Судлах хэрэгтэй гараа сонго. Ерөнхийдөө баруун гарыг идэвхитэй гар, зүүн гарыг идэвхигүй гар гэдэг. Идэвхитэй гар нь таны амьдралын ерөнхий зурлагыг харуулах бол, зүүн гар нь ирээдүйн өөрчлөлтийг харуулна.
Чухал 4 зураасыг олоорой.Үүнд:
1. Зүрхний зураас
2. Оюун ухааны зураас
3. Амьдралын зураас
4. Хувь тавилангийн зурвас багтана. (энэ нь хүн бүрт байдаггүй).
1. Зүрхний зураасаа уншаад үзээрэй.
Энэ зураасыг ямар ч чиглэлд уншиж болно. Чигчий хуруунаас долоовор хуруу хүртэл, эсвэл долоовор хуруунаас чигчий хуруу хүртэл байж болно. Зүрхний зураас нь таны сэтгэл хөдлөл, хайр дурлалын асуудал, болон зүрхний өвчний талаар илэрхийлэх болно.
Зүрхний зураас дараах төрлүүдтэй:Хэрвээ зүрхний зураас тань долоовор хурууны дороос эхлэж байвал - Хайр дурлалын тал дээр асуудалтай байх нь
Дунд хуруунаас эхэлж байвал - Хайр дурлалын асуудалд хэтэрхий өмчирхөг ханддаг
Алганы дундаас эхэлж байвал - Та амархан дурладаг
Тэгш, богинохон - Та романтик биш
Амьдралын зураастай холбогдож байвал - Та үнэхээр мэдрэмтгий юм
Урт, өргөн - Та сэтгэлээ маш амархан илчилдэг
Ухааны зураастай параллель байвал - Та сэтгэл хөдлөлөө барьж чаддаг
Долгионтой - Хайр дурлалын асуудалд хөнгөн, хуумгай ханддаг.
Зүрхний зураасан дээр бөөрөнхий байвал - Та сэтгэл санааны хямралтай байгаа бололтой
Хэрвээ зүрхний зураас тасалдсан байвал, жижиг жижиг зураас үүссэн байвал - Хэн нэгэн таныг гомдоожээ.
2. Оюун ухааны зураасыг тодорхойлъёЭнэ зураас нь таны сурлагын хэв маяг, харилцааны соёл, авьяас чадварыг өгүүлэх болно.
Хэрвээ ухааны зураас тань богинохон байвал - Та оюуны хөдөлмөрөөс илүү биеийн хөдөлмөр хийх чадвартай.
Далий байвал - Та урлагийн хүн юм
Амьдралын зураастай шүргэлцэхгүй байвал - Та адал явдалд дуртай
Долгионтой байвал - Танд анхаарал төвлөрүүлэхэд хэцүү байдаг
Урт, тод зураас байвал - Та сэтгэн бодох чадвар маш сайтай
Цэг эсвэл зураас ухааны зураасан дээр байвал - Таны сэтгэл санаа асуудалтай байгаа бололтой
Хэрвээ оюун ухааны зураас тасалдаж байвал - Та нэг зүйлдээ тууштай байж чаддаггүй
3. Амьдралын зураасыг тодорхойлох ньЭнэ зураас нь эрхий хуруунаас эхэлж нум хэлбэрээр бугуй руу явдаг. Энэ нь эрүүл мэндийн байдал, сэтгэл санааны байдал болон амьдралын өөрчлөлтийг харуулдаг.
Эрхий хуруутай маш ойрхон өнгөрдөг бол - Та их ядардаг юм байна
Долгионтой - Та энерги ихтэй юм
Тод, ташуу бол - Амьдралын эрч хүч ихтэй
Богинохон, бүдэг байвал - Та бусдын үгэнд амархан ордог
Хагас тойрог хэлбэртэй бол - Та эрч, хүч ихтэй юм
Алганы зах руу нэлээд ойрхон дөхдөг бол - Та ямар нэгэн харилцаанд нэлээд хянамгай ханддаг юм байна
Хэд хэдэн амьдралын зураас байвал - Энерги эрч хүчээр дүүрэн
Амьдралын зураасан дээр тойрог үүссэн байвал та сэтгэлийн шархтай байгаа бололтой
Хэрвээ тасалдаж байвал - Таны амьдралын хэв маяг өөрчлөгдөх болно.
