урьдчилан хэлэхийг илбэ жилбэ, хар дом гэж үзэж, шийтгэж цээрлүүлдэг байсан. Одоо бол бид цаг агаарын урьдчилсан мэдээгүйгээр өдөр тутмын амьдралаа төсөөлж ч чадахгүй. Үүлгүй байна гэхэд хэн ч шүхэр авч гардаггүй. Үүнтэй адил зөвлөгөөг бид өгөх гэсэн юм. Тодруулж хэлбэл хүүхэдтэй болохдоо бид зарим нэг хүчин зүйлийг харгалзаж үзвэл зохилтой. Бидний доор өгүүлэх зүйлийн зарим нь дорны зурхай дээр үндэслэсэн байгаа. Энэ бол нарны идэвхжлийн хуанли юм.

Дэлхийн түүхэнд нэрээ дуурсгасан суутнууд жигд бус төрсөн байдгийг аль дээр үед ажиглаж мэджээ. Зарим зуун, жил, сар, өдөр, тэр ч байтугай цагт суутнууд эсвэл олон, эсвэл цөөн төрдөг. Хэрэв тэрхүү байгалийн хуулийг илрүүлж чадвал зөв үед нь хүүхэд хийж, улмаар хүн төрөлхтнийг нэгэн суутнаар гийгүүлж болно. Хүмүүсийг аз жаргалаар бялхуулдаг олон зүйл байдаг ч Софоклын хэлснээр “оюун ухаан тэргүүн зэрэгт тавигдана”.

Харамсалтай нь тэрхүү хуулийг хун төрөлхтөн хараахан бүрэн гүйцэд илрүүлж чадаагүй л байна. Гэхдээ зарим нэг зүй тогтлын тухай ярьж болно. Нарны идэвхжлийн хэлбэлзлээс болоод ер бусын увдистай хүмүүсийн төрөлт ч хэлбэлзэж байдаг. Зарим нэг зүй тогтлоос танд сонирхуулъя:

Нэг. Дорны хуанли
Хүйтний улиралд төрсөн суутнууд тооны хувьд дулааны улиралд төрсөн ер бусын хүмүүсээс олон байдгийг статистикийн судалгаа илтгэж байна. Энэ нь мөнөөх л нарны идэвхжлийн хэлбэлзэлтэй, мөн зуны улиралд өвлийн цагийг бодвол агаар мандалд усан уур их, улмаар хүчил төрөгч бага байдагтай холбоотой. Үүнийг судлаачид хүчил төрөгчийн үр ашиг гэж нэрлэдэг.

Одоо нарны идэвхжил гэж чухам юу болох тухай хэдэн үг хэлье. Энэ бол Наран дээр үе үе гэнэт бий болдог бамбар, толбо, тэсрэлт, Нарны титэм дэх цоорхой, протуберанец (Нарны титэм дэх халуун хийн тасархай үүл), флоккул (Нарны дүгрэгт үүссэн сэмэрхий бодис) зэрэг үзэгдэл юм. Наран дээрх нэг бол асч дүрэлзэж, нэг бол бөхөж унтарч байдаг эдгээр үзэгдэл нь манай дэлхий дээр болж өрнөж буй бүхий л үйл явцад, түүний дотор нярай хүүхдүүдийн тархины бүтэц боловсорч бүрэлдэхэд нөлөөлдөг байна.

Авьяастнаар хамгийн арвин сар бол 1, 2, 3-р сар юм. Нэн ялангуяа 2-р сарыг онцлох хэрэгтэй. Харин 6, 7, 8-р сард хамгийн цөөн суутан мэндэлсэн байдаг ажээ. Зуны улирлаас 6, 8-р сар онцгой "дутагдалтай". Тухайлбал Дэлхийн дунд өргөрөгүүдэд төрсөн хүмүүсийг аваад үзвэл 2-р сард 8-р сарыг бодвол хүн 1,1 дахин, авьяастан 1,5 дахин, суутан 2 дахин их мэндэлсэн байдаг. Эндээс нэг энгийн дүгнэлт урган гарна. Авьяастай хүүхэдтэй болохыг хүсвэл болж өгвөл өвөл төрүүлэхээр тооцоолох хэрэгтэй. Гэр бүл төлөвлөлт гэж нэг юм байдаг даа. Харин Дэлхийн өмнөд тал бөмбөрцгийн хувьд эсрэгээрээ. Учир нь хойд тал бөмбөрцөгт зун болж байхад өмнөд тал , бөмбөрцөгт өвөл болж байдаг.

