Энэ нь олон хүнийг айлгаж буй бөгөөд би ч үүнийг сэтгэл зүрхээрээ ойлгож байна. Гэсэн ч энэ тухай мэдээлж ярих нь

чухал гэж миний бие үзэж байна. Яагаад гэвэл бид асар их эргэлт өөрчлөлтийн эрин үеийн тухай баримт нотолгоог хүмүүс мэдэж байвал ирээдүйгээ цогцлооход амар болно.

1882 онд Эдмон Жеймс де Ротшильд (1845-1932) Палестинд эдлэн газар худалдан авч эхэлжээ. Тэрбээр Zichron Ja'a[ow, Rischon If Tzion зэрэг суурингуудыг үндэслэн байгуулахад тусалснаар сионизмын хамгийн идэвхтэй дэмжигч хийгээд санхүүжүүлэгч болсон байна. 1889 онд Эдмон де Ротшилд Палестины хөдөө аж ахуйн эдлэн газраас 25,000 га газрыг дээр нь байсан тосгон сууринтай нь хамт Жүүдийн колоничлолын холбоо (Jewish Colonization Association) -нд хүлээлгэн өгчээ. 1880-аад онд тэрбээр оросын цагаачид маш олноороо Палестинд ирж суурьшихад туслав. Гэсэн ч тэрээр өөрөө шилжин Иерүсалем пост сонин 2010 оны 11 дүгээр сарын дугаартаа нийтэлсэн "Ротшильдын Израиль" гэсэн гарчигтай өгүүлэлдээ:
" Ямар ч байсан бароны тусалж дэмжсэн бүх хүн түүнийг толгой дараалан тэгтлээ хайрлаж хүндлээд байсан гэвэл үнэнд нийцэхгүй. Түүнийг шинэ суурингуудын өдөр тутмын амьдралд холоос хошуу дүрээд байдаг, оршин суугчдад нь санаа бодлоо, арга барилаа, шийдвэрээ тулгаад байдаг гэж нэлээд нь үздэг. Үнэндээ тэр нь орон нутагт бароныг төлөөлөн ажиллаж, эхний суурьшигчдыг хатуу гараар барихыг хичээж, аж амьдралыг нь хүндрүүлж байсан хүмүүсийн ажил юм билээ" хэмээн тэмдэглэжээ.

Дараа нь 1924 онд Эдмон Жеймс де Ротшильд мөн Палестины жүүд колоничлолын холбоо (Palestine Jewish Colonization Association)-г үндэслэн байгуулж, Палестинд мөн л 500 гаруй ам километр газар худалдан авсан нь Франкфүрт хотын эзэлж буй талбайгаас хоёр дахин том байжээ. 1887, 1925 оны хооронд Эдмон өөрийнх нь "сионист колониуд" хэрхэн ажиллаж буйг ажиглахаар Палестин руу нийтдээ таван удаа зорчсон байна. Тэрээр энэ ажилдаа 50 гаруй сая доллар зарцуулсан гэж үздэг.

"Сионизм" хэмээх хэллэгийг анх 1893 онд Натан Бирнбаум (Nathan Birnbaum ) нэвтрүүлсэн, гэхдээ сионист үзэл суртлыг үндэслэгч нь мажаар хүн Теодор Херцл (Theodor Herzl) -ийг гэж үздэг. Сионизмийн үндэс суурь нь түүний 1896 онд хэвлэгдэж гарсан "Жүүдийн улс" хэмээх ном болсон бөгөөд тэрбээр "жүүдийн эсрэг үзэл" (антисемитизм)-ийг сөрөн тэмцэх хамгийн сайн арга хэрэгсэл бол жүүдийн улсыг байгуулах явдал хэмээн уг номоороо тунхагчилсан болой. Энэхүү үзэл санаагаа хэрэгжүүлэх хамгийн тохиромжтой газар нь Палестин гэж тэрээр үзжээ.

Жүүдүүд өөрийн гэсэн улстай болох үзэл санаа Эдмон Жеймс де Ротшильдын анхаарлыг татаж хорхойг нь хүргэсэн бололтой. Учир нь ийм улс байгуулах явдлыг өөрийн үзэл санаанд нийцүүлэн хэрэгжүүлж болно, тэгвэл татварын гэх мэтийн өөр бас бус ашиг хонжоо ч гарч юуны магад? Ямар ч байсан тэрбээр өөртөө хөшөө босгуулж чадах байв. Тиймээс ч Сионуустуудыг дэмжжээ.

Эдүгээ Эдмон Жеймс де Ротшильд болон бусад гишүүдийн овгоор Тель Авивын төв гудамж Ротшильдын цэцэрлэгт гудамж (Rothschild Boulevard) хэмээн нэрлэгдсэний гадна тус улсын олон байшин барилга, сан, сургууль, эмнэлэг, галерей, музейнууд тэдний гэр бүлийн гишүүдийн нэрэмжит болжээ.

Дэлхийн нэгдүгээр дайн том банкуудын оролцоогүйгээр явагдаагүй нь тодорхой. Тэд дайнд зориулан зээл олгож байв. Ж.П Морган (J.P.Morgan) Англи, Францын зэвсэглэлийг санхүүжүүлсэн бол Ротшильдийнхон Герман, Австрийг хөрөнгө мөнгөөр тэтгэсэн нь илэрхий. Хожим нь Морган, Ротшильд нар 1913 онд Америкийн нөөцийн банкийг хамтран үндэслэн байгуулсан үеэс нягт холбоо сүлбээтэй явсан болохоор тэд дээр дурдсан бүх улсыг хамтдаа санхүүжүүлсэн гэж хэлж болно.

Герман улс үндсэндээ ялж дэлхийн нэгдүгээр дайн 1916 он гэхэд бараг өндөрлөх гэж байх үед сионистууд англичуудад нууцаар хандаж АНУ-ыг тоглоомондоо татан оруулах санал тавьжээ. Ингэснээр хөзрөө шинээр холих ёстой болов. Харин хариуд нь сионистууд өөрийн улсыг байгуулах газар болгон Палестиныг авахыг хүсэв.

