Тэдний нэг нь найман тэрбумын тендерийн хэргээр шалгагдаж, цагдан саатуулагдаад байгаа Н.Түмэндэмбэрэл. Эрүүл мэндийн салбараас салгаж ойлгохын аргагүй нэгэн хэмээн эл салбарынхан нь тодотгодог.

Энэ нь мань хүний эрхэлдэг бизнестэй нь холбоотой аж. Ашиг сонирхлын зөрчилтэй этгээдийг албан тушаал ахиулж, бизнесээ цэцэглүүлэхэд нь оруулсан ах намынхны хувь нэмрийг чамлахааргүй. Хууль шүүхийнхэн тэр дундаа эрх баригчдын барьж авсан арга барил нь ч мань хүнийг МАН-ын гэх тодотгол зүүдэгтэй нь холбоотой бололтой.

Н.Түмэндэмбэрэлийг Зүүний хүчний холбоонд харьяалагддагийг нь улс төрийн хүрээнийхэн андахгүй.

АН-ын дарга Н.Алтанхуяг хамтарсан Засгийн газрын хаалгыг савж гарсны дараахан МАН дангаараа таахалзах алтан боломж бүрдсэн юм. Хамтралын гэрээгээр кабинетад багтсан АН-ын сайд нарын оронд МАН-ын зарим эрхэмд хүрд эргүүлэх боломж олдсоны нэг нь тухайн үед Эрүүл мэндийн яамны Төрийн нарийн бичгийн даргаар ажиллаж байсан Н.Хүрэлбаатар.

С.Ламбаагийн оронд сайдын суудалд тухалж, мань хүний орон зай эзгүйрэв. Н.Хүрэлбаатарыг хэзээний МАН-ын генсек У.Хүрэлсүхийн талынх, Зүүний хүчний холбооных гэлцдэг. Гагцхүү төрийн албан хаагч учраас намын гишүүнчлэлээс татгалзаад байсан хэрэг.

Тиймдээ ч төрийн албан хаагчийг улс төрийн албан тушаалд томиллоо гэх шүүмжлэл нэг хэсэгтээ л хэвлэлийн хуудаснаас салаагүй. Юутай ч генсек завсар зайгаар нь хүнээ чихэж, кабинетад багтааж дөнгөсөн юм. Харин түүний эзгүй хоцорсон суудалд ах намын бурхинууд хүнээ уралдуулах нь тэр.

Тухайлбал, Ерөнхийлөгч Н.Багабандийн үед Тамгын газрын даргаар нь ажиллаж байсан Б.Батхишиг нэлээд магадлал өндөртэйд тооцогдож байлаа. Гэвч МАН-ын хуучин генсек тэр суудлыг бусдад өгөхийг хүссэнгүй. Тиймээс Н.Түмэндэмбэрэлийг зүтгүүлсэн хэрэг.

МАН доторх Зүүний хүчний холбооны гол хандивлагчдын нэг нь Н.Түмэндэмбэрэлийг гэх яриа ч олны дунд хөвөрдөг. Үнэндээ ч их хэмжээний мөнгөний үнэрээр Эрүүл мэндийн салбар руу улстөрчид, бизнесийнхэн ч хүнээ байршуулах гэж хамаг хүч хөдөлмөрөөрөө зүтгэдэг гэлцдэг.

Тийм ч учраас МАН-ын генсек У.Хүрэлсүх түүнтэй уулзаж, Төрийн нарийн бичгийн дарга болгож өгнө хэмээн амласан талаар тухайн үед саарал ордныхон жиргэж байлаа.

Тэр ч бүү хэл, Н.Хүрэлбаатар сайд болохдоо Н.Түмэндэмбэрэлийг Төрийн нарийн бичгийн даргын үүрэг гүйцэтгэгчээр шууд томилсон нь энэ бүхнийг улам бататгадаг. Уг нь ийм шийдвэрийг Н.Хүрэлбаатар сайд дур мэдэж гаргах эрхгүй.

Хуулиараа бол Төрийн удирдлага захиргааны газраас шийдвэрлэх учиртай байлаа. Ингэж Н.Түмэндэмбэрэл нь Санхүү, хөрөнгө оруулалтын газрын даргаас Төрийн нарийны албан тушаалд дэвшсэн түүхтэй.

