Дэлхийн наадмыг хүн болгон цэнхэр дэлгэцээрээ хүлээн авч тамирчдаа уухайлан дэмжиж буй энэ өдрүүдэд Монголын жүдо бөхийн баг тамирчид медалийн салхийг хагалж, олимпийн дэвжээнээс нэг мөнгө, хоёр хүрэл медаль хүртээд байна. Баярт энэ мөчид тамирчиддаа амжилт хүсэн залбирч бас сэтгэл догдлон хүлээж буй жүдо бөхийн шигшээ баг тамирчдын ар талын албаныхны нэг, Монгол Улсын гавьяат эмч, самбо бөхийн ОУХМ, жүдо бөхийн улсын шүүгч Пүрвээгийн Бат-Очиртой уулзаж ярилцсан юм.

Тэрбээр Монголын спортын анагаах ухааны салбарт 40-өөд жил зүтгэхдээ 1996 оны Атлантагийн олимпоос эхлэн таван олимпод жүдо, чөлөөт бөх, боксын баг тамирчдын эмчээр оролцсон, 2014 оноос жүдо бөхийн шигшээ багийн эмчээр ажиллаж байгаа юм.

Жүдочдын арын албаныхан

Олон улсын тэмцээний үеэр. Гэрэл зургийг хувийн архиваас.

Биеийн тамир, спортын улсын хорооны Спортын анагаах ухаан, эрдэм шинжилгээний төв Спортын ордны хоёр давхарт байрладаг. Хүмүүс хөлхөж, хөлс үнэртэж байдаг Спортын төв ордон сүүлийн хоёр жил цар тахлын улмаас заалуудаа хаасан. Энэ удаа ч нам гүм угтав.

Монголын үндэсний шигшээ багийн 10 төрөлд 43 тамирчин Токиогийн олимпод оролцож байна. Тэгвэл шигшээ багийн бүх тамирчныг спортын төрөл болгон дээр бэлтгэх ажилд Спортын анагаах ухааны төвийн эмч, эмнэлгийн ажилтнууд, эрдэм шинжилгээ судалгааны баг ажилласан юм. Тамирчдын эрүүл мэнд, бэлтгэлжилтийн түвшнийг тогтоох, сэтгэл зүйн байдал, хоол зүй гээд амжилт гаргах бүх нөхцөл бололцоогоор хангаж, ар талыг нь даан залбирч суугаа тэд бол тамирчдын найдвартай ар тал. Харин медаль авсан тамирчдын ялалт, амжилтын тухай ярихад тэдний талаар тэр бүр дурдагддаггүй билээ.

Дэлхий нийт асар хурдасч буй техникийн дэвшлийг бүхий л салбарт ашиглаж буйг энэ удаагийн олимп олон талаар харуулж байгаа. Тэгвэл арын албаныхан энэ боломжийг ашиглан нээлттэй цахим ертөнцөд жүдочдынхоо бүх барилдааныг харж, харилцаж, хэн нэгэнд нь ямар нэгэн зүйл хэрэгтэй болоход шууд холбогдон анхаарах зүйлүүдийг нь хэлж зөвлөж байгаа аж.

Хамгийн гол нь тамирчид эрүүл байж мөн тодорхой хэмжээнд өндөр түвшний бэлтгэл хийж байж амжилт үзүүлдэг. Гэмтэл бэртэлтэй байвал спортын амжилт гаргахад төвөгтэй. Энэ удаа манайханд хүндрэлтэй гэмтэл бэртэл байхгүй, хуучин гэмтэл бэртэлтэй тамирчдаа эмчилж, барилдахад тодорхой хэмжээний амжилт гаргах бололцоотой болгож Токио руу үджээ.

Олон олимпод баг тамирчдын эмчээр ажилласан П.Бат-Очир эмчээс энэ удаа Монголын тамирчид ямар амжилттай оролцох тухайд сэтгэгдлийг нь асуухад “Токио-2020 олимпийн наадамд манайхаас эмэгтэй тав, эрэгтэй долоо, нийт 12 жүдочин олимпийн эрх аван оролцож байгаа. Тэд медалийн салхийг хагалаад зогсохгүй гурван медаль ихэрлүүлж авсанд бид баяртай байна. Спортын бусад төрөл, буудлага, бокс, 3х3 сагсан бөмбөг, ширээний теннисийн төрөлд Монголын баг тамирчид амжилттай оролцож байна. Энэ удаагийн олимпийн хувьд дэлхий нийтийг хамарсан цар тахлын үед зохиогдож байна. Сүүлийн хоёр жил тамирчид бэлтгэл хийхэд төвөгтэй байсан. Хөл хорио, хязгаарлалтын дэглэм ойр ойрхон хийж бэлтгэл цугларалт, тэмцээн уралдаан байсхийгээд цуцлагдаж ирсэн. Гэсэн ч биеийн тамир спортын хороо, Улсын шигшээ багаас Нийслэлийн болон Улсын онцгой комисст хандан тусгай зөвшөөрөл авч олимпийн баг тамирчдыг вакум орчинд нэгдсэн бэлтгэлд хамруулж чадсан. Иймд манай баг тамирчид энэ жил бусад олимпийг бодвол медалийн арвин ургацтай ирэх байх” гэлээ.

