Сонгуулийн ажил үргэлжилсээр. Залуус дор бүрнээ ажлаа маш нямбай хийж байв. Нэг өдөр сонин тараах ажилд Уртаа Баатар хоёр явж байтал Толгойтын эцэст нэгэн залуухан бүсгүй гуйлга гуйж суув. Царай зүс өмссөн зүүсэн үнэхээр аймар ажээ. Ийм залуугаараа яаж яваад ийм болчихдог байна гэж түүнийг өрөвдсөн Уртаа түүнд 10 мянган төгрөг өгөхөөр сарвайв. Гэтэл өнөөх бүсгүй амандаа нэг юм үглэн уйлж байв. Айх гайхах зэрэгцэн холдон явах гэтэл

- Уртаа гэж дуудав.
- Хэн бэ гэтэл
- Үнэхээр танихгүй байна гэж үү? Би би..... гээд ихэр татан уйлав. Энэ үед Уртаа гайхан сайн ажиглавал нэгэн танил төрх байх нь тэр.
- Ээ халагаа энэ чинь юу вэ. Яаж ийм юм байж болох вэ? Зулаа чи мөн гэж үү? Гэхэд зогсоо зайгүй уйлах эмэгтэй толгой дохин нулимсаа барьж ядан эхэр татав.
- Үгүй байлгүй дээ. Чамайг эндээс ийм байдалтай ч олох гэж дээ гэх үед Баатараа нэгэн хашааны цаанаас гарч ирээд
- Юугаа хийгээд байгаа юм бэ? Нэртэйгээр нь наадхаа аваад суучихаач. Яасан хоргоогоод байна уу тэгэж л байдаг юм муусайн гуйлгачид гэж орилов. Уртаа энэ үед гараа аман дээрээ бариад чишш гэхэд Баатараа тоосон шинжгүй
- За аливаа хурдал явъя гэж дахин хашгирав.
- Баатараа нааш ирээ.
- Яах гээд байгаа юм бэ. Надад мөнгө байхгүй шүү
- Үгүй мөнгө бишээ чи нааш ир л дээ
- Өө ядаргаатай новшнууд шүү гэж үглэсээр ирээд зог тусав. Ээ бурхан минь би юу харчих нь энэ вэ гэж дуу алдан нүүрээ үрчийлгэн толгойгоо барьлааа.
- Харин тиймээ. Итгэмээргүй юмаа. За за өнөөдөр хоюулаа дуусгая. Зулааг Алимаагийн гэрт аваачъя
- Алимаа байхгүй тэнэгээ
- Түлхүүрээ надад өгсөн юмаа
- Алимаа яагаад чамд....
- За за дараа ярья явъя гээд тэр гурав такси бариад 10 дугаар хороололруу явлаа.
Алимаагийнд очоод Баатар гаднаас хоол захиалж авч ирэв. Зул усанд ороод Алимаагийн хаях гэж орхисон байсан муу хувцаснаас өмслөө. Одоо л Зулаа шиг харагдаж байлаа. Уртаа болон бусдын таамаг үнэн болж Зулаа урваагүй байжээ. Юу болсон талаар асуумаар байвч энэ хүн нилээдгүй хугацааг ийм байдалтай өнгөрүүлсэн болохоор түүнд хэцүү байгаа нь ойлгомжтой. Уртаа нөгөө ханан дахь зургийг авч
- Зулаа чи нууц дугаарыг нь мэдэж байгаа байх. Алимаа энд чиний бичиг баримтыг үлдээсэн гэсэн гэхэд. Зулаа ухасхийн босоод нууц дугаар оруулан нээхэд бичиг баримт нэг захиа бас нилээн нилээн хэдэн боодол мөнгө хийсэн байж. Энэ бүхнийг яагаад ингэж хийснийг хэн мэдэх билээ. Магадгүй Зулааг ирнэ гэж мэдэж байсан эсхүл зүгээр л найдлага тээж байсан байж болох юм. Алимаа үнэхээр айхтар аж. Хэн ч түүн шиг ийм өгөөмөр байж чадахгүй шүү дээ.
- Эрка намайг ирнэ гэж хүлээж байж. Ингэхэд Эрка зайсандаа байгаа юм уу гэж нэхэн асуухад Баатараа өрсөн хариулах гэсэн шиг
- АНУ явсан. Яваад ердөө нэг долоо хоног өнгөрч байна.
- Тийм үү
- Тиймээ тэр хэрэг дууссаны дараа бид чамайг буруугаар бодож байлаа. Гэхдээ бүх зүйл намжсины дараа эргээд бодоход яавч тийм биш санагдсан юм. Харин чамтай ингэж таарна гэж ёстой төсөөлсөнгүй.
- Тийм байна аа. Эрка захиандаа дурьдсан байна.