Эрүүл мэндийн яаманд очихоосоо өмнө буюу 1998-2000 оны хооронд Сангийн яамны төрийн нарийн бичгийн даргаар ажиллаж байсан нь намтарт нь бий. Тухайн үедээ тендер будилуулсан хэргээр балрах дөхөж, мөн л намынхан нь аварч, Буриад руу консул болгон илгээсэн гэх яриа ч бий.

Улмаар хэрэг нь намжсаны дараа эх орондоо эргэн ирж, Эрүүл мэндийн яамны сангийн авдар дээр сандайлсан аж. Гавьяат тамирчин, боксчин Н.Баярсайханы төрсөн ах Н.Түмэндэмбэрэлийг сайдын сейф алга болж байсан хэрэгтэй холбоотой талаар учир мэдэх хүмүүс хуучилдаг.

Гэвч хуулийн байгууллагынхан түүнийг тэрхүү хэрэгт холбоотой эсэхийг нь тогтоогоогүй байгаа. Одоогийн байдлаар 195 сая төгрөгийн өртөгтэй рентген аппаратыг 983.9 саяаар шахсан.

Мөн төсвийн хөрөнгийг зориулалт бусаар зарцуулсан, хувьдаа завшсан, албан тушаалын давуу байдлаа ашиглан яамнаас зарласан тендерүүдийн ялагчийг шалгаруулдаг, танил талдаа өгдөг байсан үндэслэлээр баривчилаад буй юм.

Хэргийг сийрүүлбэл, 2008 онд Эрүүл мэндийн яамны Санхүү, хөрөнгө оруулалтын газрын дарга Н.Түмэндэмбэрэлийн зөвшөөрлөөр 12 эмнэлэгт төсвийн хөрөнгөөр рентген аппарат авч өгсөн байдаг. Тэрхүү аппарат нь Японд үйлдвэрлэгдэн БНХАУ-ын эмнэлгүүдэд хэрэглэгдэж байсан аж.

Телевизийн системтэй эдгээр рентген аппаратуудыг TU-51DR нэрээр оруулж ирээд Баянзүрх дүүргийн эмнэлэгт 983.9 сая төгрөгөөр шахжээ. Гэтэл яг ийм ижилхэн рентген аппаратыг Сэтгэцийн эрүүл мэндийн Үндэсний төвд 195 сая төгрөгөөр нийлүүлсэн байж.

Тэгэнгүүт дээрх рентген аппаратын нэрийг DR51С болгон өөрчилсөн аж. Ийнхүү нэрийг нь өөрчилсөн аппаратаа Сонгинохайрхан, Баянзүрх, Хан-Уул дүүргийн эрүүл мэндийн төвүүдэд 983.9 сая төгрөгөөр шахах нь тэр. Харин Улсын клиникийн төв эмнэлэгт шахахдаа ичсэн үү, бага зэрэг үнээ буулгасан байна.

Түүнчлэн өнгөрсөн онд Эрүүл мэндийн яамнаас зарласан эмнэлгийн тоног төхөөрөмж нийлүүлэх тендерийн эрхийг хууль бусаар авч, хуурамч бичиг баримт бүрдүүлэн капитал засвар хийсэн хуучин тоног төхөөрөмж нийлүүлжээ.

Тус яамнаас П.Н.Шастины нэрэмжит клиникийн нэгдсэн III эмнэлэгт цахилгаан соронзон оношлогооны аппарат “MRI” нийлүүлэх тендер зарлажээ. Уг тендерт “Мон Ортомед”, “Пролианс”, “Монос фарм”, “Лабтех” гэсэн дөрвөн компани өрсөлдсөн байдаг.

Тухайн үед Эрүүл мэндийн яамны Төрийн нарийн бичгийн даргаар ажиллаж байсан Н.Түмэндэмбэрэл эрх мэдэл албан тушаалаа ур-вуулан ашиглаж өөрийн эзэмшлийн “Лабтех” ХХК-нд тендерийн эрхийг өгсөн аж.

Ингэхдээ 1.7 тэрбум төгрөгийн үнэ бүхий “Philips” фирмийн “Intera 1.5T” маркийн “MRI” аппарат нийлүүлэхээр болжээ. Харамсалтай нь эл тендерийн эрхийг хууль бусаар авсан Н.Түмэндэмбэрэлийн “Лабтех” ХХК нь гэрээгээ зөрчсөн байна.