Англичууд ч үүнийг нь хүлээн зөвшөөрсөн бололтой, учир нь 1917 оны Бальфүрын мэдэгдэл ийм нууц тохиролцоо байсныг нотлохоор барахгүй, эндээс гол ашиг хонжоо гаргагч нь Ротшильдынхон, тэд Израиль хэмээх "өөрийн улс"-тай болно гэдгийг ил болгожээ. Нэг талаас Английн засгийн газар, нөгөө талаас Лионель Вальтер Ротшильд нарын хооронд байгуулсан энэхүү тохиролцоо нь хэн хүн тийм ч амархан тайлж ойлгохооргүй нэлээд албархуу гоёмсог найруулгатай ч гэлээ агуулга нь нэгэнт тодорхой буй:

"Эрхэм хүндэт лорд Ротшильд оо, Эрхэмсэг эзэн хааны засгийн газрын нэрийн өмнөөс жүүдсионстуудын хүсэл эрмэлзлийг талархан дэмжих үүднээс кабинетад оруулж зөвшөөрүүлсэн дараахь мэдэгдлийг уламжлах завшаан тохиосонд миний бие баяртай байна.

Эрхэмсэг эзэн хааны засгийн газар Палестинд жүүдийн ард түмний үндэсний орон гэр бий болгох хэрэгт сайныг ерөөж буйг уламжлахын ялдамд энэхүү зорилгодоо хүрэх үйлсийг нь хөнгөвчлөхийн тулд чадах бүхнээ хийх болно. Чингэхдээ эдүгээ Палестинд буй жүүд бус бүлгүүдийн иргэний хийгээд шашны эрх, мөн бусад улсад амьдран суугаа жүүдийн эрх зүйн болон улс төрийн статусыг эргэлзээнд оруулах ямар ч зүйл хийгдэх учиргүй гэдгийг иш үндэс болгож байна. Та энэхүү мэдэгдлийг дэлхийн сионист байгууллагын сонорт хүргэх аваас миний бие талархах болно. Таныг гүнээ хүндэтгэсэн Артур Бальфүр" гэжээ.

Ж.П.Морган 1910 он гэхэд АНУ-ы н гол хэвлэл мэдээллийн хэрэгслийг нэгэнт гартаа оруулчихсан байсан агаад ерөнхийлөгч Вильсон дахин сонгогдохыг эрмэлзэж байсан үе юм. Тэр нь мэдээж хүчирхэг банкны эздийн дэмжлэггүйгээр бүтэхгүй байсан хэрэг. Тэгэхээр нам хуйвалдагч банкны эздийн бүлгийн хувьд АНУ-ыг дайнд татан оруулах нь тийм ч хэцүү биш байв.

Ингээд АНУ-ын зэвсэгт хүчний оролцоотойгоор холбоотон гүрэн Франц, Орос, Англи дэлхийн нэгдүгээр дайнд удаа дараалан ялалт байгуулав. Англи Түрэгийн мэдэлд байсан Палестиныг ивээлдээ авав. Ингээд л цагаач жүүдүүдийн цуваа Палестин руу хөвөрч, олон хот суурин байгуулж эхэлжээ. 1948 онд холбоотнууд АНУ-ын тусламжийн ачаар дэлхийн хоёрдугаар дайнд ялалт байгуулсны эцэст Израиль улсыг албан ёсоор үндэслэн байгуулав.

Эдмон Ротшильдын ахмад хүү Жеймс-Арман де Ротшильд болон түүний гэргий Дороти нар Эдмоны үйл хэргийг үргэлжлүүлжээ. Тэд Изиралын парламент (кнессет)-ыг шинээр барихад 16 сая израиль фүнт хандивлаж, Израилийн дээд шүүхийг өөрийн зардлаар бариулжээ.

Эдмон Жеймс де Ротшильд, түүний гэргий Адельхайд нарыг эхлээд Парисын Пер Лашез хэмээх оршуулгын газар нутаглуулсан ч сүүлд 1954 онд Израилийн Бинямина хотын ойр Рамат Ханадив (Буянтын товцог)-т төрийн ёслол хийж эцэслэн оршуулжээ. Ротшильдын гэр бүлийн зарим салаа нь мөн л өөр хоорондоо гэрлэж холилджээ. XIX зуунд тэдний суурьшсан гол газрууд нь Франц, Австри, Герман, Англи, Итали, Испани, болон Австрали байв. Цаашдаа гэр бүлийн салаа мөчир нь аажим аажмаар дэлхийн бүх газар орон, Ази, Умард болон Өрнөд Америкт бууриа засчээ.

Ротшильдынханы гэр бүлийнхээ хүрээнд л гэрлэх явдал нь өнөө хүртэл уламжлагдаж иржээ. Учир нь энэ бол гэр бүл дотроо үнэнч зүйг сахихын баталгаа, мөнгө нь өөр зуураа үлдэх, гэр бүлийн нууц мөн чанд хадгалагдах хэрэгт хамгийн найдвартай арга байв.

Жишээлбэл, 1865 онд Эвилина де Ротшильд (Evilina de Rothschild) өөрийн үеэл Фердинанд Жеймс де Ротшильд (Ferdinand James de Rothschild) -тай гэрлэж байсан бол урьд нь эх Шарлотте фон Ротшильд (Charlotte von Rothschild) нь үеэл барон Лионель де Ротшильд (Baron lionel de Rothschild)-тaйгaa гэр бүл болж байв. Фрайхерр Карл фон Ротшильд (Freiherr Karl von Rothschild) өөрийн үеэл Матильде фон Ротшильд (Mathilda von Rothschild)-тай түүний үеэл Фрайхерр Майер Карл фон Ротшильд (Freiherr Mayer Karl von Rothschild) өөрийн үеэл Луйзе Майер фон Ротшильд (louise Mayer von Rot-hschild)-тай тус тус гэрлэжээ. Эл жагсаалт эцэс төгсгөлгүй үргэлжилнэ.

Энэ номонд бид ганцхан гэр бүлийн тухай ийн удтал дэлгэрэнгүй өгүүлдэг учир юу вэ? Учир шалтгаан нь тун энгийн. Ротшйльдынхонд ядаж нэгээхэн хэсэг нь ч болтгуай харъяалагдахгүй тийм том концерн, пүүс компани өрнийн ертөнцөд бараг байхгүй!
Та итгэж чадахгүй байна уу? Тэгвэл би номын дараагийн хуудсуудад судалж тодруулсан зүйлийнхээ жаахан хэсгийн ч болов толилуулъя. Яагаад гэвэл энэ гэр бүлийн янз бүрийн гишүүд сүүлийн хэдэн арван жилд хөрөнгө оруулалтын компаниудаараа дамжуулан дэлхийн хагасыг худалдаад авчихсан явдлыг хэн ч мэдээгүй, наад зах нь "буурьтай" хэвлэлийн анхааралд ч өртөөгүй бололтой. Чингэхдээ Израилийн пүүс компаниудыг тэр чигээр нь орхихын учир бол миний бие хэбрэй хэлэнд сайнгүй юм. Гэхдээ миний Европ, Америкт хийсэн судалгаа тэдний эрх засгийг баталж нотлоход хангалттай хүрэлцэнэ.

