Энэхүү эмч, удирдлагын хоорондын тэмцлээс болж жирийн иргэд амь насаараа хохирч байна. Тодруулбал өнгөрч 30-ны 00.30 цагт Өвөрхангай аймгаас ирсэн өвчтөн амь насаа алдсан харамсалтай хэрэг гарсан байна. Энэ талаар тодруулахаар ГССҮТ-ийг зорилоо. Тус эмнэлэг дээр 11.00 цагийн үед очиход цагдаагийн хамгаалалт гарсан гэсэн боловч цөөн тооны л цагдаагийн албан хаагч ха-рагдаж байв. Харин хүлээн авах тасаг руу ороход биедээ гэмтэл авсан хүмүүс болон тэдний ар гэрийнхэн, ганц нэг жижүүр эмч, асрагч гэсэн цөөхөн хүн л харагдаж байлаа. Жижүүр эмчээс өчигдөр амиа алдсан өвчтөний талаар тодруулах гэхэд “Би өнөөдрийн жижүүр эмч. Тиймээс өчигдрийн өвчтөний мэдээллийг мэдэхгүй байна. Эмчилгээ эрхэлсэн захирлаас асуу” гэв. Энэ талаар эмчилгээ эрхэлсэн захирал Т.Нарантуяагаас тодруулсан юм.

-Өчигдөр орой буюу 29-нд шилжих шөнө Өвөрхангай аймгаас ирсэн өвчтөн амиа алдсан. Ямар шалтгааны улмаас амиа алдах болов?

-Тийм хэрэг гарсан. Өвөрхангай аймгаас шөнийн 00.20 цагийн үед ирсэн өвчтөний биеийн байдал маш хүнд байсан. Тодуулбал хүнд зодуулсны улмаас хэвлийн хэсэгтээ гэмтэл авсан. Дотуур их хэмжээний цус алдсан байсан. Манай эмч нар яаралтай арга хэмжээг авсан боловч харамсалтай нь нэгэнт оройтсон байсан. Гэхдээ гэмтлийн эмнэлэг гэдэг жирийн эмнэлэг биш. Өдөрт гэхэд нэгээс хоёр хүн амь насаа алдаж байдаг. Энэ мэт хүний амь настай холбоотой асуудлыг эмнэлэг дээр үүсэж байгаа нөхцөл байдалтай холбож тайлбарлаж болохгүй хэмээн ярьсан юм.

Яг үүнтэй ижил шалтгаанаар буюу өнгөрөгч 27-ний өдөр 25 настай залуу гүрээндээ хутгалуулсан байдалтайгаар ирсэн байна. Түүнд яаралтай мэс засал хийх шаардлагатай байсан боловч судасны нарийн мэргэжлийн эмч байхгүй гэх шалтгаанаар удаан хүлээсэн байна. Тодруулбал тус эмнэлгийн судасны бичил мэс заслын мэргэшсэн эмч Б.Бүргэдийг халсан байжээ. Гэвч Б.Бүргэд эмч нь тухайн үед хагалгаанд оръё гэсэн боловч “Хөдөлмөрийн гэрээ цуцалсан хүнээр хийлгэх боломжгүй. Гуравдугаар эмнэлгээс эмч дуудсан байгаа хүлээж бай” гэх хооронд тухайн өвчтөний биеийн байдал хүндэрчээ. Тиймээс хагалгаанд орсон эмч нар Б.Бүргэд эмчээс зөвлөгөө авч мэс засалд орсон аж. Гэвч өвчтөний биеийн байдал муудаж харамсалтайгаар амиа алдсан байна. Өвчтөний ар гэрийнхэн эмчилгээ эрхэлсэн захиралд гомдол мэдүүлсэн бөгөөд тус асуудлыг шүүхэд шилжүүлэхээр болжээ.
Энэ мэт хүний амь нас эрсдэж байгаатай зэрэгцэн нэг давхарт 50 гаруй эмч, ажилчин “Хууль бус томилгоогоо зогсоо”, “Ажлын байран дээр стресс үүсгэхээ боль”, “Эрүүл мэндийн салбар элгээрээ мөлхсөн нь энэ салбарын гажуудал мөн” гэх мэт эсэргүүцлийн бичиг барин хана даган жагссан байв. Эмч ажилчдын хэлж байгаагаар өчигдөр оройны 22.00 цагийн үед тус эмнэлгийн дарга Ц.Энхбаяр зарим ажилчид руу залгаж “Та ажлаас халагдсан” гэж мэдэгдсэн байна.

