ХКН-ын 18-р удаагаа сонгогдсон Төв хорооны 3-р бүгд хурал 2013 оны 11-р сарын 9-12-ны өдрүүдэд Бээжинд болж, ХКН-ын Төв хорооны өөрчлөлтийг тал бүрээр гүнзгийрүүлэх талаар хэд хэдэн чухал тогтоол баталж, намын 18-р их хурлаас хойших Төв хорооны Улс төрийн товчооны ажлыг өндрөөр үнэллээ. Тогтоолд өөрчлөлтийг бүх талаар гүнзгийрүүлэх жолоодох үзэл санаа, үүрэг зорилт, чухал зарчмыг дэвшүүлж, өөрчлөлтийг бүх талаар гүнзгийрүүлэх шинэ төлөвлөгөө, шинэ хэтийн төлөв, шинэ зорилтыг дэвшүүлж, өөрчлөлтийг гүнзгийрүүлэх гол стратеги, тэргүүлэх алхам дараалал, чиглэл, ажиллах механизм, ахицын арга хэлбэр, цаг хугацаа зэргийг тусгасан байна.

2, Хятадын онцлогтой их гүрний дипломат харилцааг үр дүнтэй хэрэгжүүлж, хамтын ажиллагааны эерэг санаачлагчаар идэвхтэй энерги түгээлээ.

Хятадын дипломат харилцаа энэ онд шинэ гараагаа урагштай эхлүүлж, улам бүр санаачлагчтай бүтээлч байдлыг буй болгож, Хятадын онцлогтой их гүрний дипломат харилцааны шинэ байдлыг нээлээ. Хятад улсын дарга Ши Жиньпин 3-р сард Орос улсад, 6-р сард Америкт тус тус айлчилсан юм. Айлчлалынхаа үеэр, Хятад Оросын бүх талын стратегийн хамтын ажиллагааны харилцаа тогтоох болон Хятад Америкийн шинэ хэлбэрийн их гүрний харилцаа тогтоох талаар нийтлэг ойлголтод хүрч, Хятадын удирдагч Торгоны замын эдийн засгийн бүс байгуулах, 21-р зууны тэнгис дээрх торгоны замыг байгуулах талаар санал дэвшүүлсэн юм.

3. Сноуден нууцыг задруулсан нь дэлхийг донсолгож, Америкийн нөлөөлөх хүч ноцтой хохиров.

Америкийн үндэсний аюулгүй байдлын газар, тагнуулын төв байгууллагын ажилтан байсан Эдвард Сноуден 6-р сарын 9-нд, уг байгууллагын тоо баримтад тандалт хийх төслийн мэдээлэл хангагч гэдгээ хүлээн зөвшөөрч, Америкийн засгийн газар томоохон сүлжээний серверүүдээр дамжуулан иргэдийн и-мэйл, чаталсан тэмдэглэл болон хувийн видео бичлэг, фото зураг зэрэг нууц баримт бичигт тандалт хийснийг задруулсан юм. "ПРИЗМ" нэртэй энэ төсөл нь Америкийн иргэд болон дэлхийн олон орны иргэд, засгийн газрын эсэргүүцэлтэй тулгарч, Америкийн засгийн газрын нэр хүндийг унагасан юм.

4. Египет дахин улс төрийн хямралд орж, Мусульман ахан дүүс хөдөлгөөн задрав.

6-р сарын 30-нд, Египетийн экс ерөнхийлөгч Мурси төрийн эрх барьсны нэг жилийн ойтой давхцан Мурсигийн дэмжигчид болон эсэргүүцэгчдийн хооронд хүчтэй мөргөлдөөн болж, олон тооны хүн эндэж шархдав. 7-р сарын 1-нд, цэргийн талаас эцсийн сануулга гаргаж, хоёр тал хямралаа зохицуулахыг шаардав. 7-р сарын 3-ны өдөр, цэргийн тал байдлыг тогтоон барьж чадаагүй гэсэн шалтгаанаар Мурсийг албан тушаалаас нь огцруулж, үндсэн хуулийн дээд шүүхийн даргыг ерөнхийлөгчийн тушаалд томилсны зэрэгцээ "ирээдүйн зураг төлөвлөгөө" -г гаргаж улс төрийн эргэлтийг зарлав. 10-р сарын 9-ний өдөр Египет Мусульман ахан дүүс хөдөлгөөний байгуулаад буй төрийн бус байгууллагын эрхийг цуцалж, 12-р сарын 25-ны өдөр Египетийн сайд нарын танхимаас Мусульман ахан дүүс хөдөлгөөн ба түүний салбар байгууллагыг террорист байгууллагын жагсаалтад оруулах шийдвэр батлав.

