Гэр бүлд энэ ордныхон тэргүүлэх үүрэг гүйцэтгэдэг. Гэр бүлийн гишүүдийг зохион байгуулж, хэн юу хийх ёстойг нь хувиарлаж өгдөг. Гэртээ удирдагч, толгойлогч байх нь захирагдахаас сонирхолтой. Гэр бүлийн бусад гишүүд тэдний сэтгэл санааны байдлыг дагахаас өөр аргагүйд хүрдэг. Хэрэв ажил дээр нь бүх юм сайн сайхан байвал гэртээ сэтгэл өндөр ирж хүн бүрт анхаарал тавин бага сага зүйл бэлэглэж ч болох юм. Хэрвээ ажил дээрээ асуудалтай бол гэртээ ч асуудал гаргаж мэднэ. Тэдний уур хилэн тогтворгүй байдал байж болох хэм хэмжээнээс хэтэрч болох юм. Ийм мөчид хониныхон гэр бүлтэй, үр хүүхэдтэй гэдгээ мартаж ажил тараад найз нөхөдтэйгээ хаа нэг газар амрахаар очиж орой болсон хойно юу ч болоогүй юм шиг ямар ч тайлбар хийхгүй гэртээ ирэх талтай. Гэр бүлийн санхүүгийн асуудлын хувьд Хониныхон мөнгө хойш хийнэ гэж байдаггүй ба гэр бүлийн хэрэгцээнд шууд зарахыг илүүд үздэг. Тэд эргүүлж авч чадах эсэх тухайгаа бодохгүйгээр их мөнгө найз нөхөд танил талдаа урт хугацаагаар зээлүүлдэг. Үүнээс болоод гэр тодор хэрүүл маргаан гарах нь бий. Гэртээ тавилгаа нэг өрөөнөөс нөгөө өрөөндөө зөөж тавьж, хөнгөн засвар хийж, угаалгын өрөөний ханаа өөр өнгөөр будах мэт ажил хийх дуртай. Хоол ундны асуудал дээр төвөггүй. Гэр бүлдээ зориулсан хамгийн боломжийн наад захын хоол унд байхад хангалттай. Харин зочид урихаар бол авьяасаа гаргаж, нарийлалгүй тансаг хоол унд бэлтгэдэг. Хувцасны талын асуудал дээр өндөр үнэтэй хувцас, эд зүйл авснаас гэр бүлээрээ гадаадад явж амрах нь хавьгүй дээр гэж үздэг. Гэр бүлийн хүрээнд шийдэх асуудал гарвал хэн ч түүнтэй маргах, ямар нэгэн зүйл батлах эрхгүй. Тэр өөрөө л шийдвэр гаргадаг. Хүүхдүүдтэйгээ тэр цаг ямагт эелдэг харьцдаг.

Үхэр

Үхрийнхэн мөнгө олох үүрэг хүлээсэн. Өөрийн хөдөлмөрч, шаргуу зангийн ачаар гэр бүлийнхээ санхүүг байнга нэмэгдүүлж байдаг. Гэр бүл нь эд зүйлээр дутахгүй байх нь тэдний хувьд тогтвортой байдал, маргаашдаа итгэх итгэлийг төрүүлдэг байна. Хэрэв ямар нэгэн мөнгөний хэрэгцээ гарвал тэд хоёр ажил зэрэг хийх зэргээр мөнгө заавал олдог. Түүнтэй хамт байхад гэр бүлийн бусад гишүүд чулуун хэрмийн цаана л байгаа юм шиг санаа амар байж тэдний үнэнч, найдвартай занг үнэлж чаддаг. Тэд хүнд мөнгө зээлдүүлэх дургүй. Учир нь мөнгө хэрэгтэй бол хүн болгон өөртөө хэрэгтэй мөнгөө өөрөө олох ёстой гэж үздэг байна. Бүх хүчээ дайчлан ажиллаж сэтгэл хангалуун байхын тулд тэд гэр орондоо тав тухтай байдал бий болгох ёстой гэж боддог ба өөр ямар ч ордныхноос илүү гэр орноо тохижуулахад анхаарч удаан эдэлгээтэй, үнэтэй, чанартай, ганган тавилга авч тавихыг илүүд үздэг. Түүнээс гадна тэд хуучин тавилга, эд зүйлээсээ салах, байн байн солих дургүй, мөн өөрчилж тавих ч дургүй. Хэрэв тэр шүүгээг том өрөөний нэг буланд тавьсан л бол ингээд хэдэн жил болноо гэсэн үг. Тэдний гэрт хуучны зэвсэг, зоос эсвэл зургийн цуглуулга байх нь элбэг. Учир нь тэдний ихэнх нь ямар нэг цуглуулгатай байх сонирхолтой. Идэж буй зүйлдээ их анхаардаг. Тэд сайн тогоочид ба гэр бүлээ тансаг хоолоор эрхлүүлж, ресторанаар дагуулж явах дуртай. Ойр дотныхон, найз нөхөд нь тэднийх хэзээ ямагт сайхан хоолтой байдаг зочломтгой хүмүүс гэж мэддэг учир урилгагүйгээр зочлон ирдэг. Гэртээ ургамал цэцэг тарих дуртай. Талбай байвал цонхны тавиур, тагт, өрөөний аль нэг булангийн хаана ч гэсэн бүхэл бүтэн цэцэрлэг байлгахыг хүсдэг. Тэдний амьдралд хүүхэд нь чухал байр суурь эзэлдэг. Тэд хүүхдээ анхаарал, халамж, хайраар дутаахгүй. Бусдын хүүхдээс дутуугүй байлгахын тулд тэд бүхнийг хийх болно.

