ирсэн талаар эх сурвалж мэдээллээ. Тодруулбал, өнгөрсөн оны арваннэгдүгээр сараас ИНЕГ-ыг удирдаж эхэлсэн тэрбээр дарга болмогцоо чадварлаг ажилтнуудаа өс хонзонгийн сэдлээр үндэслэлгүйгээр ажлаас нь чөлөөлж, эрх мэдэл, албан тушаалын байдлаа урвуулан ашиглаж, сонгон шалгаруулалтгүйгээр өөрийн ойрын гэсэн туршлага, мэдлэг, чадваргүй, мэргэжлийн биш хүмүүсийг ажилд томилсон гэнэ. Үүгээр ч зогсохгүй шагнал, урамшууллыг олгох ёстой хүнд олгохгүй, төсвийн мөнгийг үр ашиггүй зарцуулж, ёстой л нэг дураараа доргиж, дунд чөмгөөрөө наргиж байгаа бололтой. Түүний энэ эрээ цээргүй үйлдлүүдээс болж үндсэн ажил болох нисэхийн аюулгүй ажиллагаа, аюулгүй байдал алдагдаж, тус салбар “дампуурах”-д хүрчээ.

Хэдхэн сарын өмнө нь л энэ салбарт хоёргүй сэтгэлээр зүтгэж, хүмүүсийнхээ дунд “нас”-аараа ажилласан туршлагатай нэгэн Иргэний нисэхийн ерөнхий газрын даргаар томилогдсонд баярлаж, “Одоо л бидний хөдөлмөрийг үнэлж, хөдөлмөрийнхөө үр ашгийг өнөөдрийнхөөс ч илүү хүртэх боломжтой боллоо” хэмээн хөл хөөр болж байсан тус газрын ажилтнуудын итгэл, сэтгэл мохож, ажиллах боловсон хүчний хомсдолд ч орж болзошгүй нөхцөл байдалтай болжээ. Туршлагатай, чадвартай ажилтнуудаа толгой дарааллан ажлаас нь халсан тэрбээр “Чадахгүй бол ажлаа өгөөд зайлаарай. Халагдсан хүмүүсийн өргөдөл дээр өөрийнхийгөө нэмэх гээгүй юм бол дуугүй бай. Чиний ажлыг авах хүн хаалганы цаана зогсож байгаа шүү” хэмээн даналздаг гэх. Түүний уг дарамт, шахалт, хууль бус үйлдлээс болж туршлагатай, чадварлаг хэд хэдэн боловсон хүчин ажлаасаа халагдах өргөдлөө өгсөн гэх.

ТУРКИЙН КАРГОНЫ ГАР, ХӨЛ БОЛСОН ИНЕГ-ЫН С.МӨНХНАСАН, АЖИЛТАН Д.ДАШНЯМ, ТҮҮНИЙ ХАМСААТАН “Альфа минералс трейд” ХХК-ийн гүйцэтгэх захирал М.БӨРТЧИН, ИРГЭН Б.АЛТАНТУЯА НАРЫГ ШАЛГАЖ БАЙНА

С.Мөнхнасан дарга эрх мэдэл, албан тушаалын байдлаа урвуулан ашиглаж, их хэмжээний хахуулийн хэрэгт зуучлагчаар оролцсон байж болзошгүй хэргийг хууль хяналтын байгууллага шалгаж байгаа гэнэ. Тодруулбал, тэрбээр Нисэх буудлуудын удирдах газрын даргаар ажиллаж байсан, одоо ИНЕГ-Т ажилладаг Д.Дашнямын хүү “Альфа минералс трейд” ХХК-ийн гүйцэтгэх захирал М.Бөртчинд илт давуу боломж олгож, МИАТ компанитай гэрээ байгуулах ажилд нь гар бие оролцсон гэх. “Альфа минералс трейд” ХХК-ийн гүйцэтгэх захирал М.Бөртчин, Турк Улсад карго ажиллуулдаг монгол иргэн Б.Алтантуяа нар 2022 оны хоёрдугаар сарын 26-нд ОМ3136 дугаартай карго чартер нислэг үйлдэхээр МИАТ компанитай гэрээ үзэглэжээ. Иргэн Б.Алтантуяа нь ИНЕГ-ын үндсэн ажилтан Д.Дашням хүү М.Бөртчин нартай тохиролцож, их хэмжээний авлига өгч, давуу эрхтэйгээр Истанбул-Улаанбаатар чиглэлийн нислэгийг худалдаж авсан байж болзошгүй тул эл хэргийг хууль хяналтын байгууллага мөн л шалгаж байгаа гэнэ. ИНЕГ-ын ажилтан, төрийн албан хаагч, Д.Дашнямын хүүхэд, төрөл садан нь давуу эрхтэйгээр МИАТ компанитай гэрээ байгуулж, захиалгат нислэг үйлдсэн нь эрүүгийн болон төрийн албан хаагчийн ёс зүйг ноцтой зөрчсөн үйлдэл юм. Үүгээр ч зогсохгүй иргэн Б.Алтантуяа нь төрийн албан хаагчийг хамсаатантай нь цуг “худалдаж” аваад зогсохгүй Гаалийн байгууллагад нарт 35 мянган кг ачаагаа буруу мэдүүлсэн ноцтой зөрчил илрээд байгаа бололтой. Тэдний энэ үйлдэл хэд хэдэн удаагийн давтамжтай ажээ. Өөрөөр хэлбэл, иргэн Б.Алтантуяа нь Д.Бөртчинтэй хамтарч хэд хэдэн удаа захилгат нислэг үйлдэж, үнэтэй брэндийн хувцас, бараа Монголын хилээр нэвтрүүлдэг байжээ. Ингэхдээ комиссын хувцас мэтээр мэдүүлж, татвараас зайлсхийсэн байж болзошгүй нөхцөл байдал тогтоогдоод байгаа гэнэ.