5. Сирийн хямрал, Иракын цөмийн асуудалд огцом эргэлт гарч, Дундад дорнодын асуудлаарх Америкийн стратег зохицуулалтын шатанд оров.

9-р сарын 14-нд, Сирийн химийн зэвсгийн асуудлаар бүдүүвч гэрээ тохиролцов хэмээн Америк мэдэгдэв. Мөн 8-р сарын 21-нд Дамаскийн дүүрэгт химийн зэвсгийн халдлага гарсны дараа, Америк зэвсэгт хүчээр заналхийлж байсан байдал түр намжсан. 11-р сарын 24-нд Женевт Ираны цөмийн асуудлаар зургаан орон болон Иран улс анхны хэлэлцээрийг хийсэн юм.

6, ДХБ бүх дэлхийн чанартай худалдааны гэрээг үзэглэж, дэлхийн эдийн засагт шинэ хөдөлгөгч хүч бий болгов.

12-р сарын 7-нд, Дэлхийн худалдааны байгууллагын сайд нарын 9-р хурал Индонезийн Бали аралд өндөрлөв, талууд анх удаа бүх дэлхийн чанартай худалдааны гэрээг тохиролцсон юм. Тус гэрээнд худалдааг хялбарчлах, хөдөө аж ахуй, хөвөнгийн үйлдвэрлэл, хөгжил зэрэг дөрвөн талын сэдвийг агуулсан нийт 10 баримт бичиг багтсан юм. Баримт бичгүүдийн гол агуулгад бараа бүтээгдэхүүний боомтоор нэвтрэх журмыг хялбарчлах, хөгжиж байгаа гишүүн орнуудын үр тарианы аюулгүй байдлыг хангах сонголтын эрхийг зөвшөөрөх, хөгжил буурай гишүүн оронд туслан, худалдааг нь хөгжүүлэх зэргийг тусгасан болно.

7. Японы Ерөнхий сайд Шинзо Абэ Яасукуни сүмд мөргөл үйлдэн, дэлхий нийтийг хилэгнүүлэв.

Дяо Юй Дао арлын асуудлаар Хятад, Японы харилцаанд сөргөөр нөлөөлөх яриа хэлэлцээ өрнүүлж, дэлхийн хоёрдугаар дайны А зэрэглэлийн гэмт хэрэгтнүүдийг тахидаг Яасукуни сүмд Японы Ерөнхий сайд Шинзо Абэ мөргөл хийж, түүхийн асуудлаар хөрш орнуудаа хилэгнүүлж, бүс нутгийн аюулгүй байдалд заналхийлэл учруулсан Абэгийн үйлдлийг дэлхий нийтээр эрс эсэргүүцэв.

8. Америкийн улс төрийн тогтолцоо гацаж, нам засгийн маргааны улмаас төрийн байгууллага хаалгаа барьжээ.

АНУ-ны засгийн газрын зарим байгууллага 10-р сарын 1-16-ны өдрүүдэд хаалгаа барьж, улмаар Америкийн засгийн газрын ажил түр зогсоход хүрсэн юм.

9. Хятад, Америк, Энэтхэг сансар судлалын салбарт амжилттай ажиллаж, хүн төрөлхтний огторгуйд хайгуул хийх ажлыг ахиулав.

1977 оны 9-р сарын 5-нд хөөргөсөн "аялагч 1" сансар огторгуйд хайгуул хийгч аппарат нарны аймгийн тойрог замаас гарсныг 9-р сарын 21-нд Америкийн НАСА мэдэгджээ. Энэ бол өнөөг хүртэл дэлхийгээс хамгийн хол нисч байгаа хиймэл дагуул болно. 11-р сарын 5-нд Энэтхэг ангараг гаригт хайгуул хийх анхны аппаратаа хөөргөжээ. 12-р сарын 2-нд Хятад улс "Чан Э 3" аппаратыг хөөргөж, 12-р сарын 15-нд "Хас Туулай" тандагч саран дээр аялж эхэлжээ.

10.Африкийн нэг хүнд ноогдох ДНБ 1000 ам доллар хүрэхэд Хятад Африкийн хамтын ажиллагаа гол хөдөлгөгч хүч болжээ.

Африкийн нэг хүнд ноогдох ДНБ-ий хэмжээ анх удаа 1000 ам доллараас давсныг 5-р сарын 30-нд Африкийн хөгжлийн банк мэдэгджээ. Энэ нь Африкийн улс орнууд бага орлоготой орны жагсаалтаас гарсан явдал боллоо. Улсын дотоодын уян хатан бодлого, бүс нутгийн интегралчлал, олон улсын эдийн засаг нь Африкийн эдийн засгийн гол хөдөлгөгч хүч болсон байна. Тэр дундаа Хятад Африкийн хамтын ажиллагаа хамгийн чухал нөхцөл болжээ.