Ихэр

Ихрийн ордныхон гэр бүлийн дотор санал зөрөх, маргаан гаргахгүй байхыг хичээдэг. Тэд тэдэн рүү хашгирч, тэднийг хүмүүжүүлэх гэж оролдох, шүүмжлэх, дарамтлахад дургүй. Гэхдээ гэрт иймэрхүү асуудал гаргахад тэд өөрсдөө буруутай байдаг. Тэд ямар нэг юм хийнэ гэж амлаад мартах нь их. Тухайлбал хүүхдүүдээ дагуулаад цирк явна, дугуй авч өгнө гэж амлаад мартах, эсвэл дэлгүүр яваад ирнэ, гэрээ цэвэрлэнэ гээд мартах гэх мэт. Тэдний хэлсэндээ хүрдэггүй, хүүхдэрхүү байдлаас болоод гэр бүлийн уур амьсгал удаан хугацааны туршид тааруухан байхад хүрдэг. Гэхдээ энэ мэтийн дутагдлыг тоолгүйгээр гэр бүлийнхэн нь тэдэнд хайртай, тэрнийг үнэлдэг. Үхрийхэнтэй байхад хөгжилтэй, уйддаггүй. Тэд гэртээ зочид урих, зугаацахаар гэрийнхнээ ийш тийш дагуулж явах эсвэл аяллаар явах эрхийн бичиг авах дуртай. Тэд гэртээ суух дургүй, зуухны хажууд эргэлдэж, гэртээ их цэвэрлэгээ хийх, аяга таваг угаах сонирхол тэдэнд үгүй. Өдөр бүр тоосоо арчина гэдэг юу л бол. Гэрэл шатчихлаа гэхэд долоо хоног солихгүй байх нь энүүхэнд. Тиймээс дараа нь нэг өдөр гэр бүлээрээ цэвэрлэгээ хийвэл өөртөө их цаг гаргаж чадна гэж үзээд гэр орныхоо ажлыг хураахыг илүүд үздэг. Заримдаа түүний гэр бүл найз нөхөддөө их цаг гаргаад тэдэнд цаг зарцуулахгүй байна гэж гомдоллох нь бий. Мөн түүнчлэн өглөө талханд гараад орой нь бялуу, хүүхдүүддээ ундаа барин орж ирж ч чадна. Гэр бүлийн санхүүгийн асуудлын хувьд өрхийн зардал болон ямар нэг юм гэр бүлдээ зориулан худалдаж авах ажлыг хийх дургүй ба энэ асуудлыг эхнэр ба нөхөртөө эсвэл эцэг эхдээ даалгахыг хичээдэг. Тэдний хийх ёстой ажил гэртээ мөнгө авчрах. Цааш яах нь түүнд сонирхолгүй. Гэр бүлийн ямар нэг шийдвэр гаргах бол өөрөө саналаа хэлэх боловч түүнээ биелүүлэхийг шаардахгүй, харин ч сүүлийн үгийг эхнэр ба нөхөртөө үлдээдэг. Хүүхдүүдтэйгээ хэл амаа сайн ололцдог, сайн найз нь болж чаддаг.

