2014-03-18

Гэр бүлийн хууралт (adultery).

 

Улс төрчдийн дунд гэр бүлийн хууралт, секс зугаа цэнгэл, араар тавилт, салалт бол өдгөө энгийн үзэгдэл болсон гэлтэй. Барууны ертөнцөд тэдний хувийн амьдрал нууц мэт боловч олон нийт мэдээллийг хамгаас түрүүлж авдаг эрин цаг иржээ. Энэ нь нэг талаасаа хэвлэл мэдээллийн шуурхай байдал, технологийн дэвшилтэй холбоотой бол нөгөө талдаа улс төрийн тэмцэл, өрсөлдөөний гол бай болох болж. Ийм секс скандал ялангуяа АНУ-д ихэд “дэлгэрч” байгаа билээ.

Хамгийн анхны дуулиан дэгдээсэн /олон нийтэд илт болсон/ секс скандалд 1987 оны нэгэн завхайрал тооцогддог. Мэдээж Америкт... Ардчилсан намаас сонгуульд нэр дэвшээд байсан Гэри Харт гэгч улс төрч эрхэм Донна Райс гэх модель бүсгүйтэй нэг шөнийг өнгөрөөснийг The Washington Post сонины сурвалжлагч олж мэджээ. Гэтэл үүнээс долоон дор юм болж мэдээллийн хэрэгсэлээр түүний нууц амрагуудын нэрсийг зарлаж орхив. Ингээд ерөнхийлөгчийн сонгуульд өрсөлдөж байсан Гэри Хартын улс төрийн карьер үүгээр “булшлагдсан” юм. Тэгвэл дараагийн дуулиант скандалын эзэн нь АНУ-ын ерөнхийлөгч Билл Клинтон байлаа. Тэрээр Цагаан ордонд өөрийн туслах Моника Левински гэх бүсгүйтэй хэд хэдэн удаа бэлгийн харьцаанд орсон гэх хэргээс болоод албан тушаалаасаа огцоронгоо алдсан. Энэ талаар Жулиет Уильямсын Public Affairs: Politics in the Age of Sex Scandals хэмээх номонд тодорхой бичигдсэн байдаг.

Өнгөрсөн онд Нью-Йорк штатын амбан захирагч Элиот Спицер албан тушаалаасаа сайн дураараа огцорсон. Тэрээр секс үйлчилгээ эрхэлдэг нууц янханы газрын бүсгүйгээр үйлчлүүлсэн юм. АНУ-д биеэ үнэлэлт хуулиар бүрэн хориотой байдаг. Ингээд 21-р зуун гарсанаас хойш дэлхийн улс төрийн хүрээнийхэнд багагүй дуулиан тарьсан секс скандал, араар тавилтын талаарх мэдээллүүдийг хүргэе.

2003—2006

Герхард Шрёдер

2003 онд британийн Sunday Mail сонин Германы канцлер Герхард Шрёдер болон түүний дөрөвдэхь эхнэр Дорис Шрёдер-Копф нарыг салах гэж байгаа талаар анх мэдээлсэн. Шалтгаан нь улс төрч эрхэм Штутгартын нэгэн ТВ-ийн хөтлөгч бүсгүйтэй амраглаж эхнэрээ араар нь тавьсан гэжээ. Энэ талаар Шрёдерийн гуравдахь эхнэр Хильтруд эхэлж ам алдсан хэдий ч хэвлэлд баттай мэдээлэл буюу ярилцлага өгөхөөс татгалзжээ. Ингээд хэвлэлийнхэн канцлерийн хормойн явдлын араас ангуучилж эхэлжээ. Ямар нэгэн ноцтой нотолгоо олохыг улайрч гарав. Харин Герхард Шрёдер Der Spiegel сэтгүүлд өгсөн ярилцлагандаа уг сэтгүүлч бүсгүйг хувийн амьдралд нь халдаж байна хэмээн гүрийсээр...

Эхнэр Дорис нь ч энэ дуулианыг “Гердийг устгах төлөвлөгөө” хэмээн мэдэгджээ.

Гэтэл уг хэл амны бай болоод байгаа бүсгүй Шрёдертай ажил хэргийн шугамаар хоёр ч удаа уулзаж байсан гэсэн нь давс нэмсэн хэрэг боллоо. Герхард Шрёдер Sunday Mail сонинг Гамбургийн шүүхэд өгөв. Шүүхээс дахин түүний талаар элдэв сесааци бүхий мэдээлэл нийтлэхгүй байхыг хориглосон шийдвэр гаргажээ.