Нэрт оточийн удам “Эмчийнхэн” овгийнхон

Эмчийнхэн овогт Пүрвээгийн Бат-Очир 1957 онд Увс аймгийн Завхан сумын Шар булаг гэдэг газар мэндэлжээ. Түүний аав ээж эрүүлийг хамгаалах салбарт насаараа зүтгэсэн хүмүүс. Аав Ё.Пүрвээ нь аймгийнхаа төв аптект нярваар ажиллаж байгаад өндөр насны тэтгэвэрт гарсан бол ээж Ч.Авирмэд нь сувилагч мэргэжилтэй. Увс аймгийн нэгдсэн эмнэлэгт 103 түргэн тусламжийн сувилагч, Халдвартын эмнэлэгт мэргэжлээрээ ажиллаж байгаад тэтгэвэртээ гарсан байна. Тэд 10 хүүхэд төрүүлснээс таван хүү, гурван охин тогтсон бөгөөд П.Бат-Очир айлын хоёр дахь хүүхэд юм. Тэрбээр эмчийн мэргэжил эзэмшиж мөн эмч бүсгүйг амьдралын ханиа болгожээ. Түүний хань Ч.Эрдэнэчимэг агсан дотрын эмчийн нарийн мэргэжил эзэмшсэн их эмч байв. Тэднийх хоёр охин, таван зээтэй. Том охин Б.Болор нь Улаанбаатар их сургуулийг англи хэлний багш, орчуулагч мэргэжлээр, бага охин Б.Батчимэг нь Бээжингийн Биеийн тамирын их сургуулийг төгсчээ.

Тэдний дээдсүүд дотор аавынх нь талд нэртэй оточ нар байсны нэг нь нутаг усандаа нэртэй Сэмүүн хэмээх оточ байсан гэнэ. Хойч үеийнхэнд аав, ээж хоёрынх нь аль алины талд эмч мэргэжилтэн олон төрөн гарчээ.

Иймд П.Бат-Очир эмч Монгол Улсын хүн амын ургийн бүртгэлжүүлэлт хийх үеэр ах дүү нартайгаа зөвлөөд “Эмчийхэн” хэмээх овог авчээ. Өмнөх үеэ ч, хойч ирээдүйгээ ч харсан энэ нэр их утга учиртай байснаас ингэж шийджээ. Өнөөдөр тэдний удмаас 10 гаруй хүн эмчийн мэргэжил эзэмшжээ.

Эмч дүү П.Дулмаагийнх нь хүүхэд эмчийн мэргэжил эзэмшин ажлын талбарт гарсан бол араас нь дахин нэг дүүгийнх нь хүүхэд эмч мэргэжлээр суралцаж байгаа гээд удам дамжин ахан дүүсээрээ эрүүл мэндийн салбарт хүчин зүтгэж байна.

Самбо, жүдогийн тамирчнаас спортын анагаах ухааны эмч

Тэрбээр спортын анагаах ухааныг сонирхож түүнд татагдаж орохоос өмнө самбо, жүдогийн тамирчнаар их спортын босгоор алхан оржээ. Спортод өөрөө сонирхолтой учраас Монголд шинэ тутам хөгжиж байсан спортын анагаах ухаан хэмээх шинжлэх ухааныг сонгон авч өнөөдрийг хүртэл 40-өөд жил ажиллаж байна.

Тэрбээр хүүхэд байхдаа 1971 оноос Увс аймгийн “Спорт” нийгэмлэг гэж байх үед улсын начин Лхамаа багшийнхаа секцэд явж эхэлжээ. Харин сургууль дээрээ Жигдэн багшийнхаа удирдлагад дугуйланд хамрагддаг байв. 1973 онд аймгийнхаа наадмаар үндэсний бөхөөр хүүхдийн барилдаанд түрүүлэн Шонхор цол хүртэж, шинэ цүнх, хичээлийн хэрэглэлээр шагнуулсан нь түүний шагналын болон спортоор хичээллэх анхны гараа болжээ. Харин 1975 онд Улаанбаатар хотын Анагаах ухааны дунд сургуулийн оюутан болж намрын ажилд явахдаа одоогийн улсын начин, жүдо бөхийн олон улсын хэмжээний мастер Д.Жанчивдоржтой танилцсан байна.

Залуус намрын ажлын талбарт мөр зэрэгцэн ажиллаж, чөлөөт цагаараа барилдаж, бөх ярьж явсаар хотод ирээд Спортын төв ордонд самбо бөхийн дугуйланд, одоогийн Монгол Улсын гавьяат дасгалжуулагч Д.Баатаржав, Монгол Улсын Хөдөлмөрийн баатар, Ардын багш, гавьяат дасгалжуулагч Ч.Насантогтох нарын удирддаг дугуйланд оржээ. Тухайн үед хамт бэлтгэл хийж байсан тамирчид нь одоогийн Монгол Улсын гавьяат тамирчин Ц.Дамдин, улсын харцага Г.Намсрайжав, спортын мастер н.Батбаатар, Д.Жанчивдорж нар байлаа. Ингэж спортын алдартнуудтай хамтдаа бэлтгэл хийсний хүчинд самбо бөхийн спортын мастер, олон улсын хэмжээний мастер, жүдо бөхийн улсын шүүгч болж хот, улс, олон улсын болон нэрэмжит тэмцээний алт, мөнгө, хүрэл медаль 30 гаруйг хүртсэн хэмээн П.Бат-Очир эмч ярих дуртай. Анагаах ухааны дунд сургуульд суралцах хугацаандаа тэрбээр сургуулийнхаа бөхийн дугуйланг удирдан хичээллүүлснээр оюутан бөхчүүд хот, улс, олон улсын тэмцээнүүдэд амжилттай оролцон алт, мөнгө, хүрэл медаль авч, өөрөө “Анагаахын Бат-Очир”, “Хоршоолол” нийгэмлэгийн “Буржгар Бат-Очир” хэмээн нэрлэгдэж, насанд хүрэгчдийн улсын аварга шалгаруулах тэмцээнийн гурван мөнгө, дөрвөн хүрэл медаль, олон улсын тэмцээнээс таван хүрэл медаль, Бүх ард түмний VIII спартакиадын хүрэл медаль хүртжээ.