Мэлхий

Гэр бүлийн гишүүдийнхээ төлөө санаа зовж, бүгдэд нь хайр халамж, анхаарал тавьж чаддагийнх нь төлөө тэднийг хайрламаар хүмүүс. Тэд сайн сэтгэл зүйчид ба бүгдийг нь сонсож дэмжлэг үзүүлж чаддаг. Тэд нарийн мэдрэмжтэй, юмыг хүлээж авах чадвар сайтай тул хэн нэгэнд тулгарсан асуудлыг өөртөө тулгарсан мэт хүлээж авдаг. Тэд үүний хажуугаар зүгээр өнгөрчихөж чадахгүй, заавал сэтгэл санааны буюу бүр чадвал үйл ажиллагаагаараа ч дэмжлэг үзүүлэхэд бэлэн. Тэд гэр бүлдээ анхаарал сайн тавьдаг. Хямгатай. Мөнгөний үнэ цэнийг сайн мэддэг, маргаашийнхаа тухай боддог. Сүүлийнхээ мөнгийг зугаа цэнгэл, үнэтэй гуталд өгөх нь юу л бол. Ямар нэг хэмжээгээр мөнгө хойш нь хийж эсвэл гэрийнхэндээ хэлэхгүйгээр нуух нь ч бий. Мөнгө зээлдүүлэх дургүй. Ямар нэг шалтаг олж хэлж чадна. Гэр бүлийнх нь хангалуун хангалуун амьдрал хэн нэгэнд туслахаас чухал. Хөргөгчинд нь юу байна, гэр бүлийнхэн нь юу идэж уух гэж байна гэдэг асуудал тэдний хувьд чухал. Тэд сайн тогооч, аж ахуйч. Хоолны шинэ жор цуглуулж гэрийнхэндээ сайхан хоол хийх дуртай.Тэд янз бүрийн хоол хийхийг хичээдэг ба ширээний араас босохдоо баярлалаа гэж хэлэхгүй бол гомдож дараа эвтэй тохиолдол гарахад тэдэнд энэ тухай сануулах нь бий. Тиймээс эхнэр буюу нөхөр нь болон хүүхдүүд нь түүнд байн байн баярлалаа гэж хэлж, магтаж байвал тэд улам баяр баясгалантай болж тэднийхээ төлөө улам бүр хөдөлмөрлөх болно. Мэлхийнхний гэрт үргэлж цэвэрхэн, тав тухтай. Хааяа тавилгаа өөрчилж тавих дуртай. Гэхдээ хамгийн гол газар бол гал тогооны өрөө. Тиймээс энэ гэр бүлийн байх дуртай гал тогооны өрөөнд зурагт, хөгжим, янз бүрийн техник, чамин сав суулга олж харж болох юм. Гэр бүлийн аливаа асуудлыг хэлэлцэхэд тэдний саналыг сонсоход тэд дуртай байдаг. Шүүмжлэл, ямар нэг хурц үг хэлэхэд тэд дургүй. Ямар ч бүдүүлэг үг тэднийг гомдоодог. Хүүхдүүдийнхээ хувьд Мэлхийн ордныхон тэднийгээ насан туршид нь хайрлаж, санаа тавьж байдаг хамгийн сайн эцэг эх.

