Ерөнхий сайд төөрч, төрийг түргэн авахуулав

2013-04-09

Монгол Улсын Ерөнхий сайд Н.Алтанхуяг Бурхан Халдун ууланд авирахаар яваад сураггүй болж, төрийг түргэн авахуулав.

Уржигдар орой нийт нутгийг хамарсан хүчтэй цасан шуурганы улмаас Хэнтийг зорьж төрийн тахилгатай ууланд авирахаар явсан Ерөнхий сайд төөрч уулнаас бууж чадалгүй осгон амь насаа алдах шахсаныг шуурхаи эрэн сурвалжлан олж, нисдэг тэргээр авчран эмчилж эхэллээ гэдэг мэдээлэл өчигдөр цахим ертөнцийг шуугиуллаа. Телевизүүд чөдрийн мэдээллийн хөтөлбөрөөрөө энэ тухай шуурхай цацаж, монголчууд Ерөнхий сайдыгаа осолдох шахсан энэ таагүй мэдээллийг дуулж, мэдсэн биз ээ. Энэ өдрийн үйл явдлыг дор тоймлон хүргэж байна.

Үйл явдлын эхлэл: Ерөнхий сайд НАптанхуяг өнгөрсөн бямба гаригт Засгийн газрын хуралдаан дуусгаад 60 гаруй хүн дагуулан Бурхан Халдун ууланд авирахаар явав. Түүнийг ийм аялалд одсоныг олон хүн мэдээгүй өнгөрчээ. Багийнхан бямба гаригийн өглөө уул руу гараад ням гаригт Улаанбаатарт буцаж ирэхээр төлөвлөсөн байжээ. Гэвч төлөвлөсөн ёсоор болсонгүй. Ерөнхий сайдыг ууланд авирахаар явчихаад, товлосон хугацаандаа буцаж ирээгүйг мэдсэн зарим нэг хүн сэрэмжилж, түүнтэй холбоо барихаар оролдсон ч чадаагүй байна. Энэ мөчтэй давхцан Хэнтий аймагт хүчтэй цасан шуурга болжээ. Ерөнхий сайдыг эндэж осолдсон байх вий гэхээс эмээж, Ерөнхийлөгчийн зүгээс төрийн тусгай холбогдох албадад мэдэгдсэнээр эрлийн арга хэмжээ эхэлжээ.

Үйл явдлын өрнөл: Хэнтий аймгийн нутагт буюу Ерөнхий сайдын байгаа районд юуны өмнө түгшүүр зарлаж, эрлийн багийг Бурхан Халдун руу явуулжээ. Харин Бурхан Халдун уулын бэлд Хэнтий аймгийн Засаг дарга Ж.Оюунбаатар болон Хэнтийн ЗДТГ-ын дарга, аймгийн Онцгой байдлын газрын дарга нар эрлийн багийг ямар мэдээтэй ирэхийг хүлээхээр үлджээ. Тухайн үед Бурхан Халдун орчмоор цаг агаар ямар байсан талаар өчигдөр Хэнтийн аймгийн Онцгой байдлын газрын дарга Д.Батжаргалаас тодруулахад, "Цаг агаар нэлээд хүнд. Салхины хурд 7-10 метр секунд, -10 хэмийн хуйтэн, цасан шуургатай байсан" гэв. Цаг агаар хүнд байгааг Улаанбаатар луу мэдэгдсэнээр хэнтийчүүд төдийгүй нийслэлд түгшүүртэй, хүлээлтийн байдалд шилжжээ. Ерөнхий сайд сураггүй болсныг твитер, фэйсбүукийн хэрэглэгчид бие биедээ тарааж эхэлжээ.

Мэдээллийг авсан хумүүсийн хувьд шөнөжингөө санаа зовниж хоносон бол өглөө эртлэн өдөр тутмын сонин, сайтуудын редакцуудад мэдээлэл ирлээ. Энэ үеэр Засгийн газрьш Хэвлэл мэдээллийн албаны дарга Ц.Мөнхтөртэй хэвлэлийнхний зарим нь холбогдоход "Ерөнхий сайдыг хайхаар нисдэг тэрэг илгээсэн. Удахгуй ирэх байх" гэсээр утсаа тасалжээ. Ерөнхий сайд сураггүй болсныг дуулаад ОБЕГ-ын удирдлагууд хуралдаж уржигдар үүрээр 04:00 цагт нисдэг тэрэг явуулсныг Засгийн газрын Хэвлэл мэдээллийн албаны дарга тийнхүү хэлсэн хэрэг байжээ.

Өчигдөр 10:40 цагийн үед эрлийн багийнхан Ерөнхий сайд болон түүнтэй хамт явсан хүмүүсийг олсон талаар Засгийн газрын Хэвлэл мэдээллийн албанаас мэдэгдсэн юм. Эрлийн багийг Монгол Улсын Ерөнхишөгч Ц.Элбэгдорж ахалжээ. Энэ мэдээлэл ч үнэн болох нь батлагдаж, төд удалгүй Ерөнхийлөгч Ц.Элбэгдорж твитертээ "Бүх хүн бүрэн бүтэн олдож нэг дороо цуглав. Хүйтэн салхи шуургатай байсан боловч Бурхан Халдун хайрхан өршөөжээ. Явсан хүмүүс ч их хичээжээ" гэж жиргэв.

Дээрх мэдээллийн дараа буюу 11:00 цаг орчмын үед "Бурхан Халдун ууланд авираад буцах замдаа цасан шуурганд боогдсон Ерөнхий сайд Н.Алтанхуяг болон түүнтэй хамт яваа 60 гаруй хүний байршлыг тогтоон олж, одоо 23 хүнийг нисдэг тэргээр үндсэн отог руу хүргэж байна. Дараагийн хүмүүсийг уулнаас татаж авах бэлтгэлийг хангаж байна" хэмээн Онцгой байдлыг ерөнхий газраас мэдэгдэв.