Түүнийг Анагаах ухааны дунд сургуульд байхад оюутнуудыг Эмнэлэг биеийн тамирын диспансерт эрүүл мэндийн үзлэг оношлогоо, сорилт үзлэгт байнга хамруулдаг байв. Тухайн үед Монгол Улсын гавьяат эмч, анагаах ухааны доктор, профессор, Монгол Улсын арслан П.Дагвасүрэн багш нь спортод сонирхолтойн дээр анагаахын чиглэлээр суралцаж байгаа оюутан гэдгийг нь судалж мэдээд өөрийн гарын шавь болгожээ. П.Дагвасүрэн арслан бол Монголын спортын анагаах ухааны нэгэн үеийн хөгжлийг тодорхойлсон хүн юм. Тэгвэл манай зочин түүний гарын шавь нарын нэг болж нарийн мэргэжил эзэмшсэн Монголын олимпийн хорооны ерөнхийлөгч агсан Д.Загдсүрэн нарын анхны цөөн хүний нэг бөгөөд одоо ч Монголын спортын анагаах ухааны салбарт П.Дагвасүрэн арслангийн шавь нар зүтгэж явна.

П.Бат-Очир эмч 1978 онд сургуулиа төгсч бага эмчээр найман жил ажилласны дараа АУДэС-д суралцжээ. Төгсөхдөө “Спортын анагаах ухааны чиглэлээр цаашид ажиллах хүсэлтэй байна” хэмээн Эрүүлийг хамгаалахын сайд Нямдаваад өргөдөл гаргасныг нааштай хүлээн авч Эрүүлийг хамгаалах яамны харъяа Эмнэлэг биеийн тамирын диспансерт ажиллуулахаар дахин томилсноор П.Бат-Очир эмч спорт, спортын анагаах ухаан хоёртой насаараа холбоотой явах зам, заяа хоёроо дагажээ.

“Шигшээ багийн олимпод оролцдог төрлүүдийг бүгдийг нь хариуцаж ажиллаж үзсэн”

Монгол Улсын гавьяат тамирчин М.Уранцэцэгийн хамт.

Спортын эмч болоод тэрбээр олимпийн цикль болгонд Үндэсний шигшээ багийн тамирчдын оролцдог томоохон төрлүүдийг бүгдийг хариуцан ажиллаж үзжээ. Тухайлбал, 1996 онд АНУ-ын Атланта зуны XXVI олимпийн наадам, 2000 онд Австралийн Сидней хотод зуны XXVII олимпийн наадам, 2008 онд БНХАУ-ын нийслэл Бээжин хотод зуны XXIX олимпийн наадам, 2012 онд Английн Лондон хотноо зуны XXX олимпийн наадам, 2016 онд Бразилийн Рио Де-Жанеро хотод зуны XXXI олимпийн наадамд тэрбээр тамирчдынхаа хамтаар “зодоглосон” эмч юм. Харин энэ удаа “Токио-2020” олимпийн наадамд жүдо бөхийн шигшээ багийн баг тамирчдын эрүүл мэндтэй холбоотой бүх бэлтгэлийг хангаж өгөөд үлджээ. Үүний зэрэгцээ жүдо, самбо, чөлөөт бөх, боксын төрлүүдийн тивийн аварга, дэлхийн аварга, дэлхийн цомын аварга шалгаруулах тэмцээнүүдэд 60 гаруй удаа оролцож, Монгол Улсын багийн эмчээр ажилласан амжилтын түүх түүнд бий. 1997 онд БНСУ-ын Бусанд болсон Зүүн Азийн II наадам, 2010 онд Хятадын Гуан-жаод болсон зуны Азийн наадам, 2013 онд Хятадын Нажин хотод болсон хүүхдийн зуны Азийн анхдугаар наадам, 2018 онд Индонезийн Жакарта хотод болсон Зүүн Азийн наадамд тус тус оролцсон байна.

П.Бат-Очир эмч хэлэхдээ “Монгол хүний ген, бие бялдрын онцлог улсынхаа газар зүйн байдал, цаг агаарын нөхцөлтэй зохицсон учраас аливааг хурдан сэтгэдэг, IQ өндөртэй, бие бялдрын хөгжил сайтай. Иймээс спортын аль ч төрөлд амжилт гаргах боломжтой. Дээрээс нь цаг агаарын нөхцөлтэй холбоотой юм уу, хүмүүсийнх нь тэсвэр тэвчээр сайн. Хүн ам цөөхөн ч гэсэн бусад улс оронтой харьцуулахад тэдэнтэй адил түвшинд тэнцүү өрсөлдөх чадвар өндөртэй байдаг учраас манай тамирчид спортын төрлүүдэд амжилт гаргаад байна гэж спортын анагаах ухааны үүднээс би үздэг” хэмээсэн. Заяамал энэ өгөгдөл дээр хүн эрүүл байж, байнгын бэлтгэл сургуулилтыг зөв хийснээр амжилтад хүрэх нь ойлгомжтой юм.