Арслан

Арслангийн ордныхон гэр бүлдээ санал бодлыг нь бүгд сонсож, өгөөмөр сэтгэлийг нь гайхан бахдаж байдаг эзэн байхыг хүсдэг. Тэднийг шүүмжилж, тэдэнд дуугаа өндөрсгөхийг тэд тэвчиж чаддаггүй. Тэгсэн тохиолдолд арслангийнхан ууртай, удирдах аргагүй махчин амьтан шиг болж гэр бүлийнхэн нь орох байх газаргүй болон хэзээ гэрийн шуурга дэгдэхийг хүлээдэг. Тэднийг магтаж, буруу зүйл хийсэн үед нь ч дэмжиж байхад тэд дуртай. Тэд өөрийн гэрээ ордон шиг санадаг ба гэрт нь үнэтэй тавилга, шүүгэнд нь гоё ганган хувцас, гал зууханд нь чамин тансаг аяга таваг, техник, хөргөгч нь хоол хүнсээр дүүрэн, ширээ нь идээ ундаагаар бялхаж байхад дуртай. Тэд гэртээ зочид урьж наргиж, цэнгэх дуртай. Зочид ч тэднийхээс эрт явах юмуу, эсвэл өлсгөлөн үлдэнэ гэж байхгүй. Ширээн дээр нь үргэлж үнэтэй, чамин хоол, ундаа, гоё аяга таваг байдаг. Гэр бүлийн санхүүгийн асуудлын хувьд Арслангийн ордныхон элбэг дэлбэг амьдрах дуртай. Мөнгө нь хэзээ ч дуусахгүй юм шиг санаж хойш нь хийж хадгална гэж үгүй. Хүнд хэцүү үед арслангийн ордныхонд хандаж мөнгө зээлдэе гэхэд тэд дуртайгаар тан мөнгө өгнө. Тийм үед марталгүйгээр тэдэнд магтаалын үг хэлж тэдний сайн тал, өгөөмөр сэтгэлийг бахдах ёстой. Тэд аливаа зүйлд шинэ чиг хандлагыг дагах дуртай тул гэрийнхээ тавилгыг байнга өөрчилдөг ба ингэхдээ мэргэжилтэн урьж өөрийнхөө хүссэнээр бүх зүйлээ хийлгэн үүнээс сэтгэл ханамж авдаг. Гэр бүлийн аливаа асуудлыг хэлэлцэхэд шийдвэрийг өөрөө гаргах дуртай. Тэд бодит нөхцөл байдлыг эрүүл ухаанаар дүгнэж, цэгнэж зөв шийдвэр гаргах чадвартай. Үр хүүхдээ байнга хайрлан хамгаалж сэтгэл санааны байдлаасаа хамааран хатуу чанга ч байж чадна, зөөлөн ч байж чадна.

Охин

Охины ордныхон гэр бүлдээ хамгийн хариуцлагатай, практик хандлагатай. Гэр бүлийнхээ бусад гишүүдийн өмнө үүрэг хүлээж гэр орны үүргийн ихэнх хувийг өөрөө хариуцдаг. Тэдний хувьд хангалуун амьдрал чухал учир их ажилладаг ба үүнээс болж ажил дээрээ оройтох, дуусаагүй ажлаа гэртээ авчрах нь бий. Гэхдээ их ажил болон ядарснаа хайхрахгүйгээр гэрийнхээ хэдийнээ төлөвлөсөн ажлыг хойш тавина гэж үгүй. Гэрт нь үргэлж эмх цэгцтэй, цэвэр, бүх юм байр байрандаа байхад тэд дуртай. Эрүүл аж төрөх ёс, ариун цэвэр сахих талаар тэд гэр бүлийн гол хүн. Гэрийнхэн нь юу идэж ууж байгаа нь түүний хувьд маш чухал. Тэд маш энгийн хоол хүнс сонгодог. Энэ ордныхны дунд цагаан хоолтон элбэг. Гэр бүлийнх нь гишүүд өглөө гимнастик хийж, шүдээ угааж, хоол идэхийн өмнө гараа угаахад анхаарал тавьдаг. Тэд хямгатай. Зугаа цэнгэл, үнэтэй хувцас, тавилга зэрэг дэмий зүйлд мөнгөө зарах дургүй. Энгийн, даруу боловч донжтой маягаар гэрээ тохижуулах сонирхолтой. Гэрт нь амьдралд зайлшгүй хэрэгтэй зүйл байх талаар анхаарал тавьдаг. Мөнгийг ном, боловсрол, спортод зарцуулах ёстой гэж тэд үздэг ажээ. Гэр бүлийнхээ ирээдүйг боддог учир орлогынхоо ямар нэг хэсгийг зайлшгүй хэрэгцээндээ зарцуулж үлдсэн хэсгийг дэвтэрт хийх буюу найдвартай газар хадгалдаг. Ямар ч хэцүү тохиолдолд Охиныхон ямар ч асуудлыг нарийвчлан судалж зөв шийдвэр гаргаж чаддаг тул гэр бүлийнхэн нь түүнд хандахад дэмжлэг үзүүлэхэд бэлэн. Мөн түүнчлэн сэтгэл санааны байдалдаа хяналт тавьж, биеэ барьж чаддаг тул түүнтэй хамт байхад айх сандрах зүйлгүй түшигтэй байдаг. Хүүхдийн асуудал дээр Охиныхон хатуу, чанга хариуцлагатай. Хүүхдүүдээ тодорхой хүрээнд барьж эмх цэгц, сахилга баттай байлгаж сургахыг хичээдэг.

