Монгол улсын сонгодог урлагийг нуруун дээрээ үүрсэн цөөхөн эмэгтэйчүүдийн нэг, их дуурийн хатан Монгол улсын СТА Ц. Ерөөтэй уулзаж уншигч таны сэтгэлийн хойморт урилаа.

“Баян булагийнхан” уран сайхны киноны дууг амилуулж явсан түүнийг олон сайхан сонгодог дүр бүтээснийг хүн бүр мэдэх буй. Хэт их гоё ганган биш ч хээнцэр, ихэмсэг хувцасладаг түүнийг шавь нар нь гартаа бүү хэл гуталдаа тоос хүргэдэггүй гэж ярьдаг юм билээ. Олон шавь нь дэлхийн сонгодог урлагийн тайзанд дуулж тэргүүн шагнал хүртэж Монгол Улсынхаа төрийн дууллыг эгшиглүүлж яваа нь Ц. Ерөө багшийн бас нэгэн бахархал буй за. Ингээд түүний ярилцлагыг болгооно уу.

-Үеийн үед урлагийнхны биеэ авч явах нь үлгэр жишээ байдаг. Та залуудаа хэрхэн хувцасладаг байв?
-Би тийм их ганган байгаагүй. Зүгээр л өөртөө тохирсон хувцас өмсдөг байсан. Тухайн үед манай урлагийнхан Балгор, ЗХУ-д л боловсрол эзэмшдэг байлаа шүү дээ. Тэгэхээр мэргэжлээсээ гадна өөрсдөө хувцаслалт, хүнтэй харьцах харилцаагаараа боловсорч ирдэг байсан. Мөн ажил дээрээ нэг нэгнээсээ суралцана. Урлаг гэдэг бол өөрөө том сургууль л даа. Тэр үед Загдсүрэн, Цэвэлсүрэн гуай нарын хувцаслат бидэнд үлгэр дууриал болдог байсан. Загдсүрэн гуай гайхамшигтай сайхан эмэгтэй хүний тод жишээ байсан. Харин Цэвэлсүрэн гуай маш их ном уншдаг боловсролтой хүн. Мөн алдарт Хоролмаад тоглодог Сүрэнхоролоо гуай байна. Энэ хүмүүс ямар ч сургууль, соёлоор явж боловсроогүй ч цаанаасаа л урлагийн хүн байсан. Нэг үгээр хэлэх юм бол төрмөл соёлтой хүмүүс. Мөн уран бүтээлээ зүрх сэтгэлээсээ үзэгчдэдээ хүргэж чаддаг хүмүүс байсан. Тийм гайхамшигтай сайхан хүмүүс л бидэнд маш их нөлөөлсөн. Хүн биедээ л таарсан хувцас өмсвөл маш чамин хээнцэр харагддаг.

-Нүүр будалт тоглолтод их нөлөөлдөг байх. Тэр үед нүүр будалт хийдэг хүн байсан уу?
- Ардын жүжигчин Ц.Пүрэвдорж гуай намайг буддаг байсан. Заримдаа би өөрийгөө танихгүй болдог байлаа. Д.Жаргалсайхан, Ц.Пүрэвдорж гуай хоёр өөрсдөө их чадварлаг зураачид байсан. Тиймээс тоглолтынхоо өмнө бүх дүрүүдээ зураад тавьчихна. Тэр зургийнхаа дагуу жүжигчдийнхээ хувцсыг хийлгэж, хамар нүд, хамарыг янзална. Мөн манай Жамъяанжав дуулахаас гадна сайн жүжигчин. Дүр бүхэндээ шинэ гайхамшигтай үзэгдэл гаргаж төгс амилуулж чаддаг байсан. Эмэгтэйчүүдээс манай Ж.Уртнасан шиг гайхалтай биеэ авч явдаг хүн ховор шүү дээ. Тухайлбал, махлаг байсан ч Уртаа маань тайзан дээр нарийхан, өндөр сайхан харагдаж чаддаг хүн. Маш сайхан хувцаслана. Үс гэзгээ маш сайхан авч явна. Энэ бол бас л том соёл.

-Өөрийн чинь хувьд хамгийн их хүч хөдөлмөр гаргаж бүтээсэн дүр гэвэл?
-Кармен маш хэцүү. Ер нь дуурийн бүдүүн хоолойгоор дуулдаг эмэгтэй уран бүтээлчдийн хүсэл болсон дүр Кармен байдаг. Би төрсөн жилээсээ болоод ч тэр үү их тайван хүн л дээ. Тэгэхээр тэр цыган хүүхний дүрийг бүтээх жаахан хүнд байсан. Ер нь манайд ч бай бусад оронд тоглосон Кармений дүр их шулуун шударга, хурц дайчин, омголон эмэгтэй л дээ. Магадгүй цыган эмэгтэйчүүд тийм байж болох юм. Тиймээс би өөрийгөө их эвдэх хэрэгтэй байсан. Манайд анх Карменд тоглосон хүн бол Ч. Мөнхшүр. Өөрөө бүжигчин байсан болохоор жүжиглэлт сайтай. Д.Баадайжав маань сайхан дуулдаг ч нуруу нь намхан л даа. Гэхдээ бид гурав гурвуулаа л сайн дуулсан, сайн ч тоглосон гэж боддог.