Өөрөөр хэлбэл, тендерт шалгарсан “Лабтех” ХХК нь гэрээгээр хүлээсэн үүргээ биелүүлээгүй байхдаа бүх санхүүжилтийг авч, тоног төхөөрөмж нийлүүлэх ажлыг “Саммитмедикал сервис” ХХК-иар гүйцэтгүүлсэн байдаг.

Энэ мэтчилэн мань нөхрийн хуудуутай үйлдлүүд тасрахгүй. Гэхдээ энэ удаад намын хүч, тэр дундаа ах намын хуучин генсекийн эрх мэдэл түүнийг аварч арай л дөнгөхгүй болов уу.

Д.Дорж

Эх сурвалж:

Н.Түмэндэмбэрэлийг ах намынхан “алчихав” уу ?
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МАН-ЫН луйварчин, хулгайчуудыг бүгдийг нь ******** хийж, улс орноо цэвэрлээч дээ.Юу хүлээгээд байгаа юм, улиг болтолоо л яриад байх юм.Хүрэлбаатар, Түмэндэмбэрэл нар нарсанд суух болоогүй юм байхдаа?Яаж тэсээд байнаа? Мөн Ё.Отгонбаяр, Цэцийн Хар Сугар, Бадамжунай, Хүрэлбаатар, Чойжилсүрэн, Хотын мэнгэт Билэгт, Болормаа, Улаан хацарт Батбаяр, Мөнхбаяр, Нисэхийн Батмөнх гэээд олон нөхдийн толгойг мөн ч их илэх юм даа.

2013-11-25 | 17:57:13 | 203.91.119.101 |

Зочин
Їзлийн товчоон. Байг********иас тєлжсєн тїїхий эд бус оюун санааны хєгжил, мэдлэгийн їрээр бїтсэн баялагууд нийгмийн єнгє тєрхийг харуулж , нєгєє т********аас эд эсийн мэдрэмж нь жарг******** зовлонг дагуулж хувь хїний оршихуйн д********д мєн чанарыг з********уурдах бєлгєє.Хїний нийгэмийн шинжлэх ухаан шашин гэсэн тулгуур с********баруудын їїсэл дээрхээс эхтэй. Булчинлаг биеийн эрдэж эзэмдэх эрмэлзлэл ,эсвэл орчин їеийн бїтээлч ухамсрын тєлєвшлийн давамгайлах харьцаа нь Африкаас Европ ,Ази бїх тивийн їндэстнїїдийн хєгжлийн зэрэглэлийг тодорхойлж байгаа бичигдээгїй їнэн . Бїтээхэд мэдлэг уйгагїй хєдєлмєр соёл зэрэг суурь хїчин зїйлс ********рдагдана.Харин баялагийг эзэмдэхэд хїч тїрэмгийлэх сэдэл, зохион байгуул********т ханг********ттай байх нь бий .Эзэмдэгчид хєгжїїлэхэд цаг зав гаргах нь ********ор. Орчин їеийн нийгмийн зохион байгуул********тын їр дїн нь бїхэлдээ їндэстний бїтээлч хандлагыг хєгжїїлэхэд гарсан дэвшил мєн.Япон ,Сингапур ,сїїлийн їед Вьетнам улсууд нь супер зохион байгуул********ттай эдийн засаг нийгмийн хєгжлєєрєє гайхагдаж байна. Харин бїлэглэлїїд хїчээр асуудлыг шийдэх ханд********тай байдаг хагас ардчилсан улсууд байна.Ноёлогч давхаргууд нь зєрчлєє бага байлгах механизм болгосон хуурамч ардчил********ын гаж мутац ч їїсэв.Їнэндээ ардчил******** нь Азийн хувьд єєрийгєє хєгжїїлэх эд эсийг гадаад орчноос экспортлож энгийн їгээр чанар,хямд єртєгийг яаж ийж байгаад їїсгэж зугуухан барууны хэт єндєр нэмїї єртгийг бут цохисон тїїхэн амжилт байв.Ази гарын бїтээмж робот машиныг гїйцсэн бахарх********. Эндээс єнєєдєр моодонд ороод буй нэмїї єртгийн їр дагварыг хэтийдэж ойлговол эдийн засгийн урвуу хамаар******** їїсэх гарг********гаа.Философи буюу шїтэлцээ ухаан нь цорын ганц гайх********тай мэргэн санаа бус тїїхийн ********ь нэг їеийн хєгжлийн зєв хандлагыг оносон шийдлийг гаргаж чадсанаараа хосгїй байдаг.Гэхдээ философийг тїїхэн їйл явдлаас хайх нь эндїї,харин зєв гарг********гаа хийх суурь мэдлэгээс хайх нь чух********.Ємнєд хєршийн нэг том удирдагч ,хойд хєршид айлчилахдаа манай ********рь хар цагаан байх нь чух******** бус хулгана барьж чаддаг байх ёстой гэж дипломат хариулт єгєєд баруунд прагматик гэж томьёолоод байгаа том онол їзлийг гайх********тай хэлж бас агуулгаар нь хэрэгжїїлж чадсан .Гэтэл єнєєдєр зээлдмэл олон –измїїд, уушигны їнэтэй нэр олох гэж хээвнэг айлдагчдыг тунгаах сэхээрэл хэр зэрэг єргєн байна Бу********ас зээлсэн цулгуй санаа хєгждєггїй їхмэл байдаг ялангуяа нийгмийн эдийн засгийн с********барт дан зээлдмэл боловсролоор хол явахгїй нь ойлгомжтой боллоо.Нийгмээрээ дутуу мэдлэгийн бєєрєнхийлєлєєр ном хаялцаж цаг нєхцєєхгїй эс бєгєєс бу********ас зээлсэн санаагаараа хоорондоо хатуур********гїй їндэсний цэвэр оюунд суурилсан шїїлтїїр нь ардчил********ын хєгжилд туйлын чух******** .