Жинлүүр

Жинлүүрийн ордныхон гэр бүл дотроо хэрүүл маргаанаас зайлс хийх эв эеийг зохицуулах үүрэгтэй хүн, шүүгчийн үүргийг гүйцэтгэдэг. Тэд ер нь төрөлхийн эв дүйтэй, юмны арга эвийг олж чаддаг хүмүүс ажээ. Тэдний хувьд тав тух их чухал. Тиймээс гэрээ тохижуулахад ихэд анхаарч ганган тавилга худалдаж авахыг хичээдэг ба сүүлийн үеийн загвараас хоцрохгүйн тулд загварын сэтгүүл худалдан авч анхааралтай судалдаг. Мөн үнэтэй зураг, ваар, баримал, ер бусын чимэглэлээр гэрээ гоёх дуртай. Тэд гэртээ хөнгөн засвар хийх,тавилгаа өөрчилж тавих дуртай ба энэ бүхэн нь их цаг авахгүй байх ёстой. Юмны гадаад өнгө үзэмжинд их анхаардаг тул гэр бүлийнхээ санхүүгийн асуудлыг шийдэхдээ хэзээ ч өөртөө үнэтэй шинэ костюм, гутал авах мөнгө үлдээхээ мартдаггүй. Заримдаа үнэтэй цаг, эсвэл савхин хүрэм худалдаж авахын тулд хоол хүнс болон ахуйн хэрэгцээний зарим зүйл дээрээ мөнгө хэмнэж чадна. Тэднийхээр бол юуны түрүүнд гоо сайхан байх ёстой. Өөрийнхөө хувцас гоёлоор бусдад сайхан сэтгэгдэл төрүүлж буй эсэхдээ итгэлгүй байвал тэдний хувьд амьдрал уйтгартай бүүдгэр болж гэртээ ч ямар нэг юм хийх сонирхолгүй болдог. Тэд зөвхөн өөрөө итгэдэг мөнгийг нь удаалгүй өгчих хүнд л мөнгө зээлүүлдэг. Тэд гэртээ зочин хүлээж авч хоол хийх авьяасаа гайхуулах, мөн гэр бүлийн хамт хөгжиж цэнгэж болох газар очих дуртай. Нэгэн хэвийн амьдрал, уйтгарыг тэвчиж чадахгүй. Гэрийн ажил хийх дуртай биш. Ер нь юм бүр хэмжээ хязгаартай байх ёстой гэдэг бол тэдний бодол. Тэд дэлгүүр хэсэж, гэртээ бусдын хамт их цэвэрлэгээ хийх, амттай хоол хийх, олон нийтийн газар очих, найз нөхөдтэйгээ уулзах, ямар нэг гэр бүлийн баяр зохиох гээд л бүгдийг амжуулахыг хичээдэг. Гэр бүлийн хүрээнд шийдэх асуудал гарвал тэр саналаа хэлэх боловч бусдынхаар шийдэхэд эсэргүүцдэггүй. Хүүхэдтэйгээ хэл амаа ололцдог, ойлголцдог, тэдний гоо сайхны боловсролд их анхаарал тавьдаг.

Хилэнц

Хилэнцийн ордныхон гэртээ гол хүн байхыг хичээдэг. Тэр өөрийн гэсэн хэв журам тогтоож, зөвхөн өөрийнх нь бодол санаа зөв, хэрэгжих ёстой гэж үздэг тул заримдаа гэр бүлийн бусад гишүүний санаачлагыг дардаг. Ямар ч шүүмжлэл хүлээж авдаггүй ба хэн нэгэн түүний алдааг хэлж өгөхийг хичээвэл маш их уурладаг. Гэвч түүний энэ дутагдлыг үл анзааран гэрийнхэн нь бүгд түүнд хайртай байдгийн учир нь тэд маш үнэнч, найдвартай, хэзээ ч тэднийгээ бусдад дээрэлхүүлэхгүй. Тэд зөвхөн өөртөө найддаг, ямар ч зүйлийг зөвхөн өөрөө л хийдэг. Өөрийгөө захирч чаддаг, шийдэмгий. Тэдний хувьд нийгэмд тодорхой байр суурь эзэлж, хангалуун амьдралтай болох нь чухал. Учир нь мөнгө амьдралд бүх юмыг шийддэг, мөнгөний тусламжтайгаар эрх мэдэлтэй, бусдаас хамаарахгүй байж болох ба эрх чөлөөтэй байж болдог гэж үздэг. Гэрлэхдээ ч тэр зөвхөн итгэж болох хүнийг л сонгодог. Гэр бүлийн бүх асуудлыг өөрийн хяналтан доор байлгаж, юуг яаж хийх ёстой талаар заавар өгнө. Тэд хямгатай, гэр бүлийн санхүүгийн асуудлыг төлөвлөж банкинд мөнгө хийхийг хичээдэг. Тэр үнэтэй тавилга хөөцөлддөггүй энгийн байдлаар гэрээ тохижуулдаг. Хуучин юмаа хаяж чаддаггүй, хойш нь хийх дуртай. Тааз нь нурж, ханийн цаас нь хууларсан цагт л сая нэг юм засвар хийх санаа төрдөг. Тэд бусдад мөнгө зээлдүүлэх дургүй. Хааяа нэг зээлдүүллээ гэхэд зөвхөн итгэлтэй хүнд л өгдөг. Заримдаа ганцаар байх дуртай ба гэртээ хэн ч түүний тайван байдлыг эвдэхгүй газар олохыг хичээдэг. Гэр бүлийн асуудал шийдэх бол хэнтэй ч зөвлөхгүйгээр өөрийн ухаан мэдрэмжид найдан шийдвэр гаргадаг байна. Хүүхдүүддээ хатуу, захирангуй ханддаг хэдий ч өөр хэн нэгэн хүүхдүүдийг нь гомдооход тэднийгээ өмгөөлөн, заавал тусалдаг.