"Гурав дахь эзэнт гүрэн" (Dritters Reich- Хилтлерийн фашист дэглэмийг өөрсдөө ийн нэрлэж байв. Орч.)-д жүүдүүдийн өмч хөрөнгийг хураах ажиллагаа явагдсны дараа Ротшильдынхон албан ёсоор бол Герман, Австриас хөндий байв. 2009 оноос хойш тэдгээр улсад банкнуудаа нээснээр Европ, Умард, Өмнөд Америк, Австрали, Израилийн бүх томоохон хотод тэдний банкууд ажиллах болов.

Эдгээр мөнгөний инститүц нь дундаж үйлчлүүлэгчдийг тоодоггүй учир өдөр тутмын амьдралд хүний нүдэнд тэр бүр тусаад байдаггүй. Явган хүмүүсийн зорчдог хэсэгт тэд салбараа байгуулдаггүй. Ротшильдын банкууд зөвхөн баячууд, томоохон пүүс компаниуд, бусад банк, засгийн газрууд, олон улсын байгууллагуудад л үйлчилдэг. Жижиг бизнесийг тэд бусдад хаяж өгдөг. Дойче банкны интернетийн веб хуудсаас дараах зүйлийг уншиж болно.

"Ротшильд бол хөрөнгө оруулалтын бие даасан тэргүүлэгч банк юм. Бид дэлхий даяар үйлчлүүлэгчиддээ стратеги боловсруулах, пүүс компани нэгтгэх (Mergers & Acquistions), өөрийн болон хүний капитал босгох, түүнчлэн бүтцийн өөрчлөлт хийх зэрэгт зөвөлгөө өгнө. Бие даасан, хараат бус байгууллага болох Ротшильдын бодит зөв хандлага, дэлхийг хамарсан сүлжээ, урт хугацааны түншийн харилцаанд тулгуурласан зөвлөх үйлчилгээ зэрэг нь өөр хоорондоо хосолсноор тогтвортой, цогц, бүтээлч чанараараа үйлчлүүлэгчиддээ нэмүү өртөг бий болгож өгдөг. Ротшильд 200 гаруй жилийн тэртээ үндэслэгдсэнээс хойш гэр бүлийн эзэмшилд байгаа. Ротшильд нь дэлхийн 35 улсад 950 зөвлөх банктай учир засгийн газрууд, санхүүгийн байгууллагууд, пүүс компаниуд, хувь хүмүүсийн онцгой эрхтэйгээр зөвлөх үйлчилгээ үзүүлэх болно" гэжээ.

Ротшильдын банкны эзэнт гүрэн хэдэн арван банкны грүпп, сан нийгэмлэг, хөрөнгө оруулалтын пүүс компани багтаж буй.
(Илүү ойлгомжтой байлгах үүднээс уугуул нэрийг нь тэр чигээр нь бичив. Орч) Үүнд:

•    Groupe LCF Rothschild
•    Banque Privee Edmond de Rothschild
•    N M Rothschild & Sons
•    N M Rothschild China Holding
•    Rothschild Bank AG
•    Banca Privata Edmond de Rothschild Lugano
•    La Campagne Benjamin de Rothschild S.A
•    Rothschild Continuation limited
•    Rothschild North America
•    Rothschild Bank International
•    Rothschild Australia
•    Rothschild Asset Management Holdings

Зарим тохиолдолд пүүс компаны нэр нь энэ гэр бүлийн оролцоог илэрхийлэхгүй байх тал бий. Миний судалгаагаар дараах банкууд зуун хувь Ротшильдын бүлгийн эзэмшилд байдаг. Үүнд:

•    Cie Banque
•    Concordia BV
•    RIT Capital Partners PLC
•    Paris-Orleans SA
•    Five Arrows Asian Enterprise Trust
•    Five Continents Financial Limited

Маш олон банкны зэрэгцээ... The Intel Hub (Мэдээллийн сүлжээ)-ийн гаргасан судалгаагаар мөн элбэг нигүүлсэгч энэхүү гэр бүлийн мэдэлд наад зах нь хэсэг бусаг нь байдаг Royal & Sun, The Blackstone Group гэх мэтийн үл хөдлөх хөрөнгийн концернууд, даатгалын компаниуд, хөрөнгө оруулалтын пүүсүүд бий.

The Blackstone Group бол хувийн хөрөнгө оруулалтын банк болон эд хөрөнгийн захиргаа бөгөөд онцгой анхаарваас зохих бүлэг юм. Энэ группийг 1985 онд Петер Ж.Петерсон (Peter G.Peterson), Стив А.Шварцманн (Stephen A.Schwarzmann) нар Ротшильдынхны санхүүгийн тусламжтайгаар байгуулсан. Петерсон нь мөн Нью Йорк дахь Холбооны нөөцийн банк (FED) -ны удирдах зөвлөлийн дарга, Гадаад харилцааны зөвлөлийн (Council of Foreign Relations) удирдах зөвлөлийн дарга юм. Бас Шварцманн нь Гадаад харилцааны зөвлөлийн гишүүн гэдэгт гайхаад байх юмгүй. Шварцманн нь Жорж В.Буштэй дунд сургуульд хамт сурч байжээ. Аль аль нь Иелийн их сургуульд нэг үе сурч байсан. Гавал ба яс (Skull & Bones) -ийн гишүүд юм.

