харлуулдаг дэндүү харалган популист үйлдлүүд өнөөдрийн сөрөг хүчин болоод улстөрчдийн дунд дэндүү их газар авлаа. Улс төрийн явцуу ашиг хонжооны төлөө ард иргэд, баялаг бүтээгчдийн нэрийг барьж бусдаас чанга хашгирч байгаагаа нийгмийн сайн сайхны төлөөх гэж байгаа бол харин ч эсрэгээрээ тэдэнд гай чирсээр.

МАН нэг мэдэгдэл хийлээ маргааш нь тэр нь маш том цохилт болж эдийн засагт тусах нь вий. Улстөржилт, сандал суудлаас үүдэлтэй мэдэгдэл, мэдээлэл болгоны цаана энэ бүхнээр тоглолт хийх хэсэг анаж байдгийг эрхбиш мэддэг баймаар. Эдийн засагт дөнгө болоод зогсохгүй дэлхийн тавцанд Монгол Улсын нэр хүнд өдөр өдрөөр доошилж буйг эдгээр популистууд мэддэг ч албаар ингэдэг биз.

Ард түмний төлөө хийж буй бодлого шийдвэрийг хойш нь чангааж үүнийгээ дагаад улс орны эдийн засаг болоод нийгмийн хөгжлийг ухраасаар. Өнгөрсөн хоёр жилийн хугацаанд МАН-ын хийсэн улстөржилт нийгмийн амьдралд нэг ч гэсэн гялтайх гэрэл гэгээ авчирсан уу гээд тоолох гэхээр санаанд орох зүйл алга. Ийм байдал газар авч байгаагийн илрэл нь парламентад популист улстөрчид олширч байгаатай холбон тайлбарлаж болохоор байгаа юм.

2012 оны УИХ-ын сонгуулийн үр дүнгээр монголын ард түмэн Ардчилсан намд олонхи биш ч олон болох эрхийг өгсөн өдрөөс хойш жил гаруйн нүүрийг үзлээ. Олонхийг бүрдүүлж “Шударга ёс” эвсэлтэй засгийн эрхийг хамтран барих болсон өдрөөс эхлэн Ардын намын явцуу эрх ашиг олныг гайхшруулж эхэлсэн. Гайхшруулж гэдэг нь олон жилийн туршлагатай гэгддэг энэ намынхан сандал суудал диван болсон жагсаал хийснээр эхний популизм эхэлсэн.

Буйдантай жагсаал хэний төлөө байсан юм бэ. Лав л ард түмний төлөө биш. Махны үнийг хямдруулсан талбай дээрх загварын шоу лав бидний төлөө биш. Ард түмнээ архичин арчаагүйгээр нь дуудаж, давхар дээлийг тайчиж үзүүлсэн нь үмх мах, өдрийн хоолны төлөө наранд борлож суугаа ард түмний төлөө гэж хэлж чадахгүй нь. Харин хуулийн хугацаанд нь үүргээ биелүүлээгүйгээсээ болж УИХ-д бүлгээ байгуулж чадаагүй Ардын намын гишүүдийн зөвхөн өөрсдийгөө бодсон, нэг нам, нэг хэсэг лидерүүдийн эрх ашиг, алдар нэрийн төлөөх үйлдлүүд байлаа.

Энэ бүх жагсаал цуглаанаас бид юу ч хожиж чадсангүй. 90 гаруй жилийн түүхт гэж бичсэн түүхээрээ гайхуулдаг тэд өдийг хүртэл төлөвшөөгүй, улс төрийн соёлд суралцаагүй зөвхөн популизмын аргаар төрийн эрхийг барьж байсан ба мөн энэ л аргаараа төрийн эрх баригчдыг өөрсдийн өмнө бөхийлгөнө гэж үзсэн хэрэг. Ингээд ч тогтоогүй тэдэнд бүлэг байгуулах эрхийг өгснөөс хойш яг л Алтанзагасны үлгэрийн эмгэн шиг аашлах болсон.

Улсаа бодохоосоо илүү ул шагайсан үйлдэл нь хэрээс хэтэрч байгаа нь монголын төрийг олон жил барьж байсан намаас гарч байна гэдэг нь чамламаар. Улс орны эдийн засгийн байдал хүнд, ханшийн өсөлт нэмэгдсэн гэж өөрсдөө тодотгох хэр нь эрх баригчдыг сандал ширээтэй зууралдуулах ажлаар дарж, зугаагаа гаргаж өөрсдийн эрх ашигт нийцсэн зүйлээр наймаалцах гээд байгаа нь Ардын намд л ашигтай болохоос ард түмэнд ашиггүй гэдгийг ямар ч тэнэг хүн мэднэ.

Нэг өдөр хийсэн улстөржилт маргааш нь үнэ хүндгүй болонгуут дараагийнх нэг санаагаа сэдэж гаргаад ирнэ. Суудлын тохироо бүрдүүлэх гэж ийн улаан цагаандаа гарч гүйлдэж байгаа нь хэний ч өмнө илхэн. Өнгөн дээрээ ард түмэн гэх нэрээр халхавч хийх ч өнөөдрийн хийж байгаа үйлдлүүд нь дандаа тэдний эсрэг чиглэж ирсэн. Эдийн засаг хүндэрсэн, тэр бүү хэл хямарсан гэх хэр нь эдийн засгийг сайжруулах, гадны хөрөнгө оруулалтын хаалгыг нээх хуулийн төсөл болгохыг “инээж” байгаад унагадаг нь харин тэдний нүүр царай болоод байна.

