Гэтэл Ерөнхий сайд Н.Алтанхуяг ард түмний татварын 50 тэрбум төгрөгийг зориулалтын бусаар зарцуулж байгаа тухай баримтыг иргэн Б.Энхбаяр, Т.Сайнжаргал нар олон нийтэд дэлгэлээ.

Уг нь Ерөнхий сайдын багцын 50 тэрбум төгрөгийг Байнгын хорооны тавдугаар сарын 1-ний тогтоолоор нийт долоон цогц арга хэмжээнд зарцуулахаар тооцоолжээ. Уг хөрөнгөөр орон нутагт битүү зах барих, нэгдсэн оношлогооны төвтэй болгох, замын цагдаагийн торгуулийг бэлэн бусаар төлөх систем нэвтрүүлэхэд 350 ширхэг гар компьютер, хэвлэгч машин худалдан авах, иргэдэд мэдээлэл лавлагаа өгөх түц машинуудыг байрлуулах, төрийн үйлчилгээг иргэдэд хүртээмжтэй шуурхай болгох, үндэсний цэцэрлэгт хүрээлэнд хөрөнгө оруулах, залуучуудын үйлчилгээний цогцолбор босгох гэсэн долоон чиглэлд зориулах байж. Гэтэл эдгээрээс өөр зориулалтаар 500 орчим сая төгрөгийг зарцуулж эхэлжээ. Б.Энхбаяр, Т.Сайнжаргал нарын баримтаас харахад Ерөнхий сайд зургадугаар сарын 28-нд захирамж гарган багцын мөнгөнөөс “Эх хэлний эзэд” медиа хөтөлбөрт 293.1 сая төгрөг, “Бумбардай” комикс есөн цуврал номыг 255.6 сая төгрөгөөр санхүүжүүлжээ. Хүүхэд залуучуудын гэгээрэлд зориулсан хэмээн тайлбарлаж болох ч дээрх хоёр хөтөлбөр ашиг сонирхлын зөрчилтэй байсан тухай Б.Энхбаяр, Т.Сайнжаргал нар мэдэгдлээ.

500 ГАРУЙ САЯ ТӨГРӨГИЙН ГЭРЭЭНИЙ ГҮЙЦЭТГЭГЧИЙГ ТЕНДЕРГҮЙГЭЭР СОНГОЖЭЭ

Хуулиар бол 50 саяас дээш төгрөгийн бараа, 80-аас дээш сая төгрөгийн ажилд заавал нээлттэй тендер зарладаг. Тендер зарлаад шалгарсан компани, аж ахуйн нэгжид Ерөнхий сайд захирамж гарган ажилд томилох дараалал байх учиртай. Хар цувралын ажил эхлүүлэх явц нь дээрхээс эсрэгээрээ үйлдэгджээ. Н.Алтанхуяг зургадугаар сарын 28-нд медиа хөтөлбөр, комикс цуврал хоёрт хөрөнгө оруулах захирамж гаргасан. Гэтэл үүнээс долоо хоногийн дараа ЗГХЭГ-ын Тэргүүн дэд даргын үүргийг түр орлон гүйцэтгэгч Ч.Сайнбилэг “Нүүдлийн зураган өгүүлэмж” байгууллагын тэргүүн Н.Эрдэнэбаяр нарын хооронд гэрээ байгуулагдсан байна. Ингээд эхний хөрөнгө оруулалт болох 128.8 сая төгрөгийг шилжүүлжээ. Ч.Сайнбилэг “Бумбардай” нарын хооронд байгуулсан номын гэрээнд уг ном ямар бүтэц, агуулга, хэмжээ зэрэг мэдээлэл байхгүй байгаа гэнэ. Түүнчлэн “Эх хэлний эзэд медиа” хөтөлбөрийн хөрөнгө оруулалт мөн л энэ янзаар хийгдэж, “Боловсрол” телевизтэй хамтрах захирамж гарсны дараа гэрээ байгуулжээ. Хамгийн гол нь тус бүр 200 гаруй сая төгрөгийн хөрөнгө оруулалттай дээрх хөтөлбөрт ямар ч тендер зарлахгүйгээр байгууллагуудаа сонгосон байна. Ерөнхий сайд Н.Алтанхуяг нарын төрийн томчуулын гарын үсэг, тамга тэмдэг бүхий материалуудыг энэхүү иргэд хэрхэн олж авсныг тодруулсан юм.

