Ертөнцийн хамгийн дур булаам залуу

2013-06-13

Америкийн жүжигчин, продюсөр Уилльям Брэдли Питт буюу Брэд Питт 1963 оны арванхоёрдугаар сарын 18-нд

Оклахомад мэндэлжээ. Тэрээр, сэтгүүлчээр сурч байсан ч коллежоо төгсөхийн өмнөхөн сургуулиа орхиж, жужигчин болохоор шийдсэн байна. Ингээд 1987 онд жүжигчний замналаа СBS телевизийн олон ангит кино "Далласт"-д тоглосноор эхлүүлсэн гэдэг. Түүний бүтээл "Оскар"-т хоёр, "Алтан бөмбөрцөг"-т дөрвөн удаа нэр дэвшиж байсан бөгөөд найруулагч Дэвид Финчертэй хамтарсан бүтээлүүдээрээ хамгийн их танигджээ. Кино шүүмжлэгчдээс өндөр үнэлгээ авсан бүтээлүүдээс нь "Трой" (2004),"Ноён хатагтай Смит" (2005) зэрэг кино онцолж болох юм. Питт жүжигчин Гвинет Пэлтроутой "Долоо" кинонд хамтран тоглож байх үедээ дотнохарилцаатай болж 1994-1997 оны хооронд үерхсэн ч тэдний дурлал бүтэлгүйтжээ Харин 1998 онд "Найзууд" киноны гол дүрд тоглосон Женнифер Энистонтой уулздаг болж, улмаар 2000 оны долдугаар сарын 29-нд Малибуд Холливудын хамгийн сүр дуулиантай, эрхэмсэг хуримыг хийсэн юм.

Гэсэн ч 2005 онд Питт, Анистон нар хамтын амьдралаа эцэслэн, гэрлэлтээ цуцлуулжээ. Ийнхүү ганц бие болсон Питт тэр жилээ "Ноён хатагтай Смит" кинонд гол дүрийн хосыг Анжелина Жолитой хамтарч бүтээсэн нь тухайн үедээ олон нийтийн дунд өндөр үнэлгээ авсан юм. Улмаар 2005 оны дөрөвдүгээр сард Питт Жоли болон түүний хүү Мэддоксийн хамт Кени дэх далайн эрэг дээр авахуулсан зураг хэвлэлүүдэд нийтлэгдсэнээр тэдний дотно харилцаа ил болжээ. 2006 оны нэгдүгээр сарын 11 -нд People сэтгүүлд өгсөн ярилцлагадаа Жоли Питтийн хүүхдийг тээж яваагаа хэлсэн бол Питт мөн оны аравдугаар сард "Esquire" сэтгүүлд өгсөн ярилцлагадаа Жолитой гэрлэснээс ч илүү харьцаатай болсон гэдгээ илэрхийлснээр тэдний хамтын амьдрал эхэлсэн билээ. Тэрээр, Жолитой амьдрал холбосноос хойш Америкийн болон олон улсын хүмүүнлэгийн үйл ажиллагаанд идэвхи санаачлагатай оролцдог болсон юм. Түүнийг ертөнцийн хамгийн дур булаам залуу гэж дэлхий даяар тодорхойлдог.

Тэр хоёр албан ёсоор хуримаа хийгээгүй ч Жоли өдгөө 37 настай, зургаан хүүхдийн ээж болсон хүн. Жоли аюулт өвчнийг даван туулсныхаа дараа "Би энэ өвчнөөс болж эмэгтэйлэг байдлаа алдаж байгаа учраас ийм сонголт хийхэд хэцүү байлаа. Энэ үед нөхөр минь намайг дэмжиж, зоригжуулан, үргэлж хамт байсанд баярлалаа.

Өвчнөө хэрхэн даван туулсан тухайгаа би бичиж байгаа. Бусад эмэгтэйчүүдэд туршлагаасаа хуваалцахыг хүссэн юм" хэмээн "Нью-Йорк Таймс" сонинд өгсөн ярилцлагадаа хэлжээ.

Энэ бүхнээс харахад хосууд бие биедээ хэр их хайртай, бие биенийхээ хүсэл зорилгыг яаж хүндэтгэдэг нь тодорхой байгаа юм. Тэднээр олон хүн бахархаж, олон хос үлгэр дууриалал авсаар ирсэн. Цаашдаа ч тийм байх болно. Төтс хүн" байж, төгс хүнтэйгээ амьдарч, төгс хүндэтгэл ийг олон хүнээс хүлээнэ гэдэг амаргүй.