наадмын рингэнд хүч үзэж байна. Монголын баг тамирчдын тухай Монголын боксын холбооны хэвлэл, олон нийттэй харилцах нарийн бичгийн дарга, ОУХМ Ц.Батнасантай ярилцсаныг хүргэе.

-“Инчон-2014” Азийн наадамд манай боксын багийн тулаанууд эхэлсэн. Гараа ямар байгааг тэдний татсан сугалаанаас хэрхэн таамаглаж байна?

-Манай баг тамирчид энэ сарын 23-нд жингээ үзүүлж, сугалаагаа эхэлсэн. Нийтдээ эрэгтэй ес, эмэгтэй гурван жинд ороцож байна. 52 кг-ын жинд ОУХМ Б.Энхдэлгэр бэртлийн улмаас оролцож чадаагүй. Тамирчдын хувьд байдаг л сугалаа. Энэ чанга сугалчихлаа, тэр гайгүй учраатай таарлаа, азтай, азгүй гэж ярих юм байхгүй. Тамирчид бүгд чанга, өрсөлдөгчид бүгд чанга. Тийм болохоор амархан сугалаа авлаа, азтай байна гэх юм алга. Мөн тэр чанга учраатай таарлаа, яах бол гэх юм ч байхгүй. Өөрсдийнх нь бэлтгэл, тэр өдрийн тэнгэр, өөрдсийнх нь ёндоо, багш нарынх нь чадвар гээд олон хүчин зүйлээс шалтгаална.

-Хөнгөн жинд хүч үзэх тамирчдын тухай ямар таамаг байна?

-49 кг-ын жинд Г.Ган-Эрдэнэ Тайландын тамирчинтай таарсан байгаа. Түүнийг хожвол Ираны тамирчинтай тоглоно. Г.Ган-Эрдэнэ энэ жил бэлтгэл сайтай байгаа, медаль авна гэж бодож байна. Азийн наадмын өмнө бид Баян-Өлгий аймагт “Өлгий цом” боксын тэмцээн зохион байгуулсан. Казахстанаас дөрвөн баг, Оросоос нэг, Хятадаас нэг баг ирж тэмцээн чанартай сайхан болсон. Манай Азийн наадамд оролцож байгаа тамирчид тэр тэмцээнд бүгд түрүүлсэн. Бэлтгэл сургуулилт сайтай байгаа. 56 кг-ын жинд Н.Төгсцогт Туркменистаны тамирчинтай таарсан. Байдаг л сугалаа учраас эмээх зүйл байхгүй. Үнэмлэхүй аваргатай таарчихлаа гэсэн юм ч алга. Өөрсдөөсөө л шалтгаална. Н.Төгсцогтын хувьд гадаадад ч, дотоодод ч бүгд л түрүүлнэ гэсэн хүлээлттэй байна. Түүний тухайд тэгчих вий, ингэчих вий гэх юм алга. Явахынх нь өмнө бүгд уулзсан, ярьсан. Өөрөө ч хариуцлагаа ойлгож байгаа. Д.Отгондалай 60 кг-ын жинд мөн түрүүлэх хүмүүсийн таамагт орж байгаа. Ер нь эртний л олимп, дэлхийгээс медаль хүртчих байсан. Энэ жил бэлтгэл сайтай байгаа. Эхний тойрогт хийлсэн. 26-нд Туркменистаны тамирчинтай тоглоно. 64 кг-ын жинд оролцож байгаа Б.Чинзориг маань өнөөдөр манай эхний тулааныг хийнэ. Филиппиний Гловян гэдэг тамирчинтай хүч үзнэ. Өмнө нь түүнтэй хоёр удаа тулалдаж ялсан. Одоо гурав дахиа таараад байна. Энэ жил манай Б.Чинзориг бэлтгэл сайн байгаа. Улсын аваргад түрүүлсэн, Армийн дэлхийн аваргад түрүүлсэн. Казахстанд болсон Ерөнхийлөгчийн цомоос хүрэл медаль хүртсэн. Азийн наадмаас алтан медаль авна гэсэн хүлээлт байна. 69 кг-ын жинд Б.Түвшинбат оролцож байгаа. Эхний тойрогтоо Катарын тамирчинтай таарсан. Дараагийн тойрогт Казахстаны дэлхийн аварга Елеусинов Динартай таарахаар байгаа. Хоёр биенээ сайн мэднэ, олон ч удаа учраа таарсан. Өнгөрсөн хавар хамтарсан бэлтгэлд хамт гарч, бараг өдөр болгон бой хийж байсан. Манай Б.Түвшинбатад ялахгүй гэсэн юм байхгүй. Учраагийн хувьд нэлээн аргалж тоглодог тамирчин байгаа юм. гэхдээ манай тамирчин хүчтэй учраас яваад ажиллахад бололцоо бий. 75 кг-ын манай Н.Шинэбаяр байгаа. Эхний даваанд хийлсэн. Дараагийн тойрогт Кувейтийн боксчинтой таарсан. түүний дараагийн тойрогт Турменистан, Филиппин, Иракийн аль гарч ирсэн тамирчинтай тулна. Сугалааг харж байхад манай тамирчид бүгд медаль авах бололцоотой харагдаж байгаа.