Түүнийг баг тамирчдын эрүүл мэндийг хариуцан ажилласан он жилүүдэд дэлхийд хүлээн зөвшөөрөгдсөн олон шилдэг тамирчин төрж гарсан байдаг. Тэрбээр 1992-2000 онд бөхийн самбо, жүдо барилдааны төрлийг хариуцан ажилласан бөгөөд “Атланта-1996” олимпийн наадамд анх жүдо бөхийн багийн эмчээр ажиллахад Монгол Улсын гавьяат тамирчин Д.Нармандах 60 кг-ын жинд хүрэл медаль хүртсэн түүхтэй. 2000 оны Сиднейн олимпод Д.Нармандах, П.Нямлхагва, Х.Болдбаатар нарыг хариуцсан эмчээр ажилласан бөгөөд Монгол Улсын гавьяат тамирчин Х.Болдбаатар шагналт байрт орж байв. 2008 оны Бээжингийн олимпод бөхийн чөлөөт барилдааны баг тамирчдыг хариуцаж, Монгол Улсын гавьяат тамирчин Б.Наранбаатар шагналт байрт орсон бол 2012 оны Лондоны олимпод тэрбээр боксын спортын төрлийг хариуцаж орсон бөгөөд Монгол Улсын гавьяат тамирчин Н.Төгсцогт мөнгө, У.Мөнх-Эрдэнэ хүрэл медаль хүртсэн юм. 2016 оноос П.Бат-Очир эмч бөхийн жүдо барилдааны үндэсний шигшээ багтаа эргэн ирж тамирчдын эрүүл мэндийг хариуцсан эмчээр дахин ажиллаж байгаа бөгөөд Токиогийн олимпоос жүдочид гурван медаль хүртсэн нь тэдний хамтын зүтгэлийн үр шим билээ.

Торгон агшин, хөгжилтэй түүхүүд

Багийн эмч байна гэдэг тэмцээн уралдаан, бэлтгэл цугларалтад ажиллах явцад тамирчдад байнга анхаарал тавьж, харж хандах үүрэг хүлээсэн амаргүй ажил. Тамирчид жин хасах, ядрах, гэмтэл бэртэл авсан тохиолдолд яаралтай тусламж үзүүлж, байнга хяналт тавьж, шаардлагатай тохиолдолд жижүүрлэх шаардлага ч гарна. Үүний хажуугаар ажил, мэргэжилтэй холбоотой хөгжилтэй түүх, тэмцээн уралдааны торгон агшнууд дурсамж болсон үйл явдал ч зөндөө. Хэрэв бүгдийг бичиж тэмдэглэж байсан бол уншихад амттай, бас санаа авууштай зүйлээр дүүрэн ном ч болж мэдэх юм хэмээн П.Бат-Очир эмч дурссан. Заримаас нь дурдвал 1996 онд Атлантагийн зуны XXVI их наадамд жүдо бөхийн тамирчин Д.Нармандах, Цогтбаяр, Сэргэлэнбаяр нар жин хасч оржээ. Жин хасч байгаа тамирчдыг байнга харж хянаж байхгүй бол шөнө нойрмог босоод ус уучих тохиолдол гарна. Тухайн үед 57 кг-д барилдахаар жин хасч байсан Цогтбаяр шөнө нойрондоо урт хонгилоор явсаар том баллонтой ус тэврээд ирж байсан тохиолдол гарч байв. Түүнийг нь уулгахгүйн тулд авч хойш нь тавиад тамирчнаа тайвшруулж унтуулж байжээ.

Мөн Д.Нармандах олимпийн хүрэл медалийн болзол хангасан агшны гэрэл зурагт П.Бат-Очир эмчийн зураг хамт гарсан нь 1996 оны Атланта олимпийн шилдэг гэрэл зургаар шалгарч байсан удаатай. 2012 оны Лондоны олимпийн наадамд боксын тамирчдыг хариуцаж байхад нь Н.Төгсцогтын жин хасагдахгүй, 2-3 удаа саунд оруултал хасах бүү хэл жин нэмэгдээд байж. Шалгаад үзтэл нойтон алчуур норгож тавиад усыг нь шимээд байсан учраас жин нь буухгүй байсныг мэдэж зохицуулж байсан бол Н.Төгсцогтыг алтан медалийн төлөө тоглох гэж байхад толгойг нь барьж тайвшруулж байгаа агшин олимпийн шилдэг гэрэл зургаар шалгарч Швейцарын Лузанн хот дахь Олимпийн музейд тавигджээ.

Олимпийн наадмууд, олимпод оролцдог шигшээ багийнх спортын төрөл бүрийн талаар сонирхолтой баримт, хөгжилтэй түүх хуучлах Монгол Улсын гавьяат эмч, самбо бөхийн ОУХМ, жүдо бөхийн улсын шүүгч П.Бат-Очир гуай арвин их дурсамжтай юм. Монголын тамирчид дээхнэ үед ганц эмчтэй, тэр нь сэтгэлзүйч, массажист, сувилагч, хоолзүйч, бэлтгэлжилтийн байдалд үнэлэлт дүгнэлт өгөх, түүндээ үндэслэн эмчилгээний арга боловсруулах гээд бүх ачааг үүрдэг байсан. Тэгвэл энэ бүхнийг шинжлэх ухааны үндэслэл, судалгаатай болгон улам боловсронгуй болгох чиглэлээр Засгийн газраас Спортын анагаах ухааны төвд анхаарал хандуулан ажиллаж байгаа юм байна. Гэхдээ л спортын анагаах ухааны чиглэлд сэтгэл зүтгэлээ зориулсан эмч нарын ажил онцлогтой юм. Клиникийн эмч нар өглөө ажилдаа яваад орой гэртээ ирж, сард нэг удаа жижүүрт гардаг бол тэд өөр. Шигшээ багийн тамирчид хаана бэлтгэлд гарна, хаашаа тэмцээн уралдаанд явна тэнд хамт явах үүрэгтэй. Нэг удаагийн бэлтгэл 14-21 хоног байвал тэр хугацаагаар явна гэсэн үг. Тэр болгонд ар гэрт орон зай нь үлдэнэ.

