Ийм мэдээллийг төрийн албанаас хууль бусаар халагдсан хэсэг иргэн Үндэсний мэдээлллийн төвд өнөөдөр хийлээ.

 Тэдний хийсэн мэдээллийг бүрэн эхээр нь хүргэж байна.

Сүүлийн үед төрийн албан хаагчдыг үндэслэлгүйгээр хоморголон халах явдал газар авч  төрийн алба мэргэшсэн, тоггвортой байх зарчим алдагдан төрийн алба төрлийн алба болон завхарч байгааг олон нийт шүүмжилсээр байна. Энэ бусармаг үйл ажиллагаанд хамгийн их хэлмэгдэж байгаа байгууллага бол Стандартчилал, хэмжилзүйн газар юм. Стандартчилал, хэмжилзүйн газрын зарим  төрийн албан хаагчид  эрхэлсэн  шадар сайд Д.Тэрбишдагвад гомдол гарган төсвийн мөнгийг хувьдаа завшиж  үрэгдүүлэн  төрийн албан хаагчдын эрх ашгийг удаа дараа хохироож төрийн албаны нэр хүндийг унагаж байгаа  Стандартчилал, хэмжилзүйн газрын даргын үүргийг хууль бусаар  түр орлон гүйцэтгэж байгаа Г.Энхтайванд хариуцлага тооцохыг  эрх ашиг нь зөрчигдсөн  төрийн албан хаагчид  шаардаж  байгаа боловч Ерөнхий сайд Н.Алтанхуягийн хамгаалалтыг давж чадахгүй мухардалд ордог байна.

  Стандартчилал, хэмжилзүйн газрын  даргын үүргийг түр орлон гүйцэтгэгч Г.Энхтайваны хууль бус, дарангуйлсан  үйл ажиллагаа хирээс хэтэрчээ. Өмнө тэрээр нэр брхий 6 төрийн албан хаагчдыг хууль зөрчин халсан нь шүүхээр тогтоогдож хохирогчдын цалин нийгмийн даатгалын шимтгэлд төсвөөс 40 сая төгрөг гаргаж байжээ.

Гэвч Г.Энхтайван нь Ерөнхий сайд Н.Алтанхуягийн  найз гэдгээрээ омогшин гэм зэмгүй жирийн төрийн албан хаагчдыг хууль зөрчин халж хохироосоор байна.

Төрийн албан хаагч Б. Цагаанцэцэг  АН-ын Алтангадас фракцийн олон хүмүүсийг  хууль зөрчин ажилуулж зэрэг дэв хууль бусаар олгож буй талаар Г.Энхтайваныг шүүмжилж гомдол гарган шалгуулсаныхаа  төлөө ажлаасаа 2 дахь удаагаа хууль бусаар халагджээ. Б. Цагаанцэцэг нь   төрийн байгууллагад эзэмшсэн мэргэжлээрээ бичиг хэргийн ажилтан, даргын нарийн бичгийн дарга, даргын туслах, архивч зэрэг ажилд 20 орчим жил  ажиллаж  өөрийн хариуцсан ажил үүргээ хангалттай, сайн гүйцэтгэж  1996, 2000, 2004, 2009 онуудад болсон “Архив, албан хэрэг хөтлөлт, төрийн байгууллагуудын ажлын зохион байгуулалтын улсын үзлэг”- т “сайнаас-онц” гэсэн үнэлгээг авч байсан байна. Саяхан болсон Нийслэлийн Баянзүрх дүүргийн Шүүх, нийслэлийн давж заалдах шатны шүүх хурлаас  Г.Энхтайваны буруутайг тогтоон түүний хууль бус тушаалыг хүчингүй болгон Б.Цагаанцэцэгийн эрхэлсэн ажилд нь эгүүлэн томилох шийдвэр гаргажээ. Г.Энхтайваны хэлмэгдүүлэлтэд өртсөн дараагийн төрийн албан хаагч улсын шалгагч Б. Ариунаа юм.

