бололтой. За ингээд л энэ асуудлаа шийдэхийн тулд интернэтээр хэсч, хэрхэн турж эцэх талаар баахан л зөвлөгөө уншив. Амьтан хүнтэй ч ярьж туршлага солилцов. Энэ бүгдээс олж авсан өөртөө хамгийн чухал гэж бодож байгаа мэдээллээ хуваалцая.

Миний эрэн сурвалжилсан эрүүл аж төрөх, жингээ барих мэдээллээс хамгийн их сэтгэлд таалагдсан, бас миний цусанд байгаа өгөгдөл бол “Мацаг” барих гэдгийг ёстой л дөрвөн мөчөө өргөж хүлээн зөвшөөрлөө дөө.

Цусанд байгаа өгөгдөл гэдгийн учир нь миний бие нүүдэлчин малчин Монголын үргэлжлэл. Бидний өвөг дээдэс өвөлдөө махан хоолтой, зундаа цагаан хоолтой, буян будгаа бодож мацаг барьдаг уламжлалтай байсныг хэн хүнгүй мэднэ. Хэдийгээр шашны зан үйл мэт боловч мацаг барих нь эрүүл зөв хооллолт, биеээ цэвэршүүлэх сонгодог арга байж. Айлаас эрэхээр авдараа уудал гэж, уг нь ч мацаг барих сайн энэ тэр гэж мэднэ л дээ. Гэхдээ хэзээ ч хэрэгжүүлж байгаагүйл байхгүй юу. Залхуу эсвэл тэвчээргүй + мэдээлэл дулимаг.

За тэгээд аливаа юманд учир жанцан, дараалал, өөрийн гэсэн ухагдхуун, зам гэж бий. Юу юугүй их мэдэгч болоод мацаг барьж байна гэж нэг өдөр л гэгээрч юу ч идэхгүй гүрийх нь учир дутагдалтай санагдав. Ингээд хэрхэн зөв зохистой мацаг барих талаар бодож эхлэх энэ цаг үетэй давхцаж нэгэн урилга онлайнаар ирлээ. Урилгын агуулга нь “Ёстой гоё аялал”. Зиак энэ чинь яадаг аялал вэ. Хот оронтой танилцах юм болов уу гэж бодоод нягтлан үзвэл өнөө миний бодоод мөрөөдөөд яваа мацаг барих. Гэхдээ зөвхөн мацаг барих биш бүр цогц байдлаар нь байгалийн сайханд, мэргэшсэн туршлагатай багш нараар хичээл заалгаж, мэдээлэл авах боломжийг бүрдүүлсэн гайхалтай санаа.

“Зөв хооллох – Зөв амьсгалах – Зөв бодох” гэсэн үндсэн гурван зарчмын дагуу байгалын сайханд гарч НАР, САР, ОД, УС, АГААР-аар тэжээгдэн алдсан эрч хүчээ нөхөн төлжүүлж ИХ БИЕ-ийн цэвэрлэгээ хийн энергээ идвэхжүүлэх хоёр өдрийн майхантай аялал.

1. Хийн дасгалууд ба Бясалгал
2. ЭС ЭД ЭРXТЭН ий их цэвэрлэгээ
3. Энерги идэвхжүүлэлт 7 сарын 26/27/28нд, 8 сарын 16/17/18ны өдрүүдэд Зохион байгуулагч: Ану Маркетинг company event@anumarketinginc.com / 773-814-1257

Мэдээлэл өгөх журмаар л энэ урилгын талаар бичив. Хамгийн сонирхолтой нь миний мацаг барих санаа агуулж байгаа энэ цаг үед урилга ирсэнд л машид олзуурхсан билээ. Олон юм нуршчихлаа. Одоо Мацаг барих гэж юу болох талаар та бүхний хамгийн их сонссон мэддэг хэрнээ мэддэггүй дэглэмийн талаар жаахан ч болов мэдээлэл түгээе.

Мацаг барих буюу хоол сойх
Мацаг гэдэг нь ямар нэг шалтгаанаар хоол идэх эсвэл ус уухаас тодорхой хэмжээгээр юм уу бүрэн татгалзах гэсэн ойлголтыг илэрхийлнэ. Өөрөөр хэлбэл бие организмыг цэвэршүүлэх, өвчнөөс ангижрах, оюун ухаанаа төгөлдөржүүлэх зорилгоор хүн ямар нэг хоолноос, зарим тохиолдолд уснаас татгалзах сайн дурын үйлдэл юм.

Мацаг барихыг шалтгаанаас нь хамааруулан шашны, мэргэжлийн, физиологийн, эмгэг, туршилтын гэж ангилдаг байна.

Ямар хүмүүс мацаг барих вэ?
-: хоол боловсруулах системийн архаг өөрчлөлттэй
-: таргалалт гэдэг өвчинд нэрвэгдсэн
-: эрүүл хоололтыг хүсэмжилж, урт наслахыг хүсэж байгаа насанд хүрсэн хүн бүр
-: хүүхэд, жирэмсэн эмэгтйчүүд, төрөөд удаагүй байгаа эхчүүд мацаг барих хориотой!

Мацаг барих хугацаа?
Бүтэн ба хагас мацаг гэж байдаг. 7 хоногт 3 хоног мах, бусад өдөр нь цагаан хоол идэхийг хагас мацаг гэдэг. Бүтэн мацаг нь 24 цаг, 36 цаг, 7-14 хоног, 1- 40 хоног ч үргэлжилж болно.