-Та гурав нэг дүр бүтээсэн ч өөр өөрийн онцлог харагдана биз?
-Тэгэлгүй яахав. Миний хувьд нөгөө хоёроосоо арай хөгжимлөг дуулъя, үгээ тод хэлье л гэж бодож дүрээ бэлтгэж байсан. Дүр бүхэн хэцүү л дээ. Тухайлбал Евгений Онегиний Ольгагийн дүр байна. Ольга чинь их сахилгаггүй эрэгтэй хүүхэд шиг дүр шүү дээ. Татъяана болохоор их даруухан, ноомой дүр. Тиймээс Ольгад тоглохын тулд би амьдралынхаа хэв маягийг бүрэн эвдсэн гэж боддог.

-Дуучин хүн үзэгчдийнхээ зүрх сэтгэлд хүрэх л гол байдаг. Тэгэхээр уран бүтээлч хүн үзэгчидтэйгээ яаж харьцах ёстой байдаг юм бэ?
-Чи үзэгчдэдээ таалагдъя гэж бодвол их л зөв тоглож, өөрийгөө зөв харуулж, зөв тоглолт хийх хэрэгтэй. Том, жижиг аль ч дүр байсан чи үзэгчдийн сэтгэлд үлдэх л ёстой. Урлагийн хүн хэзээ ч хиймэл дүр гаргаж болохгүй. Өөрт ногдсон дүр бүхнээ бодитоор амилуулах нь чухал.

-Дуучин хүн багш болоход хэр бэрхшээлтэй байсан вэ?
-Их зүйл бий. Маш их хариуцлага нэмэгддэг юм байна. Манайд тавьгдсан анхны дууриас хойш өнөөг хүртэл маш олон дуурь тавигдлаа. Бид ямар ч үед шавьдаа их юм сургахыг л хичээнэ шүү дээ. Намайг гээд ирсэн хүүхдүүдийг сайн бэлтгэж элсэлтэд тэнцэхээс нь эхлээд л сургууль төгсгөж, ажил амьдралтай нь залгуулчих юмсан л гэж зүтгэнэ шүү дээ. Эх хүний сэтгэл үхдэггүй гэдэг шиг л юм болно. Заримдаа манай хүүхдүүд биднээс илүү шавь нарынхаа төлөө зүтгэчих юм гэж байдаг юм. Энэ ч ортой л үг л дээ.

-Нэг өнгөөр дуулдаг дуучид дүрээсээ болж дотроо тэмцэлдэнэ биз?
-Би Ольгад тоглох юмсан гэж дотроо бодож байсан. Д.Баадайжав маань ч тухайн үед тэгж бодож байсан байлгүй. Яагаад гэхлээр бид хоёрын нэг нь Ольгад нөгөө нь эмэг эхэд нь тоглох шаардлагатай байсан. Бид хоёр нас ойролцоо. Гэтэл Ольга нь 20 гаруй насны охин, эмэг эх нь 70 гаруй настай. Тэгэхээр насны хувьд асар их ялгаатай хоёр дүрд тоглох гэж байгаа болохоор дотроо бага ч гэсэн тэмцэл явна шүү дээ. Тэгээд би Ольгад тоглосон. Харин Д.Баадайжав маань эмэг эхийн дүрд маш чадварлаг тоглосон. Ер нь сонгодог урлагт 70 настай хүний хоолой ч уянгалаг байх ёстой.

-Хүүхдийн дуурьт хэр их удаан ажилласан бэ?
-Тухайн үед сургуулийн насны хүүхдэд сонгодог урлаг сурталчилна гэж хүүхдийн дуурь их тавьдаг байсан. Жишээ нь “Чоно ба долоон ишиг”-т их тоглосон шүү дээ. Би дандаа л шуламын дүрд тоглоно. Надаас өөр шулмын дүр тухайн үед байхгүй байлаа шүү дээ. Орос мэргэжилтнүүд намайг харахаараа л ийм хөөрхөн хүүхэн дандаа л тийм муухай шуламын дүрд тоглох юм гээд л инээлддэг байж билээ.