Энд өгүүлэгдсэн зүйлтэй хэн нэгэн санал зөрж болноо. Зуны халуунд Македонийн Александр, Петрарка, Паскаль, Лейбниц, Нэгдүгээр Петр, Наполеон, Гёте, Пушкин, Репин нар төрсөн гэж хэлэх байх... Тийм ээ. Гэхдээ өвлийн улирлыг аваад үзвэл дээр дурдсан зиндааны суутнууд хамаагүй олон мэндэлсэн байдаг ажээ. Ганц жишээ дурдахад л “орчлонгийн таван багана” гэгддэг Коперник, Кеплер, Галилей, Ньютон, Эйнштейн нар тавуулаа өвөл төрсөн, тэгэх тэгэхдээ 2,5-хан сарын зайтай мэндэлсэн байдаг.

Хоёр. Өрнийн зурхай
Дорны хуанлины ямар жилд төрснөөс тухайн хүний оюуны чадавхи ихээхэн шалтгаална. Дорны гүн ухаантнууд балар эртний үед онцгой үйл явдлууд 10,12 жилийн давтамжтай давтагддагийг олж мэджээ. 10, - 12-т үлдэгдэлгүй хуваагддаг хамгийн бага тоо ..бол 60. Тиймээс дорны гүн ухаантнууд хуанлигаа жаран гэж нэрлэх болсон байна. Нэг үе 12 жилтэй, эдгээр 12 жил таван махбодийн тоогоор тавантаа давтагдана. Ингээд нэг жараг болно. Байгалийн юмс үзэгдлийн давтамж 10, 12, 60 жилийн мөчлөгтэй байгаа нь тохиолдлын хэрэг биш. Бархасбадь гаригийн эргэлтийн үе 12 жил, Бархасбадь, Санчир гаригсийн давхацлын хагас үе 10 жил, түүнчлэн эдгээр хоёр гариг Нарнаас хамгийн бага зайд давхацдаг үе нь 60 жил. Өөрөөр хэлбэл, Нарны аймгийн хамгийн том хоёр гариг өөрсдийн эргэлт, давхцлаараа манай Дэлхийг татаж, идэвхжүүлж байдаг юм.

Статистикийн судалгааны дүнг аваад үзвэл 60 жилээс хамгийн олон авьяастан "төрүүлсэн" эхний 10 жилийг жагсаавал дараах дүр зураг бууна (буурах дарааллаар): Төмөр хулгана, Төмөр Луу, Төмөр нохой, Усан могой, Усан бич, Төмөр бар, Төмөр Бич, Шороон бар, Шороон могой, Усан хулгана. Харин хамгийн цөөхөн авьяастан мэндэлсэн арван жилийг жагсаавал: Модон бар, Гал туулай, Гал морь, Гал бар, Шороон хулгана, Усан луу, Усан морь, Төмөр хонь, Модон луу, Гал хулгана.

Энэхүү жагсаалтыг хулгана жил нээсэн төдийгүй, хааж байгаа нь сонирхолтой. Гэхдээ хэрэв эхний хулгана нь төмөр бол сүүлийн буюу 60 дахь хулгана нь гал. Учир нь тун энгийн. Төмөр хулгана ертөнцийн оньсогыг мэрж цаана нь гардаг бол гал хулгана хоромхон зуур дүрэлзээд дорхноо царцдаг...