Мацаг барихын тулд хэрхэн бэлтгэх вэ?
1. Өөртөө шийдвэр гаргаад өөртөө амлах /энэ нь таны дотоод ухамсар мацаг барих нь гэдгийг урьдчилан мэдээд танд туслахад бэлэн болоход чухал/
2. “Өөрийгөө цэвэрлэхийн тулд мацаг барьж байна" гэдэгтээ итгэн түүнээ өөрийн эд эсдээ хүргэ.
3. Өөртөө зориулсан төлөвлөгөө гарган түүнийгээ дага, өөрийн дотны хүмүүстээ энэ тухайгаа хэл/ нийтэд зарлах шаардлагагүй харин дотны хүмүүс чинь дэмжих, саад болохгүй байх нь чухал/
4. Бие махбод өөрөө хүсвэл нь ид үгүй бол усаа уугаад болоо.
5. Сэтгэл санаагаа бэлтгээд төлөвлөгөөгөө гаргасан бол эхэл

Мацгийн үеэр цэвэр агаарт явж, цэнгэг агаар гүнзгий амьсгалж, бие махбодын дасгал идвэхтэй хийх хэрэгтэй.

Мацгийг хэзээ, хэрхэн барих вэ?
-: Мацаг барих хамгийн сайн өдрүүд бол шинэ сар буюу тэргэл сар гарахын өмнөх гурав хоног юм. Ямар нэг шалтгааны улмаас тухайлсан өдрүүдэд мацаг барьж чадахгүй бол үүний өмнө буюу хойно мацаг барьж болно. Сар нь дэлхийн далай тэнгис усанд асар их нөлөөтэй байдаг шиг мөн бидний бие сэтгэлд тэр хэмжээгээр нөлөөлдөг. Шинэ тэргэл сарын мөчлөгийн үеүүдэд сарны таталцлын хүч далай тэнгисийн татлага түрлэгт нөлөөлдөгтэй адил хүний бие махбодын 70 хувь нь ус байдаг учраас бидний биед нөлөөлдөг аж. Мянга мянган жилийн турш хүмүүс тэргэл сар хүний амьдралд асар их нөлөөлдгийг мэдэж байлаа.
-: Мацгийг гэнэт огцом бус аажим дасгаж барих хэрэгтэй.
-: Анхны удаа мацаг барьж буй бол жимс болон сүүгээр дагнаж болно. Дараагийн удаа жимс буюу жимсний шүүстэй, дараагийн удаа зөвхөн усаар эцэст нь юу ч идэхгүй, уухгүйгээр мацаг барьж үзээрэй. Харин эхний удаад бие махбодь чинь хэт нэвчсэн хорыг гадагшлуулж эхэлж буй учраас нэлээд сульдаж болно. Энэ бол мацаг үйлчилж буйн шинж юм.
-: Ходоод хонхолзоход тэвчихгүйгээр ихээр идэж эхэлбэл мацгийн хамаг үр дүнг баллах болно. Мацгийн үе дэх чанд сахилга нь таныг сэтгэлийн тэнхээтэй болгоно.

Мацгаас хэрхэн гарах вэ?
-: Мацаг тайлах өглөө нар мандсаны дараа давс эсвэл зөгийн балтай нэг аяга нимбэгний шүүс уух хэрэгтэй
-: Дараа нь хагас эсвэл бүтэн гадил жимсийг жижиг жижгээр хазаж шууд залгина -: Болж өгвөл өглөөний ундаа дээрх үйлдлийн дараа уувал зүгээр -: Мацгийн дараах анхны хоол хөнгөн чанарын ногоо, жимсээр баялаг байвал зохино
-: Мацгийн дараах өдөр усанд орохдоо арьсны нүх сүвээр гадагшилсан хор, хог хаягдлыг цэвэрлэхийн тулд биеэ сайтар үрж угаана.

Мацаг барихын ач холбогдол
Тогтмол Мацаг барьснаар хүний биеийн бүх л систем амарч сэргэснээрээ дотроо хуримтлагдаж байсан өөх, хортой бодисуудын задралд хүргэж гаргаснаар хүний энергийг ахиулж, оюун санааны цэвэр түвшинд хүргэнэ. Ингэснээр өвчнөөс сэрэмжлэн зайлсхийж хоол идэх хүслээ эрчимжүүлснээр хүний арьс нь илүү их туяатай залуужсан мэт болдог аж. Мөн батга гарах, арьсны тууралт, харшил, гэдэс дүүрэх, хоолны шингэц муудах, ханиад хүрэх, цөсний чулуу, цусны даралт ихсэх, судас хатуурах, астма зэрэг олон төрлийн өвчинд мацаг барих нь тустай. Жич: Мацаг барих талаар олон төрлийн мэдээлэл байдгийг болгоогоорой./

Миний өгч буй мэдээлэл бол Мацагийн тухай маш өчүүхэн хэсэг юм. Уншигч танд эрүүл энхийг хүсье.

“Эрүүл явбал ирэх жилийн наадам үзнэ шүү дээ. Д.Нацагдорж”

"Мацаг барьж байх үедээ хоолоо ядуучуудад, усаа ургамалд хүртээж байх хэрэгтэй юмаа" гэж иогийн их мэргэжилтэн хэлжээ.

Ашигласан материал: Ж.Октябрийн нийтлэл, “Буддизм” сайт, “Анхы эхнэрүүдийн клуб”-блог, Ve beg, Go green блог, Paul Bragg ‘The miracle of Fasting’ ном

Д.Уранзул