Жеймс Макгриви

2004онд бас секс скандал дэгдлээ. Мэдээж нөгөө л улс төрийн хүрээнд. Энэ удаад америкийн Нью-Жерси штатын губернатор Жеймс Макгриви бай болов. Америкийн томоохон хэвлэлүүд бараг нэгэн зэрэг шахуу амбан захирагчийг ажлын албаныхаа нэгэн бүсгүйтэй нууц амрагийн харьцаатай хэмээн бичиж гарав.  Нэгэн хэвлэлийн бага хурлын үеэр Макгриви нууц амрагтай гэдгээ эхнэрийнхээ дэргэд мэдэгдсэн байна. Ингээд албан тушаалаасаа сайн дураараа огцрох гэж байгаагаа ч дуулгажээ. Жеймс нууц амрагийнхаа нэрийг хэлээгүй аж. Гэхдээ хэвлэлийнхэн тэр бүсгүйг нь израилийн иргэн Голан Цайпел болохыг тогтоожээ. Макгриви ч бүсгүйд амаа хамхиж байхыг сануулаад мөнгө төлсөн гэх дуулиан ч дэгдэх нь тэр. 2002 онд амбан захирагч албан тушаалаа ашиглан Цайпелийг өөрийн аюулгүй байдлын зөвлөхөөрөө ажилд авсан байжээ.

Губернаторыг огцорсоны дараа Голан Цайпел Израиль руугаа буцсан бөгөөд Макгривийг ажлын байрны бэлгийн дарамтанд оруулж ашигласан хэмээн мэдээлсэн байна. Амбан захирагчийн эхнэр Дина Макгриви хэдийгээр тухайн үед нөхрөө уучилж бас хамгаалж байсан ч дөрвөн жилийн дараа тэд салжээ.

Жон Керри

2004 он. АНУ-ын ерөнхийлөгчийн урьдчилсан шатны сонгуулийн кампанит ажлын үеэр Drudge Report сайтад 60 настай сенатор Жон Керригийн секс скандалын талаарх мэдээлэл цацагджээ. Ардчилсан намаас нэр дэвшигч түүнийг хоёр жилийн турш эхнэр Терезе Хайнц-Керригээ араар нь тавьж байсан скандал ийнхүү дэгдлээ. Нэр дэвшигчийн нууц амраг нь залуу сэтгүүлч Алекс Полиер гэх бүсгүй байв. Тэдний дотно харьцаа бүр 2001 оноос эхэлсэн байлаа. Керригийн “ачаар” бүсгүй эх орноо аргагүйн эрхэнл орхиж  Африк руу нисэн оджээ. Drudge Report сайт нь мөн 1998 онд анх удаа Билл Клинтон болон Моника Левински нарын хормойн явдлыг дэлхий цацаж байлаа.

Алекс Полиер бүсгүйн хувьд эхнээсээ л нэр дэвшигчийн хувийн амьдралыг хүндэтгэх үүднээс ч гэхүү асуудлыг бүрэн үгүйсгэсээр байжээ.

Барак Обама

2010 оны таван сарын эхээр National Enquirer-ээс өнөөгийн Америкийн ерөнхийлөгч Барак Обамаг эхнэр Мишелиэ хуурсан хэмээн мэдээлэл цацав. Энэ дуулиан бүр 2008 оны ерөнхийлөгчийн урьдчилсан шатны сонгуулийн үеэр дэгдэж байснаа тэгэсхийгээд намжсан байдаг. Баримт байхгүй гээд...

Мөн 2004 онд Обамаг Иллинойс штатын сенатор байхдаа өөрийн туслах бүсгүй Вера Бейкер гэгчтэй явалдаж байсан талаарх дуулиан ч байдаг. Тухайн үед National Enquirer сэтгүүл шинэ дугаартаа нэгэн зочид буудлын өрөөнд нууц амрагууд уулзаж байгаа видео бичлэг илэрсэн талаар ч мэдээлсэн. Обамагийн хувийн жолооч нь хүртэл сенаторын өрөөнд туслах бүсгүйг хүргэж өгсөнөө ярьсан байдаг. Өдгөө Карибийн Мартиника аралд ажиллаж амьдарч байгаа Вера Бейкерийн хувьд Обаматай ямар дотно харьцаа огт байхгүй хэмээн тэр үед хэвлэлийнхэнд мэдээлж байсан гэдэг. Globe сэтгүүлийн мэдээлсэнээр бол Обамагийн эхнэр Мишель өөрөө тэр бүсгүйгээс нөхрөө салгахын тулд Мартиника руу ажлаар томилох санал гаргасан ч гэгддэг. Түүнчлэн шар мэдээллийн ShowbizSpy сэтгүүл Мишель Обама тэдний харьцааг мэддэг болсон бөгөөд маш ихээр уурлаж ундууцсан учраас асуудлыг нам гүм байдлаар дарах гэж ийм шийдвэр гаргасан гэжээ. Харин ерөнхийлөгч өөрөө энэс асуудлыг одоо ч гэсэн няцаасан хэвээр байгаа юм.

