Абрамовичийг буруутган гаргасан тайланд дvн шинжилгээ хийсэн олонх ажиглагчид Роман Абрамовичийг Ходорковский, vгvй ядаж л Бере-зовскийн нэгэн адил хувь заяа хvлээж байгааг онцлон тэмдэглэжээ. Гэвч супер олигарх эрийн дайснуудын энэхvv найдлага муугаар бодоход ямар ч vндэслэлгvй аж. Абрамовичийн оргилд гарах замнал нь бvр 1995 оноос эхэлжээ. Тэр vед Березовский «Сибнефть» компанийн нэрийн дор олонд нэртэй болсон Омскийн нефть боловсруулах vйлдвэр, «Ноябрьскнефтегаз»-ыг хувьчлахаар завдаж байлаа. Чухам энэ л vед Березовскийтэй vерхэж байсан Гайдарын Засгийн газрын vеийн нэгэн сайд асан Роман Абрамовичийг тvvнтэй танилцуулжээ. Эхэн vедээ Березовский залуухан ивээн тэтгvvлэгчид ихэд сэтгэл хангалуун байв. Vнэхээр Абрамович дээд зэргийн vр ашигтай ажилладаг, уян хатан, шударга даруу зантай нэгэн байлаа.

Төдөлгvй Березовский Абрамовичид туйлын хариуцлагатай даалгаврыг vvрэг болгов. Энэ нь ерөнхийлөгчийн охин Татьяна Дьяченко болон ирээдvйн Кремлийн захиргааны тэргvvн Валентин Юмашев нартай холбоо тогтоох явдал байлаа. Роман Аркадьевич санасныг бодвол маш тvргэн хугацаанд Валентин Юма-шевын ойр дотны анд нь болж чаджээ. Кремльд ажиллаж байсан нэгэн ажилтны яриагаар бол Абрамович, Юмашев нар нэгэн зуслангийн байшинд хэдэн сараар хамтдаа амьдарсны дараа тэдний нөхөрлөл ер бусын хурдацтайгаар хөгжиж эхэлжээ. 1998 оны намар Абрамович Ельцины гэр бvлийн гол ойр дотны хvн болох хувиараа Березовскийг орлож эхлэв. Абрамович урьдын адил даруу, шударга явдлыг илтгэж олны нvдэнд ил гарах дургvй байлаа. Бvр улс төрийн ихэнх хашир туршлагатай сэтгvvлчид ч Оросын улс төрд ийм нэртэй гарамгай зvтгэлтэн байдаг хэмээн сэжиглээгvй юм.

Харин Британийн олон нийтийн хэвлэл, мэдээллийн хэрэгсэлд өдөр болгон шахуу Саратовын хvvхдийн асрамжийи газрын хумvvжигч асан Роман Абрамовичийн олны чихийг дэлдийлгэсэн гаж шопинг-төлөвлөгөөний талаар дуулиант материалуудыг нийтлэх болжээ. Тухайлбал, эдvгээ хөл бөмбөгийн «Челси» багийн эзэн агуу том эдлэн «Юстон Нестон»-ыг 90 сая доллараар худалдаж авах боломжийн талаар хэлэлцэж байна. 54 өрөө бvхий энэ харшийг 470 жилийн турш гvн Хескетийн язгууртан гэр бvл эзэмшиж иржээ. Гэвч Оросоос ялгаатай нь будант Альбионд хичнээн их хэмжээний мөнгөтэй байсан ч улс төрийн элитэд эзлэх тогтвортой байр суурийг баталгаатай болгож чадахгуй юм.Абрамович Орос улсаас өчнөөн эvйл авсан ч бараг юу ч өгөөгvй юм. Vvнтэй санал нийлэхгvй газар орон байж таараа. Энэ бол Чукотка. Чукоткэд Абрамович vлэмж их санхvvгийн хөрөнгийг оруулаад олон жил болж байгаа юм, Абрамовичийн амьдралд гурван эмэгтэй байсан юм. Тэрбээр бvгдийг нь vнэн сэтгэлээсээ хайрласан.