Б.Энхбаяр: ЕРӨНХИЙ САЙД ЭНЭ АСУУДЛЫГ ӨӨРӨӨ ТАЙЛБАРЛАХ ЁСТОЙ

-Та бүхэн төрийн хэмжээн дэх гэрээ хэлцлийг хэрхэн олж авсан бэ. Олон нийтэд аль нэг намын явуулга гэсэн хардлага төрж болох юм?

-Улсын төсөв, зарцуулалт ард түмэнд нээлттэй байх ёстой. Яагаад гэвэл төсөв бол ард түмний мөнгө. Бид ч ард түмний нэг хэсэг. Бидний татварын мөнгөөр хууль бус зүйл хийж байгааг бид дэлгэх эрхтэй. Яагаад гэвэл энэ үйлдэл эх баримттайгаа байгаа юм. Тиймээс бид энэ асуудлаар Ерөнхий сайд Н.Алтанхуягийг АТГ-т шалгуулахаар өгсөн. Мөн энэ тухай Төсвийн зарлагын дэд хороо, Хууль зүйн яам, Улсын ерөнхий прокурорт хандсан. Ерөнхий сайд энэ асуудлаа өөрийн биеэр тайлбарлах ёстой.

-Ерөнхий сайдын багцыг зориулалтын буаар ашигласан гэсэн. Бас сонгосон байгууллагууд нь ашиг сонирхлын зөрчилтэй гэл үү?

-Гэрээ хийсэн талуудын нэг буюу Засгийн газрын албан хаагчид зарим зүйл дээр баталгаа, гарын үсэг зураагүй байсан. Мөн гүйцэтгэгч байгууллагаас ирүүлсэн саналын мөнгөн дүнг шууд гаргаж өгсөн. Өртгийг хямдруулах тухай яриагүй. Ард түмний, мөнгөнд ингэж хандсан нь АТГ-д өгөх том үндэслэл. Цаад компаниуд нь үйл ажиллагааны доголдолтой юм билээ.

-Тодруулахгүй юу?

-Өнгөрсөн оны гуравдугаар сард 20-хон мянган төгрөгийн дүрмийн сантай байгуулагдсан төрийн бус байгууллагад 200 гаруй сая төгрөгийн ажил өгчихсөн. Түүнчлэн “Эх хэлний эзэд” медиа хөтөлбөр хэрэгжүүлсэн телевиз нь Засгийн газрын нэр бүхий гишүүний хувьцаа эзэмшдэг байгууллага.

ЗУУНЫ МЭДЭЭ

Ерөнхий сайдын багцын мөнгө хаачив?!
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Ажил хийсэн хүнийг хүн бүхэн шүүмжилж түүнд дургүй байдаг. Украйны ерөнхий сайд асан я********аа? Түүн шиг юм болох нь.