Хэнри Киссинжерийн kissinger McLarty Associates хэмээх компани (Blackstone-ний вэб хуудаснаас үзэхэд) Blackstone-тэй нягт хамтран ажилладаг, хоёул Дэлхийн худалдааны төвийг тойрсон үл хөдлөх хөрөнгийн наймаанд орооцолдсон, үүгээр Ларри Силверстейн (larry Silverstein)-33c даатгалын ихээхэн мөнгө халаасалсан байна. Рандэл Ротшильд (Randell Rothschild) нь Блэкстоүн Грүпп (Blackstone Group) -ийн захирлуудын нэг бөгөөд Blackstone Real Estate Debt Strateigies ("үл хөдлөх хөрөнгийн өрнийн стратеги" гэж байгаа шүү!!!) хэмээх үл хөдлөх хөрөнгийн компанийн захирал болно. Лорп Жэкоб Ротшильд (lord Jakob Rothschild) нь түүний захиргааны зөвлөхийнх нь гишүүн юм.

Блэкстоүн (Blackstone) дурдсан пүүс, компаниудын ихээхэн хэмжээний хувьцааны багц эзэмшдэг. Үүнд:

Deutsche, Telecom, Gerresheimer Glas,TRW(aвтомашины эд анги нийлүүлэгч эд нийлүүлэгч дэлхийн 10 том компанийн нэг), Nalco Chemical Company, Freescale (хагас дамжуулагч), Merlin Entertainment (Legoland, Madame tussauds, Sea life Center, Earth Explorer гэх мэт зугаа цэнгээний голдуу газар), Universal Orlando Resort, Cineworld, Houghton Мiffn(хэвлэлийн газар), Spirit Group(xoon унд), Kloeckner Pentaplast (мөнгөн цаас), Hilton hotels, The Weather Channel Landmark Communications (зочид буудал, мэдээллийн газрууд) болон бусад олон компани. Дээрх нь энд өгүүлэн буй зүйлд ямар хамаатай вэ? Яагаад гэвэл эдгээр бүх пүүс компанид зонхилох хэмжээгээр оролцож байгаа нь Ротшильдод концернуудын үйл ажиллагааг хянаж удирдах боломж олгоно гэсэн үг юм. Tэгвэл Ротшильдынхон янз бүрийн бүтцээр дамжуулан өрнийг бараг бүх томоохон пүүс компани, концернд тодорхой хувь эзэмшдаг юм.

Тухайлбал, Хандельсблатт (Handelsblatt) сонины 2006 оны 4 дүгээр сарын 24-ны онлайн дугаарт Blackstone Дойче Телекомын хувь нийлүүлэгч боллоо гэсэн гарчгийн дор:
"Улсын өмчийн Сэргээн босголтын зээлийн банк Амеркийн санхүүгийн хөрөнгө оруулагчдад Боннын цахилгаан холбооны аварга компанийн үүд хаалгыг нээж өгч хувьцааны 4,5 хувийн багцыг заржээ. Сэргээн босголтын зээлийн банк нь Blackstone-ны нэгэн адил хувьцааг зарахгүй барьж байх хугацааг баримтлах үүрэг хүлээсний учир Т-хувьцааны ханш нь биржийн арилжаа эхэлмэгц ихээхэн өсчээ... Blackstone мөн ажиглах зөвлөлд нэг мандаттай болох төлөвтэй байна.." хэмээн мэдээлжээ.

Аль нэг пүүст ахиухан хувь нийлүүлж оролцох, томоохон компанийн хувьцааны багцын 5 хувийг эзэмших нь уг пүүсийн стратеги болон удирдан чиглүүлэх ажил үйлсэд жинтэй нөлөө үзүүлэх боломж олгодог. Өөрөөр хэлбэл эрх мэдэлтэй болно гэсэн үг. Энэхүү мэдлээ зах зээл болон бирж дээр ашиг орлого олоход хэрэглэж болно. Ротшильдынхон ийм л замаар эдийн засгийн байдал болон нийлж нэгдэх үйл явц, зээл, биржийн ханш зэрэгт нөлөөлж байдаг. Гэвч Ротшильдынхон өрнийн бүх том пүүст хувь нийлүүлж, хөрөнгө оруулалтын компаниудад хувь эзэмшээд зогсохгүй (Blackstone-ны адилаар), бас түүнээс гадуур гэр бүлийн зарим гишүүн нь хувиараа нэлээд пүүс компанид хувь эзэмшдэг байна. Эцэстээ гаднаас нь харахад, хэн, хаана, хэдэн хувь эзэмшдэг, хэн ямар концернын стратегийг тодорхойлдог гэдэг нь бараг мэдэгдэхгүй болжээ.

Энэ тухай "Foucus" (Германы теле-сэтгүүл) 2008 оны 9 дүгээр сарын онлайн дугаартаа "Ротшильд Германы пүүсүүдийг өөртөө нээж байна" хэмээн мэдээлэхдээ:
"Ротшильдын хөрөнгө оруулалтын банк нэгэн сонины мэдээлснээр 600 сая еврогоор хувьцаа худалдаж авах ажлаа эхэлсний зэрэгцээ мөн Германд хөрөнгө оруулах юм байна. Ротшильд Германы компаниудад ихээхэн хөрөнгө оруулах гэж буй нь учиртай. Германд хөрөнгө оруулах маш олон сонирхолтой боломж байна хэмээн гэр бүлийн тэргүүн барон Дэвид де Ротшильд Sueddeutsche Zeitung сонины пүрэв гарагийн дугаарт ярилцага өгөхдөө мэдэгджээ. Тэрээр банк нь пүүс компани шууд худалдаж авахгүй, харин хувьцааны цөөнх хэсгийг эзэмших болно гэлээ. Ротшильд бол гэр бүлийн эзэмшилд буй дэлхийн хамгийн том хөрөнгө оруулалтын банк юм. Эл банк одоогоор санхүүгийн хямралыг lehmann Brothers, Merrill lynch зэрэг том өрсдөлчдөөсөө илүү сайн давсан байна" гэжээ .

Ийм байдлаар хямралыг бусад өрсөлдөгчдөөсөө илүү давж чадаж буй нь гайхаад байх зүйл биш билээ. Ийм хямралыг өрнийн олон банк, компанид хувь эзэмшигч, өрнийн засгийн газруудын зөвлөхийн хувиар маш сайн "хамтран зохион байгуулж" чадсан хэмээн таамаглаж болно. Бирж бол "эрэлт, нийлүүлэлтийн толь" гэж бат итгэдэг хүн бол зөөлөн хэлэхэд "гэнэн хүн" болой.

