Монгол хүн, Монгол охины аав, Монгол улсдаа 22 жил амьдарсан, гэм буруугүй Норовцэрэн овогтой Алхаа миний биеийг ГИХАЭГ-аас гэнэт 10 хоногийн дотор Монгол улсаас сайн дураараа гар, гарахгүй бол албадан гаргана гэж тулган шаардсан тухай

Норовцэрэн овогтой Алхаа миний бие 1968 оны 8-р сарын 8-нд БНХАУ-ын Өвөр Монголын Өөртөө Засах Орны Шилийн гол аймгийн Зүүн Сөнөд хошууны Далай сумын Баян Эрдэнэ багт малчин ард М.Норовцэрэн, Д.Цэрмаа нарын 6 дахь хүүхэд болон төрсөн. Намайг төрөх үед Соёлын хувьсгал ид явагдаж байсан тул цагийн эрхээр албан бичиг баримтад Вэнь Шин хэмээн хүчээр хятад нэрээр нэрлэсэн боловч гэр бүлийнхэн Алхаа хэмээх сайхан монгол нэрээр нэрлэсээр ирсэн билээ.
Эцэг эхийн гар дээр өсч хүмүүжээд, 1976-1987 он хүртэл сум, баг,хошуундаа монгол ерөнхий боловсрол эзэмшсэн. 1 жил хонь хариулаад 1988-1992 онд Хөх хотод хүн эмнэлгийн сургуульд сурч төгссөн.

1992-1997 он хүртэл Монгол Улсын Их Сургуулийн Олон улсын харилцааны дээд сургуульд сурч төгссөн. 1994 онд Монгол улсын иргэн Э.Ундармаатай гэр бүлээ батлуулж, дараа жил нь буюу 1995 онд амьдралын минь утга учир болсон Нандинцэцэг охин минь төрсөн билээ.
2010 онд хайрт хань Э.Ундармаа хорт хавдрын улмаас нас барсан бөгөөд одоо охин Нандинцэцэгийн хамт амьдарч байна.
Монгол улсад миний бие 22 жилийн турш тасралтгүй амьдарч байгаа бөгөөд 1999 оноос хойш гадагш нэг ч удаа яваагүй билээ. Гэмт хэрэг үйлдэж байгаагүй. Ял шийтгэл эдэлж байгаагүй. Хайрт ханиа бурхны оронд одсоноос хойш 4 жилийн турш гэрт орж эм, гадаа гарч эр болж, өнчин охиноо асарч бойжуулахын тул үнэнч шударгаар хөдөлмөрлөж ирсэн. Монгол улсад оршин суух биеийн үнэмлэхээ ч цаг тухайд нь сунгуулж ирсэн. Гэтэл 2014 оны 5-р сарын 5-ы өдөр Гадаадын Иргэн Харъяатын газраас “2014 оны 5-р сарын 15-ы дотор Монгол улсаас сайн дураараа гарах, эс тэгвээс албадан гаргана” гэсэн Гадаадын иргэний хяналтын улсын байцаагч Б.Уранчимэгийн гарын үсэгтэй 0000243 тоот албан бичиг өглөө. /Тус албан тоотыг хавсаргав/
Монгол улсын Үндсэн хуулийн Хоёрдугаар бүлэг /Хүний эрх, эрх чөлөө/-ийн 16-р зүйлийн 11-т зааснаар “Улс төр, эдийн засаг, нийгэм соёлын амьдрал, гэр бүлийн харилцаанд эрэгтэй, эмэгтэй тэгш эрхтэй. Гэрлэлт нь хуулиар тогтоосон насанд хүрсэн эрэгтэй, эмэгтэй хоёрын тэгш эрх, сайн дурын харилцаанд үндэслэнэ. Гэр бүл, эх нялхас, хүүхдийн ашиг сонирхолыг төр хамгаална” хэмээн заасан байдаг. Бурхан болооч Э.Ундармаа бид хоёр хайр дурлалаар холбогдож, сайн дурын үндсэн дээр гэр бүл болсон бөгөөд монгол улсын гэр бүлийн хуулийн дагуу бүртгэгдсэн болно. /гэрлэлтийн баталгааг хавсаргав/
Миний охин Нандинцэцэг нь монгол улсын иргэн бөгөөд би өөрийн өнчин охиныхоо сурч боловсрох, эрх чөлөөтэй амьдрах боломжыг хангах, асран хамгаалах эрх үүрэгтэй гэж бодож байна. Энэ эрхийг нь ч төр хамгаална гэж бүрэн ойлгож байна.