Олигархийн одоогийн эхнэр /охин нэр нь Маландина/ нь «Шереметьево» нисэх онгоцны буудалд онгоцны vйлчлэгч байжээ. Ирина Маландина тийм ч хангалуун бус гэр бvлд өсч торнижээ. /Эцэг нь Шинэ Арбат дахь нэгэн зоогийн газар зөөгч хийж байгаад болгоомжгvйгээсээ болж ухсан нvхэнд унан нас баржээ/. Гэвч авга эгч нь бvсгvйг нэр хvндтэй ажилд оруулж өгөв. Наяад оны сvvлээр Абрамович vе vе ХБНГУ руу нисдэг байжээ. Ингээд 1991 онд тэд хуримлав. Эхнэр нь тvунд таван хөөрхөн хvухэд төрvулж өгсөн аж. /гурван охин, хоёр хvv/ Ирина Маладинагаас өмнө Абрамович Ольга Лысоватай ханилж байлаа. Тэд анх Ухтад танилцсан байна. Тэд 1987 онд гэрлээд Москвад шилжин иржээ. Чухам өмнө нь намын зvтгэлтэн байсан эхнэрийнх нь эцэг, эх Абрамовичид хvvхдийн тоглоом vйлдвэрлэдэг хоршоолол байгуулахад нь тусалжээ.

Эдvгээ Ольга Москвагийн Марьинад оршин суудаг аж. Тэрээр Авраам Руссогийн найрал хөгжмийн хөгжимчинтэй ханилсан байна. Дам ярианаас сонсох ахул Абрамович анхны хайрт Вика Забровскаягээс өшөө авахын тулд Ольгатай гэрлэсэн ажээ. Ольга, Абрамович нар Ухтад хамтдаа суралцаж байсан байна. Анх танилцахдаа Абрамович 17 настай байсан бол урт хөлтэй, шаргал vстэй царайлаг бvсгvй Забровская арван наймтай байжээ.«Челси»-гийн ирээдvйн эзэн дунд боловсролынхоо аттестатыг ядах юмгvй авсан бол дээд боловсролын диплом авах гэж нэлээд мэрийгээд чадаагvй гэдэг. Өөрийн анкетандаа нефть хөл бөмбөгийн магнат маань Губкины нэрэмжит Нефть-хийн их сургуулийг төгссөн хэмээн бичдэг байна.

«Би Их сургууль төгсөгчдийн холбооны Ерөнхий захирлын хувьд хэлэхэд тэр /Абрамович/ сургуулиа төгсөөгvй!» хэмээн алдарт «Керосинка»-н сургалт хариуцсан ректор Виктор Соломонович Шейнбаум эрс vгvйсгэсэн юм. Зарим нэг намтар судлаачид ирээдvйн хөрөнгөтөн маань Москвагийн их сургуулийн шалгалтанд уначихаад эх орондоо эргэн ирж Ухта дахь «аж vйлдвэрийн дээд сургууль» гээчид хvчээр орсон аж.Ухтагийн Техникийн их сургуулийн нэгэн ажилтан гадаадын сурвалжлагчдын хvсэлтээр «Абрамовичийн хэргийг» судалж vзсэн ажээ. Тэгэхлээр Роман оюутан байсан уу? «Архивт ийм баримт байхгvй байна» хэмээн ажилтан бvсгvй тэднийг гонсойлгов. «Учир нь бvх төгсөгчдийн талаарх мэдээллvvдийг мужийн архивт шилжvvлдэг юм л даа. Тэнд дипломнуудын хуулбарууд хадгалаастай бий. Абрамович бол манай сургуулийг төгсөөгvй гэж би зуун хувь хэлж чадна.

Тэр vед ч Ухтагийн аж vйлдвэрийн дээд сургууль гэж нэрлэгддэггvй байсан. Тиймээс тэр диплом аваагvй. Яахав, оюутан байсан байж болно. Гэхдээ тvр зууртаа. Би л тийм оюутныг санахгvй байна» гэлээ. Бусад эх сурвалжаас vзвэл Абрамович Авто замын, эсвэл Авто-механикийн дээд сургуульд шинжлэх ухааны зах зухаас мэрж байсан байж болох талтай. Гэвч оюутан Абрамовичийн хувийн хэрэг тэдний алинд нь ч vгvй ажээ. Хөрөнгөтөнд дипломоо гардуулсан гэдгээ vгvйсгэхгvй байгаа цорын ганц сургалтын газар бол Москвагийн Хуулийн академи бөлгөе. Энэ академи нь 90-ээд оны эхэн vед байгуулагдсан бөгөөд тухайн цаг vедээ боловсролдоо санаа тавиагvй, мэргэжлзэрээ гvнзгийрч сураагvй төрийн албан тушаалтнуудын дунд их алдартай болжээ.«Бид дээд боловсролыг гvйцэд эзэмшээгvй элсэгчдийг бvртгэдэг.