4. Хувь тавилангийн зураас(энэ нь хүн бүрт байдаггүй)
Энэ нь гадаад орчин танд хэрхэн нөлөөлдөг талаар өгүүлэх болно. Алганы суурь хэсгээс эхэлнэ.
Тод байх юм бол - Та хувь заяагаа л дагадаг юм байна
Тасалдаж, чиглэл нь өөрчлөгдөж байгаа бол - Тухайн нөхцөл байдлаас болж таны хувь заяа байнга өөрчлөгдөх болно
Амьдралын зурааснаас эхлэлтэй бол - Та өөрөө хувь заяагаа зохиодог
Амьдралын зураастай яг дундуураа холбогдож байвал - Амьдралынхаа хэв маягийг өөрчлөх хэрэгтэй.
Эрхий хуруунаас эхэлж амьдралын зураасыг огтолж байвал - Гэр бүл болон найз нөхөд тань танд маш их дэмжлэг үзүүлдэг.
Хамгийн гол 4 зурааснаас гадна өөр олон төрлийн зурааснууд байдаг бөгөөд үүний талаар бага зэрэг судалцгаая.Эрүүл мэндийн зураас
Энэ нь таны бие бялдрын болон эд хөрөнгийн байдлыг өгүүлэх болно. Хэрвээ таны эрүүл мэндийн зураас тань бүдэгхэн байвал түүнийг олж харахад их хэцүү. Эрүүл мэндийн зураас нь чигчий хуруунаас эхэлж доош эрхий хуруу руу чиглэдэг. Доорх зурган дээр "Health line" гэж тэмдгэлсэн байгаа.
-Тод, тасалдаагүй - тэвчээртэй, мөнгө олох чадвартай байдаг
- Хэрвээ эрүүл мэндийн зураасгүй бол эрүүл мэндийн асуудал бараг л тулгарахгүй
-Долгионтой - Хэрэггүй зүйлд санаа зовсноор эрүүл мэндийн тал дээр асуудал үүснэ
-Тасалдсан - Эрүүл мэндийн асуудал таны ажил, хэрэгт нөлөөлнө
-Хэрвээ жижиг зураасуудтай огтлолцож байвал - азгүй явдал тохиолдож магадгүй
-Амьдралын зураасыг огтолсон жижиг зурааснууд байгаа бол - нас өндөр болох тусам үхэлд хүргэх аюул тулгарч болзошгүй
-Зураасны эргэн тойронд хэд хэдэн квадрат байвал - энэ нь хамгаалалтын бэлгэ тэмдэг болж байгаа бөгөөд эрүүл мэнд, санхүүгийн тал дээр санаа зовох зүйлгүй юм байна
-Бөөрөнхий хэлбэртэй зааг байвал – таны эрүүл мэнд асуудалтай байна
- Эрүүл мэндийн, оюун ухааны болон амьдралын зураасууд нийлээд гурвалжин үүсгэж байвал – энэ нь аз жаргалтай гурвалжин бөгөөд таныг аз угтах болно
Нэр төрийн гурвалжинЭнэ нь хувь заяаны зураасыг илүү хүчтэй болгож өгдөг бөгөөд амжилтын бэлгэ болдог. Гарын алганы дундаас эхэлж, хувь заяаны зураастай параллель байдаг.
Хэрвээ энэ зураас байхгүй бол санаа зовох хэрэггүй бөгөөд энэ зураасгүй байсан ч та амжилт бүтээлээр дүүрэн байж чадна.
-Тод байвал – ажилдаа хайртай
- Огцом тасарч байвал – өсөн дэвжиж ч болно, унаж ч болно
-Ядам хуруу руу чиглэсэн бол – та нууц авъяасаа олж илрүүлэх болно
- Оюун ухааны зурааснаас эхэлж, зүрхний зураас дээр дуусаж байвал – та хүнд ажил хийх бөгөөд эцэст нь амжилтанд хүрэх болно
- Төгсгөлдөө хоёр хэсэг болж байвал – таны амжилт гаргах нь юу л бол
- Ядам хурууны ойролцоо од хэлбэртэй эсвэл гурвалжин хэлбэртэй төгсөж байвал – соёл урлагийн тал дээр гайхалтай амжилтанд хүрэх болно
- Ядам хурууны доор дөрвөлжин хэлбэртэй төгсөж байвал – хэн нэгэн танд амжилтыг хүсэж байна
Гэр бүлийн зураас
Чигчий хуруунаас үл ялиг доор байх зурааснуудаар таны гэр бүлийн байдлыг тодорхойлж болно. Эдгээр зураасууд хэдий чинээ чигчий хуруутай ойрхон байна төдий чинээ амьдралд тань хурдан тохиолдох болно.
