Шаардлагыг ажваас юу юугүй бушуу түргэнд нь оруулж “Н.Алтанхуягийн Засгийн газрыг огцруулсугай”, “Шинэ Ерөнхий сайдыг томилогдтол үүргээ гүйцэтгэж байхыг одоогийн Засгийн газарт сануулсугай” хэмээн “довтолжээ”. Одоо яах вэ. Эхлээд шаардлага тавьж буй объектоо харцгаая. УИХ-д суудалтай улс төрийн намын нэгээхэн хэсэг, УИХ-ын нэр бүхий гишүүдийн зүгээс энэ шаардлагыг тавьж байна. Тиймээс ч УИХ-ын тогтоолын төслийг санаачлан бүлгүүдэд хүргүүлээд байгаа аж. Яагаад болохгүй гэж. Энэ бол хууль бус алхам.

Дараа нь үүссэн нөхцөл байдлыг ажиглая. УИХ-ын ээлжит бус чуулган улс орны өмнө тулгамдаад буй асуудлуудыг яаралтай, зөв шийдвэрлэж гарцыг олохын тулд хуралдаж байна. Энэхүү ээлжит бус чуулган дээр МАН-ын нэр бүхий гишүүд хэрхэн жүжиглэж, эх оронч дүр эсгэж, УИХ-ын дарга, гишүүд, Засгийн газар руу дайрч довтолж буйг сонгогчид харсан. Нөгөөтэйгүүр тэдний амь тэмцэн олж авсан УИХ, “энхрий хайрт, эрхэм нандин” төр рүү нь цадиггүй нэгэн буу шагайж гал нээж байхыг нүдээр харсныхаа маргааш “Засгийг бид огцруулъя” гэж шаардлага хүргүүлэх нь хэр зөв алхам байсан бол.

Тэгэхээр дээр дурьдсан “хууль ёсны алхам” нүдээ олоогүй шийдвэр байсан юм биш үү.

Засгийн газрын тухайд “өөгүй өндөг” гэж хэлэх аргагүй. Гэхдээ тэдний зорилго, зорилтоо хэрэгжүүлэх замд өмнөх Засгийн газрын алдаатай шийдвэрүүд, түүний хэрэгжилт маш том саад учруулж буйг олон нийт мэдэж байгаа. Тийм ч учраас ирэх он жилүүдэд найдан шинэчлэлийн Засгийн газрыг “уучилж” үзээд байгаа юм шүү дээ.

Хэрэв эдүгээ “уснаас хуурай” гарчихаад Монгол оронд түр саатан морилдог Ерөнхий сайд асан ноён С.Баяр энд асар их үүрэг гүйцэтгэсэн. Тэрбээр УИХ-ын 2008 оны сонгуулийн үеэр АН-ынхныг иргэн бүрт нэг сая төгрөг хүртээнэ гэхэд нь “Ингэвэл Монголын эдийн засаг элгээрээ хэвтэнэ” гэчихээд төд удалгүй “МАН ялбал иргэн бүрт 1.5 сая төгрөг өгнө” гэж амлаагүй бол, түүнийгээ хэрэгжүүлэх гэж улайраагүй бол өнөөдөр байдал өөр байх байв. С.Баярын Засгийн газар, түүний халааг авсан С.Батболдын Засгийн газарын аль, аль нь сонгуулийн амлалт биелүүлэхийн тулд сүүлийн хоёр жилд зүй бус олон үйлдэл хийсэн. Эдийн засагчид ч халагламаар, улстөрчид ч буруу харж зогсмоор олон шийдвэр гаргаж, түүнээсээ зөрсөн хэнийг ч болов бяц гишгэж байсныг мэдэх хүн цөөнгүй ч хэлж чадах нь тун ховор болов уу.

