уламжлалт номын дэлгүүр өнгөрсний байр суурь, чухал чанарнаа алдахад хүрчээ. Гэтэл "Logo's Hope" гэдэг хөлөг онгоц энэ оны эхээр Таиланд улсад хүрч, Банкок хотын иргэдийн дунд номын сангийн тухай халуун яриа дэгдээж билээ. Учир нь энэ хөлөг онгоцонд дэлхийд хамгийн том далай дээрх номын сан байгаа ажээ. Номын сантай хөлөг онгоц тухайн нутгийн хүмүүсийн анхаарал сонирхлыг ихээхэн татаж, түүнчлэн онгоцны онцгой хэлбэр төрөхийг харахаар маш олон бяцхан хүүхдүүд ирж байлаа.

2013 оны хавар "Logo's Hope" хөлөг онгоц Таиландын нийслэл Бангкокийн Клонтой гарам хүрсэнд тухайн нутгийн холбогдох байгууллага онгоцны бүх гишүүдэд зориулж хүлээн авалтын ёслол хийсэн байна. Германы ашгийн бус буяны байгууллагаас ажиллуулдаг тус хөлөг онгоц 1971 оноос эхлэн дэлхийгээр тойрон аялж, 160 улс орны 500 гаруй гарамд айлчилж, хүлээж авсан хүний тоо 42 саяыг давжээ. "Logo's Hope" -ийн Ерөнхий захирал, Австралийн иргэн Лойд хэлэхдээ, хөлөг онгоцыг нэрлэсэн "Logo" гэдэг үг бол грек хэлэнд "оюун мэдлэг", "хүслэн" гэсэн утгатай юм, энэ үг мөн ч манай хөлөг онгоцны аяллын гол зорилт--бүх хүмүүст итгэл ба хүслэн олгохын төлөө юм гэлээ.

"Бидний гол зорилт бол хүмүүст оюун мэдлэг, тус дэмжлэг ба хүслэн найдвар авчирж өгөх гэсэн юм. Маш олон хүмүүст бодисын талын тус дэмжлэг шаардагдаж байдаг. Гэтэл сэтгэл санааны тэнхээ дэмжлэг олгож, тэд нар өөрийнхөө үнэ цэнтэй талаа олж мэдрэхэд туслах нь чухал байдаг. Хүмүүс хүслэн найдвар ба хувь биеийнхээ үнэ цэнийг олж мэдрэхэд туслах нь бидний уламжилж буй хамгийн чухал зүйл болно. Хүмүүстэй найрсаг харилцаа тогтоож, тэд нарт сэтгэлийн тэнхээ өгөх юмсан гэж бид хичээдэг."

Дэлхийн хамгийн том далай дээрх номын сан Таиланд улсад 9 дэх удаагаа айлчилжээ. Энэ удаад тэд хотын иргэдэд зориулан асар том хэмжээний номын үзэсгэлэн гаргасан бөгөөд онгоцоор үзэн танилцах үйлчилгээ гаргажээ. Хотын иргэд зөвхөн бэлгэдлийн чанартайгаар 20 бата (4 юань) зарцуулбал номын үзэсгэлэнтэй танилцаж, дуртай номоо сонгож болох юм байна. Онгоцон дохь үзэсгэлэнгийн бүсийг түүхийн сэдэвтэй бүс, номын үзэсгэлэн, үлгэрийн сэдэвтэй бүс ба кофе гэсэн дөрвөн бүсэд хуваажээ. Тус "Logo's Hope" хөлөг онгоц бол буяны хөлөг онгоцны төлөвлөгөөний дагуу бүтээсэн 4 дэх онгоц юм. "Logo", "Logo-2" зэрэг гурван том хөлөг онгоц хойно өмнө үүрэгт ажлаа дуусгаж, "Logo's Hope" хөлөг онгоцыг 2004 онд ажиллуулж эхэлжээ.

Дэлхийн хамгийн том далайгаар аялагч номын сан гэгддэг тус номын санд 5000 гаруй төрөл ангилалтай, 500 мянган ширхэг ном байдаг. Номууд нь шинжлэх ухаан, спорт, гал тогоо, урлаг, философи, хүүхдийн ном, сурах бичиг гээд бүх салбарыг хамарчээ. Хөлөг онгоцны дотор гойд сайхан тохижуулсан номын өрөөнд ирцгээсэн хүмүүсийн дотор хүүхдээ дагуулсан гэрийн ахмадууд цөөнгүй харагддаг. Бангкок хотын иргэн Сура хэлэхдээ, далайгаар аялдаг номын сан энд хэсэг хугацаа удаж байж нэг ирдэг. Энэ удаа яг сайхан сургуулийн зуны амралтын үеэр ирсэн тул хүүхдээ дагуулж ирсэн гэлээ.

