Тодруулбал, ХУД-ийн XV хорооны нутаг дэвсгэрт "Улаанбаатар сувилал"-ын урд, 115 дугаар сургуулийн ойр орчимд орон сууц барьсан 16 компанийн нийт 23 орон сууц 20 тонны ганцхан ариутгалын насосст холбогджээ. Улмаар дамжуулах хоолой нь ачааллаа дийлэхгүйгээс задарч, бохир нь зам талбайд хальж урсдаг аж. Тиймээс зуны цагт бохир цооногоосоо хальж, зам талбайд тарсны улмаас байнга эвгүй үнэртэж, цонхоо ч нээдэггуй, бага насны хүүхдээ гадна тоглуулдаггүй, салхилж чадахгүйд хүрдэг тухайгаа 56А байрны оршин суугчид ярьж байсан юм.
Түүнчлэн зуны улиралд гүний ус орон сууцны подвалын давхарт нэвчиж гарааш нь усанд автдаг учир усны гуталтай орж гардаг байсан гэв. Бохир төвлөрүүлэх ёмкостыг 56А, 56Б, "Хавай таун"-ы орон сууцны дунд байрлуулжээ. 56А байр нь хананаасаа хөлрөлт өгснөөс доод давхрын айлууд чийгний нэвшсэн үнэртэй аж.

Энэ байдал барилгын материалын үндсэн чанарт нь нөлөөлснөөс, нурж унахгүй гэх баталгаа үгүй болжээ. Тус байрны оршин суугчид "Энэ байдлыг худалдан авсныхаа дараа мэдсэндээ харамсч байна. Улсын комисс хүлээж авсан болохоор бид итгээд орсон" гэж ярьцгааж байсан. "Хавай таун"-ы байрыг анх захиалсан худалдан авагчид тарыг нь танингуутаа дам дамаа
худалддаг мөн түрээслүүлдэг ажээ. Тиймээс эндээс байр авсан болон түрээслэгчид нь хаана хандахаа мэддэггүй аж. Барилгын компанидаа хандахад СӨХ-ны хүмүүсийг ажиллуулж чадаагүйгээс асуудал үүссэн гээд тоодоггүй. Хэл ам хийж гүйвэл энэ байраа дараа нь эргүүлээд зарах, эсвэл түрээслэхэд нь асуудал үүсч мэднэ хэмээн чимээгүйхэн явсаар хохирсон тухайгаа тэд ярьж байлаа. Ариутгалын системийг ажиллуулж байгаа СӨХ-ны нэртэй хувь хүмүүс нь айл бүрээс дулаан, усны телбөрийг нь тушаана гэж авчихаад хувьдаа апшглачихдаг учир ус, дулаанаа таслуулж байсан үе олон гэв.
Аргаа барсан тэд НМХГ-т гомдол мэдүүлсний эцэст засвар хийлгуүлж байжээ. Гэхдээ зассан гэх хоолой дахин задрахгүй гэх баталгаа алга. Хуулийн дагуу барилгын компани нь барьсан барилгаа гурван жилийн хугацаанд хариуцах үүрэгтэй.Харин хугацаа нь дуусахаар бидэнд хамаагүй гээд алга болчихвол хариуцлагыг нь хэн хүлээх нь тун ч ойлгомжгүй.

АРИУТГАХ ШАХУУРГЫГ СӨХ НЭРИЙН ДОР ХУВЬ ХҮМҮҮС АЖИЛЛУУЛДАГ
Энэ талаар НМХГ-ын барилгын техник хяналтын улсын байцаагч Л.Батбаяраас тодруулахад,"Оршин суугчдын зүгээс манайд гомдол ирсний дагуу шалгахад 16 аж ахуй нэгжийн 23 барилга 20тонны ариутгалын системд холбогдсон байсныг тогтоосон. Анх 2005 онд солонгос эзэнтэй гэх "МД топ" ХХК, "Визард констракшин" ХХК барилга барьж эхлэхдээ уг ариутгалын системийг өөрийн хөрөнгөөр байрлуулсан байдаг. Одоо тус компаниуд хариуцаж байна. Бидний зүгээс дээрх 16 аж ахуй нэгжийг барилгын зөвшөөрөл, уг насост хэний зөвшөөрлөөр хэрхэн холбогдсон талаар холбогдох бичиг баримтаа авчрахыг шаардахад ердөө дөрвөн компани биелүүлсэн. Эндээс хэн хэний буруутай үйл ажиллагаанаас үүдсэн болохыг бид тогтоож чадахгүй. Шаардлагатай бол цагдаагийн байгууллагад шилжүүлж шалгуулж, шүүхээр шийдвэрлүүлэх хэрэгтэй.
Ямартаа ч холбогдох төрийн байгууллагуудад нь уг асуудлыг ншйдвэрлүүлэх дахин гарахаас сэргийлэх үүднээс албан бичиг явуулж байгаа гэсэн юм.

Эцэст нь авах арга хэмжээний тухайд: гэвэл "Хот , суурины ус хантамж, ариутвах татуургын ашиглалтын тухай хуулийн 19.1-д зааснаар: Хот суурины ус хангамжийн барилга байгууламж, цэвэр ус түгээх, дамжуулах, бохир ус цуглуулах, татан зайлуулах шугам сүлжээ, цэвэрлэх байгууламж нь төрийн болон орон нутгийн өмчид байна" гэсэн заалтын дагуу орон нутгийн өмчид авах ажлыг эхлүүлэх, тус хэсгийн ариутгах системийг шинэчлэн зохион байгуулах ажлыг хийх шаардлагатай байна. ХУД-ийн XV хороонд энэ хууль зөрчигдсөн байгаагаас ариутгах шахуургыг нь СӨХ нэрийн дор техникийн мэдлэггүй хувь хүмүүс ажиллуулж байна. Тэд эргээд уг системийг солих шаардлага гарахад хариуцахгүйгээр хаяад явахыг үгүйсгэхгуй" гэв.