Тэгвэл АНУ болон Канадын скандал мэдээллийн асуудлыг хянан зохицуулдаг институтын орлогч дарга Виктор Кременюк уг скандал ерөнхийлөгчтэй огт хамааралгүй хэмээн мэдээлж байв. –Хэрвээ тэр сэтгүүлийнхэнд ямар нэгэн хальс эсвэл бичлэг бүхий баримт байсан бол нийтлэх ёстой. Үүгээрээ ерөнхийлөгчийн тийм ч амархан албан тушаалаас нь огцруулж улс төрийн карьерт нь сэв суулгаж чадахгүй хэмээн тэрээр мэдэгдэж байв. Одоогоор Барактай холбоотой ямар нэгэн секс факт үнэхээр гэрч ирэх юм бол ойролцоогоор нэг сая доллараар худалдаж авахад бэлэн гэсэн хэвлэл мэдээллийн хэрэгсэл байгаа юм шүү.

Моше Кацав

2006 онд Израилийн ерөнхийлөгч Моше Кацав хүчирхийлэл болон бэлгийн дарамт гэсэн хэрэгт орооцолдсон. Энэ скандал Кацавыг бэлгийн хүчирхийлэл үйлдсэн гэх гомдол цагдаагийнханд ирсэнээр эхэлжээ. 2006 оны долон сард Кацавын ажлын аппаратын нэгэн ажилтан бүсгүй гомдол гаргасанаар скандал дэгдэв. Гэтэл түүний араас нийтдээ 10 хүний гомдол цагдаад иржээ. Харин ерөнхийлөгчийн хэвлэлийн албанаас энэ дуулианыг 2006 оын намар «Ликуд» намын тэргүүн, түүний гол өрсөлдөгч Биньямин Нетаньяхугийн зүгээс хийж байгаа ичгүүргүй гүтгэн доромжлол хэмээн мэдээлж байлаа. Гэтэл тухайн оны 10 сард цагдаагийнхан улс төрчийг хэд хэдэн баримт түшиглэн секс гэмт хэрэгт буруутган хэрэг үүсгэн шалгаж эхэлжээ. Шүүхэд өгөв.

Гэтэл ажлаасаа халагдаад байсан нэгэн бүсгүй мөн Кацавтай холбоотой секс хүчирхийллийн талаарх бас нэгэн мэдээллийг хэвлэлээр цацлаа. –Тэр бол зэрлэг адгуус, хүчирхийлэгч. Билл Клинтон бол түүний дэргэд бяцхан туулай. Би ерөнхийлөгчтэй хоёр жил хамт ажилласан. Нэг биш удаа түүний сексийн доромжлолыг амссан хэмээн бүсгүй ярьжээ.

2007 он.  Моше Кацав ерөнхийлөгчийнхөө эрх мэдлийг ашиглан мөрдөн шалгах ажлыг эхлүүлэхийг шаарджээ. Гэтэл харамсалтай нь тэрээр гурван ч удаагийн үйлдэлтэй гэдэг хэрэгт буруутгагдан огцрохоор болжээ. Хаашаа ч хөдлөшгүй баримт ар араасаа...  

Ингээд 2009 онд тэрээр аялал жуулчлалын яамны хоёр албан хаагч бүсгүйг мөн ерөнхийлөгчийн албаны хоёр ажилтанг бэлгийн дарамт оруулсан бас хүчирхийлсэн гэх хэрэгт буруутгагджээ. Харин 2010 оны дөрвөн сард хэргийн шүүх ажиллагаа дуусав. Кацав буруутгагдлаа. Ингээд 2011 оны гурван сард  Тель-Авивийн шүүхээс экс ерөнхийлөгчид долоон жилийн хорих ял оноожээ.