Эхний долоон жилийг аваад үзэхэд эсвэл төмөр, эсвэл ус махбодтой болох нь төвөггүй анзаарагдаж байна. Дорны зурхайгаар бол төмөр нь уйгагүй шаргуу зан, харин ус нь оюун ухаан юм. Ингээд бодохоор дорны хуанли нэг юм хэлээд байгаа биз?

Түүнээс гадна дорны 12 жилийн хуанли болон өрнийн 12 ордны зурхай харилцан бие биеэ нөхдөг байна. Өрнийн зурхай бол 30 градусын зайтай тэнгэрийн 12 уртраг юм. Одон орон судлаачид зурхай бүтээхдээ энэхүү онцлогийг харгалзан үздэг. Үнэн чанартаа энэ нь мөнөөх л Нарны идэвхжлийн жилийн үеүд юм. Зурхайн ямар ордонд мэндэлснээс, өөрөөр хэлбэл өөрийг нь төрөхөд Нар ямар ордонд байснаас тухайн хүний зан чанар, авьяас билиг ихээхэн шалтгаалдаг байна.

Хүний зан төлөвийн ерөнхий байдал бүрэлдэн төлөвшихөд дорны хуанли, өрнийн зурхайн зохицол гол нөлөө үзүүлдэг. Нийтдээ 720 ерөнхий төлөв байдал бий (60*12). Зарим ордон зарим жилтэй зохицохоор тодорхой жилийн тодорхой сард төрсөн хүн ер бусын авьяастай болдог ажээ.

Дараах зохицол хүн төрөлхтөнд гайхамшигтай суутнуудыг бэлэгджээ (эхний 10 байрыг жагсаавал): Төмөр хулгана-хилэнц, Төмөр луу-матар, Төмөр нохой-матар, Усан луу-матар, Усан бич-матар, Төмөр бар-хумх, Төмөр бич-матар, Шороон бар-хилэнц, Шороон могой-матар, Усан хулгана-загас.

Харин сүүл мушгисан 10 зохицолыг тоочвол: Модон бар-мэлхий, Гал туулай-охин, Гал морь-ихэр, Гал бар-мэлхий, Шороон хулгана-ихэр, Усан луу-арслан, Усан морь-ихэр, Төмөр хонь-охин, Модон луу-мэлхий, Гал хулгана-арслан.

Эхний жагсаалтанд матрын орд байсгээд л гялсхийж байгааг та ажигласан байх. Гайхах зүйлгүй. Матар бол (12-р сарын 22-ноос 1-р сарын 19-нд мэндлэгсэд) эмх журам, шургуу зангийн туйл юм.

Гурав. Авестийн хуанли
Эртний персүүдийн авестийн хуанлигаар бол суут хүмүүсийн төрөлт 32 жилийн үечлэлтэй байдаг ажээ. Энэ бол зүгээр нэг зохиочихсон хуанли биш. Учир нь Нарны идэвхжил 32 жил тутамд давтагдаж байдаг ажээ. Авестийн хуанли 32 жилтэй бөгөөд Алтан эвэрт бугаар эхлээд Шонхороор дуусдаг.

Энэ хуанлиг иш үндэс болговол хамгийн олон авьяастан Өмхий хүрэн (1940, 1972, 2004), Цагаан чоно (1941, 1973, 2005), Өрөвтас (1942, 1974, 2006), Могой (1944, 1976, 2008), Минж (1945, 1-977, 2009), Тэмээ (1921, 1953, 1985), Үнэг (1933, 1965, 1997) жил төрсөн байдаг бол хамгийн цөөн суутан Азаргантахиа(1918, 1950, 1982), Бух гөрөөс (1919, 1951, 1983), Далайн гахай (1934, 1966, 1998) жил төрсөн байдаг ажээ. Хамгийн олон суутан Тэмээ жил, харин хамгийн цөөн нь Бур гөрөөс жил мэндэлсэн байдаг.

Одоо та хэр авьяастай, хэр увдистай, хэр суу билигтэй хүүхэдтэй болох нь гагцхүү таны гэр бүл төлөвлөлтөөс л шалтгаалах үлдлээ.