Нум

Нумынхан гэр бүлдээ голлох үүрэг гүйцэтгэдэг нь ёс юм шиг. Гэр бүлийн гишүүд нь тэднийг дэвшилтэд үзэлтэй, ухаантай зөвлөгөө өгч чаддаг, ямар ч тохиолдолд дэмжиж тусалж, сэтгэл санааны байдлыг засаж чаддаг хүн гэж үздэг байна. Тэд өөдрөг үзэлтэй, хөдөлгөөнтэй. Гэртээ зочид урьж хөгжилдөх дуртай. Гайхалтай баян тансаг ширээ засахдаа мөнгө харамлахгүй. Хоолны ихэнхийг ресторанаас захиалж авчирдаг. Тэдний хувьд зүгээр л нэг ширээний ард сууж уухдаа гол нь биш утсаар хэн нэгнийг тохуурхах, гэр бүлийн гишүүд болон зочид оролцсон жижиг концерт тоглох гэх мэтээр байнга л ямар нэг юм бодож олж байдаг. Гал тогооны өрөөнд их цаг өнгөрөөх, гэрийн ажил хийх зэрэгт нэг их дуртай биш бөгөөд гэр бүлийн гишүүдэд үүргийг нь хувиарлаж өгдөг. Гэртээ оройн хоол идсэний оронд ресторан буюу кафед хооллох, эсвэл хэн нэгнийд зочлох нь хамаагүй дээр. Гэрийнхэндээ бэлэг өгөх дуртай. Гэхдээ энэ нь ямар нэг хямдхан ердийн зүйл үнэтэй брэндийн юм байдаг. Тэд өндөр цалинтай ажил олохыг хичээдэг ба олж ч чаддаг тул ийм үнэтэй бэлгээр гэрийнхнээ эрхлүүлж чаддаг, тэд нар нь ч түүнийг үүнийх нь төлөө уучилдаг. Тэд бусдад мөнгө зээлдүүлэх дургүй. Маш ховор, бүр гарцаагүй тохиолдолд маш дургүйгээр үүнийг хийдэг. Хүн бүр өөрийнхөө зайлшгүй хэрэгцээний зүйлийг өөрөө л хангах ёстой гэж тэр үздэг. Тэд гэртээ байнга ямар нэг өөрчлөлт хийх дуртай. Тавилгаа өөрчилж тавих, засвар хийх, ер бусын зүйл худалдаж авах гээд л. Нумынхны гэрээс янз бүрийн орноос өөрсдийнх нь болон найз нарынх нь авчирч бэлэглэсэн дурсгалын зүйл дүүрэн. Гэр бүлийн аливаа асуудлаар шийдвэр гаргахад гэр бүлийн бусад гишүүд түүний амьдралын туршлага, ухаанд найдан шийдвэр гаргах эрхийг түүнд олгодог. Хүүхдүүдээ ганцаар бус хамтран хүмүүжүүлэхийг боддог. Гэр бүлдээ зориулсан мөнгө олох нь хамгийн чухал гэж тэр боддог учир гэр бүлийн үндсэн үүргийг эцэг эх болон ханьдаа тохохыг хичээдэг. Мөнгө байхгүй бол хүүхэд олон зүйлээр дутах болно гэдэг түүний бодол.