Жон Прескотт

2006 онд  британийн The Daily Mirror болон Sunday Mail сонин 67 настай х Британийн ерөнхий сайдын орлогч Жон Прескоттыг нарийн бичгийн дарга Трейси Тэмплтэй янаг амрагийн холбоотой хэмээн мэдээллээ. Трейси Жоноос 25 насаар дүү аж. Эхэндээ Прескотт амрагийн явдалаа үгүйсгэж байсан ч сүүлдээ эхнэрээ хуурсан болох нь тогтоогдов. Гэтэл сайдын амраг бүсгүй Прескоттой холбоотой байсан гэдгээ Sunday Mail сонинд зарсан нь батлагдлаа. Тэрээр --Ссайдын өрөөнд аман секс хийсэн. Ийм байдлаар би байдлыг нууцлаад байж чадахгүй. Харамсаж байна. Түүний гэр үл хүүхдээс нь уучлалт хүсье гэсэн байна.

Министрийн эхнэр Полин Прескотт нөхөртэйгөө үлдсээн. Даараа нь -Шоконд орсон байсан, одоо бол тайширсан, бид учраа оллоо хэмээн хатагтай ярьжээ. Тэд 44 жил хамт амьдарчээ. Тэд хоёр хүүхэдтэй. 

2007—2009

Сеголен Руаяль

2007 онд Францын Соцпартын тэргүүн Франсуа Олланда болон ерөнхийлөгчийн сонгуульд нэр дэвшиж байсан түүний эхнэр Сеголен Руаяль нар гэрлэлтээ цуцлуусан. Хосууд 30 жил ханилжээ. Шалтгааныг нь Сеголен нөхрийгөө хууран мэхэлсэн, нууц амрагтай хэмээн тайбарлажээ. –Би Франсуаг гэрээсээ явахыг гуйсан. Бид цаашдаа хамт амьдарч чадахгүй ээ. Тэдний бохир харьцааны тухай тэртээ тэргүй хэвлэлээр нэг шуугилаа. Би түүнд шинэ амрагтайгаа сайхан амьдраарай гэж хүсэх байна хэмээн Сеголен ярьжээ.

Хэдийгээр эхнэр нь нөхрийнхөө нууц амрагийн нэрийг зарлаагүй ч Франсуатай энгийн харьцаатай байхаар шийджээ. Харин  Франсуагийн хувьд дахин энэ асуудлыг хэн ч хэзээ ч сөхөхгүй байхыг сануулсан байна. 

Николя Саркози

2007 онд Францын ерөнхийлөгч Николя Саркози эхнэр Сесилии Саркози-Альбенисэс салж байгаагаа мэдэгдсэн билээ. Тэд бас л нууц амрагийн асуудалтай холбогдсон. Николя Саркозигийн эхнэр хоёр жилийн турш нөхрөө хууран Францын нэгэн рекламны компанийн эзэн, тэрбумтан Ришар Аттиа гэгчтэй амраглаж байжээ. Гэтэл 2004 онд ерөнхийлөгч өөрөө эхнэрээ хууран мэхэлж байсан  талаар ч Сесилия мэдээлжээ.

Ингэхээр Саркози түрүүлж эхнэрээ хуурсан болж байна. 

Дэвид Виттер

2007 оны долоон сар. Америкийн Бүгд Найрамдах намынханд “хүнд гарз тохиолоо”.  Луизиана штатын сенатор гэр бүлийн харьцааны төлөө цогтой тэмцэгч Дэвид Виттер секс скандалд өртлөө. Скандал эскорт албаны нэрэн дор ажилладаг янханы газрын эзэн Дебора-Жин Палфри гэх хатагтай сенатыг өөрийн найдвартай үйлчлүүлэгчийн нэг хэмээн мэдээлсэнээр дэгджээ. Дэвид Виттер ч шудрагаар олно нийтээс хийсэн нүгэлийнхээ төлөө уучлалт гуйв. –Одоогоос хэдэн жилийн өмнө би бурханы нэрийн өмнөөс эхнэрээсээ гүнээ уучлалт хүссэн хэмээн тэрээр нэгэн ярилцлагандаа дурьджээ.   Венди Виттерийн эхнэр ч үүнийг нь баталсан байна. –Хэдэн жилийн өмнөх тэр явдлын талаар би нөхөртэйгөө олон удаа ярилцсан. Би уучилсан. Миний гэр бүлийн нандин харьцаа хамгаас илүү байсан болохоор тэр л дээ... хэмээн хатагтай ярьжээ.