2013-04-19 | 08:07:18 | 202.72.245.122 |

Зочин
ТӨВ АЙМГИЙН БАЯНЖАРГАЛАН СУМЫН НУТАГТ ДЭД Б vТЭЦ САЙН ХӨГЖСӨН ГАЗАР ОРШИХ ХӨМӨӨЛТ, БАЯНЖАРГАЛАНГИЙН Х vРЭН Н v vРС, ШАТДАГ ЗАНАРЫН ТОМ ОРДУУДЫГ ТӨР МЭДЭЛДЭЭ АВАХ ХЭРЭГТЭЙ БАЙНА ЭДГЭЭР ОРДУУДЫН Х vРЭН Н v vРСНИЙ НӨӨЦ 2.0 ТЭРБУМ ТОНН, ШАТДАГ ЗАНАРЫН НӨӨЦ 4.0 ТЭРБУМ ТОННООР ТООЦОГДДОГ МАНАЙ УЛСЫН ТОМООХОН Н v vРСНИЙ ОРД ЮМ ХӨШӨӨТИЙН УУРХАЙГ ХУУЛЬ БУСААР ЭЗЭМШИЖ БАЙГАА “МОНЭНКО” КОМПАНИЙ ЗАХИРЛААР АЖИЛЛАЖ БАЙСАН ӨВӨР МОНГОЛ НАЦАГДОРЖ ГЭГЧ ЭТГЭЭД ГАДНЫ ЛУЙВАРЧИДТАЙ НИЙЛЖ ” КОММОНМАКС” КОМПАНИЙ НЭР ДЭЭР ДЭЭРХИ ОРДУУДЫГ ЛУЙВРЫН АРГААР АВЧ ЭЗЭМШИЖ БАЙНА МОНГОЛ ТӨР ИЙМЭРХ v v ТОМ ОРДУУДЫГ ӨӨРИЙН МЭДЭЛ ЭЗЭМШИЛДЭЭ ЭРТХЭН АВАХГ vЙ БОЛ ОДООГИЙН ОЮУТОЛГОЙ БОЛОН ГАЗРЫН ТОС ГЭХ МЭТ ОЛОН ОРДУУДАА АЛДСАН ШИГЭЭ АЛДАХАД ТУН ОЙРХОН БАЙНА Ш v v *****

2013-04-18 | 22:25:05 | 122.201.18.217 |

Мэдээ
Гадаад мэдээ
Видео