-Таныг тарваган тахлын хорионд орж байсан гэж сонссон?
-Баянхонгор аймагт тоглолт хийж яваад тарваган тахлын хорионд 10 гаруй хоносон. Өглөө босоод л нэг танихгүй хүний бие ямар байгааг асууна. Их муудаж хоносон гэвэл санаа зовно. Гайгүй дээрдэж байна, эмчилгээ сайн байгаа гэвэл их баярлана. Яагаад гэхлээр хорио хурдан тавигдвал харих гээд байгаа л царай нь тэр шүү дээ.

-Хамраа түлсэн яриа байдаг?
-Сонгодог урлаг сурталчлахаар гээд хөдөө бригадаар их явуулна. Гурван айл байсан ч нэг малчных нь гэрт ороод л тоглолт хийнэ шүү дээ. Нэг өвөл “Чоно ба долоон ишиг”-т тоглоод явж байсан чинь шулмын минь хамар хөлдчихөөд наалддаггүй. Тэгэхээр нь халааж байгаад хамартаа наачихсан чинь хоёр талаараа түлээд улаан халзан нүүртэй хүн тоглолтоо дуусгачихаад хотдоо ирж байлаа.

-Ээжийнхээ тухай?
-Миний ээж Өвөрхангай аймгийн Хужирт сумын харьяат хүн л дээ. 16 настайдаа хотод ирж ажиллаж байгаад аавтай минь танилцсан юм билээ. Хотын гүйцэтгэх захиргаанд ажилладаг байсан. Төв аймгийн шавыг тавилцаж явсан гэж ярьдаг юм. Сүүлд төмөр замын цэцэрлэгийн эрхлэгчийг олон жил хийсэн хүн. Аав минь гэр орны ажил мэдэхгүй цалингаа л авчирч өгдөг хүн байсан. Ээж маань л гэр орон үр, хүүхдээ өсгөсөн. Ер нь л амьдралын их ухаантай хүн байсан. Гэхдээ аавыг бурхан болсноос хойш тулах, түших юман дээр хазайх үе олон байсан байлгүй яахав. -Дуурийн дуучдын нэг үеийнхэн Сэлэнгэ нутгаас олон төрсөн байдаг. Тиймээс дуурийн дуучны хоолойд нутаг ус нөлөөлдөг байх гэж би боддог юм. Таны хувьд? - Одоо л гэхэд Сэлэнгэ аймгийн Зүүнбүрэн сумаас хэд хэдэн хүүхэд надаар хичээл заалгуулж байна. Зарим нь төгсчихсөн. Бусад аймгийг бодоход Оростой хил залгаа болоод хоолой нь хөгжимлөг, мөн хүүхэд байхаасаа орос дуу дуулж өсдөг нь нөлөөлдөг байж ч болох юм. Манай Сэлэнгэ чинь уул, ус тэгш сайхан нутаг л даа. Байгаль ч нөлөөлдөг байж болох талтай.

-Таны хамгийн дотнын найз?
-Сайн найз нөхөд олон л доо. Зарим үед сайндаж, муудаж л байдаг юм. Гэхдээ Ж.Уртнасан бид хоёр амьдралынхаа зовлон жаргал хоёрыг сайн мэднэ. Их дотно. Мөн Банзаржав байна. Ер нь бид их ойр дотно л доо. Эрчүүдээс манай Хавлааш их зөөлөн, уян найрсаг хүн байлаа.

-Урлагийн хүн ар талынхаа амьдралыг үрдэг сул талтай гэж ярьдагтай та санал нийлэх үү?
-Шууд тэгж ойлгож болохгүй байх. Сайн сайхан амьдралтай олон хүн бий шүү дээ. Гэхдээ сүүдэртэй тал ч бий. Би дөрвөн хүүхдийн ээж л дээ. Гэхдээ хөдөө гадаа их явна. Юм л бол тоглолт гээд л алга болчихно. Тэр үед миний ээж л дөрвөн хүүхдийг минь өсгөж өгсөн. Ааваас хойш 19 жил миний ээж надад хань болж, дөрвөн хүүхдэд минь ухаан суулгаж өгсөн. Ээжийн минь ухаанаар миний хүүхдүүд одоо сайн сайхан амьдралтай явна гэж би боддог юм. Би хүүхдүүдийнхээ эцэг эхийн хуралд сууж үзээгүй хүн шүү дээ. Миний ээж л хүүхдүүдийн минь сургууль, соёл гээд л хамаг л зүйлийг нь хийдэг байсан. Би ийм л сайхан ээжтэй хүн.

-Таныг дөрвөн хүүхдийнхээ ааваас салсан гэж сонссон юм байна. Энэ үнэн үү?
-Урлагийн хүн ханиа зөв сонгохгүй бол хэцүү. 31 настайдаа би ханиасаа салсан. Бага маань хоёр нас өнгөрч байсан үе л дээ. Яахав дээ залуу хүний л омголон, бардам зан л тухайн үед алдаа болсон. Гэхдээ бид хоёр одоо гэр бүлээрээ ойр дотно явдаг л даа. Түүний минь хань гэж сайн хүн бий. Бид хоёр найзууд л даа. Манай хүүхдүүдийн аавыг маш сайн харж халамжилж байгаа. Тиймээс би их хүндэлж явдаг. Бид хоёр үр хүүхдүүдээ танилцуулж ойр дотно байлгахыг л хичээдэг.