Гэхдээ секс скандал Дэвидийн улс төрчийн карьерийг үгүй хийж чадаагүй гэдэг. The Washington Post сонины мэдээлсэнээр 1998 онд Клинтоныг албан тушаалаа өгсөнөөс хойш Виттер нь дадлагажигч Левинскитэй дотно харьцаа тогтоосон байна.

Сильвио Берлускони

2009 оны таван сард Вероника Ларио нөхрөөсөө салах өргөдлөө шүүхэд өгчээ. Нөхөр нь Италийн ерөнхий сайд Сильвио Берлускони. Ларио нөхрийгөө гэр бүлийн хууран мэхлэлт хийсэн хэмээн шүүхэд ханджээ. Тэрээр бараг 29 жилийн турш нөхрийнхөө хормойн ядлын талаар хэвлэлээс уншсан гэдгээ ч нуугаагүй байна.  Ларио нэг ч ярилцлага өгөхөөс татагалзжээ.

Харин 2007 онд тэр тэссэнгүй. Тухайн үед хатагтай La Repubblica сонинд захидал бичсэн бөгөөд нөхрийгөө таван бүсгүйтэй байхыг нь нүдээрээ харсан гэжээ. Гол нь  Берлускони өөрийн амраг болох 18 настай модели Ноэми Летициягийн төрсөн өдөрт оролцох гэж Неапольд ирсэн нь ийнхүү эхнэрийнх дургүйцлийг ихэд хүргэжээ. Салах болсон эцсийн шалтгаан энэ. –Би жаахан охидтой заваартах дуртай эрчүүдийг үзэн яддаг. Заримдаа би ийм нийгэмд амьдарч байгаагаас хойш хэмээн тайвширахыг хичээдэг байлаа. Харин одоо би секс хаанаас саллаа залхлаа хэмээн Ларио шүүхэд мэдүүлж байв. Берлускони насанд хүрээгүй биеэ үнэлэгч охидтой зугаацах дуртай нь ийнхүү олны чихэнд хүрчээ.

2009 онд Берлускони янхануудтай наргиж хоносон болохыг биеэ үнэлэгч Патрицией Д’Аддарио гэх бүсгүй батлахыг оролдсон. Д’Аддариод ерөнхий сайд Европарламентад ажилд оруулж өгнө хэмээн амласан ч удаатай. Гэтэл тэр нь янхан байсныг мань эр мэдээгүй байж. Мөн 2009 онд Берлусконигийн бизнес-партнер Жампаоло Тарантини гэх эр түүнийг хэдэн арван биеэ үнэлэгч охидтой зугаацдаг талаар ам алдаад авсан. Бүр тэдэндээ мөнгө төлдөг гэжээ. Ингээд 2010 оны таван сард Берлускони, Ларио нар гэр бүлээ цуцлуулжээ...

Элиот Спицтер

2008 онд Нью-Йорк штатын губернатор Элиот Спитцер албан тушаалаасаа огцорсон. Губернаторын нэр секс скандалтай холбогдсон шалтгаанаар... Уг нь бол Элиот Спитцер нь биеэ үнэлэлттэй маш хатуу байр суурьнаас тэмцэгч аж. Гэвч Холбооны мөрдөх товчооныхон чагнах төхөөрөмж ашигласан түүний ноцтой үйлдлийг илрүүлжээ. Амбан захирагчийн утасанд чагнах төхөөрөмж тавьсанаар түүнийг эмсийн хүрээлэнгээр бүхэл бүтэн 10 жил үйлчлүүлж байгааг нь тогтоожээ. Ингэхдээ төлбөрийг төсвийн мөнгөнөөс хийдэг байсан гэнэ. Тэр газар нь дээд зэрэглэлийн элит янхануудыг Элиотод “бэлэглэдэг” байжээ. Сенсааци...

Хэвлэлийн бага хурал дээр Спитцер гэм буруугаа хүлээн эхнэр болон гэр бүлээсээ уучлалт хүсчээ. Янхнуудын эсрэг цогтой тэмцэгч маань: -Миний хувийн сонирхол гэр бүлийн амьдралыг  маань сүйтгэлээ. Би Нью-Йорк хотын иргэд болон гэр бүлээсээ уучлалт хүсье. Бүх амлалтаа зөрчлөө.