Ханьдаа түшиг болж, үр хүүхдээ өсгөх, амьдралаа авч явах өрхийн тэргүүний үүргийг эхнэр нь хүлээнэ. Ар гэртээ санаа зовохгүй явж байж тэдний ажлын үр дүн гарна. Энэ олон жилүүдэд П.Бат-Очир эмчийн ар талыг дааж, найдвартай түшиг нь болж, өдий зэрэгтэй явуулсан хүн бол түүний хань байсан бөгөөд өнгөрсөн хавар өвчний учир таалал төгсчээ. Эмч хүн ханиа өвчнөөр алдах, бусдыг аюулт өвчнөөс авардаг “цагаан нөмрөгтэй баатар” өөрөө хүнд өвчний эсрэг хэчнээн тэмцээд тэнгэрт одох нь хэчнээн гуниг харуусалтай вэ хэмээн цахим орчинд мэргэжил нэгт нөхөд нь, ач тусыг нь авч явсан хүмүүс сэтгэгдэл үлдээснийг энэ дашрамд олж үзээд элэг эмтэрч байв. Алтан гарт эмчдээ баярлалаа гэсэн үгийг бид байнга хэлдэг. Энэ үгээр энэхүү нийтлэл, сурвалжлагаа жаргаая. Эмч тандаа баярлалаа. Монголын баг тамирчдын медалийн ургац арвин байх болтугай.

Ч.Үл-Олдох

Эх сурвалж: “Зууны мэдээ” сонин

Таван олимпод “зодоглосон” эмч
Tweet
Bolod.mn

Сэтгэгдэл (0)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Мэдээ
Гадаад мэдээ
Видео

Ой хээрийн хоёр түймрийг бүрэн унтраалаа
17:04

Өнөөдөр хоёр гал түймрийг бүрэн унтраасан талаар ОБЕГ-аас мэдээллээ.

»»

Өвөр Монголын цөлийг зассан туршлага
15:40

Энэ жил “Гурван умард” төсөл хэрэгжиж эхэлсний 47 жилийн ой тохиож байна. Хагас зуун жил үргэлжилсэн уйгагүй хөдөлмөрөөр Өвөр Монгол орон эх орныхоо хойд хилд нуршгүй ногоон хэрэм босгож, улс орны экологийн аюулгүй байдлыг үр ашигтайгаар баталгаажуулсан юм.

Харилцаа хамтын ажиллагаагаа гүнзгийрүүлж, Хятад Монголын найрамдлын түүхийг өгүүлнэ
15:39

6-р сарын 10-нд Хятад, Монголын хэвлэл мэдээллийн Хүбэй муж, ӨМӨЗО дахь хамтарсан сурвалжилгын арга хэмжээний нээлтийн үеэр Бүх Хятадын Сэтгүүлчдийн Нийгэмлэг болон Монголын СНЭ-ыэ дарга нар захидал илгээж, хамтарсан сурвалжилга амжилттай эхэлсэнд баяр хүргэжээ.

Хятад, Монголын хэвлэл мэдээллийнхний хамтарсан сурвалжилга эхэллээ
15:38

Хятад, Монголын хэвлэл мэдээллийн хэрэгслүүдийн Хүбэй, ӨМӨЗО дахь "Боломжоо хуваалцан, хамтдаа хөгжье" хамтарсан сурвалжилгын үйл ажиллагаа ӨМӨЗО-ны Тунляо хотод 6-р сарын 10-ны үдээс хойш эхэллээ. Энэхүү арга хэмжээг БХСН, БНХАУ-аас Монгол Улсад суугаа ЭСЯ, Монголын СНЭ хамтран гүйцэтгэж, ӨМӨЗО-ны Ардын засгийн газрын хэвлэл мэдээллин алба, Хүбэй мужийн Ардын засгийн газрын хэвлэл мэдээллийн алба хамтран зохион байгуулж буй юм.

Шэнь Миньжуань:Хятад, Монголын хүмүүнлэгийн солилцооны агуулгыг баяжуулж, найрамдлыг бэхжүүлнэ
15:37

БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуань Хятад, Монголын хэвлэл мэдээллийн хамтарсан сурвалжилгын арга хэмжээнд захидал илгээж, Бүх Хятадын сэтгүүлчдийн нийгэмлэг, БНХАУ-аас Монгол улсад суугаа Элчин Сайдын Яам, Монгол Улсын СНЭ, ӨМӨЗО-ны ардын засгийн газрын хэвлэл мэдээллийн алба, Хүбэй мужийн ардын засгийн газрын хэвлэл мэдээллийн албанаас хамтран зохион байгуулж буй Хятад, Монголын сэтгүүлчдийн Хүбэй, Өвөр Монгол дахь хамтарсан сурвалжилгын ажиллагаа эхэлсэнд баяр хүргэв.

Хятад улс сансар судлалын өдрөөрөө Хятад маягийн сансар судллын шинэ аяллаа эхлүүлэв
15:36

4-р сарын 24-ний өдөр бол Хятадын сансар судлалын арав дах өдөрлөг юм. Энэ өдөр мөн Хятад улсын анхны хиймэл дагуул "Дүнфанхүн-1"-ийг амжилттай хөөргөсний 55 жилийн ой юм. Энэ өдөр "Шэньжөү-20" нисэгчтэй сансрын хөлгийг хөөргөж, орчлон ертөнцийг судлах шинэ аяныг дахин эхлүүлсэн юм.