Миний бие БНХАУ-ийн иргэнээс гарах өргөдөл хүсэлтийг БНХАУ-ын элчин сайдын яаманд удаа дараа өгсөн боловч, хууран мэхэлж, хавчин гадуурхах хандлага гаргасаар ирсэн. Мөн урьд нь Монгол улсын Гадаадын иргэдийн асуудал хариуцсан албанд монгол улсын иргэншилтэй болох хүсэлт гаргаж байсан боловч “Хятадын иргэншилээс бидний зөвшөөрөлгүйгээр гарч болохгүй” гэсэн сануулгыг байнга өгсөөр ирсэн. Мөн хууль хүчний байгууллагад ажиллаж буй зарим нэгэн үл бүтэх этгээдүүдийн зүгээс дүрвэж, цагаачилж амьдарч буй олон өвөр монголчуудад болон Норовцэрэн овогтой Алхаа миний биед хавчлага дарамт үзүүлсээр ирсэн.

Үүний нэг жишээ нь: Намайг 2013 оны 1-р сарын 17-ы үүрээр хаанаас хэн гэдэг нь мэдэгдэхгүй 4 хүн гэрт хүч түрэмгийлэн ямар ч баривчлах тогтоол үзүүлэлгүйгээр дайран орж ирээд, баривчлан гавлаж аваад гарсан. Явж байх замдаа намайг асуухад “Чи очоод мэдэх болно оо” гэсэн. Тэгээд Нийслэлийн цагдаагийн газрын 3 давхарын өрөөнд оруулаад, хийх нь байтугай сонсч ч байгаагүй хэрэг тулгасан. Энэ тулгаж буй хэргийн талаар юу ч мэдэхгүй гэдгээ хэлсэн. “За тэгвэл чамайг эрүүгийн хэрэг үүсгэн шалгана” гэж дагуулан бууж, тэр шөнийн ерөнхий жижүүр байсан Ж.Батбаяр дэд хурандаад хүлээлгэн өгсөн. Тэгээд мөн нөгөө л хятадуудтай холбоотой хэргээ хүлээ гэж дарамтлан, урагшаа Замын үүдийн цагдаа руу Ж.Батбаяр дэд хурандаа залгаж, “Одоо чи шууд урагшаа гарч, Эрээний цагдаагийн газар очиж, энэ хүний холбоотой бүх материалыг олж ир. Гэхдээ хэдэн монгол цагдаагийн нэр хэлж, тэр хэдтэй уулзаж болохгүй Шилийн голынх, нас нь ойролцоо юм байна таньж магадгүй” гэж хэлсэн. Дараа нь энгийн хувцастай том биетэй хүн орж ирээд, “Та муусайн чоно нохойны эрлийзүүд, Хятад монголын харьцааг муутгах гэлээ” гээд шууд толгой түрүүгүй зодсон бөгөөд энэ хүн бол дэд хурандаа Энхбаяр гэдэг хүн байсан. Энэ хүн намайг “ална” гэж заналхийлдэг байж байгаад, дараа нь “алуулна даа” гэж заналхийлж, хилс хэрэг хүлээлгэхийг оролдож, дарамталдаг байсан. Зодуурын улмаас нүдний хараа муудсан, толгой байнга өвддөг болсон. Тэгээд Хан-уул дүүргийн прокурор руу дэслэгч Чинбат дагуулж очин, гарын үсэг зуруулаад, 461-р хорин ангид 17 цагт хүргэж өгсөн. Тэгээд 72 цаг хорьсон. Хорьсны дараа, бүтэн сайн өдөр дэслэгч Чинбат очиж аваад, тэр шөнөдөө НЦГ-ын ГХТГ-ын Хулгайн гэмт хэрэгтэй тэмцэх хэлтэсийн ахлах мөрдөн байцаагч, цагдаагийн дэд хурандаа Ж.Батбаярт хүлээлгэж өгсөн. Хурандаа Ж.Батбаяр шатны хонгилд парнаас гавлаж хонуулсан. Тэгээд дараа өдрийн 14 цагт манай гэрт нэгжлэг хийгээд, дэд хурандаа Ж.Батбаяр 2013 оны 1-р сарын 21-ий өдөр 17 цаг 50 минутад Түмэн-Очир овогтой Эрдэнэ-Очир, Эрдэнэбаатар овогтой Мөнхбаяр нарыг байлцуулан гэрчлүүлж, 5 сая төгрөг барьцаалж, сулласан. /Барьцаа авсан тухай тэмдэглэлийг хавсаргав/