Ротшильд мөн БлэкРок Инк (BlackRock Inc)-ийн хувь нийлүүлэгч агаад тэр нь бас Adida, Allianz, BASF, Bayer, Bilfnger, Berger, Daimler, Deutsche Boerse, EON, Heidelberg-Zenent, Infineon, K+S Astiengesellschaft, Linde, RWE, vSAP,Siemens, Solarworld, Sky (бүгд Германы том пүүс компаниуд) болон бусад олон компанид хувь эзэмшдэг.

Блэк Рок Инк (BlackRock Inc) нь мөн Barclays Global Investors (Барклай банкны охин компани)-ийг эзэмшдэг. Гэхдээ Barclays-ийн эх компани нь BlackRock-ийн -ийн хувьцааны 20 хувийг эзэшдэг байна. BlackRock-ийн хөрөнгө нь 2,700 тэрбум ам.доллар бөгөөд энэ нь 2,7 их наяад гэсэн үг! Тоогоор үзүүлбэл 2.700.000. 000.000 ам. доллар гэсэн үг!

Блэк Рок Инк (BlackRock) нь мөн дэлхийн хамгийн том түүхий эдийн худалдаачин Glencore-д хувь нийлүүлэгч бөгөөд түүнд нь Натаниэль Ротшильд (Nathaniel Rothschild) 2010 онд бас хувиараа 40 сая ам.доллар оруулсан байна. Glencore нь өөрөө Щвейцарийн томоохон уул уурхайн компани болох Xstrata plc-ийн гуравны нэгийг эзэшдэг. Натаниэль Ротшильд Нью Йоркийн нэгэн хөрөнгө оруулалтын сан болох Attara Capital LP-ийн удирдах зөвлөлийн хоёр даргын нэг юм. Энэхүү сан нь мөнөөх Xstrata plc-д хувь эзэмшдэг. Мөн 2010 онд тэрээр 100 сая ам.доллараар дэлхийн хамгийн том хөнгөн цагаан үйлдвэрлэгч United Co.Rusal-ийн хувьцааг хувьдаа худалдаж авчээ. United Co.Rusal ийн гол эзэмшигчид нь Олег Дерипаска, Роман Абрамович нар бөгөөд Ротшильд тэдэнтэй сайн нөхөд бололцжээ. Натаниэль Ротшильд нэгэн ярилцлагадаа:
"Русал, Гленкор хоёр бол ахар богино хугацаанд 0-ээс 100-д хүрч хөгжиж дэгжсэн компаниудын жишээ юм. Гленкор нь маш онцгой компанийн соёлтой, маш гайхалтай үлгэр жишээ үзүүлж байдаг. Иймэрхүү компаниуд бий болгох нь тун амаргүй" хэмээн өгүүлжээ.

Ротшильд болон Оросын олигариуд цаагуураа найзалж нэг пүүст хөрөнгөө оруулж, наагуураа бол олон нийт, хэвлэл мэдээллийн хэрэгслийг төөрөгдүүлж, улс төр хийхийн тулд өөр хоорондоо өрсөлдөж тэмцэлдэж буй мэт дүр эсгэнэ. Германы Хандельсблатт сонины 2008 оны 10 дугаар сарын 23-ны онлайн дугаарт "Хандивийн хэрэг нь торичуудыг (английн консерватив номынхныг ийн нэрлэх нь бий Орч.) эвгүйцүүлж байна" гэсэн гарчгийн дор мэдээлэхдээ:
"Жорж Осборн ёстой хүнд байдалд орлоо Британийн сөрөг хүчний удирдагч Дэвид Камероны сүүдрийн засгийн газрын сайд тэрээр оросын нэгэн олигархаас мөнгө гуйсан бололтой...
Hedge fund (бүрэн зохицуулалтай бус хөрөнгө оруулалтын сан Орч.)-ийн менежер Натаниэль Ротшильд "Times" сонинд уншигчийн захидал нийтлүүлж, оросын олгархтай улс төрийн хандивын асуудал хэлэлцлээ хэмээн буруутгасан нь торичуудын толгойлогч Дэвид Камероны багийн хоёрдахь хүнийг нэр төрөө аврахаар тэмцэхэд хүргэв. Намд иймэрхүү хандив өргөх нь хуулинд харш, тэгээд ч холбогдсон хүн нь болох Олег Дерипаска Их Британид сонгуульд оролцох эрхгүй нэгэн билээ" хэмээжээ.

Үнэхээр хүн амьтныг төөрөгдүүлэхээр байгаа биз? Дэндүү их юм амалж байна уу би? Ротшильдынхны далд явууллагууд олон цоморлог дүүргэнэ дээ. Тэд нийлж байгаад өрнийн ертөнцийн улс төр, эдийн засгийн бүх чухал үйл явдалд ноцтой нөлөөлөх чадалтай гэдэг нь нэгэнт тодорхой болсон зүйл. Ротшильлдынхон болон бидний энд "илюминат" (illuminati) хэмээн нэрлээд буй тэдний хамсаатнууд өнөөгийнх шиг эдийн засгийн хямралыг ядах томгүй найруулж чадна. Яах гэж тэр вэ? Улс орнуудыг өрнийн занганд улам гүнзгий оруулж авах гэж, дундчуудын өмдийг тайлж авах гэж, улмаар эд баялгаа улам зузаалах гэж, улам их эрх мэдэлд хүрэх гэж л чингэж буй.

Тэрхүү эрх мэдлээ улам бүр хүчирхэгжиж буй азийнхныг давахад өмнөө барих гэж буй юм. Тийм ч учраас Ротшильдынхон ганц өрнөдөд л ийм айхтар бат бэх суурьтай байгаа юм биш. Дорнод Европ, Оростой явагдаж буй нууц арилжаа наймаа Жэкоб Ротшильд, Натаниэль Ротшильд нарын Англи дахь компаниар (JNR UK Ltd -Jacob and Nathaniel Rothschild UK Ltd) дамжин явагддаг юм. Энэ компани дэлхий даяар салбартай. Дерипаска, Абрамович нартай хийдэг наймаа дамжаад зогсохгүй, мөн энэ банк газрын тосны Юкос концернын хувьцааны дийлэнхийг авах (АНУ-ын ерөнхийлөгчийн сонгуульд нэр дэвшигч Линдон Ларош мэдээлснээр)-ыг завдаж байсныг Оросын засгийн газар
сүүлийн мөчид ЮКОС-ын дарга Ходорковскийг жагсаалтаас гаргаж байж болиулсан билээ. Ходорковский уг комланийг Ротшильдад шилжүүлэхийг завдаж байсан хүн болой.