Сайн байна уу хонгорхон охин Алимаа минь. Чи минь Зулаа нэрээр хаана явааг мэдэхгүй ч хэзээ нэг өдөр бид уулзана гэж найдаж байна. Анх таван жилийн өмнө чи тэр караокед ирэхэд би чамайг тусгайлан авч уулзаж байсныг санаж байгаа биздээ. Бидний хэрэг бүтсэн шүү. Чи минь чадах бүхнээ хийсэн. Бас чи бид хоёр ярьдаг байсан даа. Эрх чөлөөний орон Америкруу хамт явна гэж. Чамайг байхгүй болохоор би ганцаараа явчихлаа. Тэгэхдээ ганцаардаас айгаад чиний надад өгсөн жижиг бамбаруушийг авсан байгаа байгаа дэргэд байгаагаар санана. Хэрэв чамд минь энэ захиа хүрдэг л юм бол над дээр заавал ирээрэй. Найз нь чиний бичиг баримт бас луйварчидаас салгасан мөнгөнөөс хувь үлдээсэн. Бусдыг би сайн үйлс хийсэн шүү. Тэнд чиний минь нэрээр хийгдсэн байгаа. Би чамд огтхон ч эргэлзээгүй шүү найз минь. Манай хэд нарийн ширийн зарим зүйлийг сайн мэдэхгүй болохоор тухайн үед болсон зүйлс дээр чамайг буруутгасан. Гэхдээ тэд сүүлд нь юу гэсэн гээч Зулаа буруугүй байсан гэж хэлсэн шүү. Чи минь энэ захиаг заавал олж уншаасай гэж би бурханаас зөндөө гуйлаа. Түр баяртай миний Алимаа.
Тэр хоёр Зулааг үлдээгээд явахаар болов. Зулаа тэднээс хувцас болон гар утас авч ирж өгөхийг гуйгаад мөнгө өгөв. Тэр сейфэнд Зулаагийн хувь гээд 20 сая төгрөг үлдээсэн байжээ.
Уртаа Баатараа хоёр их дэлгүүр орж хувцас аваад теди орж утас аваад эргээд Зулаад аваачиж өгчихөөд тэр өдрөө харьцгаав. Зулаа хэд хоног амраад виз мэдүүлнэ гэсэн юм.
Сонгууль болоход ердөө нэг долоо хоног үлдсэн байв. Тиймээс нэр дэвшигчид илүү ажиллах, илүү хүн цуглуулахыг Тэмүүлэнгээс шаардаж байв. Түүнд үйл ажиллагаанд зарцуул гэж 5 сая төгрөг өгсөн юм. ТУЗ-ын гишүүдээ цуглуулаад нэгэн нууц ажиллагаа явуулж эцсийн мөчид иргэдэд нөлөөлөх зүйл хийх тухай яриа хийхээр болов.
- За манайхан өнөөдрийг хүртэл маш сайн ажилласан. Тэгэхдээ сонгууль бол 4 жилд ганц л тохиох боломж байдаг болохоор бид нэр дэвшигчидээ сонгуульд ялуулж байж сая сайн ажиллаа гэж хэлж болох юм. Одоо ердөө нэг долоо хоногийн дараа сонгууль болно. Харин бид энэ хугацаанд илүү сэтгэж илүү хурдан хөдлөх хэрэгтэй байна. Тэгэхээр яах вэ гэхээр өнөөдөр эсрэг намаас нэр дэвшиж байгаа зээл Баянсэнгийн нэг том хүлээн авалт болно гэнэ. Тэнд та хэд оролцох хэрэгтэй байна. Мөн дахиад нэг гишүүн элсүүлэх хэрэгтэй байна. Маргаашнаас ганц ганцаараа олон газарт явж ажиллах шаардлага гарсан. Зээл Баянсэнгийн уулзалтанд очиж дэмжигч мэт оролц. Шинэ хүнээ өнөөдөр олоод ууг нь дагуулаад явчивал гэж Тэмүүлэнг хэлэхэд
- Манай нэг найз байгаа эмэгтэй л дээ гэж Уртааг хэлэхэд
- Ямар байх нь хамаагүй. Хамгийн гол нь ажиллах юм уу
- За асуугаад үзье гээд Уртаа утсаа гаргаад гарлаа.
Зулаа виз мэдүүлчихээд хүлээж байсан болохоор чөлөөтэй байсан юм. Тиймээс долоо хоног ч гэсэн хамт бидэнтэй байг гэж бодоод Уртаа тэгэж хэлсэн юм.
- Байна уу Зулаа миний найз хаана байгаа юм.
- Байна байна. Гэрт байна. Яасан найз
- Харин одоо бидний ажил долоо хоногийн дараа дуусах гээд тэгээд нэг хүн хэрэгтэй гэнэ миний найз ажиллах уу?
- Харин л дээ зүгээр байж байхаар тэгдэг ч юм уу
- За тэгвэл хүрээд ир хө гээд тэд нөгөө оффистоо уулзахаар болов.
Тэр өдөр зээл хочит Баянсэнгийн уулзалтанд очиж суун яриаг чагнан цайллаг дааллаганд оролцож бүр гарын бэлэг авч ирсэн юм. Ноолуурын үйлдвэртэй энэ эрхэмийн уулзалтанд маш олон хүн суусан ч ихэнх нь тандах эсхүл хоол ундхан зооглох гэсэн санаатай хүмүүс байсанг тэд мэдсэн юм.
Зулаа цагийг олон хүний дунд айдасгүйгээр өнгөрөөж байгаа даа маш их баяртай байсан юм. Тэр тэгэхдээ яаж тэр зовлонг туулсан бол...

Хүн нүүрний биш сэтгэлийн багаа авчихвал шударга зүйл хайр болж хувирдаг байх. Биенээ энэрэн бодох сэтгэл хүнийг хүн шиг санагдуулах харагдуулах тодорхойлох шинж тэмдэг юм...
Үргэлжлэл бий.

Л.Пионер