ӨСВӨР ҮЕИЙН САГСЧДААС ЭРЭГТЭЙ, ЭМЭГТЭЙ ШИГШЭЭ БАГИЙГ БҮРДҮҮЛНЭ

2014-04-22

Сагсан бембөгийн ирээдүй болсон өсвөр үеийн ээлжит II 16 хүртэлх насны улсын улсын аварга шалгаруулах тэмцээн

СТО-нд эхэллээ. Тус тэмцээнийг Монголын үндэсний сагсан бөмбөгийн холбооноос хоёр дахь жилдээ амжилттай зохион байгуулж буй. Улмаар уг тэмцээн энэ жилийн өсвөр үеийн тэмцээний сүүлийн тэмцээн аж. Тэмцээнийг Монголын үндэсний сагсан бөмбөгийн холбооны ерөнхий нарийн бичгийн дарга С.Тулга нээж "Энэ удаагийн тэмцээн сагсан бөмбөг сонирхогч хүүхдүүдийн ур чадварыг дээшлүүлэхийн зэрэгцээ нас насных нь чиглэлд баг бүрдүүлэх зорилготой.

Тийм учраас бид энэ тэмцээнээс эрэгтэй эмэгтэй шигшээ багаа бүрдүүлж олон улсын тэмцээнд оролцуулах юм. Энэ ч утгаар манайд сагсан бөмбөгийн спорт хөгжих шатандаа явж байна, үүний нэг илрэл болгож хүүхдүүдээсээ эхэлж байна" гэлээ. Ингэж нас насны ангиллаар тэмцээнийг явуулснаар насны ялгаа гарахгүй, жигд өрсөлдөж хүүхдүүдийн ур чадвар нэмэгдэх боломжтой аж. Энэ удаагийн улсын аварга шалгаруулах тэмцээнд эрэгтэй 24, эмэгтэй 12 багийн өсвөр үеийн сагсан бөмбөгчид хурд хүч авхаалж самбаагаа сорьжбайна. Ингэхдээ хөдөө ороннутгаас 16багхүрэлцэн иржээ. Өчигдөр үдийн байдлаар хэсгийн тоглолтууд болж нийт зургаан баг тоглосон юм. Бүр тодруулбал 16 насных 24, 18 насных 32 баг оролцож дээр нь нийт Тоглогч хүүхдүүдийн идэвх маш өндөр байлаа.

Тэгээд ч зохион байгуулагчдын зүгээс аль болох олон хүүхдийг хамруулах зорилготойгоор нэг баг доод тал нь12 хүүхдээр багаа бүрдүүлсэн байлаа. Энэ нь нэг үгээр хэлбэл нэгдүгээр үедээ таван хүн тоглоод, хоёдугаар үедээ дахиад өөр таван хүн тоглох ёстой юм байна. Тиймдээ ч угтэмцээнд 500 гаруй хүүхэд оролцсон юм. Хөдөө орон нутгаас Дорнод Булган, Говьсүмбэр, Хэнтий, Эрдэнэт, Дархан, Бага-нуур, Налайх, Борнуур, Дундговь аймгуудаас оролцсон нь тэмцээнийгулам сонирхолтой өрсөлдөөнтэй болгожбайлаа. Эхний тоглолтонд Говь сүмбэр аймгийн баг Нийслэлийн 62 дугаар сургуулийг, Булган аймгийн баг Налайхын багийг, Дорнод аймаг нийслэлийн 33 дугаар сургуулийг, тавдугаар сургуулийг Эрдмийн ундраа цогцолборын баг оноогоор илүүрхэж тус тус эхний хож-луудаа авсан юм. Энэ дун-даас тавдугаар сургууль, "Эрдмийн ундраа" цогцолбор хоёрын тоглолтыг сонирхоход хүүхдүүд урагшаа пресингээ хийхгүй, байршсан хамгаалалт хийж, бас эхний тоглолт учраас шигшээ тав нь гарч ирээгүй, үүнээсээ болоод ганц хоёр ур чадваргүй хүүхэд тоглож байгаа харагдсан.

Гэсэн ч гурав, дөрөвдүгээр үед шигшээ таван хүүхэд гараад ирэхээр тоглолт илүү сонирхолтой болох нь лавтай. Ер нь хот хөдөө гэлтгүй ур чадвар сайн байсан ч гэлээ ихэнхдээ хөдөө орон нутгийн багууд хурд хүч, авхаалж самбаагаараа илүүрхэж байсан нь манайд сагсан бөмбөгийн спорт өндөр түвшинд хөгжиж байгааг илтгэх мэт. Энэ тэмцээнд нийслэлээс гэхэд л дүүрэг дүүрэгтээ шалгарсан багууд оролцож байгаа юм байна. Тэдгээр багууд өмнөх жилийн тэмцээнд шигшээ наймд шалгарч байсан багууд аж. Шалгарсан багууд Супер лиг, Спрайт лигт оржтоглох эрхтэй болохоос гадна ОХУ, Америк руу олон улсын тэмцээнд оролцох аж.

"Өнгөрсөн жилийн 16 насны улсын аварга шалгаруулах тэмцээнийг бодвол нийт хүүхдүүдийн ур чадвар нэлээд дээшилсэн, хөдөө орон нутгийн багууд сайжирсан байна. Дээр нь нийт багууд явалт, илүү алхалт их хийж байна. Гэхдээ хурдан довтолгоо хийгээд ер нь илүү хурдтай болсон байна. Түүнчлэн сагсан бөмбөг хамрах хүрээ, тамирчдын тоогоороо бусад бүх спортыг тэргүүлж байна. Мөн Хэнтий, Багануур, Эрдэнэт, Дарханы багууд сайн тоглох болов уу гэж бодож байна хэмээн" Монголын үндэсний сагсан бөмбөгийн холбооны ерөнхий шүүгч Ц.Баттөгс онцолсон. Эхний өдрийн тоглолт ийм чанартай байсан болохоор ирэх баасан гариг хүртэл үргэлжлэх тоглолтууд улам чангарах бололтой. Ийнхүү СТО ойрын өдрүүдэд ирээдүйн сагсчдаар амьсгалж хөл хөдөлгөөнтэй байх нь.

Дашрамд дурьдахад Монголын үндэсний сагсан бөмбөгийн холбоо 2014 оныг өсвөр үе рүүгээ хандсан жил болгон зарла-сантай холбогдуулан ирэх долдугаар сард АНУ-ын Клевлэн хотод болох "Контентал Кап" тэмцээнд U13, U15,
U18 насны шигшээ багуудыг оролцуулахаар бэлдэж байгаа юм байна. Бас Америкаас багш урьж авчирч Хандгайтын зааланд зуны сургалтууд явуулах юм байна. Энэ сарын 23-нд оюутны сагсан бөмбөгийн аварга шалгаруулах тэмцээн, дараа нь тавдугаар сараас насанд хүрэгчдийн улсын аварга шалгаруулах тэмцээн явагдах аж. Улмаар цаашдаа МҮСБХ-ноос өсвөр үеийн хүүхдүүдийг олон улсын тэмцээн уралдаанд тогтмол оролцуулж байхаар төлөвлөжээ.

Д.Нэргүй