-Таны аав УГЗ Цэрэнпил гэж сайхан хүн байсан. Аавынхаа тухай дурсамж сөхвөл?

-Аав минь цэргийн хөгжимд бүх л амьдралынхаа он жилүүдийг өнгөрөөсөн. Үлээвэр хөгжимд зүрх сэтгэлээ зориулсан. 100 гаруй марш бичсэн хүн. Ардын жүжигчин Н.Жанцанноров гуай “Манай улсын маршийн хаан бол Цэрэнпил” гэж нэг удаа хэлсэн байдаг. Энэ үг яах аргагүй үнэн л дээ. Аав минь их эрт бурхны оронд явсан л даа. Гэхдээ өнөөг хүртэл монголын цэрэг аавын минь зохиосон маршийн аянд алхаж, сэрж, жагсч байдаг нь надад их сайхан санагддаг. Энэ жил үлээвэр хөгжмийн 100 жилийн ой болж байна. Тиймээс аавыг минь дурссан олон сайхан ажил өрнөх байх гэж бодож сууна. Миний аавын зохиосон ая аялгуугаар гадаад дотоодын зочид төлөөлөгчдийг угтан авч, үдэн мордуулдаг. Сэтгэл огшсон эр цэрэгтэй холбоотой бүх л үйл ажиллагаанд миний аавын зохион марш явдаг. Үүнд үр хүүхэд нь бахархахгүй байхын аргагүй шүү дээ. Миний дүү ч ялгаагүй цэргийн чуулгат насаараа ажиллаад тэтгэвэрт гарсан. Төр засаг аавын хөдөлмөр бүтээлийг үнэлж үлгэр жишээ хөгжмөөс анх удаа УГЗ хэмээх сайхан цол олгосон, мөн тухайн үеийн цөөхөн хурандаануудын нэг шүү дээ. Намайг урлагийн хүн болох гарааг минь ч миний аав л нээсэн гэж би боддог юм. Миний хүүхэд нас үлээвэр найрал хөгжимтэй цэргүүдийн дунд өнгөрсөн.

-Хүүхэд байхдаа хөгжим тоглодог байсан уу?
-Аав минь баян хуур, лимбэ гэх зэрэг хөгжмүүд авч өгч байсан. Тэр бүхнээс улбаалаад л анх хөгжмийн боловсролыг гэрээрээ эзэмшсэн байх. Долдугаар ангиа төгсөөд Москва хот уруу төгөлдөр хуурын ангид явж байсан юм. Гэтэл бидний боловсрол нимгэн байсан болохоор хоорын удирдаачийн ангид орж сураад төгсч ирж байлаа. Тэр цагаас л урлагтай холбогдсон миний амьдрал минь эхэлсэн.

В.НЭРГҮЙ

Ц. Ерөө: Сонгодог урлагт 70 настай хүний хоолой ч уянгалаг байх ёстой
Tweet
Bolod.mn

Сэтгэгдэл (0)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Мэдээ
Гадаад мэдээ
Видео

Ой хээрийн хоёр түймрийг бүрэн унтраалаа
17:04

Өнөөдөр хоёр гал түймрийг бүрэн унтраасан талаар ОБЕГ-аас мэдээллээ.

»»

Өвөр Монголын цөлийг зассан туршлага
15:40

Энэ жил “Гурван умард” төсөл хэрэгжиж эхэлсний 47 жилийн ой тохиож байна. Хагас зуун жил үргэлжилсэн уйгагүй хөдөлмөрөөр Өвөр Монгол орон эх орныхоо хойд хилд нуршгүй ногоон хэрэм босгож, улс орны экологийн аюулгүй байдлыг үр ашигтайгаар баталгаажуулсан юм.

Харилцаа хамтын ажиллагаагаа гүнзгийрүүлж, Хятад Монголын найрамдлын түүхийг өгүүлнэ
15:39

6-р сарын 10-нд Хятад, Монголын хэвлэл мэдээллийн Хүбэй муж, ӨМӨЗО дахь хамтарсан сурвалжилгын арга хэмжээний нээлтийн үеэр Бүх Хятадын Сэтгүүлчдийн Нийгэмлэг болон Монголын СНЭ-ыэ дарга нар захидал илгээж, хамтарсан сурвалжилга амжилттай эхэлсэнд баяр хүргэжээ.