  Нийслэлийн Захиргааны хэргийн шүүх хурал  тус агентлагийн төрийн жинхэнэ албан хаагч Б.Ариунааг   хууль зөрчин ажлаас нь өөрчилж эрх мэдлээ урвуулан ашиглаж хэлмэгдүүлж   байсан тухай нэхэмжлэлийг авч хэлэлцээд шүүх Г.Энхтайваны буруутайг тогтоож түүний гаргасан тушаал, шийдвэрүүдийг хүчингүй болгожээ. Үүний дагуу Г.Энхтайван 2013 оны 6 дугаар сарын 1О-ны өдрийн Б/91 тоот тушаал гаоган ажилд нь эргүүлэн томилоод ажлыг хүлээлцүүлэлгүйгээр мөн оны 6 дугаар сарын Б/98 тоот тушаалаар ажлаас нь халжээ.

Г.Энхвайваны улсад учруулсан хохирол 111сая 754 мянган  төгрөг, үүнээс 16 сая 607.710  төгрөгийн өмч, мөнгө хувьдаа завшсан байна.

Баримт 1

Г.Энхтайван нь албаны эрх мэдлээ ашиглаж байгууллагын өмчид бүртгэгдсэн 9911 дугаарын номерийг бусадтай хамтран худалдаж мөнгө завшиж байсаныг нь шалган    Эрүүгийн хуулийн 150 дугаар зүйлд заасан бусдын эд хөрөнгийг  завших, үрэгдүүлэх  гэмт үйлдлийг Авлигатай тэмцэх газрын 2011 оны 06/1435 тоотоор гэмт   хэргийн шинжтэй болохыг тогтоож Нийслэлийн прокурорын орлогч Ё.Сагсайн 2011 оны 01/1453 тоотоор эрүү үүсгэж байжээ. Зах зээлийн үнэлгээгээр 9911 дугаартай утасны дугаар дунджаар 15 сая төгрөгөөр арилжаалагддаг байна. Өөрөөр хэлбэл тэрээр ийм хэмжээний мөнгийг бусадтай хамтарч хувьдаа завшсан гэсэн үг.

Баримт 2

  Г.Энхтайван 2012 оны 3 сард Канад улсын Стандартын зөвлөлийн 8 төлөөллөгчдийг Дархан-Уул аймгийн Стандартын хэлтсийн үйл ажиллагаатай танилцуулна гэж хуурамч баримт бүрдүүлэн төсвөөс 1606710 төгрөгийг хувьдаа  завшсаныг нь Авлигатай тэмцэх газрын 2012 оны 8 дугаар сарын 23-ны 06/3173 тоотоор тогтоож хохирлыг барагдуулах шийдвэрийг  Мэргэжлийн хяналтын байцаагч  акт тавьсан байна.

Баримт 3

Г. Энхтайван ажиллах хугацаандаа   байгууллагад төрийн албаны шалгалт өгөөгүй шаардлага хангахгүй өөрийн танил, намын нөхдүүд болох  О.Отгонсайхан, Д.Анхбаяр, Н.Төрболд нарын 10  хүмүүсийг хууль бусаар томилж цалин нэмэгдэл урамшил олгож байсаныг Авигатай тэмцэх газар, Төрийн албаны зөвлөлийн хамтарсан шалгалтаар илрүүлж  Мэргэжлийн хяналтын улсын байцаагчийн 2012 оны 04/092/143 тоот акт үйлдэн улсад 57851818 төгрөгийн хохирол учруулсаныг түүнээр төлүүлэх шийдвэр гаргаад байна.

Баримт 4

Г.Энхтайван нь тус газрын нэр бухий 30 албан хаагчдад цалин, зэрэг дэвийн нэмэгдэл гэж 3.598.500 төгрөгийг хууль бусаар цалингийн сангаас олгосон болох нь Төрийн албаны зөвлөлөөс хийсэн шалгалт болон МХЕГ-ын улсын байцаагчийн 2011 оны 04/12/160 дугаартай актаар тогтоогджээ.