Яах гэж Оюутолгойгоос мөнгө зээлсэн, урьдчилгаа авсан, Тавантолгойг маш олон хөрөнгө оруулагчдын барьцаанд хаяж доллар олж ирж байсныг нь ард түмэн мэднэ шүү дээ. Энэ бүх алдааг залруулах гэж шинэчлэлийн Засгийн газар эхний хоёр жилийг лав зарцууллаа. Цаашид ямар хугацаанд засаж дуусахыг бүү мэд. Үүнийхээ зэрэгцээ сонгогчдод амласан, олон нийтийн хүлээлт болж байсан “хүсэлт”-үүдийг бодит ажил болгохоор хичээж байна. Ийм учраас л өнөөдөр иргэний хөдөлгөөнийхөн ч, ард түмэн ч Төрийн ордны өмнө жагсаагүй юм. Жагсах ч үгүй биз. Түүнээс биш ард түмэн сохор биш. Ямар ч тохиолдолд тэдний шийдвэр хамгийн зөв байдаг.

Өнөөдөр шинэчлэлийн Засгийн газар ажлаа хийх гэхээр өмнөх Засгийн газрын үед гаргасан шийдвэр, томилсон хүмүүсийн “но” нь хүссэн, хүсээгүй алхам тутамд нь илэрч байна. Яг л түр зуур энгэсгээр далдалсан батга мэт өвчилсөн тэр идээ бээрийг цэвэрлэж буй хүмүүс “галын шугам”-нд зүтгэж буй. Одоо тэдний ажлыг зогсоож, Засгийн газрыг огцруулах нь маш чухал байгаа. Тиймээс бачимдсан, давчидсан лекцийг УИХ-ын чуулганы танхимд ярьж сууна. Харин Шинэчлэлийн хорооныхны хувьд арай өөр хүмүүс гэж олон нийт ойлгож байв. Тэд өөрийн намынхнаа ч өршөөхгүйгээр авлигын эсрэг, шударга ёсны төлөө, ард түмний нийтлэг эрх ашгийг хамгаалах гэж нэгдсэн тухайгаа олонтаа ярьж байв. Гэтэл өнөөдөр хэний турхиралтаар Төрийн ордон руу буу шагайсан, эргэн тойронд нь тэсрэх бөмбөг булсан, эдийн засаг нь хямралын ирмэг дээр байгаа ийм эгзэгтэй үед Засгийн газрыг огцруулах тухай ярих болов.

Шинэчлэлийн хорооны залуус шинэчлэлийн Засгийн газрын бодлогыг эсэргүүцэж байна гэж харах сэжүүр энд алга. Тэгэхээр шинэчлэлийн хорооны залуусыг хууччуул нь Засгийн газрын эсрэг турхираад байгаа юм биш биз. Учир нь Ж.Эрдэнэбат, Н.Номтойбаяр нарын эрхэм гишүүд УИХ-ын шинэ гишүүдийн хувьд ч, залуу хүн талаасаа ч өмнөх Засгийн газрын гишүүдийг бодвол “цэвэр” хүмүүс. Тэдний “Шинэчлэлийн хороо”-г байгуулсан зорилго ч, намаа шинэчлэх эрмэлзэл ч булхай нуух, ангуучлалаас ангижрах зэргээс тэс өөр билээ.

Засгийн газрыг огцруулах шаардлагад дурьдсанчлан үнэхээр манай эдийн засгийн байдал хүндэрч “аюулгүй байдалд сөрөг нөлөө үзүүлэхээр бодлого хэрэгжүүлээд” байгаа бол эх орондоо хайртай л бол хамтдаа засаад авах,тэр ч байтугай Засгийн газарт хяналт тавиад таслан зогсоох эрх мэдэл УИХ-д байдгийг мэддэггүй юм уу. Түүнчлэн “хөрөнгө оруулалт тасалдсан” гэнэ. Яагаад тасалдсаныг намынхнаасаа эхлээд асуух хэрэгтэй. С.Баяр, С.Батболд нарын гаргасан ямар шийдвэр, өмнөх парламентын баталсан аль хуулиас болж хөрөнгө оруулалтын хэмжээ багассаныг үнэхээр мэдэхгүй байна уу. Зах зээлийн чөлөөт өрсөлдөөнд төр оролцоод, үнэ тарифыг зохиомлоор өсгөөд байна гэж тэд шүүмжилжээ.