Хятад, Монголын хэвлэл мэдээллийнхний хамтарсан сурвалжилга эхэллээ
15:38

Хятад, Монголын хэвлэл мэдээллийн хэрэгслүүдийн Хүбэй, ӨМӨЗО дахь "Боломжоо хуваалцан, хамтдаа хөгжье" хамтарсан сурвалжилгын үйл ажиллагаа ӨМӨЗО-ны Тунляо хотод 6-р сарын 10-ны үдээс хойш эхэллээ. Энэхүү арга хэмжээг БХСН, БНХАУ-аас Монгол Улсад суугаа ЭСЯ, Монголын СНЭ хамтран гүйцэтгэж, ӨМӨЗО-ны Ардын засгийн газрын хэвлэл мэдээллин алба, Хүбэй мужийн Ардын засгийн газрын хэвлэл мэдээллийн алба хамтран зохион байгуулж буй юм.

Шэнь Миньжуань:Хятад, Монголын хүмүүнлэгийн солилцооны агуулгыг баяжуулж, найрамдлыг бэхжүүлнэ
15:37

БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуань Хятад, Монголын хэвлэл мэдээллийн хамтарсан сурвалжилгын арга хэмжээнд захидал илгээж, Бүх Хятадын сэтгүүлчдийн нийгэмлэг, БНХАУ-аас Монгол улсад суугаа Элчин Сайдын Яам, Монгол Улсын СНЭ, ӨМӨЗО-ны ардын засгийн газрын хэвлэл мэдээллийн алба, Хүбэй мужийн ардын засгийн газрын хэвлэл мэдээллийн албанаас хамтран зохион байгуулж буй Хятад, Монголын сэтгүүлчдийн Хүбэй, Өвөр Монгол дахь хамтарсан сурвалжилгын ажиллагаа эхэлсэнд баяр хүргэв.

Хятад улс сансар судлалын өдрөөрөө Хятад маягийн сансар судллын шинэ аяллаа эхлүүлэв
15:36

4-р сарын 24-ний өдөр бол Хятадын сансар судлалын арав дах өдөрлөг юм. Энэ өдөр мөн Хятад улсын анхны хиймэл дагуул "Дүнфанхүн-1"-ийг амжилттай хөөргөсний 55 жилийн ой юм. Энэ өдөр "Шэньжөү-20" нисэгчтэй сансрын хөлгийг хөөргөж, орчлон ертөнцийг судлах шинэ аяныг дахин эхлүүлсэн юм.

Өнөөдөр бид бүгдээрээ одон орон сонирхогчид болсон. 04-р сард бид сансрын нисгэгчиддээ хүндэтгэл үзүүлэх ёстой, уудам орчлонгийн нууцыг тайлж, сансрын нисгэгчдийн бичсэн хятад маягийн романтикийг мэдрэх ёстой.

Супер хиймэл оюун бүтээх лаборатори байгуулжээ
14:53

НЬЮ-ЙОРК, 2025 оны долоодугаар сарын 1 /Bloomberg/. Өгөгдсөн даалгаврыг хүний түвшинд эсвэл бүр илүү сайн

»»

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна
14:31

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна

»»

Ерөнхий Сайд Г.Занданшатар: Засгийн газар үнэнч, ил тод, хариуцлагатай байх зарчмыг тууштай баримтлана. Хөрөнгө оруулагчдад ээлтэй бодлого хэрэгжүүлж, тэдний эрх ашгийг хамгаалж ажилллана
13:57

Монгол Улсын Ерөнхий сайд Г.Занданшатар гадаад улсаас Монгол Улсад суугаа дипломат төлөөлөгчийн газар болон олон

»»

Ганцмод-Гашуунсухайт боомтын хил дамнасан төмөр замын шав тавилаа
12:55

Хятад, Монголын уламжлалт анагаах ухааны эмчийн ур чадварыг дээшлүүлэх сургалт болов
12:37

Эрч хүчтэй залуу насаа хайрлая
12:00

Найруулагч:	С.УРЬХАН
Эх сурвалж:	СОЛОНГО

Уламжлалт заслаар бяцхан охины ”Нойрмог”нүдийг сэргээлээ
11:50

Зохиогч:	Ц.Урантунгалаг,Б.Сурнаа
Найруулагч:	Б.СУРНАА
Эх сурвалж:	solongonews.mn

2025 онд ахмад настанд амралт, сувиллын үйлчилгээ үзүүлэх байгууллагын жагсаалт гарлаа
09:57

Ахмад настны тухай хуулийн 8 дугаар зүйлийн 8.1.2-т заасан эрхийн бичгийн хөнгөлөлттэй үнээр ахмад настанд амралт,

»»