Гэвч энэ юу ч биш. Ротшильдын гэр бүл (мөн л мөнөөх Линдон Ларошийн мэдээлснээр) өөрийн нууц албатай ажээ. JNR UK Ltd нь 2007 онд Diligence LLC гэдэг компанийг худалдаж авчээ. Энэхүү Diligence-ийг 2000 онд Британийн нууц албанд зүтгэж явсан Майк Бэйкер нар байгуулсан байв. Германы Хандельсблатт сонинд дурдсанаар энэхүү Diligence LLC -ийн 100 орчим ажилтных нь талаас илүү нь янз бүрийн тусгай албдад ажиллаж байсан хүмүүс ажээ. Үлдсэн нь (уг компанийн вэб хуудсанд дурдсанаар) банкны эзэд, эрэн суравжлагч сэтгүүлчид, дилолматууд юм байна.

Натаниэль Ротшильд бас Англи-Амеркийн хөрөнгө оруулалтын томоохон компанийн нэг болох АТтикус Капитал Грүпп (Atticus Capital-Group)-ийн дэд дарга юм. "Нат" (Натаниэль) 2005 оноос хойш Давост жил бүр болдог уулзалтаараа нэрд гарсан Дэлхийн эдийн засгийн чуулгын (Young Global leaders) чуулгын бизнесийн бүлгийн гишүүн болно. Эл уулзалтаар "эрүүл мэнд хийгээд байгаль орчны зэрэг дэлхийн тулгамдсан асуудлуудыг хэлэлцэхээр олон улсын эдийн засгийн тэргүүлэгч шинжээч мэргэжилтнүүд, улс төрчид, оюунлаг сэхээтнүүд, сэтгүүлчид," цуглардаг. Ротшильдынхны кланы Англи дахь салбарын төв нь Лондонгийн яг төв Сэн Жэймс (St.James)-д байрлах, хувь хүний эзэмшилд байдаг Спенсерийн ордон (Spenser House) юм.

Ротшильдынхны өөр нэг пүүс бол Вашингтонд төвтэй Моүнмэнт Капитал Грүпп (Monument Capital Group LLC) юм. Энд Жеймс Ротшильд (James Rothschild) дэд ерөнхийлөгчийн алба хашдаг. Monument Capital -ыг Caryle Group-ийн хуучин тэргүүн Роберт Дан (Robert Dunn) болон Цагаан ордонд өндөр зиндааны алба хашиж явсан, Жорж Бүшийн итгэлт хүн Дуглас Бэйкер (Douglas Baker) нар үндэслэн байгуулжээ. Бүшийн гэр бүл, Саудын Арабын хааны гэр бүл болон Бин Ладены гэр бүлийн эзэмшилд байдаг Caryle Group нь Афганистаны дайнаас хамгийн их ашиг олсон компани билээ. Ротшильдын банкууд бол Caryle Group-ийн гэр бүлийн банк юм. Monument Capital нь мөн л зэр зэвсгийн наймаа хийгээд 2001 оны 9 дүгээр сарын 11-ний халдлагаас хойш өөрийн орны иргэдийг хянах, хил хязгаараа манахад тэрбум тэрбумаар нь зарцуулж байгаа АНУ-ын эх орноо хамгаалах байгууллага болох Home Security -ийн захиалга даалгаврыг биелүүлэх хэрэгт мэргэжсэн компани болно.

"Моүнмэнт Капитал Грүпп (Monument Capital Group LLC) өнөөдөр Вортекс Системз (Vortex System LLC)-тэй өргөн хүрээтэй гэрээ байгууллаа. Вортекс нь АНУ-ын хилийн харуулын албыг газрын автомат мэдрэгчээр хангадаг гол компани юм." Тэгэхээр Ротшильд болон Бүшийн гэр бүлүүд 2001 оны 9 дүгээр сарын 11-нээс хойш Жорж В.Бүшийн тунхагласан "террорын эсрэг тэмцэл"-ээс маш их ашиг олдог болой.

Ротшильдын Эркэн грүпп ( The Rothschild Erken Group-RE-Group) өөрсдийнх нь мэдээлж буйгаар концерн, санхүүгийн инситүцүүд, засгийн газруудын бүх төрлийн томоохон арилжааны ажлыг санхүүжүүлдэг аж. Өөрийнхөө тухай бичихдээ: "2000 он хүртэл Ротшильд нь бусад ажлын зэрэгцээ хувьчлалын үйл ажиллагааны хүрээнд 40 шахам засгийн газарт зөвөлгөө өгсөн байна" гэжээ.

Ротшильдын Капитал Моүшин Пикче Файнэнсинг Дивижн (The Rotschild Capital Motion Picture financing Division) нь кино, зурагтын бүтээгдэхүүн, кино прокат, хөгжмийн продюсер болон зугаа цэнгээний бүх төрлийн төслүүд зөвөлгөө өгч санхүүжүүлдэг.

ROTHSCHILD ASSET MANAGEMENT INC (Ротшильдын хөрөнгийг захирч удирддаг компани ) Vanguard Group-т хувь нийлүүлсэн бол Vanguard Group өөрөө BlackRock, State Street Corporation, Bank of America, J.P.Morgan Chase, Sity Group, Barclays, Goldmann Sachs-ийн хувийг эзэмшдэг. Тэгвэл Bank of America, J.P.Morgan Chase, Sity Group, Barclays, Goldmann Sachs нь хамтаараа Vanguard Group BlackRock, State Street Corporation-ийн хувьцааг эзэмшдэг байна. Дэлхийн хамгийн том 50 пүүс компани, бүх томоохон хөрөнгө оруулалтын компани бие биетэйгээ яаж ийгээд л хэлхэлдэж холбогдсон байдаг. Бие Биеийн өмчийг хамтран эзэмшдэг юм. Тэгвэл бүгдэд нь Ротшильдынхон ямагт оролцсон байдаг. Энэ намайг энэ номоо анхны хэвлэлд (2011 оны 4 cap) бэлтгэж судалгаа хийж байх үед Ротшильдынхны олон янзын пүүс компанид хэрхэн орлцож буйг удирдах зөвлөл, дарга нарынх нь нэрийг хараад тодорхойлж болдог байв. Учир нь тэднийг мөнөөх пүүс компаниудын интернетийн хуудсаас намтар цадигтай нь олж болдог байв. Гэвч энэ байдал хэдэн сарын дараа өөрчлөгдөж, өнөөдөр тэдгээрт орж үзэхийн тулд бүртгүүлэх шаардлагатай болсон юм. Энэ тохиолдлын хэрэг мөн үү?