Өнөөдөр бид бүгдээрээ одон орон сонирхогчид болсон. 04-р сард бид сансрын нисгэгчиддээ хүндэтгэл үзүүлэх ёстой, уудам орчлонгийн нууцыг тайлж, сансрын нисгэгчдийн бичсэн хятад маягийн романтикийг мэдрэх ёстой.

Супер хиймэл оюун бүтээх лаборатори байгуулжээ
14:53

НЬЮ-ЙОРК, 2025 оны долоодугаар сарын 1 /Bloomberg/. Өгөгдсөн даалгаврыг хүний түвшинд эсвэл бүр илүү сайн

»»

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна
14:31

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна

»»

Ерөнхий Сайд Г.Занданшатар: Засгийн газар үнэнч, ил тод, хариуцлагатай байх зарчмыг тууштай баримтлана. Хөрөнгө оруулагчдад ээлтэй бодлого хэрэгжүүлж, тэдний эрх ашгийг хамгаалж ажилллана
13:57

Монгол Улсын Ерөнхий сайд Г.Занданшатар гадаад улсаас Монгол Улсад суугаа дипломат төлөөлөгчийн газар болон олон

»»

Ганцмод-Гашуунсухайт боомтын хил дамнасан төмөр замын шав тавилаа
12:55

Хятад, Монголын уламжлалт анагаах ухааны эмчийн ур чадварыг дээшлүүлэх сургалт болов
12:37

Эрч хүчтэй залуу насаа хайрлая
12:00

Найруулагч:	С.УРЬХАН
Эх сурвалж:	СОЛОНГО

Уламжлалт заслаар бяцхан охины ”Нойрмог”нүдийг сэргээлээ
11:50

Зохиогч:	Ц.Урантунгалаг,Б.Сурнаа
Найруулагч:	Б.СУРНАА
Эх сурвалж:	solongonews.mn

2025 онд ахмад настанд амралт, сувиллын үйлчилгээ үзүүлэх байгууллагын жагсаалт гарлаа
09:57

Ахмад настны тухай хуулийн 8 дугаар зүйлийн 8.1.2-т заасан эрхийн бичгийн хөнгөлөлттэй үнээр ахмад настанд амралт,

»»

Дональд Трампын дэвшүүлсэн хуулийн төслийг Маск дахин шүүмжлэв
09:25

Зургадугаар сарын 28-ны өдөр Америкийн бизнес эрхлэгч Элон Маск АНУ-ын Ерөнхийлөгч Д.Трампын дэвшүүлсэн "том мөртөө

»»

Аутизмын хүрээний эмгэгийн оношилгоог эрт илрүүлж, эмчлэх боломж нээгдлээ
15:34

”Монгол Улсад эмчлэгдэх боломжгүй өвчлөлийг бууруулах” бодлогын хүрээнд СЭМҮТ-ийн нарийн мэргэжлийн хүүхдийн

»»

Баруун Европ даяар хэт халж байна
15:25

БЕРЛИН, 2025 оны зургаадугаар сарын 30 /DW/. Өнгөрсөн амралтын өдрүүдэд Баруун Европын орнуудад агаарын хэм

»»

Blue Origin жуулчдыг сансарт аялуулжээ
12:44

НЬЮ-ЙОРК, 2025 оны зургаадугаар сарын 30 /TASS/. Америкийн “Blue Origin” компани сансрын дэд тойрог замд

»»

Хөх хот Улаанбаатар чиглэлд шууд нислэг үйлдэнэ
10:25

Хөх хот Улаанбаатар чиглэлд шууд нислэг үйлдэнэ

»»

Улаанбурханы товлолт дархлаажуулалтад бүрэн хамрагдаагүй хүүхдүүдийн гэрт нь очиж вакцин хийнэ
09:49

Улаанбурханы нөхцөл байдалтай холбоотойгоор дархлаажуулалтыг эрчимжүүлэхээр болоод байна.

»»

"Багийн бага сургууль"-д хувийн хэвшлийнхэн хөрөнгө оруулна
09:24

Боловсролын яам, НҮБ-ын Хүүхдийн Сангийн хамтын ажиллагааны хүрээнд хэрэгжүүлэх “Багийн бага сургууль” санаачилга албан ёсоор эхэллээ.

»»

"Түймрээр эхээсээ өнчирсөн хоёр янзагыг хариуцлагатай айлд хүлээлгэн өгнө"
09:16

Сэлэнгэ аймгийн Алтанбулаг сумын ойн түймэрт өртөж, эхээсээ өнчирсөн 2 янзагыг өөрсдийн нутагт нь амьдардаг

»»

С.Молор-Эрдэнэ Монголчуудтай “таарсан” анхны философич гэж үү?
08:58

Олон нийтийн анхаарлын төвд байдаг хүмүүсийн нэг бол философич С.Молор-Эрдэнэ . Тэрээр “Монголчууд анх удаа л

»»

“GEM Mall”-д эхнэрээ хутгалж хөнөөсөн хэрэг гарлаа
08:07

Өнөөдөр Баянгол дүүргийн 6 дугаар хорооны нутаг дэвсгэрт байрлах “GEM Mall” худалдааны төвд эмэгтэй хүнийг

»»

Дорнодын түймрийг унтрааж, Хөвсгөл, Сэлэнгэ, Булган аймагт гарсан 7 түймрийг цурамд оруулжээ
19:16

Дорнод аймгийн Баян-Уул сумын Өвөр эрээн багийн “Тарам” гэдэг газар өчигдөр буюу энэ сарын 26-нд гарсан ой,