Гэхдээ суралцагч их, дээд сургуульд дор хаяж хоёр жил сурсан байх ёстой. Абрамович гvйцэд дvvргээгvй дээд боловсролтой байсан. Тэрнээс бус бид тvvнийг элсvvлэхгvй байсан» хэмээн сурвалжлагчдад факультетын декан Александр Магомедоа тайлбарлажээ. Москвагийн Хуулийн академийнхэн ч Абрамовичийг «Керосинка»-с ирсэн, академийн диплом нь хуурамч биш байсан хэмээн баталж байна. «Хэрвээ тэр муу сурч байсан бол бид сургуулиасаа хасчих байлаа. Бидний хувьд бvх оюутнууд эрх тэгш» гэжээ. Абрамович хуулийн академидаа суралцах гэж дөрвөн жил, бас зургаан мянган доллар зарцуулжээ. Тэрбээр «Сибнефть”-ийн Москва дахь салбарын захирал байхдаа тус сургуульд элсч, 2001 онд төгсөхдөө Чукоткийн амбан захирагч болсон байлаа. Тvvний хувийн эд хөрөнгө тэр vед тэрбум доллараас хол давсан байв.

«Рома бол даруухан, биеэ барьж чаддаг хvv байсан. Тэрбээр эцэг, эхгvй өссөн учраас багш нар тvvнд илvv анхаарал тавихыг хичээдэг байсан. Тийм хvмvvс юу хvсч байгаагаа сайн мэддэг» хэмээн алдарт төгсөгчийнхөө талаар 232-р сургуулийн захирал Людмила Сергеевна Просенкова дурсч байна.Абрамовичийн тухай анх олон нийт Ельцины «тvрийвч» гэгдэж байсан Александр Коржаковын амнаас сонсчээ. Тvvнээс хойш Роман Аркадьевичийн хөрөнгө арав дахин өссөн юм.
«Форбс» сэтгvvлд бичснээр Оросын магнатын хөрөнгө 10.6 тэрбум долларт хvрсэн байна. Гэхдээ тэр сэтгvvлд зөвхөн цагаанаар буюу албан ёсоор энэ, тэр хөрөнгөтний нэр дээр бvртгэгдсэн тvvний компаниудын өртгийг тооцоолсон нь тэр байлаа.

Харин өнөөдөр Абрамовичид хэд хэдэн автозавод эзэмшдэг компани «Руспромавто»-гийн багц хувьцааг эс тооцвол бараг юу ч vгvй болжээ. Мөн ЮКОС-«Сибнефть» хамтарсан компанид хэдэн хувийг эзэмшдэг нь эргэлзээтэй байна, Vлдсэн бvх хөрөнгөө Абрамович заржээ. ЮКОС-той хийсэн гэрээнийхээ төлөө Чукоткийн vйлдвэрийн эзэн маань гурван тэрбум доллар болон хамтарсан компанийн 36.01 хувийг авчээ. Шинжээчдийн vзэж буйгаар «Сибнефть» компанийн 51 хувийн хувьцааныхаа төлөө 110 сая доллар авсан тооцоо гарчээ.Хэдийгээр тэрбээр хувьцаа худалдаж авахдаа 500 мянгыг зарцуулсан ч хөнгөн цагааны «РусАл», «Аэрофлот» концерн дахь тvvний эзэмшдэг хувийг тэрбээр таван тэрбум доллараар зарсан мэдээ байна, Мөн 2005 оны 9-р сард “Сибнефть” концерноо улсад есөн тэрбум доллараар худалдсан мэдээ бий.

Саяхан тэрээр Дарья Жуковатай суусан бөгөөд одоо залуу эхнэр болон шинэ мэндэлсэн нялх үртэйгээ Лондонд амьдарч буй.