Харин түүний эхнэр Силда Уолл нөхрөө уучилжээ.

Жон Эдвардс

2007 оны 10-н сард National Enquirer сэтгүүл умард Каролиний сенатор Жон Эдвардстай холбоотой нууц амрагийн тухай материалыг нийтэлжээ. Тухайн үед Ардчилсан намаас ерөнхийлөгчийн сонгуульд нэр дэвшээд байсан Жон ийнхүү маш таагүй зүйлтэй холбогдлоо. Хэвлэлийнхэн улс төрчийг жүжигчин, продюсер Риэль Хантер гэх бүсгүйтэй янаг амрагийн холбоотой хэмээн бичжээ. Эдвардсын сонгуулийн штаб болон нэр дэвшигч эрхэм мөн Риэль Хантер нар энэ асуудлыг эхэндээ эрч няцааж байлаа. Харин хэсэг хугацааны дараа Жон ABC News-д өгсөн ярилцлагандаа Хантертай учир ургуулсан гэдгээ мэдэгджээ. Мөн 2006 онд эхнэр нь тэдний харьцааны талаар мэдсэн ч уучлаад өнгөрсөн гэжээ.

Ингээд Эдвардс сонгуулийн багийнхан болон хамтран ажиллагсад гэр бүлийн бүх хүмүүсээс уучлалт хүссэн байна.  

Вацлав Клаус

2008  онд Чехийн ерөнхийлөгч Вацлав Клаус эхнэр Ливия Клаусыгаа араар нь тавьсан хэмээн олон нийтэд мэдэгдлээ. Төрийн тэргүүний нууц амраг нь онгоцны үйлчлэгч Петра Беднарова гэх бүсгүй байв. Үүнээс өмнөхөн Вацлав, Петр нарын тансаг зочид буудлаас гарч байгаа болон хамтлаа гольф тоглож байгаа хэд хэдэн зураг хэвлэлд нийтлэгдээд байсан юм. Ийнхүү тэрээр хэргээ хүлээхээс өөр аргагүй болсон аж. Клаус ард түмнээсээ, гэр бүлээсээ 40 жил хамт амьдарсан эхнэрээсээ уулчлалт гуйсан байна.

Зураг нийтлэгдэхээс сарын өмнө Вацлав Клаус улсын ерөнхийлөгчөөр хоёр удаагаа сонгогдон тангарага өргөн ажилдаа ороод байжээ.

2010—2011

Питер Робинсон

2010 он нэгдүгээр сар. Умард Ирдландын ерөнхий сайд, Ардчилсан намын тэргүүн Питер Робинсон албан тушаалаасаа түр хугацаагаар огцорсон. Албан тушаалаа хоёр сарын хугацаатай орхих болсон шалтгаан нь Умард Ирландын ассамблейн гишүүн, өдгөө 60 настай эхнэр Айрис Робинсон нь түүнийг хууран мэхэлсэн явдал байлаа. 2009 онд эхнэр Айрис нь 19 настай Кирк Маккембли гэх “хүүхэдтэй” амрагийн холбоотой болжээ. Айрис нууц амрагтаа дэмжлэг болгон £50,000 фунт өгсөн байна. Маккембли нь түүгээр нь хувийн кафегаа нээжээ. Айрис Робинсон хэрэг явдал илэрсэний дараа өөрийгөө маш их стресст орсон, ул төрөөс хөндийрөх хүсэтэй байгаа зэргээр мэдэгдэл хийжээ. Ингээд нөхөр нь хүсэлт гаргаж түүнийг сэтгэцийн эмнэлэгт хэвтэн эмчүүлэхээр болжээ. Ингээд эхнэрийнхээ асуудлыг шийдэхийн тулд Питер Робинсон зургаан долоо хоногийн чөлөө авсан байна.

–Эхнэр маань Белфастад эмчилгээ хийлгэж байна. Тиймээс би аав мөн гэрийн эзний хувиас ар гэрийн амьдралаа хэсэгтээ анхаарах шаардлага гарлаа хэмээн тэр мэдэгдээд албан тушаалаа түр хугацаагаар Арлен Фостернод шилжүүлэн өгсөн ажээ. 

