Ухаалаг утас, цахим төлбөрийн карт, интернэт. Өнөө цагт энэ бухэн хүмүүсийн гангараа бус хэрэглээ болоод байгаа. Харамсалтай нь сүүлийн үед хэт ухаалаг бас хялбар гэж болох дээрх хэрэглээ эзэддээ таагүй зүйл дуулгах болсон. Тухайлбал, ухаалаг гар утас эзнийхээ тухай бүхий л мэдээллийг нийтэд ил болгож орхидог бол төлбөрийн цахим картууд ч бас тийм найдвартай бус гэдгийг албаныхан хэлж байна. Учир нь Эрүүгийн цагдаагийн газраас "Carding" буюу хуурамч төлбөрийн картны гэмт хэргээс болгоомжлохыг дахин дахин анхааруулж байгаа юм.

Албаныхны өгсөн мэдээллээр хуурамч төлбөрийн картны гэмт хэрэг гэдэг нь хувь хүний төлбөрийн картны туузан мэдээлэл буюу "Tгаск"-ыг бусад этгээдүүд хууль бусаар хуулбарлан авч тусгайлан бэлтгэсэн картны бэлдэц дээр суулган төлбөр тооцоо хийх болон бусад байдлаар ашиглах гэмт хэргийг хэлдэг ажээ. Хамгийн ноцтой нь урьд өмнө нь төдийлөн сонсч байгаагүй энэ төрлийн гэмт хэрэг манай улсад хэд хэдэн удаа бүртгэгдсэн бөгөөд ихэвчлэн гадны иргэд ийм төрлийн хэрэг үйлдсэн байдаг юм. Үүнийг нэг талаараа олон улсын гэмт хэрэгтнүуд Монголыг онилоод эхэлчихэж гэж харж болохоор байгаа аж. Иймээс бид манай улсад ийм төрлийн хэчнээн хэрэг гарсан, иргэд яаж сэрэмжлэх талаар холбогдох албаны хүмүүсээс тодрууллаа.

Тэгэхэд 2012-2013 оны хооронд гадаадын иргэд манай улсад ийм төрлийн хэрэг дөрвөөс таван удаа үйлдсэнийг цагдаагийн байгууллагынхан илрүүлжээ. Тухайлбал, 2012 оны дөрөвдүгээр сарын 9-нөөс 16-ны хооронд Малайз, Сингапур улсьш зургаан иргэн 220 ширхэг хуурамч карт апшглан өндөр дунтэй худалдан авалт хийсэн тухай дуулиан дэгдэж байсан. Тэгвэл албаны эх сурвалж "Дээрх этгээдуүд өмнөд Азиас гаралтай Малайз, Сингапурын 25-30 насны залуус байсан бөгөөд Улсьш их дэлгүүр, "Централ таур", "Номнн" их дэлгүүр. "Скай" худалдааны төвөөс хуурамч карт ашиглан бараа худалдаж авсан, авах гэсэн оролдлогууд удаа дараа хийсэн нь анхаарал татсан. Дээрх этгээдүүдийн хувьд Улсын их дэлгүүрийн нэгдүгээр давхрын үнэт эдлэлийн дэлгүүрээс их хэмжээний алтан эдлэл авсан бол "Централ таур"-аас брэндийн цүнх, гутал худалдан авч улмаар зарим тасгаас бараа авах гэсэн ч картын үлдэгдэл хүрэлцэхгүй байсан зэргээс үүдэн хар авч, илрүүлсэн" хэмээн ярьж байна. Мөн тухайн үед тэдний биед үзлэг хийхэд 51 ширхэг олон улсын төлбөрийн карт илэрсэн бөгөөд гэмт хэрэгтнүүд "Чингис хаан" зочид буудалд буудалласан байжээ.

Хамгийн ноцтой нь мөрдөн байцаалтын явцад "Манай босс карт өгөөд Монгол руу явж бараа худалдаж аваад Кен гэдэг хүнд дамжуул, тэр хүн барааг Малаизад хүргэж өгнө. Та нарыг ирэхээр . худалдаж авсан барааны чинь 10 хувийг өгнө гэсэн" хэмээн мэдүүлж байжээ. Тэдний яриа, мэдүүлгээс энэ төрлийн гэмт хэрэг үйлддэг олон улсын гэмт бүлэглэл манай улсад аль хэдийнэ ороод ирчихсэн гэдэг нь харагдаж байгаа юм Түүнчлэн дээрх дуулиан дэгдсэний дараахан буюу мөн оны тавдугаар сарын 20-22-нд Украйн улсын хоёр иргэн АТМ буюу бэлэн мөнгөний машинаас 100 гаруй сая төгрөг бэлнээр авсан, өнгөрсөн оны нэгдүгээр сарын 23-25-ны хооронд Малайз улсын гурван иргэн хуурамч 113 ширхэг карт ашиглан өндөр дүнтэй худалдан авалт хийсэн хэрэг илэрсэн байлаа. Энэ талаар Эрүүгийн цагдаагийн газрыхны Малайз, Сингапур, Украйн зэрэг улсын зохион байгуулалттай гэмт бүлэглэлүүдээс манай улсад 2012 онд хоёр удаа нэвтэрч, томоохон худалдаа үйлчилгээний цэгүүдээс хуурамч карт ашиглан худалдан авалт хийсэн.