Нисэх буудлуудын удирдах газрын дарга асан Д.Дашням нь ИНЕГ-ын дарга С.Мөнхнасантай дарга, цэргийн холбоотой бөгөөд эртнээс хамтарч ажилласан хоёр. Өөрөөр хэлбэл, Нисэх буудлуудын удирдах газрын даргаар Д.Дашням, дэд даргаар нь С.Мөнхнасан ажилладаг байсан юм.

БУСАДТАЙ ХАМТРАН ХУУЛЬ БУС АЛБАН БИЧИГ ҮЙЛДСЭН ҮҮ

Мөн С.Мөнхнасан нь ИНЕГ-ын Хууль, эрх зүй, дүрмийн боловсруулалтын газрын ахлах мэргэжилтэн Б.Мөнхбаттай хамтран 2021 оны арванхоёрдугаар сарын 31-ний өдөр буюу тус газрын даргыг түр орлон гүйцэтгэж байхад нь “Иргэн Д.Мөнхбаатар танаа” гэх 06/2300 тоот албан бичгийг хууль бусаар, үндэслэлгүйгээр үйлдсэн гэнэ. Үндэслэлгүй үйлдсэн албан бичгийг Д.Мөнхбаатар шүүхэд мэдүүлжээ. Шүүхээс шинэ нөхцөл байдал тогтоогдсон гэж үзээд Анхан шатны шүүхэд тус хэргийг буцаажээ. Ахлах мэргэжилтэн Б.Мөнхбат нь албан тушаалын байдлаа урвуулан ашиглаж, албаны эрхээ хэтрүүлэн, үндэслэлгүй баримт үйлдэж, ИНЕГ-т 18.881.676 төгрөгийн хохирол учруулсан байж болзошгүй нөхцөл байдал үүсээд байгаа аж.

С.МӨНХНАСАН ҮНЭТЭЙ БУЙДАН, САНДАЛ, ТӨСВИЙН МӨНГӨӨР ХУВИЙНХАА АЖ АХУЙН НЭГЖИД СОГТУУРУУЛАХ УНДААНЫ ЗҮЙЛ ХУДАЛДАН АВСАН ГЭНЭ

ИНЕГ-ын дарга С.Мөнхнасантай холбоотой өөр нэгэн маш ноцтой хэрэг нь төсвийн мөнгийг хувьдаа завшиж, өөрийн хувийн аж ахуйн нэгждээ хөрөнгө оруулалт хийсэн гэх мэдээлэл байна. Тэрбээр Иргэний нисэхийн үндэсний төвөөс зарлага гаргуулан, холбогдох хуулийг зөрчиж, үнэтэй сандал, буйдан авчээ. Ингэхдээ тэрбээр хуурамчаар зарлагын баримт үйлдэж, үнэтэй буйдан, сандал авсан гэх.