Дональд Трампын дэвшүүлсэн хуулийн төслийг Маск дахин шүүмжлэв
09:25

Зургадугаар сарын 28-ны өдөр Америкийн бизнес эрхлэгч Элон Маск АНУ-ын Ерөнхийлөгч Д.Трампын дэвшүүлсэн "том мөртөө

»»

Аутизмын хүрээний эмгэгийн оношилгоог эрт илрүүлж, эмчлэх боломж нээгдлээ
15:34

”Монгол Улсад эмчлэгдэх боломжгүй өвчлөлийг бууруулах” бодлогын хүрээнд СЭМҮТ-ийн нарийн мэргэжлийн хүүхдийн

»»

Баруун Европ даяар хэт халж байна
15:25

БЕРЛИН, 2025 оны зургаадугаар сарын 30 /DW/. Өнгөрсөн амралтын өдрүүдэд Баруун Европын орнуудад агаарын хэм

»»

Blue Origin жуулчдыг сансарт аялуулжээ
12:44

НЬЮ-ЙОРК, 2025 оны зургаадугаар сарын 30 /TASS/. Америкийн “Blue Origin” компани сансрын дэд тойрог замд

»»

Хөх хот Улаанбаатар чиглэлд шууд нислэг үйлдэнэ
10:25

Хөх хот Улаанбаатар чиглэлд шууд нислэг үйлдэнэ

»»

Улаанбурханы товлолт дархлаажуулалтад бүрэн хамрагдаагүй хүүхдүүдийн гэрт нь очиж вакцин хийнэ
09:49

Улаанбурханы нөхцөл байдалтай холбоотойгоор дархлаажуулалтыг эрчимжүүлэхээр болоод байна.

»»

"Багийн бага сургууль"-д хувийн хэвшлийнхэн хөрөнгө оруулна
09:24

Боловсролын яам, НҮБ-ын Хүүхдийн Сангийн хамтын ажиллагааны хүрээнд хэрэгжүүлэх “Багийн бага сургууль” санаачилга албан ёсоор эхэллээ.

»»

"Түймрээр эхээсээ өнчирсөн хоёр янзагыг хариуцлагатай айлд хүлээлгэн өгнө"
09:16

Сэлэнгэ аймгийн Алтанбулаг сумын ойн түймэрт өртөж, эхээсээ өнчирсөн 2 янзагыг өөрсдийн нутагт нь амьдардаг

»»

С.Молор-Эрдэнэ Монголчуудтай “таарсан” анхны философич гэж үү?
08:58

Олон нийтийн анхаарлын төвд байдаг хүмүүсийн нэг бол философич С.Молор-Эрдэнэ . Тэрээр “Монголчууд анх удаа л

»»

“GEM Mall”-д эхнэрээ хутгалж хөнөөсөн хэрэг гарлаа
08:07

Өнөөдөр Баянгол дүүргийн 6 дугаар хорооны нутаг дэвсгэрт байрлах “GEM Mall” худалдааны төвд эмэгтэй хүнийг

»»

Дорнодын түймрийг унтрааж, Хөвсгөл, Сэлэнгэ, Булган аймагт гарсан 7 түймрийг цурамд оруулжээ
19:16

Дорнод аймгийн Баян-Уул сумын Өвөр эрээн багийн “Тарам” гэдэг газар өчигдөр буюу энэ сарын 26-нд гарсан ой,

»»

Ерөнхий Сайд Г.Занданшатар Хүнс, Хөдөө Аж Ахуй, Хөнгөн Үйлдвэрийн салбарын цаг үеийн ажлын талаар УИХ-д мэдээлэл хийлээ
19:14

Монгол Улсын Ерөнхий сайд Г.Занданшатар хүнс, хөдөө аж ахуй, хөнгөн үйлдвэрийн салбарын цаг үеийн

»»

Японд ажлаас үүдэлтэй сэтгэцийн өвчлөл дээд хэмжээнд хүрчээ
18:24

ТОКИО, 2025 оны зургаадугаар сарын 27 /NHK/. Японд ажилтай холбоотой сэтгэцийн эрүүл мэндийн асуудлаар

»»

Төр нийгмийн нэрт зүтгэлтэн Жамсрангийн Самбуугийн алдар гавьяаг мөнхжүүллээ
17:31

АРД ОЛОНДОО МОНГОЛ ТӨРИЙН МЭРГЭН ӨВӨӨ ХЭМЭЭН АЛДАРШСАН ТӨР, НИЙГМИЙН НЭРТ ЗҮТГЭЛТЭН

»»

Хятад-Төв Азийн олон улсын соёл аялал жуулчлалын анхны галт тэрэг Ши-Аниас аялж эхэллээ
16:23

Энэ онд Казахстаны "Хятадын аялал жуулчлалын жил" тохиож байна. Хятад, Казахстаны соёлын солилцоог дэмжиж, Хятад, Төв Азийн орнуудын дэд бүтцийн холболтыг гүнзгийрүүлэх зорилгоор өчигдөр Хятадын Ши-Ань хотоос Казахстаны Алматы хот чиглэлийн Хятад-Төв Азийн олон улсын соёл аялал жуулчлалын тусгай галт тэрэгний анхны галт тэрэг Ши Ань өртөөнөөс хөдөллөө. Тусгай галт тэрэг Шааньши, Ганьсу, Шиньжян зэрэг муж, өөртөө засах орныг дайран өнгөрч, Хоргос боомтоос хил гарч, 05-р сарын 31-нд Алматы хотод ирэх төлөвтэй байна.