"Энэхүү аварга том сан Линде (Linde), Байер (Bayer), Мерк (Мегск)-ийн арван хувьцаа бүрийн нэгийг эзэмшдэг. Бүхэлдээ ганц DAX (Германы хувьцааны индекс)-д л гэхэд биржийн үнэлгээгээр 16,4 тэрбум еврогийн өртөг бүхий хувьцааг америкчууд атгаж байдаг. Энэ нь Дойче банк, Лүфтханза хоёрын үнийн дүнгийн нийлбэртэй тэнцэнэ... Хөрөнгө оруулалтын банкны эзэн Жонатан Белл Ловелас (Jonathan Bell Lovelace) 1913 он буюу биржийн их дампуурлаас хоёр жилийн хойно Capital Group -ийг үндэслэсэн юм. Capital Group-нь өнөөдөр Лос Анжлесс дахь Амеркийн банк (Bank of America) -ны өндөр цамхагийн 53 дугаар давхарт байрлаж, 20 сая хадгаламж эзэмшигчдийн мөнгийг (750 тэрбум доллар) захиран зарцуулж суудаг. Эл компанийн өөрийнх нь 10 хүртэл хувь нь үндэслэн байгуулсан гэр бүлийн эзэмшилд, мөн өөр нэг хэсэг нь сангийн менежер, шинжээч 150 хүний мэдэлд байдаг. Тиймээс олонх нь компанидаа өнө удаан жил үнэнчээр зүтгэж буй юм".

Массингберд Ротшильд (Massingberd Rothschild) нь Интернетийн мэдээллийн хэрэгсэлээр дагнаж буй бөгөөд тэдгээрийг нь Оливор Ротшильд (Oliver Rothschild) удирдаг. Тэдний Рио Тинто грүпп (Rio Tinto Group) (монголчууд үүнийг анзаарах буй заа Орч.) нь 140 жилийн турш ажиллаж буй уул уурхайн хамгийн том компанийн нэг бөгөөд дэлхий даяар олон уурхай ажиллуулж, алт, очир эрдэнэ, төмрийн хүдэр, боксит, хөнгөн цагаан, зэс, титан, давс болон бусад олон эрдэс олборлодог. Ганц энэ компанийн зах зээлийн өртөг л гэхэд 30 тэрбум гаруй евро болно.
Ротшильдынхон өнөө хүртэл дэлхийн хамгийн том очир эрдэнэ олборлон худалддаг Де Бийрс-ийн хувь нийлүүлэгч юм. Тэд эл компанийг Сесия Роүдын хамтаар 1880-аад онд үндэслэн байгуулсан юм. Барон Дэвид де Ротшильлд удирдах зөвлөлд нь ордог.

Ротшильдынхан дэлхийн хэвлэл, мэдээллийн хамгийн том компани болох Рүперт Мөрдокийн News Corporation-тэй нягт холбоотой. Удирдах зөвлөлд нь Ротшильдын Капитал Менежмент (Capital Managment) -ийн удирдах зөвлөлийн гишүүн болох Эндро С.Б.Найт (Andrew S.B.Knight) мөн л сууж байдаг. Дээрх News Corporation нь The New York Post, Wall Street Journal, GQ, Vouge зэргийн нэг зуу гаруй томоохон сонин сэтгүүл гаргаж тараадаг. 20th Centry Fox, Sky зэргийн кино, телевизийн хэдэн зуун компаниуд, мөн зурагтын National Geographic-ийн сувгууд тэдний мэдэлд байдаг.

"Мөрдок онилсон улс төрчдөө нэг талыг барьсан мэдээллээр шахаж дарамталж байгаад эцэстээ өөрийнх нь санаа бодлыг хүлээн авч биелүүлэхээс өөр аргагүй байдалд оруулах замаар дэлхий даяар ардчилсан орнуудыг залилан мэхэлж байсан бол эдүгээ өөрийн хяналтыг улам өргөжүүлэхийг эрмэлзэж байна. Америкийн бүгд найрамдах намаас ерөнийлөгчийн сонгуульд нэр дэвшигчдийн олонх нь Мөрдокоос цалин авдаг хүмүүсийн нэрсийн жагсаалтад байгаа юм. Обама Мөрдокийн Fox News Network-ийг суртал ухуулга явуулахаас өөр юм хийдэггүй хэмээн буруутгасанд цаадах нь барууны чиг баримжаатай Tea Party хэмээх (популист хөдөлгөөн, нэр нь 1773 оны Boston Tea Party -гаас үүдэлтэй Орч.) хөдөлгөөн эмхлэн байгуулаад Обамагийн эрүүл мэндийн даатгалын шинэчлэл болон энхийн хүчин чармайлтын эсрэг улайрсан довтолгоон хийж эхэлжээ. Үүний үрээр бүгд найрамдах намынхан 2010 онд конгрессын сонгуульд ялалт байгуулжээ."

Ротшильдын итгэлт шадар хүмүүс улс орнуудын үндэсний бүх банк, засгийн газар, засгийн газарт ойр ажиллддаг байгууллагууд, хороо, комисс, зөвлөх компаниуд, Дугуй ширээний уулзалт (Round Table), Гадаад харилцааны зөвлөл (the Concil on Foreign Reltions), Дэлхийн банк, ОУМС (IMF), Олон улсын төлбөрийн тэнцлийн банк (BIZ) болон НҮБ-д ажиллаж байдаг. Зөвхөн цөөн заримыг нэрлэхэд л ийм буюу. Ротшильдын гэр бүлд үнэнч ажилласныхаа төлөө тэд өгөөмөр шан харамж хүртдэг болой.

Жишээлбэл, Английн банк (Bank of England) -ны тэргүүн, сэр Эдвард Жорж 2003 оны 10 дугаар сард Английн Ротшильд банкны удирдах зөвлөлд сонгогджээ. 2010 оны 4 дүгээр сард NM Rothschild & Sons Ltd.-ийн Майкл Хэлү Английн томоохон банк Барклайс (Barclays) -д очсон бөгөөд Ротшильдынхон мөн л энэ банкны хувь нийлүүлэгч нь юм. Барклайс банкны удирдах зөвлөлийн дарга Маркүс Агюс нь Эдмон де Ротшильдын охин Катерин де Ротшильдын авааль нөхөр нь болой.