Энэхүү 5 сая төгрөгийг надаас түр хэрэглэе гэж хэлээд өнөөг хүртэл эргүүлж өгөөгүй хирнээ дэд хурандаа Ж.Батбаяр, дэслэгч Чинбат нар ээлжлэн өдөр бүр өглөөний 8 цагаас 17 цаг хүртэл мөрдөн байцаах газарт 10 сарын турш ажил хөдөлмөр хийлгэлгүй хохироож, сэтгэл санаа, бие махбодийн хүнд дарамт учруулсан. Намайг НЦГ-т шалгагдаж байх үед нэг хэлтэст хамт ажиллаж байсан ахлах дэслэгч Бэхбат нь өнөөдөр ГИХАЭГ-ын Албадан гаргах албаны даргаар ажиллаж байна.
22 жил Монгол улсдаа амьдарч, сайхан монгол бүсгүйтэй ханилж, сайхан үр хүүхэдтэй болж амьдарч ирсэн миний амьдралд хүн чанараар хөлийн чигчий хуруунаас доор цагдаа хүчний байгууллагын зарим нэгэн хүмүүс хар сүүдрээ тусгасан гэж бодож байна. Тусгаад зогсохгүй одоо миний амьдрал миний охины хувь заяагаар дооглон тохуурхаж, харь элэгтний хатуу цаазанд сөгдүүлэхээр зэхэж байна гэж ойлгож байна. Тиймийн тул Норовцэрэн овогтой Алхаа миний амь нас, миний охины аюулгүй байдлын төлөө таныг эрүүл саруул ухаанаар хандаж, авран хамгаалж, улсын эцэг хүний хайр ивээлийг хүртээнэ хэмээн найдаж байна.
Монгол Улсын Үндсэн хуулийн 3-р бүлэг /Монгол улсын төрийн байгуулал/

33-р зүйлийн 9-д “Монгол улсын харъяат болох, харъяатаасаа гарах, тус улсад орогнох эрх олгох асуудлыг шийдвэрлэх” эрх үүргийн хүрээнд Монгол улсын ерөнхийлөгч Цахиагийн Элбэгдорж та Норовцэрэн овогтой Алхаа миний биед монгол улсад орогнох эрх, ус уух хувь тавилан, өнчин охиндоо эцэг байж, асран хамгаалах эрхийг олгоно уу?
Хэрвээ намайг Монгол улсаас албадан гаргах үйлдэл хийх аваас би өөрийн биеийг шатааж, эргэн төрөх сүнсээ монголынхоо гал голомт, газар шороондоо үлдээнэ ээ. Энэ насандаа монгол хүн болж төрөөд, монгол улсынхаа иргэн болж чаддаггүй юм бол ирэх төрөлдөө монголдоо төрөх нь дамжиггүй болно.

Өргөдөл гаргасан:

Цагийн хавчлаганд Вэнь Шэн хэмээх хятад нэртэйгээсээ болж,
хавчигдан гадуурхагдаж яваа
Норовцэрэн овогтой Алхаа …
2014 оны 5-р сарын 6.

“Та муусайн чоно нохойны эрлийзүүд, Хятад монголын харьцааг муутгах гэлээ” гээд шууд толгой түрүүгүй зодсон
Tweet
Bolod.mn

Сэтгэгдэл (21)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
олон зуугаараа орж ирээд хүссэн хэргээ хийгээд ямар ч хариуц******** хүлээхгүй зуга********ж байгаа ******** нараа хөөж чадахгүй байж арай ч ингэж болохгүй л байх даа. гэтэл оросын цагдаа нар ******** нартай яаж харьцаж байсныг бүгдээрээ л үзсэн байх. хүний газар нутаг дээр яаж амьдрахыг нь мэдрүүлж байгаа нь үнэхээр сайхан санагдсан шүү. манай төр болон цагдаа хүчнийхэн жаахан юм бодмоор юм шигээ

2014-05-10 | 11:48:16 | 103.9.89.101 |

Зочин
энэ з********уу монгол эхнэр охинтой байхад яагаад бид хуух гэж .тсаана чинэ хуух ёстой ******** зундуул байгаа ш дэ.манай з********уус охидууд гаднихантай зундуул суудаг ш дэ.тэднийг минэ нутаг орноосоо ингээд хуугууд байв******** бас л хэтсүү дэ.тэгээд ч бид тсуухуулээ улс ундэс угсаа нэг иймэрхүү ху********сийг авч яагаад болохгуй гэж.

2014-05-08 | 23:09:33 | 112.72.11.103 |

Зочин
внэн эсэxийг ни ш********гаад зоүшөөрөл олгоx xэрэгтэй

2014-05-08 | 14:06:40 | 202.179.31.242 |

Зочин
внэн эсэxийг ни ш********гаад зоүшөөрөл олгоx xэрэгтэй

2014-05-08 | 14:06:36 | 202.179.31.242 |

Зочин
шатаана гэсэн болгонийг орогнуулж бдаг ямар цогцос хадг********даг газар уу, чандарын газар уу? гариг андуур********гуй нутаг буц чоно нохойны ********ээ

2014-05-08 | 08:17:02 | 103.11.194.166 |

Зочин
Hetsuu l ym. Bs 100% bugdiig ni gargana gj bhgu shd. Morooro ajil hiiged aytaihan hend ch gem hor hiilgu yvj bga humuus zondoo l bga. Tgd ch ene chin muu ch sn ch 2 ulsiin hariltsaani asuudal. Mongolchuudig hytadad ochhod bidniig bs inged daramtlaad bval hetsuu bizde. Het ih tuilshral ene ulsiig zov zam ruu oruulah ni yu l bol. Tiimes ard tumen min saruul uhaanar tungaagad uzeerei. Bi jiriin l neg oyutan hun. Bs tgl nmaig tanihchgun bj eldveer muulad bvdaa. Zugeer l ta nariin heleed bdg ardchilsan erhee edleed ooriin bodloo l *****ee hhe.