Баримт5

Г.Энхтайван нь албаны эрх мэдлээ хэтрүүлэн З.Мөнгөнбагана, Б.Цагаанцэцэг, Э.Тамир, Г.Дунхүү нарын нэр бүхий 6 төрийн албан хаагчдыг ажлаас үндэслэлгүй халсан болохыг Нийслэлийн Баянзүрх дүүргийн шүүхийн 2011 оны 1463,1978, 1756, 2012 оны 777 тоот шийдвэр, Нийслэлийн Захиргааны хэргийн хэргийн шүүхийн 2011 оны 478, 2012 оны 63 тоот магадал, Улсын дээд шүүхийн 2012 оны 77 дугаар тогтоолоор тус тус тогтоож  дагуу татвар төлөгчдийн 33.697.461 төгрөгийг нөхөн олговорт олгож улсыг хохироосон байна.

Монгол улсын Ерөнхий сайд Н.Алтанхуяг, Шадар сайд Д.Тэрбишдагва нар танаа

ШААРДЛАГА

Улаанбаатар хот                                                                     2013 оны 6 дугаар сарын 19

Сүүлийн үед Стандартчилал, хэмжилзүйн газрын даргын хууль бус шийдвэрээр төрийн албан хаагчдыг үндэслэлгүйгээр хоморголон халах, албан тушаалыг нь буулгах  явдал газар авч энэ цаашдаа хавтгайрах шинжтэй боллоо.. Үүнээс болж төрийн алба мэргэшсэн, тогтвортой байх зарчим алдагдан, Төрийн албаны тухай хууль Г.Энхтайваны  уланд гишгэгдэж байгааг бид өөрсдийн биеэр мэдэрч удаа дараа сэтгэл санаа, эдийн засгаараа  хохирч мэдэрч байгаа билээ. Төрийн албаны томилгоо халаа сэлгээтэй  холбоотой Г.Энхтайваны  шийдвэрүүд хууль зөрчсөн болохыг шүүхээс удаа дараа тогтоогдож байна.

  Стандартчилал, хэмжилзүйн газарт ажиллаж байсан одоо ажиллаж байгаа   төрийн албан хаагчид  бид шадар сайд Д.Тэрбишдагвад гомдол гарган төсвийн мөнгийг хувьдаа завшиж  үрэгдүүлэн  төрийн албан хаагчдын эрх ашгийг удаа дараа хохироож төрийн албаны нэр хүндийг унагаж байгаа  Стандартчилал, хэмжилзүйн газрын даргын үүргийг хууль бусаар  түр орлон гүйцэтгэж байгаа Г.Энхтайванд хариуцлага тооцохыг    шаардаж  гомдол хүргүүлсэн  боловч шийдэгдэхгүй харин Г.Энхтайваны зөрчил хэрэг нэмэгдсээр байна. Г.Энхтайван өмнө нь албаны эрх мэдлээ хэтрүүлэн З.Мөнгөнбагана, Б.Цагаанцэцэг, Э.Тамир, Г.Дунхүү нарын нэр бүхий 6 төрийн албан хаагчдыг ажлаас үндэслэлгүй халсан болохыг Нийслэлийн Баянзүрх дүүргийн шүүхийн 2011 оны 1463, 1978, 1756, 2012 оны 777 тоот шийдвэр, Нийслэлийн Захиргааны хэргийн хэргийн шүүхийн 2011 оны 478, 2012 оны 63 тоот магадал, Улсын дээд шүүхийн 2012 оны 77 дугаар тогтоолоор тус тус тогтоож  татвар төлөгчдийн 33.697.461 төгрөгийг нөхөн олговорт олгож улсыг хохироосон байна.