Николя Саркози

2010  оны гурван сард хэвлэлээр Францын ерөнхийлөгч Николя Саркози болон түүний шинэ эхнэр, загвар өмсөгч, дуучин Карла Бруни нар бие биенээ араар нь тавьж байна гэсэн мэдээлэл цацагдаж эхлэв. Twitter-ээр ч баахан сенсааци... Journal du Dimanche-ийн сайт ч бас мэдээлэв. Өөр олон сайтуудаар энэ мэдээлэл халдварлалаа. Харин хэл ам дээд цэгтээ хүрсэний дараа сайтаар худал мэдээлэл цацсан гэх сэтгүүлчээ ажлаас нь халангуутаа Journal du Dimanche сэтгүүлийнхэн төрийн тэргүүн болон хатагтайгаасаа уучлалт эржээ.

Тэдний мэдээлж байснаар бол ерөнхийлөгч Байгаль орчны сайд Шанталь Жуаннотой харин эхнэр нь хөгжимчин Бенжамин Бьолтой амрагладаг гэжээ.

Дениз Байкал

2010 оны хавар Туркийн Бүгд найрамдах намын тэргүүн Дениз Байкал албан тушаалаасаа огцорсон. 71 настай улс төрчийг нэгэн бичлэг түшиглэн гэр бүлийн хууралт хийсэн болохыг тогтоожээ. Байкал нь өөрийн намын депутат Несрин Байтоктой нууц амрагийн харьцаатай байжээ. Скандал видеог Vakit сонины сайт анх байршуулсан бол удалгүй YouTube-ээр дэлхий даяар цацагдаж орхив. Vakit сонинд мэдээлсэнээр бол Несрин Байтокийн эхнэр Жан нь нөхрийгөө Несринтэй явалддаг болохыг мэддэг байсан гэнэ.

Скандал зөвхөн улс төрчөөс гадна засгийн газрын танхим болон намын нэр хүндэд ч сөргөөр нөлөөлсөн ажээ. 

Альберт Гор

2010  оны зургаан сар. 40 жил ханилсан Альберт Гор болон Мэри Элизабет (Типпер) Эйтчесон нар гэрлэлтээ цуцлуулж байгаагаа мэдэгдсэн. Associated Press агентлагийн мэдээлсэнээр энэ шийдвэр нь мөн л гэр бүлийн хууралттай холбоотой байжээ. Улс төрч эрхэмийг дэлхийн дулаарлын эсрэг асуудлыг хариуцсан төвийн зөвлөх Лори Дэвид гэх бүсгүйтэй амрагийн холбоотой хэмээн буруутгажээ. Лори нь Горын Нобелийн шагнал хүртсэн “Маргашгүй үнэн” хэмээх кинонд продюсероор ажилласан билээ. Тэдний дотно харьцаа 2007 онд Лориг нөхрөөсөө салсанаас хойш эхэлсэн гэдэг. Гор тухайн үед гэр бүлээ яагаад цуцлуулах болсон талаараа огт мэдээлгүй байлаа. харин Daily News болон National Enquirer-ийн мэдээлсэнээр эхнэр Типпер нь нөхрөө элдэв хүүхэнтэй нэр холбогдоход маш ихээр бухимддаг бөгөөд энэ удаад тэрний тэвчээр алдарсан гэжээ. Тэр үеэр Лори Дэвид өөрийгөө Гортой ямар ч дотно харьцаа янаг амрагийн асуудал байхгүй хэмээн үгүйсгэсээр байлаа. –Энэ бол огт худал зүйл. Эл, Типпер нарыг би их хүндэтгэдэг. Миний гэр бүлийн гишүүдтэй л адил гэсэн үг. Бид харьцаагаа хэзээ ч хөндийрүүлэхгүй гэдэгт итгэлтэй байна хэмээжээ.  

Гэтэл Гор, Лори Дэвид нарыг хардаж сэрдэж байх тэр үеэр улс төрч эрхэмийн бэлгийн дарамттай холбоотой бас нэг хэрэг мандлаа. Орегон штатын Портленд хотын иргэн Молли Хагерти гэх эмэгтэй экс дэд ерөнхийлөгч өөрийг нь хүчирхийлэхийг завдсан хэмээн мэдэгджээ. Тэр хэрэг явдал 2006 онд Горын буудлаад байсан Lucia отельд болсон байна. Массажист байсан бүсгүй улс төрчид үйлчлэхээр өрөөнд нь очжээ. Массаж хийлгэж байхдаа Гор нийт зургаан удаа бүсгүйтэй секс хийхийг оролджээ. Гэхдээ бүсгүйд ямар ч баримт байхгүй гэдгээ хүлээв. –Гор миний гараас барьж аваад хашигарсан. Миний эсэргүүцэл түүнд таалагдаагүй. Би цагдаад шууд хандаагүй ээ. Тэр явдалыг юу гэхийг би мэдэхгүй байна. Энэ хүчиндэх гэсэн оролдого гэж би хэлнэ. Гэхдээ надад ямар ч баримт байхгүй л дээ хэмээн Молли бүсгүй шүүхэд мэдүүлжээ.