- Жижиг зурааснууд нь хайр дурлалын харилцааг өгүүлнэ
- Тод зурааснууд нь хуримыг илэрхийлнэ
- Хоорондоо нийлээгүй, шүргэлцэх төдий байгаа зурааснууд нь таны хүүхдийн тоог харуулна
- Алганы гадна талд гарсан зурааснууд нь – урт хугацааны гэрлэлтийг илэрхийлнэ
- Гэр бүлийн зураасны төгсгөл нь салангид байвал – хагацал
- Гэр бүлийн зураасыг огтолсон зураас байвал – та хайртыгаа алдах болно
- Хэрвээ зураас нь тасраад эргээд нийлж байвал – ирээдүйн хайраасаа салах болно
Мөнгөний зураас Энэ зураас нь яг мөнгөтэй болно гэсэн баталгаа биш боловч тухайн хүний хөрөнгийн амжилтыг харуулах болно.
-Эрхий хуруунаас эхэлж, долоовор хурууны доор салангид төгсөж байвал – та мөнгө олох төрөлхийн авъяастай юм байна
-Эрхий хуруунаас чигчий хуруу хүртэл чиглэсэн бол – эд баялагийг залгамлаж авах буюу амжилттай гэрлэлтээс олох болно
-Эрхий хуруунаас эхэлж, дунд хурууны ойролцоо төгссөн бол – хувиараа хөдөлмөр эрхэлж байж хөрөнгөтэй болно
-Ядам хуруу руу чиглэж хувь тавилангийн зураасыг огтолсон бол – санаандгүй тохиолдлоор мөнгөтэй болох болно.
Шилжилтийн зураасЭнэ зураас нь таны амьдрал тохиолдох хамгийн томоохон өөрчлөлтүүдийг илэрхийлэх болно. Үүнээс гадна таны аялах хүслийг илэрхийлнэ. Эрхий хурууны эсрэг талаас эхэлдэг бөгөөд босоо чиглэлд байна.
-Хэрвээ энэ нь амьдралын зураасыг огтолж байвал – энэ аялал таны эрүүл мэндээс шалтгаална. Эсвэл энэ аялалтай таны эрүүл мэнд холбоотой байх болно
-Шилжилтийн зурааснууд хоорондоо огтлолцож байвал – аялалын үед аюул тулгарна
-Шилжилтийн зураасны эргэн тойронд дөрвөлжин байвал – таныг аялалын үеэр тань хамгаалах болно
-Хэрвээ шилжилтийн зураас тасарч байвал - аялал хойшлох магадлалтай
-Хувь тавилангийн зураастай огтлолцож байвал – энэ аялал таны амьдралыг өөрчлөх болно
8. Туслах зураасууд бараг л хүн бүрийн алган дээр байдаг.
Зөн совингийн зураас – Чигчий хуруунаас эхэлж, алганы эхлэл дээр төгсдөг. Хэрвээ энэ зураас байвал та маш их зөн совинтой хүн юм байна. Харин энэ зураасан дээр цэг байвал та ямар нэг үзмэрийн ажил хийхээс татгалзсан нь дээр.
Нөлөөлөх чадварын зураас – Энэ зураас нь эрхий хуруунаас эхэлж, алганы төв рүү чиглэнэ. Хэрвээ замдаа ямар нэг зураасуудтай огтлолцож байвал нэг чухал үйл явдлыг илэрхийлнэ.
Өөрийнхөө төлөө зогсож чадах – Энэ зураас нь оюун ухааны болон зүрхний зураасны дунд бий. Энэ нь хэрхэн өөрийгөө хамгаалж чадах талаар өгүүлнэ.
.png "Томруулж харах")
.jpg "Томруулж харах")