-Та сая хөнгөн болон дунд жингийн боксдын тухай ярилаа. Хүнд жингийн тамирчид яах бол?

-81 кг-ын жинд ахмад тамирчин С.Эрдэнэбаяр оролцож байгаа. Узбекистаны Мамазулуновтой байнга таардаг. Өмнөх хоёр удаа ялагдсан. Энэ удаа ч бас таараад байна. Нэг хүнд гурав ялагдана гэж юу байхав, тиймээс боломж бий. Хасах 91 кг-ын жинд манай туршлагатай тамирчин Д.Отгонбаяр Ираны тамирчинтай учраа таарсан. Ираны боксчныг бид сайн мэдэхгүй байна. Манай тамирчид түүнтэй учраа таарч байгаагүй. Иранууд хасах 91, нэмэх 91-т Азид ноёлдог. Тэгэхээр чанга тамирчин байгаа байх. Хамгийн хүнд жин нэмэх 91 кг-ын жинд манай Б.Энхбаярт нэлээн хатуу сугалаа таарсан гэж бид үзэж байгаа. Эхний даваанд хийлж, дэлхийн аваргын мөнгө, Лондоны олимпийн хүрэл медальт, Азийн аварга украин гаралтай Казахстаны Иван Дычкотой таарсан. Дычко өндөр нуруутай, тулалдахад зохицолдолгоо нь жаахан тиймэрхүү. Гэхдээ тулаан бол тулаан шүү дээ. Тулалдаж байж л эцсийг нь үзнэ.

-Эмэгтэй тамирчдын тухайд та юу хэлэх вэ?

-Эмэгтэй гурван жин байгаа, олимпийн жингээр. 51 кг-ын жинд ОУХМ, Азийн аваргын мөнгөн медальт М.Нандинцэцэг бэлтгэл сайтай байгаа. Хамгийн сүүлд Казахстанд болсон дөрвөн орны уулзалтад бүх өрсөлдөгчөө ялсан. Дэлхийд 51 кг-ын жинд тоглож байгаа сайн тамирчидтай бүгдтэй нь тоглоод үзчихсэн, хожоод ч үзчихсэн байгаа. Алтан медаль авчих байх. 60 кг-ын жиндОУХМ О.Сувд-Эрдэнэ байгаа. Эхний даваанд ялчих байх. Харин хоёрын даваанд Хойд Солонгос. Энэтхэгийн тамирчны ялсантай тоглохоор байгаа. Бидний тооцоолж байгаагаар Энэтхэгийн тамирчин, дэлхийн аварга Дэви Сенидаг ширүүн өрсөлдөгч гэж харж байна. Маш сонирхолтой тулаан болно. Хэн нь ч ялж болно. 75 кг-ын жинд өмнөх Азийн наадмын мөнгөн медальт, ОУХМ Э.Ундрам байгаа. Гол өрсөлдөгчтэйгээ бүгдтэй нь гар зөрүүлж үзсэн. Жиндээ тоглож үзээгүй боксчин бараг байхгүй. Эхний даваандмөн Энэтхэгийн тамирчинтай таарсан байгаа. Хоёр жилийн өмнө манайд болсон Азийн аваргын тэмцээнд түүнд хожигдсон. Тухайн үед манай тамирчин Германд хамтарсан бэлтгэлд гараад бэртэлтэй ирсэн, бэлтгэл сургуулилт ч сайн байгаагүйн улмаас ялагдсан. Энэ удаа таарсан, ялах бололцоотой. Эхний сугалаануудыг харахад манай тамирчид ийм байдалтай байна. Тэмцээн аравдугаар сарын 4-нд дуусна. Тэр хүртэл өдөр бүр жингээ үзүүлж тулалдаад л байна даа.

-Инчонд ажиллаж байгаа багш, дасгалжуулагч багш нарыг танилцуулна уу?

-Монгол Улсын гавьяат дасгалжуулагч, Ардын багш Д.Банди зөвлөхөөр ажиллаж байна. Боксын улсын шигшээ багийн ахлах дасгалжуулагч Н.Батсүрэн, туслах дасгалжуулагч Б.Эрдэнэбаяр, эмэгтэй шигшээ багийн дасгалжуулагч, ОУХМ Б.Энхтайван нар, багийн даргаар Олимпийн аварга, Хөдөлмөрийн баатар, гавьяат тамирчин Э.Бадар-Ууган, Олимпийн мөнгөн медальт, дэлхийн аварга, Хөдөлмөрийн баатар, гавьяат тамирчин П.Сэрдамба нар ажиллаж байгаа. Энэ удаа манайхаас Азийн наадамд шүүгч дуудсангүй. Шүүгчийг Олон улсын боксын холбоо буюу AIBA-гаас томилдог. Энэ удаа тэмцээнийг шударга явуулах үүднээс гол шүүгчдийг Европын орнууд, АНУ, Африкаас дуудаж оролцуулсан. Азиас цөөхөн шүүгч ажиллаж байгаа.

Ч.Үл-Олдох /ЗуУНЫ МЭДЭЭ/

Ц.Батнасан: Боксчдын бэлтгэл сайн байгаа, багаараа медаль авахыг байг гэхгүй
Tweet
Bolod.mn