Мөн Хил хамгаалах Ерөнхий газраас "Хилийн 0252 дугаар ангийн эрлийн бүлэг дөрөвдүгээр сарын 8-ны шөнийн 01.30 цагт Улаанбаатар хотоос хөдөлж, үүрээр 04:00 цагийн орчим Бурхан Халдун ууланд очсон байна. Эрлийн бүлгийн ажиллагаа өглөөний 06:30 цагт эхэлж, өнөөдөр 10:00 цагийн орчнмд Ерөнхий сайд Н.Алтанхуяг болон хамт явсан хүмүүсийг нь Бурхан Халдун уулын энгэрээс олжээ. Харин харилцаа холбоо хөгжсөний хүчинд ууланд авирагчид СР8-тэй явсан нь эрлийн багийнхныг хоёр хэсэг тасарсан хүмүүсийн байршлыг тогтоож эсэн мэнд олоход тусалсан" гэж мэдэгдлээ.

Онцгой байдлын ерөнхий газраас ч мөн мэдээлэл хийв. Энэ албаныхан "11:40 цагийн үед Ерөнхий сайд НАлтанхуяг болон түүнтэй хамт Бурхан Халдун ууланд авирсан нийт 70 хунийг ОБЕГ-ынхан бүрэн бүтэн, эсэн мэнд олсон гэлээ.

Үүнээс хойш ирсэн мэдээллүүд гэвэл,

-Ерөнхий сайд осголтын байдалтай байгаа тул Багануурын эмнэлэгт 20 ор бэлтгүүлж байна. Ерөнхий сайд хүүтэйгээ хамт нийслэлд ирж, бусад хүмүүс нь Багануурын эмнэлэгт хэвтэж магадгүй байна,

-Ерөнхий сайдын биеийн байдал нь хүндэвтэр байгаа учраас Ерөнхий сайд тэргүүтэй 10 орчим хүнийг нисдэг тэргээр Улаанбаатарт авчирлаа.

-Ерөнхий сайд осголтын байдалтай байсан учраас Буянт ухаад газардангуут Хоёрдугаар эмнэлэгт хүргэв.

-Биеийн байдал гайгүй ч даарснаас болж осгосон байдалтай байна гэнэ.

-Биеийн байдал нь гайгүй, эмнэлэгт хэвтэх шаардлагагүй учраас гэртээ эмчлүүлэхээр болжээ,

-Ерөнхий сайдтай хамт явсан хүмүүсийнх нь хувьд биеийн байдал гайгүй ч нэлээд даарсан, осгосон байдалтай байгаагаас эмчид үзүүлсэн байна гэх зэрэг ам дамжсан мэдээллүүдийг цахим ертөнцөөр шуурхай түгээж байв.

Үйл явдлын төгсгөл: Оройн 19.00 цагийн орчим гэхэд шуугиан намдаж, юутай ч Ерөнхий сайдын эрүүл мэндийн хувьд санаа зоволтгүй боллоо гэдгийг албаны болон албаны бус бүх эх сурвалж батлав.

Үйл явдлын эргэн тойронд: -Ерөнхий сайдыг авчруулахаар нисгэсэн нисдэг тэргэний шатахуунд 28.4 сая төгрөг зарцуулсан гэв. Нисдэг тэрэгний нэг цагт гаргах зардал нь 5.680.000 төгрөг болдог талаар зарим хүмүүс тооцоолон гаргажээ. Үүнийг нь сонссон зарим хүн "Эрэх, зөөх ажиллагааг дор хаяж таван цаг хийсэн гэж бодоход нийт 28.4 сая төгрөг болж байгаа юм. Түүн дээр цагдаа, цэргийн ангийнхан, эмнэлгийн ажилчдын, онцгой байдлынхан болон холбооны зардал нэмэгдэх нь тодорхой хэмээцгээж байлаа. -Эх сурвалжийн мэдээлж буйгаар Ерөнхий сайдтай хамт АН доторх "Аптан гадас" фракцийнхан явсан гэнэ.

-Ерөнхий сайдтай цуг төөрсөн 60 гаруй хүний дунд ЗГХЭГ-ын дарга, Ч.Сайханбилэг, МШХХТГ-ын дарга ЦЖадамба нарын хүмүүс явсан байна. Ч.Сайханбилэгийн хацар, хуруу нь хөлдсөн байж магадгүй учраас Хоёрдугаар эмнэлэгт хэвтэн эмчлүүлэхээр болсныг эх сурвалж хэлж байлаа.

-Ерөнхий сайдыг дагаж, Бурхан халдуныг зорьсон хүмүүсээс 30 орчим нь хөлдөлтийн эхний шат буюу хайрагдалттай гэсэн оноштойгоор эмнэлэгт хэвтэн эмчлүүлэх шаардлагатай болсон гэнэ.

Алтанхуяг сайдын жиргээг танд хүргэж байна.

"-Бурхан Халдуны аврал, багийн гишүүдийн зүтгэлээр та бүхний залбирлаар хацраас нь бусад бүгд зүгээр. Босгын даваанаас цааш эмэгтэй хүн явдаггүй

-71 хүний зарим нэгнийх нь хацар хайрагдсаныг эс тооцвол бүгд шалгалтыг сайн давлаа. Бурхан халдун ууландаа өдөр бүр залбирмой.

-Шөнө модон дотор гал түлж хонов. Өглөө 6 цагт хунгар цасан дундуур 4 цаг явж байтал онцгойгийнхон ирэв" гэжээ.

Б.Аззаяа

ЭХ СУРВАЛЖ: ӨДРИЙН ШУУДАН