МАН-ын Засгийн газрын үед зах зээлийг хэрхэн боомилж, тэр нь тэсрэлт үүсгэж үнэ ханшид “цунами” үүсгэж байсныг мэдэхгүй гэж хэлэх аргагүй хүмүүс ингэж ярьж байгаа нь үнэхээр арга ядсан шинж юм. Тэд сөрөг хүчин юу хийдэг, яах ёстойг мэддэггүй юм байна. Иргэдийн сэтгэлзүйг ч судалдаггүй аж. Тиймдээ ч сүүдрийн Засгийн газар байгуулж тоглох мэтээр ард түмнийг басамжлан тоглож сууна. Өнөөдөр иргэд эдийн засгийн ямар ухралт ба давшилтын аргаар мөнгө “босгодог”, яаж нэг жилийн дотор ийм хэмжээний бүтээн байгуулалтын ажил амжуулдаг, хэчнээн өндөр албан тушаалтай байсан ч хуулийн хариуцлага тооцож болдгийг хараад гайхширч байна. Цаашид Засгийн газрыг огцруулах эсэхийг үр шимийг нь хүртэж жаргаж, зовж байдаг иргэдээсээ асууж үгийг нь сонсдог байх тогтолцоог бий болгохгүй бол нам, намын “тоглоом” болгосон төрд итгэх иргэд цөөрсөөр байх болов уу. Иймд энэ удаагийн “Огцруулсугай”, “Даалгасугай” бүхий шаардлагыг цагаа олоогүй, нөхцөл байдлаа судлаагүй шоу болчихов уу даа гэхээс өөр юу гэхсэн билээ.

У.Оргилмаа

“Огцруулсугай” гэнэ ээ, одоо яах вэ
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
засаг ч ******** ажиллаж байна. дүүрэг хороодод юугаа ч мэдэхгүй нөхдүүд дарамт шах********т үзүүлээд жижиг бизнёс хийхэд ч хүндрэлтэй байна. аттёстатчил******** нэрээр яаж дарамтлав аа? ********ны мөнгө гээд хэдэн з********уус сарын 52000 төгрөг өг тэгэхгүй бол х_ тайлан гаргадаг гээд шүүхэд өгнө.... татварынхантайгаа ирж уулзая гээд байсан. хуучин ху намаас бүр дордоод байна.

2013-09-20 | 09:32:46 | 182.160.37.110 |

Зочин
Дарга нар олон солигдох ******** ч ******** даргыг удаан байлгав******** тэрнээс дор байд********д хүрнэ. МАН сөрөг хүчний байрнаас хандахгүй бол өөр хэн хандах юм бэ тэнэг сэтгүүлчээ. Захи********гаар биш гэдгээ мэдэгдэхгүй бичээч. Хүмүүсийн орого нэмэгдлээ л гэнэ ц********ин нэмээгүй байж ямар юмаараа орлого нэмэгдээд байгаа юм бол доо.

2013-09-20 | 09:15:17 | 202.179.11.34 |

Зочин
тур засгийг мини тайван байлгаарай МАН гуайнууд Монголд гай болохоо боли боли. Засгийн газрийг тогтвортой байлгаачээ ********ийн гар болсон МАНийн дарга нар

2013-09-20 | 08:54:52 | 182.160.48.217 |

Зочин
Энэ ардчилсан намын сэтгүүлч бололтой. ккккккккккккккккккк

2013-09-19 | 18:05:50 | 202.126.91.159 |

Зочин
******** ********нууд угаса унэн биздэ энэ ********тан[хуяг одоо болноо

2013-09-19 | 15:56:24 | 122.201.18.208 |