-Энэ худлаа мэдээлэл. Би гадаадад ажлаар явж байгаад ирлээ. Тиймээс энэ хугацаанд тайлбар өгөөгүй болохоор зарим хүмүүс ортой мэдээлэл гэж бодсон байх. Цахим хуудсаар ийм мэдээлэл явж байгааг цаг тухайд нь харж байсан. Энд яригдсан бүх мэдээлэл огт үндэслэлгүй, худлаа. Харин зарим сонин хэвлэл “Сүвэн Уул” гэх компани дээр очиж, үнэн мөнийг нь олох гэж явсан байсан. Тэд Улаан гэж хүнийг танихгүй, уулзаж байгаагүй гэж хариу өгсөн байсан. Худалдан авах ажиллагааны газрын дарга өөрөө энэ тухай ярилцлага өгсөн байна. Энэ тендерийн тухай мэдээлэл манайд байхгүй, худлаа мэдээлэл. Түүнчлэн улс төрийн зорилгоор өдөөсөн дуулиан, шуугиан байна гэж ярьсан байсан. Тэнд яригдаж байгаа тоо, баримт мэдээллүүд бүгд худлаа. Баримтаар нотлогдоно. Тодорхой зорилготойгоор магадгүй хэсэг бүлэг хүмүүсээс явуулсан үйл ажиллагаа байх гэж хувьдаа бодож байна. Зөвхөн миний нэр холбогдсон төдийгүй нэлээд олон хүний нэр төр магадгүй зарим төрийн болон бизнесийн байгууллагынхны нэр төрд халджээ.

-Тэгвэл та хаанаас хэн ийм мэдээлэл гаргасныг мэдэж байна уу?

-Ер нь хаанаас, яагаад ийм мэдээлэл гарсан гэдгийг ерөнхийдөө төсөөлж байна. Эх сурвалжийг нь ч мэдэж байгаа. Энэ бол баримттай, нотолгоотой. Анх энэ мэдээ манай нам дотроос гарсан. Тиймээс ямар зорилгоор дуулиан, шуугиан болгов гэдгийг намын шугамаар тодорхой ярилцана. Намынхаа Ёс зүйн хороонд хандсан байгаа. Нэр бүхий намын гишүүд энэ асуудлыг өмнө нь хөндөж, тавьж байсан. Ийм асуудал огт байхгүй. Ул суурьтай хандаарай гэдгийг удаа дараа сануулж байсан. Олон хүний нэр төр хөндөгдөж байгаа учраас асуудлыг үнэн зөвөөр нь гаргаж, учрыг нь олохоос өөр аргагүй боллоо. Манай намын хариуцлагатай хурал дээр тодорхой нэр хаягтай, эзэнтэй яригдсан зүйл. Цаанаа протоколтой, гэрчтэй асуудал шүү. Би эзнийг нь нэг их холоос эрж, хайхгүй байна. Мэдээллийг цацсан хэвлэл мэдээллийн байгууллагуудыг ч буруутай гэж үзэхгүй. Тэд мэдээж мэдээлийнхээ үндсийг магадлах учиртай байсан. Гэхдээ сайн хянаж, шалгаагүй учраас надаас уучлалт гуйх байлгүй. Тэд дараа нь танай нам дотроос өгсөн мэдээлэл гэж хариу өгөх нь ойлгомжтой. Намын сахилга, дүрмийн дагуу асуудлаа авч хэлэлцэнэ дээ.

-Баримт, нотолгоотой юм чинь нэрийг нь одоо хэлж болохгүй гэж үү?

-Нэгэнт нам дотроос яригдсан асуудал учраас энэ удаа хүмүүсийн нэрийг хэлэхгүй. Гэхдээ дарга болохыг мөрөөдсөн, шалихгүй, жижигхэн төрийн албан хаагч байгаа. Бүр тодруулбал, юмны учрыг магадлан нягталдаггүй, дуулиан шуугианаар дэгдэж явдаг нэг сэтгүүлч. Магадгүй тэрийг нь ил далд утгаар дөгөөсөн зарим нэг албан хаагч энэ асуудлыг хийсэн. Намын гишүүнийх нь хувьд намаас сахилга, хариуцлага ярих байх. Түүний дараа нэрийг нь зарлана.

-Ийм асуудал үүсгэх шалтгаан нь юу байв?

-Ийм зүйл хийх болсныг нь нэлээд ул суурьтай дүгнэх байх. Зүгээр нэг санамсаргүй яригдсан асуудал биш. Тодорхой зорилго, агуулгатай хийсэн гэж бодож байна. Улс төрд өчнөөн жил явлаа. Юу эсийг үзэв. Ямар үед ийм явдал болдог уу, яагаад ингэдэг гэдгийг би гадарлана. Тиймээс дүр зургийг тодорхой харж байна. Удахгүй энэ байдлыг залруулна. Зориудаар шуугиан дэгдээж байгаа нь хэд хэдэн шалтгаантай. Нэгдүгээрт, хувь хүний нэр төрд халдсан, атаархсан, хорссон зүйл. Хоёрдугаарт, энэ байдлыг өдөөсөн хүмүүс бий. Тэр хүмүүс олон нийтийн анхаарлыг холдуулж, зарим нэг асуудалд илүүтэй ач холбогдол өгч харагдуулах гэсэн санаа байгаа. Сүүлийн үед намын гишүүд нэлээд нухацтай дүгнэлт хийх болсон. Яагаад засаг төр солигдов, шинэ Засгийн газарт “Шударга ёс” эвсэл орсон нь зөв үү, буруу юу, МАНАН байгуулагдахад оролцож байгаа нь буруу гэсэн үзэл бодолтой гишүүн олон бий. Энэ мэт ул суурьтай нухацтай асуудлаас хүмүүсийн анхаарлыг холдуулж, хоосон дуулиан шуугианаар далдлах гэсэн явуургүй арга барил үүний цаана байгаа. Энэ бол тодорхой хэсэг бүлэг хүмүүсийн хийсэн ажил. Тиймээс нэр, хаягтай нь нам дотроо эхэлж ярина. Ийм хүмүүсийг зүгээр орхихгүй. Хууль хяналтын байгууллагад хандана. Худлаа цуурхал тарааж их хэмжээний мөнгө төгрөг дурдаж ярисан. Тиймээс нэр төрийг үгсэн гутаасан нэр төрийг тэр хэмжээнийх нь хөрөнгө мөнгөөр үнэлж, эдгээр хүмүүсээс нэхэмжлэх болно.

polit.mn

Ч.Улаан: Дуулиан шуугиан тараасан эзнийг удахгүй зарлана
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Зориуд тарааж гэдэг нь мэдэгдээд л байсан ш дээ. Ийм хүмүүсийг өөгшүүлдэг мэдээллийн сайтууд их байдаг болж. өнөөдөр нь бичээд марг******** нь худлаа гээд хэлчихдэг болохоор хүний нэр төрийг юманд бодохоо байж дээ. Анхнаасаа нэг их итгээгүй л дээ

2014-12-22 | 13:35:08 | 103.23.51.2 |

Мэдээ
Гадаад мэдээ
Видео