Энэ талаар насанд хүрэгчдийн тасгийн их эмч Д.Жаргалсайханаас тодруулсан юм.

-Нийт хэчнээн эмч рүү залгаж халагдсан гэж мэдэгдсэн юм бэ?

-Нийт 19 эмч, ажилчин руу залгаж халагдсан гэж мэдэгдсэн байна. Над руу гэхэд оройны 22.05 цагт залгасан.

-Гэхдээ эмч нараас “Та халагдах хүсэлтээ өөрөө гаргасан уу” гэж асуусан юм биш үү?

-Үгүй. Ер нь манай эмнэлгийн эмч, сувилагч, ажилчид Ц.Энхбаяртай хамтарч ажиллах сонирхолгүй байгаа гэдгээ мэдэгдэж шаардлага хүргүүлсэн. Өөрийг нь эсэргүүцсэний төлөө манай ажилчид руу шөнө оройн цагаар залгаж “Чамайг ажлаас халсан” гэж мэдэгдсэн.

-Хэрэв сайдын зөвлөл Ц.Энхбаярыг солихгүй гэдэг шийдвэр гаргавал та бүхэн яах вэ?

-Эмч хүн гэдэг бусад мэргэжлээс онцлогтой. Юу гэхээр шууд ажлын байраа орхиод явах боломжгүй шүү дээ. Энэ тухай эмчийн өргөсөн тангараг хүртэл байдгийг хүн бүр мэдэх байх. Тиймээс ч тэмцлийн хэлбэр үнэхээр хаагдмал санагдаж байна. Аргагүй эрхэнд жагсаал хийж байна.Түүнээс биш өвчтөнүүдээ орхиод явъя гэсэн бодол алга байна.

-Та бүхний тэмцлийн дунд өвчтөнүүдийн эрх ашиг зөрчигдөж байна. Энэ тал дээр тайлбар өгөөч?

-Энэ талаар Ц.Энхбаяр дарга, Н.Удвал сайдаас асуу хэмээн ярьсан юм.

Гэмтэл согог, судлалын үндэсний төвд үүсээд байгаа нөхцөл байдал өвчтөнүүдэд хэрхэн нөлөөлж байгаа талаар нуруу нугасны тасагт хэвтэн эмчлүүлж байгаа О.Галмандахаас тодруулсан юм.

О.Галмандах: ЭМЧИЛГЭЭ ЦАЛГАРДАХГҮЙ ХЭВИЙН БАЙНА
Би энэ сарын 26-нд машинд мөргүүлээд нуруундаа бэртэл авсан. Одоо бараг дөрөв хонож байна. Эмчилгээ үйлчилгээ хэвийн хийгдэж байгаа. Ямар ч байсан эмнэлэг дээр асуудал үүсээд байгаа талаар сонссон. Эмчлүүлэгч нарт нөлөөлөөд байгаа юм алга байна. Тэрбээр ийн ярьсан юм.

Ц.Энхбаяр: ЭМЧ НАРЫГ БУЦААЖ АВАХ БҮРЭН БОЛОМЖТОЙ
-Та өчигдөр /уржигдар/ орой 19 эмч рүү залгаж халагдсан тухай нь мэдэгдсэн юм уу?

-Өчигдөр орой 21 цагт эмч нар “Маргааш ажиллах боломжгүй” гэсэн 19 хүний гарын үсэг бүхий мэдэгдэл оруулж ирсэн. Ер нь халагдах өргөдлөө өгсөн хүмүүсийн ихэнх нь шахалтан дор өгч байгаа учраас мэдэгдэх хуудсан дээр гарын үсэг зурсан бүх эмч рүү залгаж “Энэ хүсэлт үнэхээр таны өөрийн чинь шийдвэр мөн үү” гэж лавлаж асуусан. Түүнээс биш таныг халсан гэж ерөөсөө хэлээгүй гэдгээ албан ёсоор мэдэгдэж байна.