2013-12-02 | 08:30:21 | 202.126.89.169 |

Зочин
Бидний “мэддэггүй” диоксин хэмээх хорт бодисыг гэр хорооллын айл бүхэн “үйлдвэрлэж” байна -Хавдар зэрэг аймшигт өвчин “үйлдвэрлэгчид”- Цувр********-1 Хотын утааг ********руулах төсөл, хөтөлбөрүүд хэрэгжиж буй хэдий ч манайхны сэтгэл дутсан, хайхрамжгүй, хэт амин хувиа хичээсэн байдлаас болоод элдэв хорт бодисын тарх********т урьдын адил байсаар байна. Зарим төрлийн хорт бодисыг хэмжих боломжгүй байгаа нь бүр Улаанбаатарын агаарын чанарыг ш********гадаг 15 харуулын багажууд нь диоксин, фураныг тогтоож чаддаггүй юм байна. Ер нь диоксин гэж чухам ямархуу хортой бодис болохыг хүн бүхэн тэр бүр мэдэхгүй байгаа юм. Товчоор хэлэхэд энэхүү бодис нь мутаген үйлчилгээтэй бөгөөд хүний үр хөврөлд онцгой нөлөөлдөг, хорт хавдар үүсгэгч ажээ. Мөн хүний дархлааны систем, үр тогтох чадварыг сулруулдаг байна. Эдгээр нь хамгийн наад захын хөнөөл бөгөөд дутуу шат********ттай нүүрснээс уг бодис гойд ялгарч гардаг байна. Оросууд үүнийг “Химического СПИДА” хэмээсэн нь санаандгүй оноосон нэр биш юм. 1950-иад оны сүүлчээр диоксины тухай мэдээлэл анх дэлхий дахинаа цацагджээ. Эхний үед асар хортой уг бодисын т********аар жирийн иргэд мэдчихвэл цочирдоод сүйд болно гээд эрдэмтэд нууц********ж байсан байна. Манай хэдэн эмч, мэргэжилтнүүд ч тухайн үедээ амаа хамхин явсан биз. Нөгөөтэйгүүр, диоксин нь хотын хөрс, агаарт хэдий хэмжээтэй тархаж буйг хэмжих багажгүйгээс зүгээр л таамаглаад харайж явсан болов уу. Гэтэл Америкчууд 1961-1971 онд диоксины төрлийн хольцтой химийн зэвсгийг Вьетнамд хэрэглэж байв. Удаан задардаг энэхүү органик бодисын б********гаар Вьетнамын асар их хэмжээний ой мод, хүн амьтан сүйрчээ. Удаан задардаг органик бохирдуулагчийн т********аар доктор Л.Жарг********сайханы бичсэн нэгэн нийтлэлд “Вьетнамын дайны үед диоксины төрлийн хорт бодисоор 4,8 сая хүн хордож, 400 мянган хүн нас барж, 500 мянган хүүхэд гажигтай төрсөн” гэжээ. Түүнчлэн Украйны Ерөнхийлөгч В.Юшинко ч бас яг ийм төрлийн хорт бодисоор хорджээ. Ердийн зууханд шатаасан нүүрснээс диоксин маш ихээр ялгарч буйг Японы эрдэмтэн судлаачид хэлж байна. Цацраг идэвхт бодисын хэмжээ нь 3-10 ppm болоод байгаа гэнэ. Хавдрын өвчлөл өсөн нэмэгдсээр байгаа нь нэг т********аар үүнтэй холбоотой юм. Ялангуяа хотын гэр хорооллынхон маань ялангуяа Багануурын нүүрсийг голдуу хэрэглэдэг. Гэтэл еренхий сайдаасаа эхлээд багануурын нvvрсний ченж хийж байгаа нь нийслэлийн агаарын бохирдлыг ********руулах биш хэний захи********гаар нь мэдэгдэхгуй монголчуудын ирээдуй хойч уеийг хордуулж байна Багануурын нуурсийг гэрийн зууханд тулэхэд маш ********хай унэр гардаг гэдгийг гэрт амьдардаг захын хун хэлдэг нь хорт бодисын агууламж бусад нуурснээс асар их байгаа нь ойлгомжтой Энэ нүүрс нь Шивээ-Овоо, Н********айхын ордуудын нүүрсийг бодвол хамаагүй их диоксин ялгаруулдаг юм байна. Үнс нь хотын гэр хорооллын гудамжаар нэг хөглөрч байдаг. Иймээс бид хавдрын өвчлөлөөр өвчлөхгүй гээд ч яах билээ.

2013-12-01 | 13:04:03 | 180.149.78.26 |

Мэдээ
Гадаад мэдээ
Видео