»»

Долоодугаар сарын барилдааны хуваарь
16:03

Долоодугаар сарын 11-12-нд Ардын хувьсгалын 104 жилийн ой, Үндэсний Их баяр наадам хүчит 512 бөхийн брилдаан,

»»

НҮБ: Дэлхий даяар мансууруулах бодис хэрэглэгчдийн тоо нэмэгджээ
15:56

ВЕНА, 2025 оны зургаадугаар сарын 27 /DW/. Дэлхий дахинд тогтворгүй байдал нэмэгдэж буй энэ үед мансууруулах

»»

Хүний эрхийн дэд хороо: Гадаад улсад зорчиж буй, ажиллаж, амьдарч байгаа иргэдийн эрхийг хамгаалах чиглэлээр шийдвэр гаргав
13:48

БНСУ-д оршин суугаа иргэд болон хил, гааль дээрээс буцаагдаж байгаа, хүний эрхийн зөрчилд орж байгаа гэх мэдээллийн дагуу хэлэлцлээ.

»»

АНУ, Хятад улс худалдааны хэлэлцээр байгуулжээ
13:46

ВАШИНГТОН, 2025 оны зургаадугаар сарын 27 /TASS/. АНУ энэ сарын 25-нд БНХАУ-тай худалдааны шинэ

»»

Labubu хүүхэлдэй хэрхэн дэлхий нийтийг байлдан дагуулах болов?
11:43

Сүүлийн үед “Labubu” гэсэн нэрийг сонсоогүй хүн гэж бараг байхгүй болов уу. Гудамжинд зөрөөд өнгөрөх бараг хүн бүрийн

»»

Хуурамч зар байршуулан иргэдийг залилсан этгээдийг баривчилжээ
11:17

Мөрдөн байцаах албаны Залилах гэмт хэрэгтэй тэмцэх газар, Баянхонгор аймгийн цагдаагийн газрын алба хаагчид

»»

Х.Нямбаатар: Эвдэрсэн замыг гүйцэтгэгч байгууллагууд руу шаардлага хүргүүлэн өөрсдийн хөрөнгөөр нь засварлуулна
10:47

Дулааны шугам засах ажлын хүрээнд, нийслэлээс шинэчилсэн явган хүний болоод авто замуудыг хуулж, эргээд хучихдаа

»»

Өмнөговийн Гурвантэст үер бууж, 4 гэр, нэг машин усанд автжээ
10:25

Өмнөговь аймгийн Гурвантэс сумын Шугшаа, Мөргөцөг, Тост, Хөв, Мод үржүүлэг хорооллуудад 06.25-ны өдрийн 15:05-16-20

»»

Кенид улс даяар жагсаал болж, 16 хүн амь үрэгджээ
10:16

“Amnesty Kenya” байгууллага мэдэгдэл хийхдээ лхагва гарагт /2025.06.25/ улс даяар явагдсан засгийн газрыг эсэргүүцсэн

»»

Интерполын шугамаар эрэн сурвалжлагдаж иргэн “А”-г баривчилжээ
10:15

Мансууруулах бодис улсын хилээр хууль бусаар нэвтрүүлсэн гэх эрүүгийн хэрэгт Интерполын шугамаар олон улсын

»»

Төмөр замаар нүүрс тээвэрлэх урт хугацааны гэрээний "анхны тээвэр" хөдөллөө
10:05

“Монголын төмөр зам” ТӨХК болон “Чайна Энержи Коксжих нүүрс (Тяньжин)” ХХК хоорондын нүүрс тээвэрлэлтийн урт

»»

Д.Мөнх-Эрдэнэ, Ж.Энхжаргалан нарт оногдуулсан анхан шатны шүүхийн шийдвэрийг хэвээр үлдээлээ
08:43

Иргэн Д.Мөнх-Эрдэнэ, "Төв цэнгэлдэх хүрээлэн"-гийн гүйцэтгэх захирал Ж.Энхжаргалан нар нэг нэгэндээ салаавч гаргаж,

»»

Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзав
15:31

Монгол Улсын Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзлаа.