Матар

Матрынхны гэр бүлийнхэн гэр бүлээ удирдах үүргийг түүнд өгдөг. Учир нь тэд хариуцлагатай, үүргээ ухамсарладаг, гэр бүлийнхээ уламжлалыг сайтар сахидаг, хэцүү төвөгтэй байдлаас гарах гарцыг мэддэг. Гэр бүлээ удирдах, гэр бүлийн гишүүдийн биеэ авч явах дүрэм журмыг тогтоохоос гадна гэрийн ямар ч ажлыг хийж гүйцэтгэх тэд дуртай. Заримдаа хэн нэгэнд нь ямар нэг ажил өгсний оронд өөрөө хийсэн нь дээр гэж үздэг. Тэдний хувьд нийгэмд өндөр байр суурь эзлэх явдал болон гэр бүл нь хамгийн гол чухал зүйл. Тэд маш арвич хямгач, ажил хэрэгч хүмүүс. Үнэтэй хувцас, үнэт эдлэл, зугаа цэнгэлд мөнгө зарахыг хүсдэггүй. Заримдаа амралтаа ч мартчихдаг. Гэр бүлдээ найдвартай хангалуун амьдрал бий болгохын тулд ажилдаа хэт улайрдаг. Хэн нэгэнд мөнгө зайлшгүй хэрэгтэй, түүнд өөрт нь хандахаас өөр аргагүй болсон гэж үзсэн тохиолдолд мөнгө зээлүүлдэг. Амарч алжаалаа тайлах өөр арга бий гэж боддог учир гэртээ зочид урих нэг их дуртай биш. Мөнгө дэмий үрэх нь хэнд ч хэрэггүй, түүний оронд зуслангийн байшиндаа хэрэгтэй өмч хадагч авсан нь дээр гэж боддог. Гэртээ энгийн, эвтэйхэн ухаалаг тохижилт хийхийг боддог ба гэрт ногоон ургамал их байвал сэтгэл санааны байдалд тустай гэж үздэг байна. Заримынх нь хувьд гэртээ болон зуслангийн байшиндаа цэцэг тарих нь амьдралынх нь үндсэн сонирхол болдог. Гэртээ цэвэр цэмцгэр, эмх цэгцтэй байхад дуртай. Гэр бүлийн гишүүд бүр цэвэр цэмцгэр хувцаслан, цатгалан байж байх ёстой гэж боддог ба эсрэг тохиолдолд Матрынхан ханиа ч хүүхдүүдээ ч бүгдийг хүмүүжүүлэх болно. Гэр бүлийн асуудал шийдэх үед бусад нь тэдний санал бодлыг түшиж тэдэнд бүрэн дүүрэн итгэдэг. Хүүхдүүдтэйгээ харьцахдаа зорилгодоо тэмүүлэх, хөдөлмөрч байх чадварыг бий болгохыг хичээдэг хатуу чанд, шударга эцэг эх байхыг хичээдэг.

Хумх

Гэр бүлдээ хумхын ордныхон найрсаг, чөлөөтэй нөхцөл байдал бий болгохыг хичээдэг. Гэр бүлийн гишүүдийн эрх тэгш байдал, тэдний харьцааны шударга ёс хамгаас чухал. Хэдийгээр гэр дотроо голлох үүрэг гүйцэтгэдэг ч хүн бүрийн бодол санаа түүний хувьд чухал. Тэд хэнийг ч дарамтлахгүй, хэнд ч өөрийн санаа бодлоо тулгахыг хүсдэггүй. Гэртээ зориулж ер бусын хачин чамин зүйл олж авахыг хичээдэг ба гол нь өөртөө зориулж биш гэр бүлийн бусад гишүүн болон гэрт нь байнга ирдэг найз нөхдөдөө зориулж үүнийг авдаг. Гэрээ зураг, янз бүрийн гоёлын зүйлээр гоёдог. Гэр бүлийн хэрэгцээнд зориулж орчин үеийн техник: гал тогоондоо шүүс шахагч, аяга таваг угаагч, сүүлийн үеийн загварын цахилгаан зуух, өрөөндөө гэрийн кинотеатр, компьютер, өрөө болгонд утастай байхыг тэд хүсдэг. Гэрийн ажилд цаг их зарахыг хүсдэггүй учир тав тухаа бодсон ч гэрийн ухаалаг хэрэгцээнд зориулан зайлшгүй хэрэгцээтэй аль болох олон зүйл олж авахыг хичээдэг. Тоос сорогч авлаа гэхэд хивсний тоос соруулахаас гадна шал угаадаг олон үүрэгтэй байх жишээтэй. Гэр нь тухтай орчин үеийнх байх ёстой. Хумхын ордныхон зочломтгой, гэртээ зочин хүлээн авах дайлах дуртай. Ойр дотны хүмүүсийнхээ дуртай хоолыг мэдсэний дараа тэр хоолыг нь хийж өгдөг. Найз нөхөд болон гэр бүлийн гишүүдийн сонирхол нийтлэг байх нь наргиан цэнгээний нэг адил чухал гэж үздэг. Мөнгө хэмнэх, хойш хийх дургүй. Заримдаа үрэх ёстойгоос илүү үрдэг. Өөртөө болон гэрийхэндээ бусдаас өөр үнэтэй, чамин хувцас авахыг хичээдэг. Гэр бүлийн асуудлын хувьд бүх үүрэг, найдварыг Хумхынханд хариуцуулдаг. Учир нь тэд гэр бүлийнхээ гишүүд бүрийн эрхийг хөндөхгүйгээр, хэний ч сонирхлыг зөрчихгүйгээр бүгдийнх нь сайн сайхны төлөө хйиж болох бүхнийг хийдэг гэдгийг тэд мэднэ. Хумхынхан маш сайн эцэг эхчүүд. Хүүхэддээ бие даасан байдал, үнэнч занг бий болгохыг хүсдэг.