"Хүүхдээ дагуулан ирж, адилгүй зүйлийг харуулж, биеэр нь мэдрүүлж, тэд нарт ном унших сайн дадгал буй болгож өгөх нь маш чухал юм. Түүнчлэн энэ номын сан хөлөг онгоцон дээр байдаг тул хүүхдүүд энгийн үедээ ийм онгоцтой танилцах завшаан боломж байдаггүй. Харин энд ном үзэхийн зэрэгцээ онгоцны дотоод үзэмжтэй танилцаж болдог байна."

"Logo's Hope"-ын захирал хэлэхдээ, далай дээрх номын үзэсгэлэн болон соёлын солилцоо харилцааны арга хэмжээгээр дамжуулан дэлхийн олон түмэнд буян уламжилдгийн хувьд "Logo's Hope" бол ашгийн бус чиглэлээр ажилладаг гэж танилцууллаа. Ном дэвтрийн борлуулалтаар хуримтлагдсан мөнгийг зөвхөн онгоцны хэвийн үйл ажиллагаанд зарцуулдаг байна. Түүнчлэн онгоцонд ажилладаг хамт олны анд найз, гэрийн хүмүүс болон тухайн орныхны засгийн газрын бус байгууллагаас бас нэмэр хандив ирүүлж, онгоцны аялал ба үйл ажиллагааг дэмжиж тусалдаг. Онцгойлон дурдууштай нь хөлөг онгоцны захирал, дээд зэргийн менежер, ажилтан нарыг багтаасан 400 хүний бүрэлдэхүүнтэй хамт олон бүгдээрээ үнэ төлбөргүй үйлчилдэг сайн дурынхад юм. Тэд онгоцонд нэг жил буюу хоёр жил адил бус хугацаатай ажилладаг. Маш олон хүмүүс улсдаа хийж байсан нөхцөл боломж сайтай ажлаа хаяад энд ирэх сонголт хийж, зарим хүмүүсийн ар гэрийнхэн тэднийг ойлгон дэмждэггүй хэдий ч эндэх ажлаа үргэлжлэн хийж байгаа юм байна. Английн иргэн, эмэгтэй оюутан Кайт сэтгэл зүйн мэргэжлээр төгсөж, "Logo's Hope"-д ирэхээс өмнө тус мэргэжлийн хамаатайгаар хоёр жил ажиллажээ. Тэр хэдийгээр Английн иргэн боловч аав ээж нь бүр Хонг Конгийнх. Кайт ийм сонголт хийснээс болж аав ээжтэйгээ санал зөрөлдөж байжээ.

"Учир нь энэ бол ердийн ажилтай адилгүй мөртөө хүмүүс болгонд ийм завшаан тохиолддоод байдаггүй. Олонх хүмүүс сурлагаа дүүргэх, ажилтай болох, дараа нь гэр бүл зохион байгуулах замыг сонгодог. Гэтэл иймэрхүү амьдралын тогтмол хэв журмаар амьдрах бус, харин илүү сонирхолтой, хүний сэтгэлд хүрч чаддаг зүйлийг хийж бүтээх нь содон санагддаг. Би олонх хүмүүсийн адилаар энэ насаа зүгээр энгийнээр өнгөрүүлэхгүй юмсан гэж боддог."

Германы Марсел хэлэхдээ, "Logo's Hope"-д нэгдэж ажиллах нь дэлхийгээр тойрох нэгэн удаагийн гайхамшигтай аялал гэж хэлж болно. Онгоцонд ажилладаг 400 ажилтан дэлхийн 60 гаруй улс орноос ирсэн бөгөөд адил бус улс орны найз нартай танилцах явцад ондоо соёл иргэншлийн ялгаа зөрөөг хэрхэн хоорондоо ойлголцох нь бага бус сорилт болдог гэлээ.