-Халагдсан эмч нарын оронд өөр эмнэлгийн эмч нарыг ажиллуулж байгаа гэж мэдэгдэж байна. Энэ тал дээр хариулт өгөөч?

-Энэ бол ташаа мэдээлэл байна. Ер нь нэг юмыг онцлоод хэлэхэд зургаа долоон хүн энэ эмнэлгийн ажилчдыг удирдаач шиг удирдаж, хүчээр гарын үсэг зуруулж байна. Тиймээс тэр удирдаач хийгээд байсан хүмүүсийг халсан нь үнэн. Гэхдээ тэдний орны хүмүүсийг ажилд аваагүй. Хэрэв хүсэх юм бол халагдсан хүмүүс буцаад ажилдаа орох боломжтой хэмээн мэдэгдсэн юм.

-Өнөөдөр яагаад эмнэлгийн гадаа тусгай хамгаалалт гаргасан юм бэ?

-Цагдаагийн хүчний байгууллагад бид сүүлийн хэд хоног хандсан. Учир нь халагдсан хүмүүс эмнэлэг дээр ирээд ажлаа хийж байгаа хүмүүсийг уруу татаж ажлаа хийхэд нь саад учруулж байна. Тиймээс өнөөдөр цагдаагийн байгууллагын албан хаагч нар манай эмнэлэг дээр ажиллаж байгаа юм. Гэмтэлийн эмнэлэг бол онцгой объект шүү дээ гэв.

Энэхүү эмнэлэг дээр үүсээд байгаа эрх зүйн нөхцөл байдлын талаар Хуульчдын холбооны гишүүн хуульч Б.Соёл-Эрдэнээс зарим зүйлийг тодруулсан юм.

-Гэмтэл согог судлалын үндэсний төвийн эмч нар бөөнөөрөө ажил хаялт зарлаж байна. Ийм үед ямар хуулийн зохицуулалтаар асуудлыг шийдвэрлэх ёстой вэ?

-Эмч хүн гэдэг бусад мэргэжилтнээс ёс зүйгээрээ ялгаатай мэргэжил. Юу гэсэн үг вэ гэхээр эмч хүн бол тангараг өргөдөг. Тодруулбал эмч би эмчийн ёс зүй,төрийн хуулийг чандлан сахиж,эрдэнэт хүний амь нас, эрүүл мэндийн төлөө, эрдэм чадал, энэрэх сэтгэлээ харамгүй зориулахаа тангараглая гэсэн байдаг. Тиймээс удирлагын томилгоо болон бусад асуудлаас болоод эмчилгээгээ зогсоох юм бол Эрүүгийн хуулийн хариуцлага хүлээлгэдэг.

-Ажил хаялт хийж байгаа эмч нарт Эрүүгийн хуулиар ямар хариуцлага хүлээлгэх вэ?

-Энэ асуудал нь нэг хуулийн зохицуулалтаар шийдвэрлэгдэх зүйл биш л дээ Хөдөлмөрийн тухай хууль Эрүүл мэндийн тухай хууль, Эрүүгийн хууль гэсэн хуулийн заалтаар зохицуулагдана. Ямартай ч эмч ажилчид хүндэтгэх шалгаангүйгээр ажлаа хаяж явсан тохиолдолд Эрүүгийн хуулийн 106, 107 гэсэн зүйл заалтаар шийтгэдэг. Тухайлбал 106.1 зааснаар эмч, эмнэлгийн ажилтан өвчтөнд эмнэлгийн тусламж үзүүлэх үүргээ хүндэтгэх шалтгаангүйгээр биелүүлээгүй буюу зохих ёсоор биелүүлээгүйгээс өвчтөний бие махбодид хүндэвтэр гэмтэл учирсан бол тодорхой албан тушаал эрхлэх, үйл ажиллагаа явуулах эрхийг хоёр жил хүртэл хугацаагаар хасах буюу хасахгүйгээр хөдөлмөрийн хөлсний доод хэмжээг 51-ээс 70 дахин нэмэгдүүлсэнтэй тэнцэх хэмжээний төгрөгөөр торгох, эсхүл гурваас дээш зургаан сар хүртэл хугацаагаар баривчлах ял шийтгэнэ. Мөн 106.2 дугаар зүйл заалтад энэ хэргийн улмаас өвчтөн нас барсан буюу түүний бие махбодид хүнд гэмтэл учирсан бол тодорхой албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасч гурван жил хүртэл хугацаагаар хорих ял шийтгэнэ.