Загас

Загасны ордныхон зөөлөн, сайхан сэтгэлтэй, нарийн мэдрэмжтэй. Гэрийнхнээ байнга дэмжиж, тэднийг сонсож, үнэтэй зөвлөгөө өгч чаддаг. Гэртээ тайван байдал, зохицол, амар амгалан байдлыг бий болгохыг хүсдэг. Гэртээ бусдыг захирах, удирдах, толгойлохыг хичээдэггүй. Харин гэрийнхээ хүн бүрт анхаарал халамж тавихыг илүүд үздэг ба тэд ч Загасныханд ийм байдлаар хариулдаг байна. Тэд сөргөлдөөнд дургүй, хэрүүл маргаанаас зайлсхийдэг, хэрэгтэй гэвэл дуугүй байж, бурууг хүлээж чаддаг. Ихэнх цагаа гэр бүлтэйгээ өнгөрөөх дуртай. Зочид урихдаа дуртай биш. Тэдний гэрт тавилгын хэд хэдэн стилийг олж харж болно. Үнэтэй, ер бусын юмны хойноос хөөцөлддөггүй. Тайван өнгөнд дуртай. Жижиг зүйлд их анхаардаг ба гэрт нь байгалийн зураг, олон цэцэг ургамал, буйдан дээр нь өнгө өнгийн дэрнүүд байдаг. Амьтанд хайртай учир гэртээ нохой, муур, тоть, усны гахай, загас мэтийг үржүүлдэг ба ингэж байгаль дэлхийтэйгээ ойртож, сэтгэлийн амгаланг эдэлдэг. Гэр бүлийн хангалуун байдалд санаа тавих асуудлыг хань ижил болон хамтрагчдаа үлдээхийг хичээдэг. Мөнгө зээлүүлэхийн хувьд хүнд хэцүү амьдрал амьдралынхаа тухай ярьсан сайн таньдаггүй хүнд ч тэд мөнгө өгч л орхино. Тэд өрөвч, уян. Сэтгэл санааны байдлаас хамаарч гэр бүлийн ажилд ханддаг. Сэтгэл нь хөөрүү байвал нэг өдрийн дотор маш их ажил амжуулж, гэрийнхэндээ анхаарал тавьж чадах ба сэтгэл санаа гундуу бол өдөржин, оройжин зурагт харж буюу ном шагайн хэнтэй ч ярихгүй дуугүй сууж чадна. Гэрийнхэн нь гайхан юу болсныг асуух ба түүний сэтгэлийг засах гэж их хүч зарах болдог. Гэр бүлийн асуудлыг шийдвэрлэх болоход тэд өөртөө хариуцлага үүрэхээс зайлсхийж өөр хэн нэгэнд үүргээ бүрэн шилжүүлэхийг илүүд үздэг байна. Загасны ордныхон маш сайхан сэтгэлтэй, ялдам зөөлөн хүмүүс бөгөөд заримдаа хүүхдээ хэтэрхий эрхлүүлдэг тал бий.