2014-05-08 | 01:12:43 | 174.127.112.81 |

Зочин
хавсаргав гэсэн матери******** нь хаачив, хэт туйлширч өвөр монголчуудыг үзэн ядах хэрэггүй, гэхдээ,монгол хүнтэй суусан гадныхан болгоныг монголын иргэн болгоод байв******** аюултай

2014-05-08 | 01:07:36 | 103.26.194.8 |

Зочин
арай чдээ ёооы

2014-05-08 | 00:17:47 | 103.9.90.249 |

Зочин
зааааааааа зарим нь хүмүүс тэгэж л ярьдагын бна лээ нтр гээд юугаа ч мэдэхгүй хүний хэлсэн үгэнд итгээд цагдаа нарыг ********лаад байх юм байхчгүй энэ хачин нөхөр ********аж л байгаа биз тэр зурган дээр нь ******** архи нтр эхнэрээ ********сан л биз

2014-05-07 | 22:27:21 | 103.23.51.10 |

Зочин
Эн тагнуул юум биш үү..

2014-05-07 | 20:01:24 | 121.186.197.222 |

Зочин
Undesnii tv-geer unen shurgaj medeelliig shuud tsarailag heregtei! Hen ni unen, hudal yariad bgaag ni medehgui asuudaliig!!! Ehneree alchihsan ch yum uu hen medeh yumbe! Gehdee tgj bodohgui ch bsan unen medeeg olj niitleh heregtei!

2014-05-07 | 18:21:21 | 202.70.46.200 |

Зочин
Танай энэ сэтгэгдэлийн шүүлт чинь ******** юм биш үү аятайхан шүүж хүний бичсэн үгийг бүрэн гаргаачээ бас энэ олон сэтгэгдэлийг харуулах хэрэгтэй ш дэ бу********д уншуулах гэж бичсэн юмыг х********аа юм бэ

2014-05-07 | 17:41:18 | 103.10.22.117 |

Зочин
tsagdaagiinhan huuli bus yum hiideg mungutoo hujaa nariin buunii nohoi bolchihsonl baidagshdee tegchiheed muruuruu yavaa uvur mongolchuudaa muuhai daramtalna.eronhiilogch maani anhaarah baihaa.

2014-05-07 | 16:52:20 | 27.123.214.109 |

Зочин
Монголыг гэсэн сэтгэлгүй 1000 Монгол хүн байсанаас, Монголыг гэсэн сэтгэлтэй 10 гадаад байсан дээр. Ш********гаж үзээд үнэхээр асууд********гүй бол Аав байх эрхийг хамга******** хэрэгтэй. Тэр Монгол цагдаа нар худлаа хөрөнгө мөнгийг нь завших гэж байгаа биз эсвэл дарамтлаж авсан мөнгөө л нуух гэж байгаа биз

2014-05-07 | 16:34:39 | 103.10.22.117 |

Зочин
muu ujaag zailuulah heregtei

2014-05-07 | 16:34:25 | 103.26.194.2 |

Зочин
монголоо гэсэн сэтгэлтэй хүнийг л монгол гэхээс, монголоо гэсэн сэтгэлгүй хүнийг 1000 монгол гэх хэрэг байхгүй.

2014-05-07 | 16:16:29 | 112.72.13.248 |

Зочин
зайлаа чи манай улсад хэрэггүй ээ

2014-05-07 | 16:11:40 | 4.30.96.134 |

Зочин
зайлаа чи манай улсад хэрэггүй ээ

2014-05-07 | 16:11:36 | 4.30.96.134 |

Зочин
Hun l Bol Hun. Hench bai Hun shig harah heregtei. Tsagdaagiinhniig ter chigeeree oorsdoo hytadtai holbogdson maaf gj humuus yridag ym bna le.

2014-05-07 | 14:22:25 | 218.186.17.234 |

Зочин
энэ яаж байгаан бэ?

2014-05-07 | 13:56:11 | 103.26.194.8 |

Зочин
ымар ********хай ым бээээ энэ ч том асууд******** бна шууу

2014-05-07 | 11:34:10 | 202.179.20.240 |