Хамгийн сүүлд Г.Энхтайван Төрийн албан хаагч Б.Цагаанцэцэгийг  2 дахь удаагаа хууль бусаар халжээ. Б.Цагаанцэцэг нь төрийн байгууллагад эзэмшсэн мэргэжлээрээ бичиг хэргийн ажилтан, даргын нарийн бичгийн дарга, даргын туслах, архивч зэрэг ажилд 20 орчим жил  ажиллаж  өөрийн хариуцсан ажил үүргээ хангалттай, сайн гүйцэтгэж  1996, 2000, 2004, 2009 онуудад болсон “Архив, албан хэрэг хөтлөлт, төрийн байгууллагуудын ажлын зохион байгуулалтын улсын үзлэг”- т “сайнаас-онц” гэсэн үнэлгээг авч байсан байна. Саяхан болсон Нийслэлийн Баянзүрх дүүргийн Шүүх, нийслэлийн давж заалдах шатны шүүх хурлаас  Г.Энхтайваны буруутайг тогтоон түүний хууль бус тушаалыг хүчингүй болгон Б.Цагаанцэцэгийн эрхэлсэн ажилд нь эгүүлэн томилох шийдвэр гаргажээ.

 Г.Энхтайваны хэлмэгдүүлэлтэд өртсөн дараагийн төрийн албан хаагч нь улсын шалгагч Б. Ариунаа юм.

  Нийслэлийн Захиргааны хэргийн шүүх хурал тус агентлагийн төрийн жинхэнэ албан хаагч Б.Ариунааг   хууль зөрчин ажлаас нь өөрчилж эрх мэдлээ урвуулан ашиглаж хэлмэгдүүлж   байсан тухай нэхэмжлэлийг авч хэлэлцээд шүүх Г.Энхтайваны буруутайг тогтоож түүний гаргасан тушаал, шийдвэрүүдийг хүчингүй болгожээ. Үүний дагуу Г.Энхтайван 2013 оны 6 дугаар сарын 1О-ны өдрийн Б/91 тоот тушаал гарган ажилд нь эргүүлэн томилоод ажлыг хүлээлцүүлэлгүйгээр мөн оны 6 дугаар сарын Б/98 тоот тушаалаар ажлаас нь халжээ. Бидэнд байгаа баримтаар Г.Энхтайван нь Монгол Улсын Төрийн албаны хууль, Төсвийн хууль, Эрүүгийн хууль зэрэг олон хуулийг зөрчин гэм зэмгүй төрийн албан хаагчдыг хоморголон халах, төсвийн мөнгийг хувьдаа завших, үрэгдүүлэх , зэргээр нийт  улсад учруулсан хохирол 111сая 754 мянган  төгрөг богөөд үүнээс 16 сая 607.710  төгрөгийн өмч, мөнгө хувьдаа завшсаныг хууль хяналтын байгууллагууд тогтоосон байна.

Иймд Монгол Улсын хуулийг удаа дараа зөрчин албан үүргээ туйлын хангалтгүй гүйцэтгэж байгаа Стандартчилал, хэмжилзүйн газрын даргын үүргийг түр орлон гүйцэтгэгч  Г.Энхтайваныг нэн даруй огцруулахыг Стандартчилал, хэмжилзүйн байгууллагад ажиллаж байсан болон одоо ажиллаж байгаад төрийн албан хаагчид шаардаж байна. Бидэнд энэхүү шаардлагын хариуг энэ оны 6 дугаар сарын 24-ны дотор өгөхийг уламжилж байна. Хэрвээ бидний шаардлагад хариу өгөхгүй бол хууль тогтоомжийн хүрээнд тэмцлийн бүхий л хэлбэрийг явуулах  болно.

Стандартчилал, хэмжилзүйн салбарт ажиллаж байсан үе үеийн төрийн албан хаагчид, ажлаасаа хууль бусаар халагдагсад

ЗУУНЫ МЭДЭЭ