2006 онд энэ хэргийг бүсгүйн өмгөөлөгч цагдаад мэдэгдсэн боловч Молли өөрөө гомдлоо эргүүлэн татжээ. Харин 2009 онд Молли хэргийг дахин сөхүүлжээ. Портлендын цагдаагийнхан шалгаж эхэллээ. Детектив Мэри Уит” –Гор үнэхээр тэр өрөөнд бүсгүйтэй хамт байж. Тэд хоёулахнаа байсан. Гэрч алга хэрвээ хонгилоор хэн нэгэн тэр үед явж өнгөрсөн бол асуудал өөр байх байлаа. Хангалттай баримт алга даа хэмээн мэдэгджээ.  

Доминик Стросс-Кан

2011 он таван сар. Олон улсын валютын сангийн тэргүүн асан Доминик Стросс-Каныг бэлгийн хүчирхийлэл үйлдэхийг завдсан гэх хэргээр баривчилсан билээ. Хэрэг авдал Нью-Йоркийн нэгэн отельд болсон гэнэ. Түүнийг өмнө нь 2008 онд сангийнхаа ахлах эдийн засагч Пироски Наги гэх бүсгүйтэй нууц амрагийн харьцаатай хэмээн хэвлэлээр шуугиж байсан. Тэгсэн францын сэтгүүлч зохиолч Тристан Банон 2002 онд Стросс-Кан өөрийг нь хүчирхийлэхийг завдсан хэмээлээ. Эдгээр дуулианыг 2012 онд болох ерөнхийлөгчийн сонгуулийн өмнөх бохир Пи Ар хэмээн Кан мэдэгдээд байсан. Түүний гол өрсөлдөгч Николя Саркози ч энэ бүхний ард байж болно гэдгийг Доминик үгүйсгээгүй ээ.

Хэрвээ Доминик Стросс-Каны гэх дээрх хэргүүд үнэн болох нь тогтоогдвол америкийн хуулиар түүнд 70 жил шоронд хорих ял оноож болох гэнэ.

Арнольд Шварценеггер

2011 оны таван сард америкт бас нэгэн сакндал дэгдсэн нь Калифорни мужийн экс амбан захирагчтай холбоотой байлаа. тэр бол мэдээж Арнольд Шварценеггер. Түүний эхнэр нь америкийн 35 дахь ерөнхийлөгч Жон Кеннедигийн үеэл дүүнь. Арни тэр хоёр 25 жил хамт амьдарчээ. Холливудын үлгэр жишээ гэр бүл. Дөрвөн хүүхэдтэй. Гэтэл... Тэд салж байгаагаа мэдэгдсэнээс хойш долоо хоногийн дараа Арни шалтгааныг нь тайлбарлажээ. Тэр нь нөгөөх гайтай гэр бүлийн хууралт. Одоогоос 10 жилийн өмнө тэрээр эхнэрээ хууран Милдред Патрисия Баена гэх бүсгүйтэй нууц амраг болжээ. Энэ эмэгтэй ойролцоогоор 20 жил Шварценеггер, Шрайвер нарын гэрийн үйлчлэгч байсан бөгөөд энэ оны эхээр ажлаасаа халагдаад байжээ. Милдред Арнигийн хүүг төрүүлжээ. Мария Шрайвер дөрөвдэхь хүүхдээ гаргаад долоохон хонож байхад Арнигийн бутач хүүхэд төржээ. Өдгөө Арнигийн хүү болон охин нь аль хэдийн Twitter-т хаягандаа овгоо солин Шварценеггерийг Шрайвер болгожээ.

Гэтэл саяханы нэг өдөр Холливудын жүжигчин Жейн Сеймур Арнид өөр хоёр ч хууль ёсны биш хүүхэд байгаа гэдгийг мэдээлээд авсан. Хэрэг үүгээр зогсохгүй бололтойдог оо...

Р. Слава

www.bolod.mn