдсөн, их сургууль болох зорилтоо хэрэгжүүлж байна. 2014 онд ACBSP байгуулагаар Олон улсад магадлан итгэмжлэгдсэн.

Сургалтын төлбөр

Жилд дундажаар 3,6 сая төгрөг

Төлбөрийн хөнгөлөлт

751-ээс дээш оноотой бол 50%
701-750 оноотой бол 30%
650-700 оноотой бол 20% тус бүр хөнгөлнө.

13. Монголын үндэсний их сургууль

Гадны их дээд сургуулиудтай томоохон төслүүд дээр хамтран хэрэгжүүлдэг бөгөөд Станфордын их сургуулийн Анагаахын сургуультай хамтран яаралтай тусламжийн анхны онлайн сургалтыг зохион байгуулагддаг.Мөн Калифорниагийн их сургуультай хамтран “Solar project” төсөл дээр 2014 оноос хойш ажиллаж байгаагаас гадна Нидерландын засгийн газар болон Сингапур улстай хамтарсан “Green house” төслийг хэрэгжүүлж эхлэхээр төлөвлөөд байна.БНСУ, БНХАУ, ОХУ, АНУ, Австрали, Япон, Тайвань, Энэтхэг, Польш зэрэг 40 орны нийт 50 гаруй их сургуулиудтай эрдэм шинжилгээ, сургалтын үйл ажиллагаагаар хамтран ажиллахаас гадна багш, оюутан солилцооны хөтөлбөр хэрэгжүүлэн ажиллаж байна.

Сургалтын төлбөр

Жилд дундажаар 2,4 сая төгрөг

Төлбөрийн хөнгөлөлт

Олон улсын болон улсын чанартай уралдаан тэмцээн, олимпиадад дээд оноог авсан хүүхдүүдийг хүссэн ангид шууд элсүүлэн төлбөрөөс чөлөөлнө.

14. Төмөр замын дээд сургууль

МАХН-ын Төв хорооны Улс төрийн товчооны 1953 оны долдугаар сарын 14-ний өдрийн 9/129 дүгээр тогтоолоор байгуулагдсан Төмөр замын дээд сургууль /ТЗДС/ нь үндэсний хэмжээнд төмөр замын дээд боловсролтой мэргэжилтэн бэлтгэдэг цорын ганц сургууль юм. Одоогоор нийт 30 мянга гаруй оюутан бакалавр болон техникчээр төгссөн бөгөөд УБТЗ-ын хөдөлгөөнтэй шууд холбоо бүхий анхан, дунд шатны ажлын байранд ажиллаж буй ажилтнуудын 85 орчим хувь нь ТЗДС-ийн төгсөгч байдаг.

Сургалтын төлбөр