Уг нь сөрөг хүчин гэдэг сүргээрээ нийлээд сөрөхийн нэр биш, эрх баригчдын алдааг засч, оноог цааш үргэлжлүүлэх баймаар. Ардын намынхнаас гадна “Бие даагчид буюу та ямар байна, би тийм байна” гэх зарчмыг эрхэм болгож ирсэн гурван гишүүний популизм сүүлийн үед хэрээс хэтэрлээ. Бие даагчдын зөвлөл гээчийг байгуулж, улс төрийн ашиг хонжоо хайсан үйлдэл хийдэг болсон нь тэртээ тэргүй үнэн.

Ард түмний төлөө гэх нэрээр босох нь босч, суух нь сууж хашгирч байгаа боловч эдийн засгийн хүндрэл нүүрлэсэн энэ үед Монголбанкны ерөнхийлөгчийг огцруулах тухай асуудал хөндөж байгаа нь хүрз нь ч байхгүй, хүрз барих хүн ч байхгүй болгох сонирхол давамгайлж байгаагийн шинж. Наашаа харсанд очиж наалдаж, нүүрээ буруулсны өр рүү өшиглөх тактикаар ажиллаж ирсний хүчинд энэ гурван хүний эрх мэдэл хэмжээ хязгааргүй болов.

Эцсийн дүнд сонгогчид, ард түмэнд юу ч наалдаагүй билээ. Монголбанкны одоогийн ерөнхийлөгчийг огцрууллаа гээд эдийн засаг сэргэнэ гэдэгтэй тэд өөрсдөө ч санал нийлэхгүй. Мөн л өнөөх популизм. “Ард түмний хүү”-ийн дүр бүтээж “Та ямар байна би тийм” гэх хоосон үйлдэл, популизмаас чинь харин ч залхаж байна. Ард түмэнд үнэнийг ялгах нүд бий. Популизмыг хэтрүүлснээсээ болж улсаа сүйтгэсэн орны жишээ дэлхий дээр олон байдаг. Тиймээс өнөөдөр цээжээ дэлдэж ард түмэнд хоосон хайр зарлаж эдийн засгийн “алуурчны” үүрэг гүйцэтгэж байгаа улстөрчид болон улс төрийн намууд ёс суртахуунтай байхыг дээдлэх нь зүйн хэрэг болов уу.

Эх сурвалж: www.mminfo.mn

Популизм хэнд ашигтай вэ
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Бичсэн усэгнуудыг цаанаасаа санаатай олон цэг та вьж арилгаад байна шуу. Аргагуй л унэн юм бичихээр буглийг цэг болгоод байх юм. Ээ чааваасаа тер шиг тертей бол юунд ингэх бэ??. Маш их газар нутагтай , маш их м********тай гэж битгий гайхуул, м********ынхаа махыг асар ендер унээр авч , монгол хун хэзээнээс махаа идээд сурсан болохоор терд дарамтлуулаад авахаас аргагуйд та нар хургэж байна. Гадаадад махаа гаргахааар ********р ендер унэтэй болно. Яанадаа ард тумэн минь,Уулны орой дээр бор гэрт амьдарч байгаа монгол тумэн минь хеерхий

2014-08-01 | 12:06:53 | 103.26.193.15 |

Зочин
Газрын хуулийг дэмжихгуй гээд, нилээд з********уучууд ард тумэнд цуглаан хийж мэдээлэл егсены ур дун хууль хойшлоход шууд нелеелсен ард тумэн сан******** бодлоо челеетей илэрхийлж чадахгуй юм бол, юун ардчил******** байх юм. Сонгууль ойртож байна гэж на********д их сандар********даж байгааг ойлгож байна. Аль ч ард тумний жагса******** цуглааныг хорьж цагдаж чадахгуй. Тер, засгийн газар гадаадын иргэдийг тэтгэж, хуний амь бурэлгэсэн ********уурчдыг еегшуулж байж, ямар нуурээрээ жагса******** цуглаам хорих гээд байгаа юм. Тэгж ярьв******** УИХ-ын ихэнхи гишууд гудамжны цуглаанаас гарсан. Емне ч ингэж гарч байсан. Ер нь УИХ- ын гишуудийг сольж х******** цаг болсон гээд ард тумэн еренхийлегч, еренхий сайд УИХ- дарга гишуудийг нуд цавчихгуй шуумжлэж, ечнеен тэрбум тегрегны ********дагд********д оруулчихаад та нар дахиж ********бан ту********л дэвшинэ гэж битгий мереед. Байсаар байгаад та нар хургэн, терсен охинтойгоо нийлж энэ тереер тоглож байгаа биздээ. Ичих, айх нуур байна уу. Ухсэн элэнцгийн чинь популизм, солиороод бай. Ард тумэн элбэг ханг********уун эрх челеетей амьдрахыг засаг тереес ********рдаж байна. Ямар гавьяа байгуулсан гэж та нар дургуйцээд байгаа юм. 100 хоногт МУ-ыг та нар юугаараа гийгуулсэн юм. Ечнеен м********тай байж, мах ц********ид 10000- 15000т бол ойрын 2-3 жилд ийм болно. Худлаа том газар, хонь м********аараа гайхуулаад хуурай суутэц цайгаа уугаад сууж байгаа ард тумэн чинь хеделшгуй унэн юм бичлээ. Гай болж УИХ-ын дарга З. Энхболдыг еренхий сайд болгохоор мереедчихсен байгаа юм. Атийсан амьтнаар яах юм. Улс телеелеед нуур цаоай болж чадахгуй, чимээгуй арайлсан менге завшдаг нехер гэж дуулсан. УИХ-ыг удирдаж сурсан хойноо еерийнхее бизнесээ хийгээд мереерее д********д ор

2014-08-01 | 12:00:05 | 103.26.193.19 |

Мэдээ
Гадаад мэдээ
Видео