"Заримдаа үнэнхүү сорилт болдог. Гэтэл бид зан сэтгэлээ уужуу тавьж, харилцан хүндэтгэж, харилцан суралцаж, соёлын ялгаа зөрөөг хүлээж авдаг. Ойлгох нь хамгийн чухал юм, харилцан ойлголцвол иймэрхүү олон талт соёлын орчинд дасан зохицож чадна."

Онгоцонд ажилладаг хамт олны олонх нь 20-30 насны залуучууд. Тэд хүслэн мөрөөдөлтэй, эрч урамтай. Бид онгоцны ажилтан нарыг сонгохдоо хүмүүст үйлчлэх чадвар чансаатай байх эсэхийг хамгийн чухал нөхцөлийн нэг болгодог гэж захирал Роид ярьлаа.

"Энэ бол маш ховорхон тохиолддог аялал мөртөө маш олон хүчир бэрхийг даван туулах ажил. Хэрэв тэд зөвхөн энд ирж дэлхийгээр тойрон аялахыг бодсон байвал мэдээж хэрэг энэ бол зөв сонголт биш. Хэрэв тэд хүмүүст тус дэмжлэг үзүүлэхээр зорилт болгож, адил бус орны ажил нэгтнүүдтэй хамтран ажиллаж, хүмүүсийг хэрхэн дэмжиж туслахыг суралцах хүсэлттэй бол бид тэднийг хамт олондоо элсүүлэн авахад хэзээд бэлэн" гэлээ.

Таиландад байсан 20 хоногийн хугацаанд онгоцны ажилтан нар хотын иргэдэд зориулан том хэлбэрийн номын үзэсгэлэн ажиллуулж, "Logo's Hope"-ын оюун мэдлэг, боловсрол түгээх, тус дэмжлэг, хүслэн мөрөөдөл олгох зорилтын дагуу чармайн ажиллажээ. Бүх хамт олон өдөр бүр хэдэн хэсэгт хуваагдаж, хотын хороололд болсон үйлчилгээний арга хэмжээнд оролцож, номын сан ажиллуулах буюу эмчилгээний үйлчилгээ үзүүлэх үйл ажиллагаа зохиосон байна. Сайн дурынхны нэг Марсел хэлэхдээ:

"Таиландад бид цагаач иргэний ажил хариуцсан газрын саатуулах төвд хүрч тэдэнд зориулан номын сан ажиллуулсан. HIV вирусийн халдвар авагсдын хороолол болон амьдрал нь ядуу хүчиртэй хороололд хүрч хүмүүст туслан орон сууцыг нь шинэтгэн будах, настай хүмүүст төлбөргүйгээр харааны шинжилгээ хийх, хүүхдүүдэд хичээл заах зэрэг ажлуудыг гүйцээлээ."

Камбожийн ядуу амьдралтай хорооллын хүүхдүүдэд шинэ хувцас хандивлаж, тэдгээр бяцхан хүүхдүүд шинэ хувцсаар гоёж, баярлан баясаж байсан. Испанийн мансууруулах бодисоос цээрлүүлэх тусгаарласан хороололд хүрч хүмүүст үдийн зоог хүргэж байсан мэт олон үйл явдлууд санагдах юм. Тэдгээр өнгөрсөнд итгэл хүслэнгээ алдсан хүмүүс хэрхэн нийгэмтэйгээ эргэн ойртох болсон, тэд өчүүхэн ч гэсэн хүслэн мөрөөдлөө хүмүүстэй хуваалцах болсон мэтийн мартагдашгүй үлгэр, үйл явдлууд онгоцны залуу нэг үеийн сайн дурынханд гүн сэтгэгдэл болж үлдсэн байна. Тэдний хувьд авч хэлбэл хөлөг онгоцонд ажилласан богинохон ганц хоёр жилийн ажлын явц нь ирээдүйн нэг насны амьдралд эрхэм нандин өв хөрөнгө нь болжээ. Сайн дурын ажилтан Кайт хэлэхдээ:

"Бидний олонх нь оюутан юм. Тэдэнд арга туршлага, гартаа эзэмшсэн техник гэж байхгүй. Гэтэл онгоцонд бид олон дамжаа сургалтад сурч байна. Энд хийдэг ажлын арга туршлагыг бид өнгөрсөнд мэддэггүй байсан. Энд бидэнд эрхэм нандин оюуны эрч хүч, завшаан боломжийг олгож өгсөн юм."

CHINA RADIO