Ингэхдээ нийт 500 мянган ам.долларын төсөв бүхий хуурамч картууд бэлтгэж ирснээс 100 мянга гаруй ам.долларын худалдан авалтыг манай улсад хийсэн нь нотлогдоод байгаа гэдгийг онцолж байлаа. Түүнчлэн манай иргэдийн зүгээс энэ төрлийн гэмт хэргийг үйлдсэн тохиолддууд Цагдаагийн байгууллагад цөөнгүй бүртгэгдэн шалгагдаж байгааг дуулгав. Иймээс та бид өөрсдийн мэдээллийн нууцыг чанд хадгадах, цахим худалдан авалт хийхдээ ядаж л дансны дугаар, нууц кодоо хийхгүй байх ёстой. Та өөрийн мэдээллээ алдвал их хэмжээний хохирол амсана, гэмт этгээд хувийн нууцыг ашиглан их хэмжээний хохирол учруулдаг гэдгийг анхаарах хэрэгтэй гэцгээж байсан.
Цагдаагийнхны өгсөн мэдээлэлд анхаарал татсан бас нэг зүйл буй нь "Carding" буюу хуурамч төлбөрийн картаар гүйлгээ хийж байсан гадны иргэд мэдүулэг өгөх үедээ "Бидэнд хуурамч картаараа хаана байрладаг. ямар АТМ-д уншуулахыг минь хүртэл тусгайлан заадаг.

Түүний дагуу ажлаа гүйцэтгэдэг байсан" хэмээн мэдүүлсэн нь яах аргагүй анхаарал татаж байгаа юм. Мөн тэдний ашиглаж байсан картууд нь хамгийн найдвартай гэгддэг АНУ-ын "Chase", "ITS" зэрэг таваас зургаан банкны харилцагчдын карт байсан ба гэмт этгээдүүд интернэт ашиглан гадаадын банкны харилцагчдын мэдээллийг хулгайлж, хуурамч карт хийдэг байжээ. Ингэхдээ техник технологи өндөр хөгжсөн энэ үед хамгийн найдвартай гэгддэг банкуудын мэдээллийн санд нэвтэрч харилцагчдын нууц мэдээллийг хакердаж, данс, санхүүгийн бүх мэдээллийг авдаг байсан ба олж авсан мэдээллээ картын хуурамч бэлдэц дээр суулгаад өөрийн нэрээр гарган худалдан авалт хийж байжээ.

Түүнчлэн өчигдөр Эрүүгийн цагдаагийн газраас үунтэй холбоотой байж мэдэх бас нэг сэрэмжлүүлэг гаргасан нь сүүлийн өдрүүдэд фэйсбүүк болон бусад цахим сүлжээгээр "Нууц үг хулгайлах арга" гэсэн гарчигтай мэдээлэл цацагдах болсонтой холбоотой. Энэ асууддаар Цагдаагийн байгууллагад иргэдээс цөөнгүй гомдол ирсэн бөгөөд гомдлын дагуу Эрүүгийн цагдаагийн газраас шалгалт хийж, дээрх үйлдэл нь нууц үг хулгайлах бус, ID бүхий хуудсууд автоматаар LIKE даруулах код байсныг тогтоожээ.

Хэдий тийм ч үүнийг овжин ашиглах хүмүүс бий гэдгийг хэлсэн. Хакерууд дээрх байдлыг ашиглан иргэдийн хувийн мэдээллийг авч болох аж. Тиймээс цаашид энэхүү үйлдлийг бусдад тараасан хувь хүн, албан байгууллагууд яаралтай энэ үйлдлээ таслан зогсоох, мөн дахин ийм байдлаар хүний хүсэл сонирхлоос гадуур ямар нэг үйлдэл хийлгэх тусгайлан бэлтгэсэн код ашигласан, тараасан тохиолдолд холбогдох хууль тогтоомжийн дагуу хариуцлага хүлээлгэхийг анхааруулж байгаа юм.

Өдрийн шуудан

“CARDING” Буюу хуурамч төлбөрийн картаар гүйлгээ хийдэг олон улсын бүэглэл МОНГОЛЫГ онилжээ
Tweet
Bolod.mn