»»

Ерөнхий Сайд Г.Занданшатар Хүнс, Хөдөө Аж Ахуй, Хөнгөн Үйлдвэрийн салбарын цаг үеийн ажлын талаар УИХ-д мэдээлэл хийлээ
19:14

Монгол Улсын Ерөнхий сайд Г.Занданшатар хүнс, хөдөө аж ахуй, хөнгөн үйлдвэрийн салбарын цаг үеийн

»»

Японд ажлаас үүдэлтэй сэтгэцийн өвчлөл дээд хэмжээнд хүрчээ
18:24

ТОКИО, 2025 оны зургаадугаар сарын 27 /NHK/. Японд ажилтай холбоотой сэтгэцийн эрүүл мэндийн асуудлаар

»»

Төр нийгмийн нэрт зүтгэлтэн Жамсрангийн Самбуугийн алдар гавьяаг мөнхжүүллээ
17:31

АРД ОЛОНДОО МОНГОЛ ТӨРИЙН МЭРГЭН ӨВӨӨ ХЭМЭЭН АЛДАРШСАН ТӨР, НИЙГМИЙН НЭРТ ЗҮТГЭЛТЭН

»»

Хятад-Төв Азийн олон улсын соёл аялал жуулчлалын анхны галт тэрэг Ши-Аниас аялж эхэллээ
16:23

Энэ онд Казахстаны "Хятадын аялал жуулчлалын жил" тохиож байна. Хятад, Казахстаны соёлын солилцоог дэмжиж, Хятад, Төв Азийн орнуудын дэд бүтцийн холболтыг гүнзгийрүүлэх зорилгоор өчигдөр Хятадын Ши-Ань хотоос Казахстаны Алматы хот чиглэлийн Хятад-Төв Азийн олон улсын соёл аялал жуулчлалын тусгай галт тэрэгний анхны галт тэрэг Ши Ань өртөөнөөс хөдөллөө. Тусгай галт тэрэг Шааньши, Ганьсу, Шиньжян зэрэг муж, өөртөө засах орныг дайран өнгөрч, Хоргос боомтоос хил гарч, 05-р сарын 31-нд Алматы хотод ирэх төлөвтэй байна.

»»

Долоодугаар сарын барилдааны хуваарь
16:03

Долоодугаар сарын 11-12-нд Ардын хувьсгалын 104 жилийн ой, Үндэсний Их баяр наадам хүчит 512 бөхийн брилдаан,

»»

НҮБ: Дэлхий даяар мансууруулах бодис хэрэглэгчдийн тоо нэмэгджээ
15:56

ВЕНА, 2025 оны зургаадугаар сарын 27 /DW/. Дэлхий дахинд тогтворгүй байдал нэмэгдэж буй энэ үед мансууруулах

»»

Хүний эрхийн дэд хороо: Гадаад улсад зорчиж буй, ажиллаж, амьдарч байгаа иргэдийн эрхийг хамгаалах чиглэлээр шийдвэр гаргав
13:48

БНСУ-д оршин суугаа иргэд болон хил, гааль дээрээс буцаагдаж байгаа, хүний эрхийн зөрчилд орж байгаа гэх мэдээллийн дагуу хэлэлцлээ.

»»

АНУ, Хятад улс худалдааны хэлэлцээр байгуулжээ
13:46

ВАШИНГТОН, 2025 оны зургаадугаар сарын 27 /TASS/. АНУ энэ сарын 25-нд БНХАУ-тай худалдааны шинэ

»»

Labubu хүүхэлдэй хэрхэн дэлхий нийтийг байлдан дагуулах болов?
11:43

Сүүлийн үед “Labubu” гэсэн нэрийг сонсоогүй хүн гэж бараг байхгүй болов уу. Гудамжинд зөрөөд өнгөрөх бараг хүн бүрийн

»»

Хуурамч зар байршуулан иргэдийг залилсан этгээдийг баривчилжээ
11:17

Мөрдөн байцаах албаны Залилах гэмт хэрэгтэй тэмцэх газар, Баянхонгор аймгийн цагдаагийн газрын алба хаагчид

»»

Х.Нямбаатар: Эвдэрсэн замыг гүйцэтгэгч байгууллагууд руу шаардлага хүргүүлэн өөрсдийн хөрөнгөөр нь засварлуулна
10:47

Дулааны шугам засах ажлын хүрээнд, нийслэлээс шинэчилсэн явган хүний болоод авто замуудыг хуулж, эргээд хучихдаа

»»

Өмнөговийн Гурвантэст үер бууж, 4 гэр, нэг машин усанд автжээ
10:25

Өмнөговь аймгийн Гурвантэс сумын Шугшаа, Мөргөцөг, Тост, Хөв, Мод үржүүлэг хорооллуудад 06.25-ны өдрийн 15:05-16-20

»»

Кенид улс даяар жагсаал болж, 16 хүн амь үрэгджээ
10:16

“Amnesty Kenya” байгууллага мэдэгдэл хийхдээ лхагва гарагт /2025.06.25/ улс даяар явагдсан засгийн газрыг эсэргүүцсэн

»»

Интерполын шугамаар эрэн сурвалжлагдаж иргэн “А”-г баривчилжээ
10:15

Мансууруулах бодис улсын хилээр хууль бусаар нэвтрүүлсэн гэх эрүүгийн хэрэгт Интерполын шугамаар олон улсын

»»

Төмөр замаар нүүрс тээвэрлэх урт хугацааны гэрээний "анхны тээвэр" хөдөллөө
10:05

“Монголын төмөр зам” ТӨХК болон “Чайна Энержи Коксжих нүүрс (Тяньжин)” ХХК хоорондын нүүрс тээвэрлэлтийн урт

»»

Д.Мөнх-Эрдэнэ, Ж.Энхжаргалан нарт оногдуулсан анхан шатны шүүхийн шийдвэрийг хэвээр үлдээлээ
08:43

Иргэн Д.Мөнх-Эрдэнэ, "Төв цэнгэлдэх хүрээлэн"-гийн гүйцэтгэх захирал Ж.Энхжаргалан нар нэг нэгэндээ салаавч гаргаж,

»»

Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзав
15:31

Монгол Улсын Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзлаа.