»»

Парист орсон хүчтэй аадар борооны улмаас RER галт тэрэгний буудал усанд автжээ
14:12

Парист орсон хүчтэй аадар борооны улмаас RER галт тэрэгний буудал усанд автжээ. Улсын хэмжээнд хэт халалтын улмаас аадар бороо үргэлжилж, сүүлийн өдрүүдэд агаарын хэм 40°C давжээ.

»»

Х.Нямбаатар: Олон жил гацсан, хогийн цэг болсон барилгуудыг буулгаж, чөлөөлнө
14:00

Нийслэлийн Засаг дарга бөгөөд Улаанбаатар хотын Захирагч Х.Нямбаатарын дөрөвдүгээр сарын 3-ны өдрийн дүүрэг,

»»

Ж.Чинбүрэн: Улаанбурхан өвчний халдвар ковидоос ноцтой
12:05

Ерөнхий сайд Г.Занданшатар өчигдөр /2025.06.21/ ХӨСҮТ-д ажиллалаа. Энэ үеэр Эрүүл мэндийн сайд Ж.Чинбүрэн

»»

Хөрш улсын залуусыг гайхшируулсан аялал
11:49

Хятад, Монгол хоёр орон стратегийн хамтын ажиллагааны харилцаатай мөнхийн найрсаг хөршүүд. Бид хөрш оронтойгоо хамтран ажиллах нь гарцаагүй. Саяхан Монгол Улсын Их Хурлын гишүүн Г.Очирбат БНХАУ-д айлчлах үеэрээ Монголын компаниуд Хятадад ирж хамтран ажиллах талаар яриа хэлэлцээ өрнүүлнэ гэдэгт итгэлтэй байгаагаа илэрхийлсэн юм.

»»

”Хятадтай танилцах аялал” олон улсын хэвлэл мэдээллийн солилцооны баг Улаанцав хотод айлчиллаа
11:41

Хятадын Кибер орон зайн удирдлагын сүлжээний харилцааны товчооноос удирдаж, Хятадын олон нийтийн дипломатын нийгэмлэг болон Глобал сүлжээнээс санаачлан, ӨМӨЗО-ны интернэт мэдээллийн албанаас зохион байгуулсан 2025 "Хятадтай танилцах аялал" олон улсын хэвлэл мэдээллийн солилцооны баг 05-р сарын 14-ны өдөр Улаанцав хотод айлчиллаа.

»»

Өчүүхэн дүүрэн
11:38

“Өчүүхэн дүүрэн” нь жил бүрийн аргын тооллын 05 дугаар сарын 20-22-ын өдрүүдэд тохиодог бол энэ жилийн хувьд 21-ний өдөр тохиох аж.

»»

Хятад улс хөрөнгө оруулалт, хамтын ажиллагааны чухал орон хэвээр байна
11:34

Дэлхийн эдийн засгийн форумын гүйцэтгэх захирал Лян Жиньхүйтэй хийсэн ярилцлага.

Дэлхийн эдийн засгийн форумын “Шинэ аваргуудын” XVI уулзалт /“Зуны Давосын форум”/ өнөөдөр буюу 06-р сарын 24-ний өдөр болж байна. Тус форум “Шинэ эриний бизнес эрхлэлт" сэдвийн дор 06-р сарын 24-нөөс 26-ны өдрүүдэд Хятадын Тяньжинь хотод болно. Нийт 90 гаруй улс орон, бүс нутгаас ирсэн 1800 гаруй зочид энэхүү форумд оролцлоо. Энэхүү тохиолдолд тус форумын гүйцэтгэх захирал, Их Хятадын бүсийн дарга Лян Жиньхүй Синьхуа агентлагт ярилцлага өгсөн байна.
Лян Жиньхүй:

- Энэ форум хэдийгээр дэлхийн эдийн засагт тодорхойгүй байдалд байгаа нөхцөлд зохион байгуулагдаж байгаа ч оролцогчдын тоо түүхэн дээд хэмжээнд хүрэх төлөвтэй байна. Энэ нь олон улсын компаниуд болон хөрөнгө оруулагчид Хятад, Азийн зах зээлийг сонирхож буйг бүрэн харуулж байна. Тэд хиймэл оюун ухаан, дэвшилтэт үйлдвэрлэл, эрүүл мэнд зэрэг салбарт хамтран ажиллах боломжийг идэвхтэй эрэлхийлж байна.

Тэрээр улс орон, бүс нутгийн хөрөнгө оруулалтын орчныг авч үзэхдээ бодлогын уялдаа холбоо, тууштай байдал, хүний нөөцийн хүртээмж, технологийн бэлэн байдлыг анхаарч үзэх хэрэгтэй. Миний бодлоор Хятад, Азид тохирох хүчин зүйл нэлээд хүчтэй байна. Хятад улс хөрөнгө оруулагчид болон бизнесийн түншлэлд таатай орчныг бий болгосон.