-107 дугаа зүйл заалтад юу гэж заасан байдаг юм бэ?

-Тэгэхээр 107.1-д зааснаар бусдыг амь биед нь аюултай нөхцөлд байхад нь өөртөө болон бусдад хохирол учруулахгүйгээр туслах бололцоо байсан боловч яаралтай тусламж үзүүлээгүй, эсхүл тусламж үзүүлэх шаардлагатайг зохих байгууллагад мэдэгдээгүйгээс гэм хор учирсан бол хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, 250-иас 350 цаг хүртэл хугацаагаар албадан ажил хийлгэх, эсхүл гурваас дээш зургаан сар хүртэл хугацаагаар баривчлах ял шийтгэнэ. Мөн 107.3-т энэ хэргийн улмаас хохирогч нас барсан, бусад хүнд хор уршиг учирсан бол гурваас таван жил хүртэл хугацаагаар хорих ял шийтгэнэ гэж заасан байдаг.

Н.Баасандэмбэрэл

Гэмтлийнхэнд хуулийн хариуцлага хүлээлгэж мэдэх нь
Tweet
Bolod.mn

Сэтгэгдэл (9)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
гэмтлийн эмнэлэг чинь хулганы нүх шиг хувийн эмнэлэгээр дүүрсэн байгаа биз дээ, дандаа энэ ажилаа хаях гээд байгаа эмч нарын л эмнэлэг юм бишүү, түүнийгээ хамга********сан л эс********цэл шүү дээ. шинэ удирд******** түүнийг нь жаахан зохицуулах хэрэгтэй, бугшсан булхайг нь ил болго

2013-10-31 | 20:26:46 | 103.26.194.88 |

Зочин
удв******** томилгоогоо бутсаадаг ни буруу наад гэмтлийн эмч нэртэй мунгуний гахайнуудад ********ж угух хэрэггүй байсан юм. ягаад бугшсан дээд удирд********а солих сонирхолгуй байгаад байна гэдгийг тсагдаагаар ш********гуулв******** таарна

2013-10-31 | 18:42:32 | 180.235.174.42 |

Зочин
дарга хэн болох ни тийм ач холбогдолтой асууд******** уу гэмтлийнхээн . ягаад та нар ингэтлээ сандраад байнаа эм шахдаг овчтонгуудээс мунгу авдаг уйлдэл чини ил болох гээд байна уу тэмүүжин сайд уурэг угч бугдийг ни баривчлуулах хэрэгтэй

2013-10-31 | 18:39:01 | 180.235.174.42 |

Зочин
гэмтлийн эмчилгээ хийгээгүй эмч нарт эрүү уусгэвэл таарна тангараг ургусун эмч нар бж улс туржих эрх байхгуй .

2013-10-31 | 18:34:21 | 180.235.174.42 |

Зочин
гэмтлийн эмчилгээ хийгээгүй эмч нарт эрүү уусгэвэл таарна тангараг ургусун эмч нар бж улс туржих эрх байхгуй .

2013-10-31 | 18:33:58 | 180.235.174.42 |

Зочин
эмч нар даварч бнаа

2013-10-31 | 15:19:24 | 180.235.187.212 |

Зочин
гол буруутан н тэнэг УДВАЛ

2013-10-31 | 15:13:53 | 203.91.119.99 |

Зочин
ЗОВ шуу дээ ажилийг хаях энэ мэт хуули бус томилгоог эс********x xэрэгтэй жагсах л хэрэгтэй

2013-10-31 | 10:50:55 | 76.22.46.108 |