дахь СОНИН ХАЧИН-аас хуваалцахаар сонголоо.

Энэ бол тус сайтад тавигдсан хамгийн хачирхалтай гэгдэх “зарлал / дуудлага худалдаа”-ны түүвэр мэдээлэл юм. Хамтдаа сонирхоцгооё.

Гольфийн “бөмбөг”
Гольфийн дөрвөн ч бөмбөг залгисан байсан аварга “питон” могойд Австралийн дархан цаазат “Currumbin Wildlife Sanctuary” газрын эмч нар 2008 онд хагалгаа хийж тэдгээр бөмбөгнүүдийг амжилттай гарган авчээ. Могойн бие дээрдмэгч онгон байгальд нь нутагшуулсан бөгөөд гаргаж авсан бөмбөгнүүдийг ажилчид дуудлага худалдаагаар зарахаар болжээ. Олсон ашгаараа амьтдад зориулсан шинэ эмнэлэг байгуулах зорилготой байсан ба могойн хэвлийд гольфийн бөмбөг байсныг батлах рентген зураг ба хагалгааны үеийн бүхий л зураг мөн бөмбөгийг Австралийн нэгэн эр $1401 доллараар худалдан авсан байна.

Эротик “самар”
“Коко де Мэр” гэж модноос гарган авдаг нэгэн зүйл самар нь “Гиннесийн дэлхийн дээд амжилтууд”-ад бүртгэгдсэн дэлхийн хамгийн том самар гэнэ. Эм бэлэг эрхтэн мөн өгзөг шиг харагддаг энэхүү самрыг “Эротик самар” ч гэж нэрлэх нь бий ажээ. Үнэ: $367.000

Эрчүүд
2006.02.18 / 19-ний амралтын өдрүүдийг зугаатай өнгөрүүлэхийг хүссэн дөрвөн залуу өөрсдийгөө “eBay”-ээр үнэлжээ. Тэдний дунд олны танил алдартай нэгэн ч байсан бөгөөд энэ тухай дөрвөн залуусын нэг Марк нийтэд дэлгэхээс татгалзсан юм. Дуудлага худалдаагаар дөрвөн залуугийн нэг Австрали эр $45.000 доллараар зарагдсан ба нууцлаг тэрхүү алдартан нь хожим Роб Кардашиан байсан тухай “сенсаци” дэгдэж байжээ.

Хазсан “сэндвич”
Хачирхалтай дуудлага худалдааны энэхүү тохиолдол 2004 онд болжээ. Тухайн үед интернэтээр багагүй шуугиан дэгдээсэн дуудлага худалдаагаар Христийг төрүүлсэн “онгон” Мэригийн дүрс шингэсэн сэндвичийг арилжаалсан ба $28.000 доллар ханшаар зарагдсан байна. Арилжааг эхлүүлсэн “eBay” хэрэглэгч бүсгүй энэхүү сэндвичаа 10 жил хадгалсан байсан ба санаандгүй нэг хазтал Мэригийн төрх байсан ба адис хайрласан хэмээн итгэж идээгүй байна.

Сүнс
Хорт хавдраар хорвоог орхисон эмээгийнхээ дурсгалыг хүндэтгэж ийм өвчнөөр шаналж байгаа хүмүүст туслах зорилгоор Майкл Фосет 2010 онд ийм нэгэн хачирхалтай наймааг санал болгожээ. Тэрээр бичихдээ, “Энэ бол миний найз “сүнс". Түүнийг та хүссэнээрээ дуудаж болох ба хааяа “хи хи” гэж инээхээр нь би Каспер гэж нэрлэдэг юм. Найзыг минь энэ шилэн савнаас нь 20 минут гаргаж байхад л хангалттай. Удаан гаргавал тэр сандарч тавгүйтэж эхэлдэг юм.” гэжээ. Хэрхэн төгссөнийг нь шимтэн сонирхсон ч бодит эсэх нь нотлогдоогүй тул “eBay”-ээс уг худалдааг зогсоосон байлаа.

Балга ус
Өдгөө 49 настай Уэйд Жөүнс ийм нэгэн худалдааг зарлажээ. Энэ нь домогт дуучин Эльвисийн 1977 оны тоглолтон дээрээ ууж байсан аягатай усыг арилжих дуудлага худалдаа бөгөөд 2008.06 сард болсон юм. Тухайн үед аяганд хэдхэн халбага л ус үлдсэн байсан ба Уэйд түүнийг хөргөгчинд хөлдөөж хадгалсан байжээ. Эльвисийн тоглолтыг үзэж байхдаа Жөүнс 13 настай байсан ба тэрээр аягыг нь худалдахаас татгалзаж Эльвисийн ууж байсан уснаас үлдсэн хэдхэн балгыг $455 доллараар заржээ.

Бэлэг эрхтний яс
Эр хүнээс бусад дэлхий дээрх бүх эр хүйст амьтдад “бакулум” гэж нэрийддэг бэлэг эрхтний яс байдаг ажээ. “eBay”-ийн нэгэн хэрэглэгч Америк элбэнхний бэлэг эрхтний ясыг ийнхүү дуудлага худалдаагаар зарахаар болж ханшийг $4.99 доллараар тогтоож байжээ.

Хамрын “салфетка”
Энэ бол Холливудын нэрт жүжигчин Скарлет Йоханссоны 2008 онд “The Tonight Show with Jay Leno” нэвтрүүлэгт оролцож байх үеийн хамрын салфетка юм. Тэрээр ханиад хүрсэн байсан учраас нэвтрүүлгийн үеэр хоёр ч удаа цаасан салфетканд хамраа арчжээ. Энэхүү салфеткаа тэрээр цүнхэндээ хийсэн ч эргээд буяны зорилгоор дуудлага худалдаа зарлах болсон нь энэ бөгөөд хамраа цэвэрлэсэн салфеткан дээрээ гарын үсгээ зурж бас уруулын будгаа арчиж $5300 доллараар арилжсан гэнэ.

Бөөрний чулуу
“Оддын дайн” цувралын жүжигчин Виллиам Шатнер 2005 онд бөөрний чулуутай хэмээн оношлогдож мэс ажилбар хийлгэжээ. Тэрээр бөөрнийхөө чулууг эмнэлгээс авч гарсан ба хожим үүнийгээ буяны зорилгоор дуудлага худалдаанд оруулсан байна. Дуудлага худалдаанд биеийн аль нэг эд эрхтнийг оролцуулахыг хориглодог ч бөөрний “чулуу” байсан тул боломжтой байсан ажээ. Ийнхүү түүний бөөрний чулуу 2006 онд $75.000 доллараар зарагджээ.

Спорт “машин”
Их Британий DJ Тим Шо загвар өмсөгч Жоди Марштай хийж байсан ярилцлагынхаа үеэр түүний төлөө эхнэр хүүхдээ орхиход бэлэн байгаагаа тоглоом маягаар харилцан ярилцаж байсныг нь сонссон эхнэр нөхөртөө уурлаж түүний хайртай “Lotus Esprit Turbo” машиныг нь дуудлага худалдаанд оруулчихжээ. Түүний эл машин ердөө 5 минутад зарагдсан ба эхнэрийн тавьсан үнэ $0.77 цент байжээ. Энэ явдал 2005 онд болсон ба хожим DJ залуу телевизээр дамжуулан эхнэрээсээ уучлалт хүссэн ба машинаа $7000 доллараар эргэн авсан байна.

ЭХ СУРВАЛЖ:PLAYSKULL.MN