Ротшильдын бүлэглэл нь АНУ-ын цаасан мөнгийг хэвлэн гаргах эрхтэй ам.долларыг өмчилдөг АНУ-ын нөөцийн сан (FED) -г үндэслэн байгуулалцсан, хувь нийлүүлэгч нь гэдгийг бид мартах ёсгүй. Ротшильдынхон өөрийн эзэмшдэг хувь болон өөрийн ФМР Корпорэйшн (Fidelity Management & Resarch Corp.) -ээр дамжуулан АНУ-ын хамгийн том гурван банк болох Bank of America, J.P.Morgan Chase, City Group -ийг хамтран эзэмшдэг. ФМР Корпорэйшн нь Германд Fidelity Investment Services GmbH нэрээр ажилладаг. Энэхүү ФМР Корпорэйшн нь генийн өөрчлөлтэй хүнсний бүтээгдэхүүний үйлдвэрлэл хийгээд хөдөө аж ахуйн салбарын дэлхийн тэргүүлэгч компани болох МОН-САНТО (Monsanto) -гийн гол хувь нийлүүлэгч юм.

Ротшильдын гэр бүл 1902 оноос хойш дэлхийн хамгийн том газрын тосны концерн болох Рояль Дач Шелл (Royal Dutch Shell) -ийн хамтран эзэмшигч бөгөөд гол эзэмшигч нь Холландын хааны гэр бүл юм. Түүнээс гадна газрын тосны бусад компаниуд шууд, шууд бусаар оролцдог бол дэлхийн хамгийн том газрын тос, байгалын хий өрөмдлөгч компани болох Тран-соүшн (Transocean) -ийг эзэмшдэг болно.

Ротшильдын пүүс компаниуд 200 жилийн өмнөөс бүхүй улс төрчид, эдийн засгийн томчуудыг өөртөө татаж зүтгүүлж буй. Тэд л Ротшильдын компаниудын төлөө далдаас бүхий л тор сүлжээг нэхэж байдаг юм. Маш нарийн хэлхэлдсэн энэхүү торыг тайлахад нэгэн насны амьдрал ч хүрэхгүй. Ротшильдын клан өөрсдөө энэ бүх ээдэрч орооцолдсон хэлхээ холбоогоо яаж тайлж ойлгодгийг бүү мэд. Гэхдээ л чаддаг бололтой. Учир нь тэднийажил үйл бүх талаар ямар их амжилттай явагдаж байгааг харахад л ойлгомжтой. 2008 оны 3 дугаар сарын 31-нд Файнэшл Таймс Дойчланд (Financial Times Deutschland) бичихдээ:
"Ротшильдын хөрөнгө оруулалтын банк Германын олон чухал салбарт сүлжээгээ өргөтгөж байгаа бөгөөд чингэхдээ зөвлөхүүдийнхээ хүрээг тэлж буй. 57 настай Вальтер Тийсен пүүс компаниуд нэгдэх болон хөрөнгийн зах зээлийн асуудлаар зөвөлгөө өгөх ахлах зөвлөх нь болох юм байна. 2007 оны дундуур Тийссен германы эхнээсээ гуравт ордог даатгалын грүпп АМБ Женерали (АМВ Generali)-ийн удирдах зөвлөлийн даргын албан тушаалаасаа гэнэт чөлөөлөгдсөн юм... Эдүгээ Тийссен Германы хөрөнгө оруулалтын банкуудын хамгийн өндөр зиндааны зөвлөхүүдийн хүрээнд орох болж буй. Ротшильд олон жилийн турш туршлагатай мэргэжилтнүүдийн тусламжтайгаар арилжаа наймааны ажлаа идэвхжүүлж өргөжүүлэх стратеги мөрдөж ажиллаж байгаа болно. Тухайлбал автомашины аж үйлдвэрийн хамгийн их нөлөөтэй ерөнхийлөгч явсан Бернд Готтшалк түүний банкинд зөвлөж буй. Мөн Баваарын сангийн сайд асан Күрт Фалтлхаузер улс төрөөс гарсныхаа дараа Ротшильдын хөрөнгө оруулалтын банкны албанд зүтгэх болсон.

Ротшильд Баваар муж улсын төв банктай уламжлалт нягт харилцаатай. Дээр дурдсан зөвлөхүүдийн хүрээг Квелле (Quelle) болон тэр үеийн Даймлер Бенцийн удирдах зөвлөлийн дарга байсан Клаус Манголд удирдаж буй. Мөн Герхард Шрөдер (ХБНГУ-ын канцлер, ГСДН-ын дарга асан Орч.)-ийг Ротшильдтой холбосон хүн бол Манголд билээ. Manager-Magazin.de онлайн сэтгүүл 2010 оны 4 дүгээр сарын 9-нд Холбоо-ны канцлер Герхард Шрөдерийн хоёрдахь ажил үүргийн талаар нийтэлсэн цуварлынхаа 8 дахь дугаарт "Тэргүүн өөрөө оролцох ёстой гэсэн" гарчгийн дор бичихдээ:
"... Эцэстээ өөрөө нэлээд хэдэн жилийн өмнөөс Ротшильдын албанд зүтгэж буй, Даймлерийн менежер асан Клаус Манголд түүнийг (Шрөдерийг) банкны мундаг гэр бүлтэй хамтарч ажиллахыг ятган зөвшөөрүүлжээ.

Дэвид де Ротшильд ийм тохиолдолд заншсан ёсоор түүнд (Шрө-дерд) товч захидал илгээж, хамтран ажиллахад бэлэн гэдгээ илэрхийлсэнд нь талархаад Европын дэд зөвлөлийн дараагийн хуралдаанд оролцохыг урьжээ. Ажил хэргийн ийм энгийн агаад товч тодорхой арга барил нь Шрөдерийн сэтгэлд ихэд нийцжээ. Нуршуу урт захидал ч гэлгүй, харин нөхцлөө товч хэлээд гар барилцаад л боллоо" хэмээжээ.

Тиймээ, яг л ингэж явагддаг юм! Албаны юм бага!

Эх сурвалж: "Хөх толбо" сонин