»»

Парист орсон хүчтэй аадар борооны улмаас RER галт тэрэгний буудал усанд автжээ
14:12

Парист орсон хүчтэй аадар борооны улмаас RER галт тэрэгний буудал усанд автжээ. Улсын хэмжээнд хэт халалтын улмаас аадар бороо үргэлжилж, сүүлийн өдрүүдэд агаарын хэм 40°C давжээ.

»»

Х.Нямбаатар: Олон жил гацсан, хогийн цэг болсон барилгуудыг буулгаж, чөлөөлнө
14:00

Нийслэлийн Засаг дарга бөгөөд Улаанбаатар хотын Захирагч Х.Нямбаатарын дөрөвдүгээр сарын 3-ны өдрийн дүүрэг,

»»

Ж.Чинбүрэн: Улаанбурхан өвчний халдвар ковидоос ноцтой
12:05

Ерөнхий сайд Г.Занданшатар өчигдөр /2025.06.21/ ХӨСҮТ-д ажиллалаа. Энэ үеэр Эрүүл мэндийн сайд Ж.Чинбүрэн

»»

Хөрш улсын залуусыг гайхшируулсан аялал
11:49

Хятад, Монгол хоёр орон стратегийн хамтын ажиллагааны харилцаатай мөнхийн найрсаг хөршүүд. Бид хөрш оронтойгоо хамтран ажиллах нь гарцаагүй. Саяхан Монгол Улсын Их Хурлын гишүүн Г.Очирбат БНХАУ-д айлчлах үеэрээ Монголын компаниуд Хятадад ирж хамтран ажиллах талаар яриа хэлэлцээ өрнүүлнэ гэдэгт итгэлтэй байгаагаа илэрхийлсэн юм.

»»

”Хятадтай танилцах аялал” олон улсын хэвлэл мэдээллийн солилцооны баг Улаанцав хотод айлчиллаа
11:41

Хятадын Кибер орон зайн удирдлагын сүлжээний харилцааны товчооноос удирдаж, Хятадын олон нийтийн дипломатын нийгэмлэг болон Глобал сүлжээнээс санаачлан, ӨМӨЗО-ны интернэт мэдээллийн албанаас зохион байгуулсан 2025 "Хятадтай танилцах аялал" олон улсын хэвлэл мэдээллийн солилцооны баг 05-р сарын 14-ны өдөр Улаанцав хотод айлчиллаа.

»»

Өчүүхэн дүүрэн
11:38

“Өчүүхэн дүүрэн” нь жил бүрийн аргын тооллын 05 дугаар сарын 20-22-ын өдрүүдэд тохиодог бол энэ жилийн хувьд 21-ний өдөр тохиох аж.

»»

Хятад улс хөрөнгө оруулалт, хамтын ажиллагааны чухал орон хэвээр байна
11:34

Дэлхийн эдийн засгийн форумын гүйцэтгэх захирал Лян Жиньхүйтэй хийсэн ярилцлага.

Дэлхийн эдийн засгийн форумын “Шинэ аваргуудын” XVI уулзалт /“Зуны Давосын форум”/ өнөөдөр буюу 06-р сарын 24-ний өдөр болж байна. Тус форум “Шинэ эриний бизнес эрхлэлт" сэдвийн дор 06-р сарын 24-нөөс 26-ны өдрүүдэд Хятадын Тяньжинь хотод болно. Нийт 90 гаруй улс орон, бүс нутгаас ирсэн 1800 гаруй зочид энэхүү форумд оролцлоо. Энэхүү тохиолдолд тус форумын гүйцэтгэх захирал, Их Хятадын бүсийн дарга Лян Жиньхүй Синьхуа агентлагт ярилцлага өгсөн байна.
Лян Жиньхүй:

- Энэ форум хэдийгээр дэлхийн эдийн засагт тодорхойгүй байдалд байгаа нөхцөлд зохион байгуулагдаж байгаа ч оролцогчдын тоо түүхэн дээд хэмжээнд хүрэх төлөвтэй байна. Энэ нь олон улсын компаниуд болон хөрөнгө оруулагчид Хятад, Азийн зах зээлийг сонирхож буйг бүрэн харуулж байна. Тэд хиймэл оюун ухаан, дэвшилтэт үйлдвэрлэл, эрүүл мэнд зэрэг салбарт хамтран ажиллах боломжийг идэвхтэй эрэлхийлж байна.

Тэрээр улс орон, бүс нутгийн хөрөнгө оруулалтын орчныг авч үзэхдээ бодлогын уялдаа холбоо, тууштай байдал, хүний нөөцийн хүртээмж, технологийн бэлэн байдлыг анхаарч үзэх хэрэгтэй. Миний бодлоор Хятад, Азид тохирох хүчин зүйл нэлээд хүчтэй байна. Хятад улс хөрөнгө оруулагчид болон бизнесийн түншлэлд таатай орчныг бий болгосон.