Мөн С.Мөнхнасан дарга нь ИНЕГ-ын салбар нэгжүүдээс зарлага гаргуулан хувийн компанидаа их хэмжээний архи согтууруулах ундаа хүргүүлсэн гэх мэдээлэл байгаа аж. Ингэхдээ тэрбээр Монголын томоохон компанийн нэрээр халхавч хийж, гүйлгээний утгыг нь ИНЕГ-ын хэрэгцээнд хэмээн үйлдэж, архи, согтууруулах ундаа машин машинаар нь хувийн аж ахуйн нэгж рүүгээ зөөсөн гэнэ. Тэгээд төлбөрийг нь хэсэгчилж, гүйлгээний утгыг нь өөрчилж, ИНЕГ-ын салбар нэгжүүдийн данснаас шилжүүлсэн бололтой. Тодруулбал, төсвийн 18 сая төгрөгөөр архи худалдан авч, хувийн компанидаа нийлүүлсэн баримт нь ил болоод байна.Тэрбээр "Бетастар" ХХК-аас үнэтэй виски, архи худалдан авч, өөрийн хамаарал бүхий аж ахуйн нэгж рүүгээ зөөлгөжээ.

С.МӨНХНАСАН ГЭЖ ХЭН БЭ

Монгол Улсын Засгийн газрын 2021 оны арваннэгдүгээр сарын 24-ний өдрийн хуралдаанаар Иргэний нисэхийн ерөнхий газрын даргаар Содномрэнцэнгийн Мөнхнасанг томилсон байдаг. С.Мөнхнасан нь электроникийн инженер, нислэгийн удирдагч мэргэжилтэй бөгөөд иргэний нисэхийн салбарт 23 дахь жилдээ ажиллаж байгаа нэгэн.

Тэрбээр 1999-2015 он хүртэл нислэгийн удирдагч, бүсийн багшлагч мэргэжилтэн, Нислэгийн хөдөлгөөний үйлчилгээний хэсгийн дарга, Бүсийн удирдлагын хэсгийн дарга, 2015-2018 онд ЗТХЯ-ны Агаарын тээврийн бодлогын хэрэгжилтийг зохицуулах хэлтсийн дарга, 2018-2020 онд ИНЕГ-ын харьяа Нисэх буудлуудын удирдах газарт Үйлдвэрлэл хариуцсан дэд дарга, 2020 оноос өнөөг хүртэл Иргэний нисэхийн үндэсний төвийн Нисэх буудлуудын үйлчилгээний газрын дэд даргаар ажиллаж байгсан юм.

С.МӨНХНАСАН 335 САЯ ТӨГРӨГИЙН ДӨРВӨН МАШИН, 472 САЯ ТӨГРӨГИЙН ХАДГАЛАМЖТАЙ

ИНЕГ-ын дарга С.Мөнхсайхан нь 2020 онд хөрөнгө орлогын мэдүүлгээ доорх байдлаар мэдүүлжээ.

Овог: Содномрэнцэн

Нэр: Мөнхнасан

Байгууллага: Иргэний нисэхийн ерөнхий газар

Нийт орлого: 419,519,000 төгрөг

Гэр бүлийн орлого: 17,295,000 төгрөг

Амины орон сууц: Нэг

Нийтийн орон сууц: Дөрөв

Авто зогсоол: Нэг

Орон сууц, барилга байгууламж нийт дүн: 650,000,000 төгрөг

Тээврийн хэрэгсэл: Жийп болон туулах чадвар өндөр, Mercedes Benz, ML350- нэг, жийп болон туулах чадвар өндөр,Toyota, Land Cruiser 200-нэг, том оврын ачааны машин, Hino, Hino- нэг, жижиг оврын ачааны машин,Hyundai, Porter- нэг

Тээврийн хэрэгсэл нийт дүн: 335,000,000 төгрөг

Мал, аж ахуй: Үхэр-тав, Адуу-98, Хурдан удмын адуу-23

Мал, аж ахуй нийт дүн: 189,000,000 төгрөг

Газар: Өмчлөх-0.07га-2, Эзэмших-0.05м2-1

Газар нийт дүн: 9,000,000 төгрөг

Үнэт эдлэл, урлаг, түүхийн үнэт зүйл нийт дүн: 155,000,000 төгрөг

Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн: 472,418,000 төгрөг

Зээл: ОССК

Зээл нийт дүн: 58,000,000 төгрөг

Хөрөнгө оруулалт: ЭМ ЭМ ЭМ ДИ ХХК, Алдтайн Боксит ХХК, "Намнаач" ХХК ХХК, "ЗБЦ" ХХК ХХК, Силкрөүддевелормэнт ХХК, Эрдэнэс таван толгой ХК (0ш)

Хөрөнгө оруулалт нийт дүн: 873,520 төгрөг

Эх сурвалж: Эргэлт.мн

https://ergelt.mn/news/59/single/19673

ИНЕГ-ын дарга С.Мөнхнасан төсвийн 18 сая төгрөгөөр архи худалдан авч, хувийн компанидаа нийлүүлжээ
Tweet
Bolod.mn