ХУУЛИЙН ДАГУУ УЛСЫН БАЙГУУЛЛАГАД НЬ ӨГЬЕ ГЭХЭЭР АВДАГГҮЙ
Ус сувгийн удирдах газрын ерөнхий инженер Д.Эрдэнэбаттай уулзаж дээрх асуудлаар мөн тодруулсан юм.
-Хууль зөрчсөн асуудал байхгүй. Бохир ус цуглуулах дамжуулах систем нь төрийн болон хувийн хэвшил, олон нийтийн өмчид байна гэж заасан байдаг. Тэгэхээр тухайн орон сууцны компани болон хариуцсан СӨХ-д энэ асуудал хамааралтай гэсэн үг. Бид боломжтой учраас л зөвшөөрлийг нь өгсөн. Харин тэдгээр СӨХ-ны хүмүүс нь ажиллуулж чадахгүйгээс асуудал үүсгэсэн. Бидний зүгээс тэднийг техникийн нарийн сургалтад хамруулж, шахуургыг хэрхэн ажиллуулах талаар сургалт явуулсан гэв. Харин тус ариутгалын насосыг эзэмшиж буй "Визард констракшн" компаниас энэ талаар тодруулахад, "Өмнө нь асуудал үүсдэг байсан нь үнэн. Гэхдээ бид 100 гаруй сая төгрөгөөр сэргээн засварлаж өгсөн.

Одоо ийм асуудал байхгүй. Хуулийн дагуу улсын байгууллагад нь хүлээлгэн өгье гэхээр хүлээж авдаггүй. Тиймээс манайхаас өөрсдийн барьсан байрнуудад СӨХ байгуулж өгсөн. Бусад компанийн барилгуудыг ч мөн тус тусын байгуулсан СӨХ-ны хүмүүс хариуцаж байгаа. Тэд техникийг буруу ажиллуулах, иргэдээс ус, дулааны төлбөр авчихаад хувьдаа ашиглах зэрэг зөрчил гаргаад байдаг.

Тиймээс хуулийн дагуу төрийн мэдлийн байгууллагын өмчид шилжүүлвэл цаашдаа иргэдэд аюулгүй байх болно" гэв. Оршин суугчдын зүгээс цэвдэг ихтэй, гүний усны судалтай газарт барилга барих зөвшөөрөл олгосонд гайхаж байгаагаа хэлдэг. Байрны доод давхар зуны цагт усанд автчихдаг. Дээр нь бохирын цооногоос бохир хальж, байнгын өмхий үнэртдэг учир цонхоо нээж чадахгүйд хүрч байна.Эцэст нь өндөр үнээр орон сууц худалдаж авчихаад хохирч байна шүү дээ.Энэ бүхний хариуцлагаыг хэн хүлээх вэ гэж байсан. Энэ мэт инженерийн шугам сүлжээний хувьд дугагдалтай барилгууд нийслэлийн атслагдсан дүүргүүдэд олон бий. Зайсанд гэхэд "ХАИС, "Орчлон констракшн" -ы 300 тонны хоёрхон шугамтай бөгөөд өдгөө ачааллаа дийлэхгүйд хүрээд байгаа аж. Нийслэлийн хэмжээнд толгойны өвчин болчихоод буй инженерийн шугам сүлжээний шинэчлэл хэзээ хийгдэж, хэзээ эдгээр их бүтээн байгуулалтаа хангаж, гуйцэх юм. Жил бүр хэсэгчилсэн засвар шинэчлэл хийгдэгч хүч түрсэн их бүтээн байгуулалтандаа цохиулж. шоконд орчихоод байгаа нь энэ юм.

Барилгын компаниуд гоёомсог угаалгын өрөө, дэгжин усны онгоц мэтхэнээр иргэдийн нүдийг хуурсны балаг ийн ар араасаа гарсаар хэдэн жилийн дараа өмхийрсөн балгасаар дүүрсэн хот болж мэдэх нь. Мөн чухал асуудал нь хөрсний цэвдэг ихтэй учир газрын гүнээс нэвчдэг ус. Анхнаасаа барилга барнх зөвшөөрөл олгохдоо геодезийн судалгаанд үндэслэн ямар барилга ямар стандартаар барихыг зураг төсөлд тусгаж, батлах ёстой. Магадгүй анх тус газарт өндөр барилга, орон сууц барих тохиромжгүй тул аялал жуулчлал. амины орон сууц барихаар хэсэгчилсэн төлөвлөгөөнд
тусгасан байж мэднэ. Гэтэл хуулийг гууль болгогч барилгын компаниуд дүрэм журмаа зөрчиж, энэ мэт асуудалтай барилгуудын тоог нэмсээр байна. Энэ бүхний эцэст хариуцах эзэн нь олдохгүй буруугаа нэг нэгэн рүүгээ түлхсээр хариуцлагаас мултардаг байдал газар авч улмаар энэ салбарт авлигыг цэцэглүүлж баина.

Өдрийн шуудан

ЦОНХОО НЭЭХ АРГАГҮЙ, УСНЫ ГУТАЛ УГЛАЖ ГАРААШДАА ОРДОГ ГАЙХАЛТАЙ ОРОН СУУЦНУУД ЗАЙСАНД СҮНДЭРЛЭЖ БАЙНА
Tweet
Bolod.mn